ئۈرۈمچىدىكى <ئىپپەت بازىرى>

azmatxah

	ئۈرۈمچىدىكى <ئىپپەت بازىرى> - قانچە پۇل؟ - 100 كوي. - 30 كوي بېرەيما؟ - كەم بولا. - ماقۇل دېسىلە! - كەم دەپ قويدىلا. - ماقۇل، 10 كوي قوشاي. - نېمانداق كۆزى كىچىك ئادەم سىلى، ئوبدانراق باھا قويسىلا! - 40 كويغا ماقۇل دېسىلە، چۆپقەت بولۇپ قالىمىز دەيمەن! - بوپتۇ، 50 كوي بەرسىلە! - ماقۇلە، ئالدىلىرىغا كەپتىمەن، قۇرۇق كەتمەي، ماڭسىلا! يۇقىرىقى دىيالوگلارنى ئوقۇپ كۆز ئالدىڭىزغا قايناق بىر بازار كەلدى، شۇ بازاردىكى ئالارمەن-ساتارمەننىڭ تۈكۈرۈكلىرىنى چاچرىتىپ تۇرۇپ سودا قىلىشلىرى كۆرگەندەك بولدىڭىز، شۇنداققۇ دەيمەن!؟ راست ، ئۈرۈمچىدە شۇنداق بىر «كەچلىك بازار» بار. قاش قارايغان مەزگىلدە بۇ «كەچلىك بازار» ۋاژىلداپ قايناشقا باشلايدۇ. راست ، بۇ «كەچلىك بازار» ھەقىقەتەن قايناق، بۇ يەردىكى نەچچە «تىجارەتچى» شۇ نەچچە ئېغىز گېپى، كېيىنكى «ئەمگىكى» بىلەن خېلى ئوبدان «سودا» قىلىدۇ. بۇ جاينىڭ يېنىدا ئۈرۈمچىدىكى ئايال زاتى ھاياتىدا بىرەر قېتىمدىن يېتىپ چىقىدىغان داڭلىق بىر دوختۇرخانا بار. ئاياللىرىنى دوختۇرخانىغا ئەكىرگەن «ئەركەكلەر» بانكىغا پۇلغا چىقىپ قايتىشىدا، بۇ بازارغا ئىلىنىشىپ قالىدۇ، يۇقىرىقىدەك بىردەم باھا تالاشقاندىن كېيىن، ئېسىدە يوق باشقا «دوختۇرخانا»لارغا كېتىپ قېلىشىدۇ. ئايالى بايقۇش ئۆزىنىڭ كېسىلى يەتمىگەندەك، تاغدەك يۆلەنچۈكۈم دەپ قارايدىغان، ئەمەلىيەتتە ئەر ئەمەس بىر پىيەنچۈكنىڭ غېمىنى يەپ كېچىچە كىرپىك قاقماي چىقىدۇ. بۇ «كەچلىك بازار» باشقا بازارلارغا ئوخشىغان بولسا، بۇ يازمىنى يېزىشنىڭ ھاجىتى يوق ئىدى، ئەلۋەتتە. ئۇنداقتا بۇ يەردە نېمە سودىسى بولىدۇ؟ خەير، گەپنى چىقارغاندىكىن ئاخىرىنى چۈشۈرمەي بولمىدى. ئىپپەت سودىسى بولىدۇ قېرىنداشلار، ئىپپەت سودىسى! شۇنداق، مەيدىسىدە ئەركەك تۈكى يوق ناكەسلەر بىلەن ئاياللىق نازاكىتىنى، ھاياتتىن قىممەت ئىپپىتىنى 30-40 يۈەنگە ساتىدىغان پەسلەر ئوتتۇرىسىدا ئىپپەت سودىسى بولىدۇ. ئۈرۈمچىدە نەچچە يىل شۇ جاينى بىلمەي ياشاپتىمەن. قارىغاندا «مەنىسىز» ياشىغاندەك قىلىمەن. شۇ تاپتا خوتۇننىڭ كۆزىنى غەلەت قىلىپ، «كەچلىك بازار»غا بېرىپ كەلگۈم كېلىۋاتىدۇ. سىزنىڭ شۇنداق قىلغۇڭىز كەلمىدىما ئەركەك؟ قېنى يۈرىكىنى تۇتۇپ تۇرۇپ «ئىشىڭنى قىل، قىسمەت» دېيەلەيدىغان ئەركەكتىن نەچچىسى بار ئارىمىزدا؟ شۇ بازارغا بېرىپ ئاۋۇلارغا تەربىيە قىلىپ ئۆزگەرتەلمىگەن، ئۇلارنى شۇ يولدىن تارتىشقا ھەرىكەت قىلالمىغان تۇرۇپ مېنى تىللاۋاتامسىز؟ قېنى ئۆزىمىزنى تارازىغا سېلىپ باقايلى، ئەركەكلەر! ئەركەكلىك غۇرۇرىمىز، يىگىتلىكىمىز تارازىنى باسالامدىكىن؟ ئەينى يىللىرى زۇڭلى جۇئېنلەي «جۇڭگودا پاھىشە يوق» دەپ مەيدىسىگە مۇشتلىيالىغان ئىكەن. بۇ يازمىنى ئوقۇۋاتقان ئوقۇرمەن، سىزدىن سوراپ باقاي: «مېنىڭ مەھەللەمدە پاھىشىۋاز يوق، پاھىشە يوق» دەپ يۈرەكلىك ئېيتالامسىز؟ ئاپتورى:قىسمەت                                                          مەنبەسى:قىسمەت بىلوگى

