گۈلنەزەر ئىلگىرى جوۋشىڭچى بىلەن ھەمكارلىشىشنى رەت قىلغان

kane

	گۈلنەزەر ئىلگىرى جوۋشىڭچى بىلەن ھەمكارلىشىشنى رەت قىلغان      سوخۇتورىنىڭ2012-يىلى7-ئاينىڭ20-كۈنىدىكى خەۋىرىدە ئىيتىلىشىچە:(مۇھىم مەزمۇنلار ئىخچاملاپ يېزىلدى)     2011-يىلى2-ئايدا،بېيجىڭ كىنو ئىنىستىتودىنىڭ ئاكتىيورلىق ئىمتىھانىنىڭ بىرىنچى كۈنىدە، گۈلنەزەرنىڭ مۇلايىم ۋە گۈزەل قەددى-قامىتى كىشىلەردە چوڭقۇر تەسىر قالدۇرغان بولۇپ،ئىمتىھان مەيدانىدىن چىقىشى بىلەنلا ئاخبارات مۇخبىرلىرى ۋە فوتوگرافلارنىڭ قىززىق نۇقتىسىغا ئايلىنىدۇ،شۇنداقلا نۇرغۇن كىنوشىركىتى خىزمەتچىلىرىنىڭ سىناپ بېقىش تەكلىپلىرىنى قۇبۇل قىلىدۇ.     بۇتەكلىپلەرنىڭ ئىچىدە،جوۋشىڭچى رېجىسسورلىق قىلغان بىركىنومۇ بار بۇلۇپ، بۇ يېڭىدىن مەيدانغا چىققان گۈلنەزەرنىڭ داڭلىق چولپان بولۇپ چىقىشى ئۈچۈن تېپىلغۇسىز ياخشى پۇرسەت كەلگەنلىكىدىن دېرەك بىرەتتى،بۇنداق ياخشى پۇرسەتكە ئېرىشكەن گۈلنەزەر خۇشاللىق بىلەن فىلىم مەيدانىغا بارىدۇ،سىناپ ئورۇنلاش جەريانىدا ئۇ تۇيۇقسىز جوۋشىڭچىدىن يۈز ئۆرۈپ، بۇ پۇرسەتنى تاشلاپ،فىلىم مەيدانىدىن يۈزىنى ئەتكىنىچە يۈگۈرۈپ چىقىپ كىتىدۇ. بۇ ئىشتىن كىيىن ئەھۋالدىن خەۋەردار كىشىلەرنىڭ ئاشكارلىشىچە، گۈلنەزەر ئۇيغۇر مىللىتىدىن بولۇپ،بۇ فىلىمدىكى بىرقىسىم تەپسىلاتلار ئۇنىڭ دىنىىي ئېتقادى ۋە ئۆرپى-ئادىتىگە زىت كېلىپ قالغاچقا،گۈلنەزەر قوبۇل قىلالمىغان،ئۆز ئېتىقادى ئۈچۈن ، داڭدار چولپانغا ئايلىنىش پۇرسىتىدىن ۋاز كېچىدۇ. بۇنىڭدىن نۇرغۇن قوللىغۇچىلىرى ئەپسۇسلىنىش بىلەن بىرگە، ئۇنىڭ مىللىي ئىتقادىنى ساقلاشتىكى ئىرادىسى ۋە قەتئىيلىكىدىن تەسىرلىنىدۇ. سوخۇ تورىدىكى ئەسلى خەۋەر: http://yule.sohu.com/20120720/n348677056.shtml

