ئەنخۇيلۇق ئەر ئاپىسىغا قارىماستىن ئايالىنى قۇتقۇزدى

تەڭرىتاغ

	ئەنخۇيلۇق ئەر ئاپىسىغا قارىماستىن ئايالىنى قۇتقۇزدى، ئەرنىڭ دادىسى ئوغلىنىڭ بۇ ئىشىغا رازى بولمىدى     ئاپىڭىز بىلەن ئايالىڭىز سۇغا چۈشۈپ كەتسە، سىز ئەڭ ئاۋۋال كىمنى قۇتقۇزىسىز؟ 22-ئىيۇل ئەنخۇيدا بۇ ئىش ھەقىقىي يۈز بەردى.     22-ئىيۇل قاش قارايغان ۋاقىتتا، ئەنخۇي ئۆلكىسى فېيدۇڭ ناھىيەسى يۈتىيەن كەنتىدىكى گو xx ئايالى بىلەن بىللە كەنت ئەتراپىدىكى كۆلگە بېلىق تۇتقىلى بارغان بولۇپ، بىراق ئۇزۇن مەزگىل سىرتتا ئىشلەپ ئۆيىگە كۆپ قايتمىغان گو xx بىرمۇ بېلىق تۇتالمىغان. بۇ ئىشنى ئۇققان گو xx نىڭ ئاپىسى ئوغلى ۋە كېلىنى بىلەن بىللە بېلىق تۇتقىلى چىققان بولۇپ، ئۈچەيلەن كېمىگە چىقىپ، بېلىق تۇتۇشقا ماڭغان. كۆلنىڭ يېرىمىغا كەلگەندە گو xx نىڭ ئاپىسى كېمىنىڭ ئارقا تەرىپىدىن سۇغا تور سالغان بولۇپ، ئاپىسىنىڭ سۇغا تور سېلىشىغا قىززىققان كېلىن كېمىنىڭ ئارقا تەرىپىگە كېلىپ بۇ مەنزىرىنى كۆرمەكچى بولغاندا كېمىنىڭ ئارقا تەرىپى بېسىلىپ كېتىپ، كېمە تەڭپۇڭلۇقنى يوقاتقان، بۇنى كۆرۈپ جىددىيلىشىپ كەتكەن گو xx مۇ ئويلاشماستىنلا كېمىنىڭ ئارقا تەرىپىگە قاراپ ئېتىلغان، نەتىجىدە كېمىنىڭ تەڭپۇڭلۇقى بۇزۇلۇپ، گو xx ، ئۇنىڭ ئاپىسى ۋە ئايالى ئۈچەيلەن تەڭلا سۇغا چۈشۈپ كەتكەن.      ئەينى ۋاقىتتا نەق مەيداندىكى كۆرگۈچىلەرنىڭ ئېيتىپ بېرىشىچە، ئۇلار سۇغا چۈشۈپ كەتكەن جاينىڭ چوڭقۇرلۇقى 6 مېتىر ئەتراپىدا بولۇپ، ئىلگىرى تۇنجۇقۇپ ئۆلگەنلەرمۇ بار ئىكەن.     سۇغا چۈشۈپ كەتكەن بۇ ئۈچەيلەننىڭ ئىچىدە پەقەت گو xx لا سۇ ئۈزەلەيدىغان بولۇپ، ئۇ مۇنداق دېگەن: ئەينى چاغدا قارىسام ئايالىم ماڭا يېقىن ئەتراپتىكەن، شۇڭا ئالدى بىلەن ئايالىمنى قۇتقۇزۇپ، ئۇنى كېمىگە چىقىرىپ قويۇپ، ئارقىدىن ئاپامنى قۇتقۇزدۇشقا ماڭدىم. ئاپامنىڭ يېنىغا بارسام، ئاپامدا ھېچقانداق ئىنكاس يوق، بەك قورقۇپ كەتتىم، ئارقىدىن كېمىنى ۋە ئاپامنى سۆرىگەچ ئىككەيلەننى قىرغاققا ئېلىپ چىقتىم.     ئۈچەيلەن قىرغاققا چىققاندىن كېيىن گو xx نىڭ ئاپىسى ناھايىتى كۆپ سۇ قۇسقان، ئارقىدىن يەنە ھوشىدىن كەتكەن، گو xx بىلەن ئۇنىڭ ئايالى ئاپىسىنى دوختۇرخانىغا ئېلىپ بارغان.      دوختۇرلار گو xx نىڭ ئاپىسىنى قۇتقۇزۇۋالغان بولۇپ، ئەگەر يەنە بىر - ئىككى مېنۇت كېچىككەن بولسا گو xx نىڭ ئاپىسىنىڭ ھاياتىغا خەۋپ يېتىدىغانلىقىنى ئېيتقان.     ئەھۋالنى ئۇققان گو xx نىڭ دادىسى ئوغلىنىڭ بۇ ئىشىغا نارازى بولغان، دادىسىنىڭ دېيىشىچە، ئوغلى ئايالىنى كېمىگە چىقىرىپ قويغانكەن، چوقۇم كېمە بىلەن ئانىسىنى تەڭ سۆرەپ ماڭماي، ئالدى بىلەن ئانىسىنى قىرغاققا ئاچىقىۋېتىپ، ئاندىن كېمىنى سۆرەپ كەلسە بولاتتى، بىراق گو xx نىڭ ئاپىسى ئوغلىنىڭ بۇ ئىشىدىن نارازى بولمىغان، ئۇنىڭ دېيىشىچە، ئەگەر ئوغلى بولمىغان بولسا ئۇ ئاللىقاچان جېنىدىن ئايرىلاتتىكەن.

