گۈلچاي

polat

	گۈلچاي باي بولىمىز دەپ دېھقان كۆپ تېرىغان گۈل چېيى، قىممەت ئېلىپ ئۇرۇقنى قىر سانىغان گۈل چېيى، كېۋەز بىلەن ئاشلىققا يات قارىغان گۈل چېيى، يېشىل چىراغ بوپ ئەلگە خوپ تارىغان گۈل چېيى، پادىشاھدەك ئېتىزنى شوخ ئارلىغان گۈل چېيى. گۈلچاي تېرىپ بەس - بەستە دېھقان خۇشال بولغانتى، پەرۋىش قىلىپ گۈلچاينى ئېتىزلىقتىن كىرمەيتى، كىلوسىنى مىڭ كويدىن ئالاركەن دەپ يۈرگەنتى، ئادەم سېلىپ چىچەكنى توختىماستىن ئۈزگەنتى، دېھقانلارنىڭ قەلبىگە ئوتنى ياققان گۈل چېيى. گۈلچاي سېتىپ كۈزگىچە قىلارمىز دەپ تويلارنى، ھۇزۇرلىنىپ يەرمىز دەپ پاخلان گۈشى قويلارنى، سالارمىز دەپ بانكىغا كاللەك - كاللەك پۇللارنى، قىلغان ئىدى دېھقانلار شېرىن - –شېكەر ئويلارنى، ئارزۇلارنى بىراقلا بەربات قىلغان گۈل چېيى. ساتار چاغدا گۈلچاينىڭ چۈشۈپ كەتتى باھاسى، يوقاپ كەتتى دېھقاننىڭ خۇددى چۈشتەك ناۋاسى، خىيال قىلغان ئارماننىڭ يوقتۇر ئەمدى سىماسى، پۈپۈك بولۇپ توزىدى گۈلچايدىكى قىياسى، بايلارنىمۇ قەرزگە بۇغۇپ سالغان گۈل چېيى. ئىنتىزار بوپ كۈتكەنتى سودىگەرنىڭ يولىغا، بازار كاسات سودىگەر كەتتى كەلمەس ئۇيقۇغا، ئوراپ بەردى ئاخىرى گۈل چېيىنى قويلارغا، بېسىپ قويدى ئوت قىلىپ ساتمىلارغا - ھويلىغا، بۇلبۇل بولۇپ بىر مەھەل شوخ سايرىغان گۈل چېيى. چەرچەن مەدەنىيەت يۇرتىدىن پولات نىياز

ＫＡＰＩＴＡ

	ياخشى يېزىپسىز، بۇ يىل ‹‹گۈل››گەئالدانغان دىھقانلار بەك كوپ.

kariz180

	ھەي! جاپاكەش دېھقانلار !!دېھقانلارنى قاھتى-سۇختى قىلمىسا نىمە بۇلا!!

serjat

	پولاتكا، ھەقىقەتەن ياخشى يىزىۋىتىپسىز، ئەمەلىي تۇرمۇش ئىنتايىن ياخشى ئەكىس ئەتتۈرۈلۈپتۇ، ئەدەبىيات دىگەن تۇرمۇشقا يىقىن بولسا ياخشى ئەمەسمۇ؟          بىزنىڭ يۇرتىمىزدىمۇ ، گۈلچاي تىرىپ زىيان تارتىپ نەچچە ئادەم ئۆلىۋالدى،  نۇرغۇن جىدەل-ماجرا، ھەق تەلەپ دىلولىرى كىلىپ چىقتى،  ھەتتا ساقچىخانىلارنىڭ دەرۋازىلىرىغىمۇ ‹‹گۈلچاي توغىرىسىدىكى دىلو قوبۇل قىىنمايدۇ›› دپ يىزپ قويۇلدى،

ｄｉし__SｉЯｉ

	گۈلچاينى دەپ دىھقانلىرىمىز بەكلا زىيان تارىپ كىتىپتۇ، گۈلچاي دىگەندىن  ئۆل چاي دىسەكمۇ بولامىكى دەپ قالدىم

cholpanyultuz

	گۈل توغۇرلۇق شىئېر يېزىش مودا بوپ كەتتىمۇ نېمە؟

naxput

	گۈل چاي!!!!!!!! ھەي گۈل  چاي ...................سەن قالغان ئەمدى، بىزنىڭ  جاپاكەش دىھقانلىرىمىزنى قاخشاتمىغان؟؟؟؟؟؟؟؟؟؟ شېئىر تولىمۇ ياخشى چىقىپتۇ ، ئىجادىيىتىڭزگە تېخىمۇ زور ئۇتۇقلانى تىلەيمەن

tewip

	دىھقانلارمۇشۇنداق چوڭ تالاپەتكە ئۇچراپ زىيان تارتىپ جان تالىشىۋاتسا ھۆكۈمىتىمىز قول قۇرۇشتۇرۇپ قاراپ تاماشا كۈرۋاتامدىغاندۇ ،ئازراق بولسىمۇ ياردەم قۇلىنى سۇنۇپ قويسا بولماسمۇ ؟قانداقلا بولمىسۇن يەيدىغان ئىچىدىغان شۇ دىھقانلارنىڭ قۇلىدىن چىقىدىغان بولغاندىكىن ....

ronaK0000000

	بۇ راسلا بىر قاملاشمىغان ئىش بوپتۇ. دىخانلىرمىز ئەمدى بىر ئۇھ دىگەندە.بۇ چاينىڭ چىققىننى قارمامدىغان.خەپ بەكلا قاملاشماپتۇ بۇ .زىياننى تولوقلاپ بەرسە بولغۇدەك شۇ سامان قوساق.تومپايلار.

parixtam

	راس دەيسىز ،دىھقانلارغا بەكلا ئۇۋال بولدى ،دىھقانلارغىلا ئەمەس نەچچەۋاقىتتىن بىرى بانكىدا ساقلىنىپ كىلىۋاتقان پۇللىرىغا مەخسۇس گۈلچاي ئۈچۈن يەر ئىلىپ گۈلچاي تىرىپ زىيان تارتقان نۇرغۇن كادىر ئىشچى خىزمەتچىلەرگىمۇ  ئۇۋال بولدى .