مۇڭقىز

	مەن گۈلنەزەر توغرىسىدىكى تېمىلارغا مۇنبەردە ئىزچىل دىققەت قىلىپ كېلىۋاتاتتىم، ھەپتە بولدى گۈلنەزەر توغرىسىدا خىلمۇ-خىل ئەپقاچتى گەپلەر بولۇندى، مانا بۈگۈن بۇ ئىشنىڭ ھەقىقىي نەتىجىسى چىققان ئوخشايدۇ، بۇ تېمىنىڭ ئۆزىلا بىزگە شەيئىلەرنى كۆزەتكەندە ئەتراپلىق ، ئەستايىدىل كۈزىتىشىنى، بىر ئىش ئۈستىدىن يەكۈن چىقارغاندا ھەرگىز يەڭگىلتەكلىك قىلماسلىقنى ئەسكەرتىدۇ.     جوۋشىڭچى جۇڭگو شۇنداقلا خەلقئارالىق كىنو ئارتىسى ، ئۇنىڭ بىلەن بىرلىشىپ كىنو ئىشلىگەن نۇرغۇنلىغان ئارتىسلارنىڭ نامى بىردىنلا چىقىپ كەتتى، گۈلنەزەرنىڭ مانا مۇشۇنداق ياخشى پۇرسەتنى رەت قىلىپ، ئۆزىنىڭ كىملىكى ۋە ئېتىقادىنى بىرىنچى ئورۇنغا قويغانلىقى بىزنى تەسىرلەندۈرمەي تۇرالمايدۇ، شۇڭا ھەممىمىز نەچچە ۋاقىتتىن بېرى ئۆزىمىز دېگەنلىرىمىزنى قايتىدىن ئويلىشىپ باقايلى، خەنزۇچە خەۋىرىنى تەپسىلىي ئوقۇپ چىقتىم، ھەقىقەتەن گۈلنەزەر رەت قىلالاپتۇ، ئۇ ئۆزىدىن غالىپ كەپتۇ...     مېنىڭ ئاخىرىدا دەيدىغىنىم، گۈلنەزەرگە ئوچۇق خەتتىن بىرنى يېزىپ، ئۇنىڭ كەينىدە يەنە نۇرغۇنلىغان خەلقىنىڭ ئۇنىڭغا كۆز تىكىپ تۇرغانلىقىنى، كەسىپ جەھەتتە ئۇتۇق قازىنىش بىلەن بىر ۋاقىتتا، ئۆزىنىڭ كىملىكى ۋە ئېتىقادىنى ئۇنتۇپ قالماي، خەلقىمىز، مىللىتىمىز ئۈچۈن تېخىمۇ ياخشى نەتىجىلەرنى قولغا كەلتۈرۈشىگە تىلەكداشلىق بىلدۈرىدىغىنىمىزنى ئۇنىڭغا يەتكۈزۈلىسەك، گۈلنەزەر چوقۇم بىزگە خەت يازماي قالمايدۇ، چۈنكى ئۇ بۇ ئىشنىڭ ئۇيغۇرچە مۇنبەردە غۇلغۇلا بولۇپ كەتكەنلىكىنى ئاللىبۇرۇن ئۇقۇپ بولدى. ھەممىمىزنىڭ مەقسىتى گۈلنەزەرنى تىللاش ياكى ئۇنى چۆكۈرۈش ئەمەس بەلكى ئۇنىڭغا كۆيۈنۈش، گۈلنەزەرگە مەسئۇل بولۇش بولغانكىن، ئۇنىڭ بولىدىغان تەرەپلىرى بىلەن بولمايدىغان تەرەپلىرىنى ئۇنىڭغا يەتكۈزۈپ بېرەلىسەك، ئۇ چوقۇم بىزنىڭ تەكلىپ-پىكىرلىرىمىزنى چوقۇم قوبۇل قىلىدۇ، كۆپچىلىكنىڭ مېنىڭ بۇ ئەرزىمەس تەكلىپىمنى ئويلىشىپ بېقىشىنى ئۈمىد قىلىمەن.

MaNaKxAm^0992

	قايسى    بىر   ئارتىس  شۇنداقلا  ئاز  تولا    غەلبە   قازانغان   كىشى   كەينىدىن   سۆز    چۆچەك    چىقمىغان .

serjat

	گۈلنەزەرمۇ باشقا چولپانلارغا ئوخشاش، مىللىيچە يىزىقتىكى مىكرو بىلوگقا ئەزا بولۇپ، پات-پات ئۆزىنىڭ پائالىيەتلىرىنى قىرىنداشلىرىمىزغا خەۋەر قىلىپ تۇرغان بولسا، مىنىڭچە  گۈلنەزەرنىڭ كەينىدىن ئادەمنىڭ بىشىنى قايدۇرۋىتىدىغان ھەرخىل خەۋەرلەر تارقىلىپ يۈرمەستى...

