مېنىڭ چېچىم (ئەلى كىروران)

serjat

	مېنىڭ چېچىم (ئەلى كىروران)       ئەسسالامۇ ئەلەيكوم, يىقىندىن بۇيان تور بېتىم قىزىپ كەتتى. خۇددى تورداشلار كېلىىشىۋالغاندەكلا چېچىم توغرىسدا ھەر خىل سوئاللارنى قالدۇرۇپتۇ. چېچىم ھەققىدە سۆز قىلغان دوستلارنىڭ ھەممىسىگە ئېرىنمەستىن بىر - ئىككى جۈملە سۆز بولسىمۇ قالدۇرۇپ ئۆتتۈم. مېنىڭچە تورداشلار مېنىڭ مۇنداقلا قالدۇرۇپ ئۆتكەن ئۇچۇرلىرىمدىن دېگەندەك رازى ئەمەسقۇ دەيمەن. شۇ ۋەجىدىن  چېچىم توغرىسىدا بىرەر تېما يازايمۇ دېگەن ئوي بىلەن بۈگۈن كومپيۇتېر ئالدىغان كېلىپ  قالدىم.       ئادەتتە مەن سىرتلارغا چىقساممۇ ئەتراپىمىدىكى شۇنچە كۆپ ئادەملەر ئارىسىدىمۇ مەن ھەممىنىڭ  دىققىتىنى قوزغايمەن. چۈنكى باشقىلارنىڭ (ئەرلەر) ھەممىسى قىسقا چاچ ئەمما مېنىڭ  ئۇزۇن. بۇنىڭ ئىچىدە ماڭا قىزىقىش نەزىرىدە قارايدىغانلارمۇ ھەم ئاچچىق نەزىرىدە قارايدىغانلارمۇ، شۇنداقلار ھەيرانلىق نەزىرىدە قارايدىغانلارمۇ بار. مەن بۇ خىل قاراشلارغا كۆنۈپ كەتتىم. ئەمما مەن شۇ خىل قاراشلار ئىچىدە ئۆزۈمنىڭ ھېچكىشىگە ئوخشىمايدىغان بۇ دۇنيادىكى ئۆزۈمگە خاس بىر ئادەم ئىكەنلىكىمنى دەلىللەيمەن. بۇ دۇنيادىكى 7 مىليارد ئادەم 7 مىليارد خاسلىقنىڭ ئىگىسى بولغاندىكىن مەنمۇ شۇ مىليارد ساننى تەشكىل قىلغۇچى بىر سان بولۇش سۈپىتىم ھەم خاسلىقىم بىلەن ئەلى كىروران بولۇپ ياشىماقتىمەن.       بەزىلەر دېيىشى مۇمكىن، چاچ بىلەن ناخشىچى بولۇشنىڭ  نېمە مۇناسىۋىتى، قىسقا چاچ قويۇۋالسىڭىز دەپ. ھەممە ئادەمنىڭ  ھاياتلىقتىكى تاللىشى، ياخشى كۆرۈشى ئوخشىمايدۇ. مەنمۇ شۇ تاللاش ئىچىدە بۇ چاچ پاسۇنىنى ياخشى كۆرۈپ تاللىدىم. شۇڭا مېنىڭ بۇ خىلدىكى تاللىشىمغا ھۆرمەت قىلمىغانلار بىلەنمۇ قىلچە كارىم بولماستىن، ئۆز يولۇمدا مېڭىۋەردىم. بىز ئىنسانلاردا شۇنداق بىر يامان خسىلەتلەرمۇ باركى، ئاق كىيىم كەيسىڭىز: «توۋا، قىزىل كەيسە بولمامدىغاندۇ» دەيدۇ. قىزىل كىيىم كەيسىڭىز: «توۋا، نېمانچە قىزىل كىيىم كېيىۋالغانىدۇ» دەيدۇ. ئىشىقىلىپ سىز باشقىلارنىڭ خاھىشى بىلەن ياشايمەن، خەق ماڭا سۆزلەپ قالسا بولمايدۇ، دەپ ياشىسىڭىز چوقۇم ھېرىپ كېتىشىڭىز ئېنىق. شۇڭا ھاياتلىقتا ئۆز ۋىجدانىڭىزغا مۇخالىپ كېلىدىغان ئىشلار بىلەن شۇغۇللانمىسىڭىز ھاياتلىق يولىڭىزدا ياخشى ئىزلارنى قالدۇرالايسىز. چاچ بىلەن ياخشى - يامان ئادەم بولۇشنىڭ ھېچقانداق مۇناسىۋىتى يوق. پەقەت بىر قىسىم سىرتقى قىياپەتكە قاراپ كاھىنلارچە پەرەز قىلىدىغان كىشىلىرىمىزلا باشقىلارنىڭ قىلغان ئىشىلىرىغا ئەمەس، قىياپىتىدىن قارشى تەرەپكە باھا بېرەلەيدۇ.       بۇ ھاياتلىقتا باشقىلارنى باھالاشتىن باشقا بىزنىڭ نۇرغۇن ئىشلىرىمىز بار. باشقىلارنى باھالاشقا كەتكەن شۇ ئېنېرگىيەرىمىزنى باشقا - باشقا ياخشى ئىشلارغا قاراتقان بولسا نۇرغۇن ئىشلىرىمىز ناھايىتى يۈرۈشلۈك بولغان بولاتتى. بىزدە بىر گەپ بار: «ئۆزۈڭنى بىل، ئۆزۈڭنى قوي» دەيدىغان، بۇ تولىمۇ توغرا ئېيتىلغان سۆز. بىز كەچكىچە باشقىلارغا باھا بېرىپ پالانچى ئۇنداقەي، پوكونچى بۇنداقەي دەپ، باشقىلار توغرىسىدا سۆز قىلىشقا تولىمۇ ئامراق. ئەمما ئۆزىمىزىدە قانچىلىك يېتەرسىزلىكلەرنىڭ ئۇۋا تۇتۇپ ياتقانلىقىنى بايقاپ بولالمايمىز.       تېمىغا قايتىپ كەلسەم، مېنىڭ چېچىم يۇقىرىدا دەپ ئۆتۈلگەندەك باشقىلار ئۈستىدىن گەپ سۆز قىلىشقا ئامراق بىر قىسىم كىشىلىرىمىزنىڭ قايناق تېمىلىرىغا ئايلىنىپ كەتكەن. مەندە بىر خاسلىق بار، ئۇ بولسىمۇ ئەتراپىمىدىكى ياخشى ئىشلارغا نەزەر سېلىشنى ياقتۇرىمەن، ئەمما سەلبىي تەرەپتىكى سۆز - ھەرىكەتلەردىن قۇلىقىمنى يوپۇرۇۋالىمەن. شۇڭىمۇ چېچىم ماڭا بېسىم ئېلىپ كېلەلىگەن ئەمەس.       ئەركەكلىكنى چاچ بىلەن ئۆلچىۋالىدىغان بىر قىسىم كىشىلىرىمىز مېنى ھەر خىل سۈپەتلەر بىلەن سۈپەتلەپ باققان بولۇشى مۇمكىن. ئەمما مەن بۇنى پەقەت بىر تەرەپلىمە پىكىر قىلىدىغان ماھىيەتنى كۆرۈشنى خالىمايدىغان كىشىلىرىمىزنىڭ  پىكرى دەپلا قاراپ كەلدىم. يەنە ئەتراپقا زەن سىلىپ باقسام، مېنى قوللايدىغانلار ناھايىتى كۆپكەن، قىسقىسى مەن چاچ پوسونىمىنى ياخشى كۆرىمەن ھەمدە بۇ يېقىنلاردا ئۆزگەرتىپ بېقىشنى ئويلاپمۇ باقمىدىم. مەن خەلقىمىگە چېچىم ئارقىلىق ئەمەس، بەلكى ياخشى كۈيلىرىم بىلەن مەنىۋى خىزمەت قىلساملا بولدى. ئارىمىزدا مېنىڭ  بۇ خىل چاچ پاسوننى تاللىشىمىغا ھۆرمەت قىلىپ، مېنى قوللاپ كەلگەن نۇرغۇن دوستىلىرىمىز بار. شۇنداقلار مېنى تىللاپ  تۇرۇپ ناخشامنى ئاڭلايدىغانلارمۇ بار. بۇمۇ مېنىڭ خەلقىمىزگە تېخىمۇ پىششىق تونۇلۇشۇمدىكى مۇھىم بىر تەرەپ.   ــــ ئەلى كىروران       مەنبە:ئەلى كىروران تور بىكىتى مەنبە:http://alikiroran.com