admin

	بىرچاغلاردا سورايدىغان .  ئاپاڭ بىلەن مۇھەببىتىڭ تەڭلا سۇغا چۈشۈپ كەتسە كىمنى قۇتقۇزىسەن دەپ ، ئاخىرى يۈز بىرىپتۇدە بۇ ئىشلار

polat

	ئاپىسىغا كۆيۈنمەيدىكەن بۇ ئەر

uyghun

	قارىغاندا بۇ ئەر ئۆمۈر بويى ۋىجدان ئازابى تارتىدىغان بوپتۇ-دە ، بۇ ئۇنىڭغا كەلگەن بىر كىلىشمەسلىك.

weizu

	قانداق قىلىدۇ ئەمدى ، ئۇياندا ئاپىسى بۇ ياندا خوتنى قاراپ تۇرسا

uygurbiz

	ئاۋال ئاپىسىنى قۇتۇلدۇرسا توغرا بولاتتى ئەسلى

cholpanyultuz

	ئىمان بولمىغاندىكىىن بۇ خەقتە، جەننەتنىڭ ئانىنىڭ تاپىنى ئاستىدا ئىكەنلىكنىمۇ بىلمىگەندىكىىن، ئەلۋەتتە خوتۇنىنى قۇتقۇزىدۇدە، ئانىسىنى قۇتقازسا يەنە باقمىسا بولماس ھەقىچان ئانىسىنى،