polat

	توۋا دەيلى دوستلار

ronaK0000000

	ئاللاھ بەندىلىرنىڭ دىلغا ئىنساپ بەرسۇن.بۇ ئىىل ئىپپەت بازارلىرى .ھازىر كۇپ خىللىشىپ.دەرجە ئايرىيدىغان.بولوپ كىتىپتۇ.ئالى رىستۇرانلارنىڭ.دەرجىسى بەكلا يۇقرى دەپ ئاڭلىدۇق.

TEREXQAN

	ئامانلىق ساقلايدىشانلا جىمىقتۇسا بولمامدۇ دەيمدن .. بىراققۇ   ئىشسىزلىق .پۇل يوق   خزمەت يوق  . بولغاچقىلا بولۋاتىدۇغۇ شۇ    ئىپىتىنى ياپمىغان ئادەم   ئاسانلام  50 كوينىڭ قۇربانى بولدۇ   قىز بولسا جالاپ بولدۇ  ئوغال بولسا .ئوغرى بولدۇ   ئاغزىدا گىپى بارلار قويمىچى بولدۇ  شۇ .  يوقسۇزلۇق ھەمىگە كوندۇردۇ ھەتتا ئۆز  بۇرادەرلىرىنى  سىتىۋىتىشتىن يانمايدىغان دەرجىگە بارىدۇ شۇ.

manglisa

	توۋا   ئاللاھ ئەرلىرىمىزنىڭ ، باللىرىمىزنىڭ كوڭلىگە ئىنساپ بەرسۇن .

ＫＡＰＩＴＡ

	دۆلىتىمىز پاھىشە بىلەن قىماردىن باج ئالغان بولسا دەھشەت باي بوپ كىتەتتى، ئەپسۇس،ئۇلار قانۇنسىزدە!!

qiryaogli

	بەك پەسلىكقۇ بۇ،،ھەي  نىمە  بوپ  كېتۋاتىدۇ   بۇ جاھان

kara_kurum

	بىزنىڭ يۇرتتا (يېزىدا )يوق، ئشقىلىپ مەن بىلمەيدىكەنمەن،

serjat

	بۇنداق ئىشلارغا ھازىر توۋا دىيىشتىن باشقا ئامال يوق ئوخشايدۇ جۇمۇ، بۇيىل بەشىنچى ئايدا بىر نەچچە ساۋاقداشلىرىم بىلەن، ھەر ھەپتىلىك ئادىتىمىز بويچە، ھىيىتگاھنىڭ ئالدىغا كىلىپ، بازار ئايلانغاندۇق، سەل كەچ قاپتىمىز،  شۇ ئەسنادا ئاغىنىلەرنىڭ تاۋۇز يىگۈسى كەپ قالدى، ھىيىتگاھنىڭ ئۇدۇلىدىكى ئوردا ئالدى يولىغا كەلدۇق ،تاۋۇز يەپ بولۇپ ، ياتاقتىكىلەرگىمۇ ئىلىۋالايلى دەپ، تاۋۇز تىلدۇرۇۋاتساق، تۇيۇقسىز بىرسى قارا دىگەندەكلا ئۇدۇلۇمغا قارپ ساپتىمەن؛ تار كىيىملەرنى كىيىپ،قىنىق گىرىم قىلىۋالغان ئىككى (ئۇيغۇر) ج... بىزگە بىر نەرسە تەمە قىلغاندەك قاراپ، ھىجىيىپ كۆزىنى قىسىپ تۇرۇپتۇ، قاتتىق ئاچچىقىم كەلدى، يىنىمدىكىلەرگە ئۇلارنى كۆرسەتتىم، بىرىپ جىنىدىن ئۆتكىدەك سىسىق گەپ قىلىپ راسا ئەدىپىنى بەرمەكچى بولدۇق، لىكىن تاۋۇزنى تىلدۇرۇپ خالتىغا قاچىلاپ بولغۇچە ، ئۇ ئىككى ج... ئاللىقاچان ئولجىلىرىنى تىپىپ، ئۇلار بىلەن تاكسىغا چىقىۋاتقان ئىكەن!  قاتتىق ئاچچىقىم كەلدى، ھىيىتگاھنىڭ ئالدىدەك ئۇيغۇرلار، ئىمان-ئىتقادلىق ئۇيغۇرلار توپلاشقان جايدا ، ئىككى پاھىشە ئوچۇق ئاشكارە يولدىن ئۆتكەن-كەچكەن ئەركەكلەرگە كۆزىنى قىسىپ خىرىدار ئىزدىسە، بۇ جاھان نىم بوپ كەتتى!؟

TEREXQAN

	قانداقمۇ قىلامىز.........................ھەي