hak suz

	«رەسۇلۇللاھ نىڭ چاچلىرى مۇرسىگە چۈشۈپ تۇراتتى »دىگەن ھەدىس بولغاچقا،رەسۇلۇللاھ ياخشى كۆرگەن ئىشنى مەنمۇ ياخشى كۆرىمەن.سىزنىڭ چېچىڭىزغا كەلسەك بۇنىڭغا مەن بىرنەسە دىيەلمەيمەن.چۈنكى سىز سۈننەت ئۈچۈن قىلمىدىڭىز دە؟!

akilyar

	دېمسىمۇ چېچڭز بىلەن چىرايڭز بەك ماسلاشپتۇ

nargiz

	ئوزىڭىز نىمىنى ياخشى كورسىڭىز شۇنى قىلىڭ، چۇنكى سىز ، يەنىلا ئوزىڭىز

رۇجەك

	‹سىز ياقتۇرغاننى باشقىلار ياقتۇرشى ناتايىن   ،باشقىلار ياقتۇرغاننى سىزنىڭ ياقتۇرشىڭىز ناتايىن ›، سىز ئۆزىڭىز بولغاندىكىن تاللاش ھوقۇقىڭىز بولىدۇ ،قانداق ياشىغۇڭىز بولسا شۇنداق ياشاڭ.

رۇجەك

	سىز ياقتۇرغاننى  باشقىلار ياقتۇرشى ناتايىن،باشقىلار ياقتۇرغاننى سىزنىڭ ياقتۇرشىڭىز ناتايىن ، سىز ئۆزىڭىز بولغاندىكىن تاللاش ھوقۇقىڭىز بولىدۇ ،قانداق ياشىغۇڭىز بولسا شۇنداق ياشاڭ ،

sarwi

	لايىقىدا بولۇش گۈزەللىكتۇر -  تەلەپكە يېتەلمەسلىك ۋە چەكتىن ئاشۇرۋېتىش ئوخشاشلا گۈزەللىك ئەمەس .     ‹   تۇرمۇشتىكى پەلسەپە  › ناملىق كىتابتىن

ｄｉし__SｉЯｉ

	ئۆزىگە يارىغىنى خانغا يارىغىنى، مەنمۇ بۇ توغۇرلۇق نىمە دىيىشىمنى ئۇقمۇدۇم، مەن ئوغۇللارنىڭ ئۇزۇن چاچ قويۇشىنى ئانچە قوللاپ كەتمەيمەن.

mvjiza

	پىكرىڭىزھەقىقەتەن جايىدا.  دۇنيادا باشقىلارنىڭ كۆزىگە قاراپ ياشاشتنمۇ ئازاپلىق ئش بارمۇ........

rastqi

	قىزىل رەڭدە بويۋاسىڭىز تېخمۇ يارشامدىكى دەيمە.