yoltap

	ئۇ خوتۇنمۇ، ئاۋال ئانىمىزنى قۇتقۇزايلى دېيەلمەپتۇ-دە؟ بۇ يەردە ئىلگىرى كېيىنلىك مەسىلى مۇھىم ئەمەس، مۇھىمى ئىككىلىسىنى قۇتۇلدىرالىدىمۇ؟ ئانىسىنى ئانىسىدەك، خوتۇنىنى خوتۇندەك كۆرەلىدىمۇ بۇ مەسىلە مۇھىم. ئەگەر ھەقىقەتەن ئانىسى تۇرغان جايدىن خوتىنى تۇرغان يەر يېقىن ھەم ئەپلىك بولسا ئاۋل خوتىنىنى قۇتقۇزۇپ ئاندىن ئانىسىنى قۇتقازسا بولىدۇ. بوچاغدا جىددىيلىك ۋە بېسىم يەڭگىللەيدۇ- دە ئىككىنچى بىرەيلەننى قۇتقۇزۇش تېخىمۇ ئۈنۈملۈك بولىدۇ. شۇڭا مەسىلىنى بىر تەرەپتىنلا تەھلىل قىلىپ ئانىسى بىلەن خوتۇنىنى ئۇرۇشقا سېلىپ ئۇ ئەرنى ئارلىقتا قىستاشنىڭ ئۆزىمۇ بىر ئەخلاقسىزلىق. ئەمما تېما مەزمۇنىدىن قارىغاندا ئۇ ئەر ئايالىنى ئاللى بۇرۇن قۇتۇلدۇرۇپ بولغان. ئۇنداق بولغاندىكىن ئۇ ئەر ئانسىنىمۇ كېمىگە سېلىپ ياكى ئاۋال ئانىسىنى قىرغاققا ئېلىپ چىقىۋېتىپ ئاندىن كېمىدىكى ئايالىنى قىرغاققا ئېلىپ چىقسىمۇ بولاتتى. بىراق شۇ ۋاقىتنىڭ ئۆزىدە ئۇ ئەرمۇ قورقۇپ، جىددىلەشكەندۇ. ئەمما بىز سىرتتىن باھا بەرسەك ئاتالمىش ئانا ئۇلۇغمۇ خوتۇنمۇ دېگەن سوئالغا جاۋاب بېرىشىمىز كېرەك... مەن بۇ يەردە ئۇ ئەرنى ئاقلىماقچى ياكى قارىلىماقچى ئەمەس، بىز ھېسياتىمىزغىلا تايىنىپ تەھلىل قىلماي ئازىراق ئەقىلنىمۇ ئىشلىتەيلى، ھامان ئىشلارنىڭ ياخشى تەرىپىنى كۆرەيلى، ئېتىراپ قىلايلى ۋە ياخشى تەرىپىنى تەرپلەيلى دېمەكچى. مېنىڭ بۇ ئىشنىڭ ئاخىرىنى ئويلىغۇم كەلمىدى...

ＫＡＰＩＴＡ

	خۇتۇنىدىن قۇرقىدىكەندە بۇ ئەر، ئايالى ياش بولغاندىكىن ئۇنىڭغا ئىلھام بىرىپ تۇرۇپ ئانىسىنى قۇتقازماي.

★Jackie★

	ئىلگىرى ئايالىم بىلەن بولۇنغان پاراڭ ئايالىم: ئەگەر ئاپىڭىز بىلەن مەن تەڭلا سۇغا چۈشۈپ كەتسەم ئاۋال كىمنى قۇتقۇزىسىز؟ مەن: ساراڭمۇ سەن، نېمىشقا ئۆزۈڭنى سۇغا چۈشۈپ كەتسەم دەپ پەرەز قىلىسەن؟ ئايالىم: بوپتۇ ئەمىسە، سىزنىڭ ئاپىڭىز بىلەن مېنىڭ ئاپام تەڭلا سۇغا چۈشۈپ كەتسەم ئاۋال كىمنى قۇتقۇزىسىز؟ مەن: ئەلۋەتتە ئاپامنى قۇتقۇزىمەندە، سەنمۇ قاراپ تۇرماي سۇغا چۈشۈپ ئاپاڭنى قۇتقۇزارسەن؟ ئايالىم: ئەگەر مەن سۇ ئۈزۈشنى بىلمىسەمچۇ؟ مەن: راستىنلا ئالجىپسەن، سۇ ئۈزۈشنى بىلمەي تۇرۇپ ئىككى موماينى قولتۇقلاپ سۇبويىدا نېمە قىلاتتىڭ؟ ئايالىم: ۋايجــــــــــان، بولدىلا سىزدىن گەپ سورىمىدىم. بىر يۇمۇر سۆزلەپ قويدۇم،  قانداقراقكەن.