turknaz

	ياخشىمۇسىز سىڭلىم گۈلنەزەر: مەن سىز توغرىلىق بولىۋاتقان پاراڭلارغا ئىزچىل دىققەت قىلىپ كىلىۋاتىمەن ،لىكىن تېخى ئىنكاس بىلدۈرمىگەن ئىدىم،بۈگۈن يەنە بۇ تېما مۇنبەرگە چىقىپتۇ،قانداقلا بولمىسۇن سىزنىڭ بىر مىللەتدىشىڭىز، بىر يۇرتدىشىڭىز بولۇش سۈپىتىم بىلەن سىزدىن شۇنداق پەخىرلىنىمەن. بىزدىن نۇرغۇن ئايال چولپانلار (پەقەت سەنئەت سەھەسىدىلا ئەمەس) چىقىۋاتىدۇ،ئەمما مەدەنىيەت سەنئەت كەسپىنىڭ تەشۋىقات كۈچى كۈچلۈك بولغاچ سەنئەت ساھەسىدىكى چولپانلارنى خەلق ئاسان تۇنىۋاتىدۇ، شۇ قاتارىدا سىزمۇ بۇ يىل چولپان بولۇپ كۆزگە كورۇندىڭىز، ھەممە ئادەمنىڭ ئۆزىگە چۈششلۇق ئارتۇقچىلىقى بولىدۇ،بېيجىڭ ياكى شىنجاڭدا ئاكتىيورلۇق كەسپىدە ئۇقۇۋاتقان ئۇيغۇر سىزلا ئەمەس، ئەمما سىزنىڭ تاشقى قىياپەتتىكى گۈزەللىكىڭىز،ئورۇنلاش جەھەتتىكى تالانتىڭىزۋە تىرىشچانلىقىڭىز  سىزنى ھازىرقى چولپانغا ئايلاندۇردى. سىڭلىم چولپان بولۇش ئۇنداق ئاسان ئىش ئەمەس،ئادەتتىكى بىر ئادەم نىمىلا قىلمىسۇن ئۇنى ئەتراپىدىكى بىر نەچچە ئادەم بىلىدۇ ياكى بىلمەيلا ئۆتۈپ كېتىدۇ،بىراق چولپانلارچۇ؟ ئۇلارنىڭ ھەربىر كىچىك ئىشلىرىمۇ پۈتۈن خەلقنىڭ نەزىرىگە چۈشىدۇ.ئۆزىڭىزلا ئەمەس سىزگە مۇناسىۋەتلىك ھەر بىر ئادەم خەلقنىڭ نازارىتى ئاستىدا بولىدۇ،شۇڭا بۇندىن كىيىن تېخمۇ نۇر چېچىپ چاقنىشىڭىز ئۈچۈن  ھەر بىر ھەركىتىڭىزگە دىققەت قىلىشىڭىزنى ئۈمىت قىلىمەن.ئائىلىدىكىلىرىڭىزمۇ شۇنداق. يەنە سىزگە بىر نەرسىنى دىگىم كىلىۋاتىدۇ،سىز ئۇيغۇرنىڭ پەرزەنتى،سىز بۇ دۇنياغا كۆز ئاچقاندا بەلكىم ئاتا ئانىڭىز شۇنچىلىك خوشال بولغان بولغىدى،ئىسلام ئادىتى بويىچە گۈلنەزەر دەپ ئىسىم قويغان،سىزگە نۇرغۇن ئارزۇ ئۈمىتلىرىنى باغلىغان بولغىدى.شۇڭا بۇندىن كىيىن ئىسمىڭىزنى تۇلۇق ئاتاشنى يەنى گۈلنەزەر بەختىيار دەپ ئىسىم فامىلىڭىزنى تۇلۇق ئاتاشنى ئادەت قىلسىڭىز،بەلكىم دادىڭىزمۇ خوشال بولاتتى،پۈتۈن خەنزۇ تىلىدىكى تاراتقۇلاردا «نازا» دەپ ئاتىلىپ كىلىۋاتىدۇ ،بۇنداق بولسا بىلمىگەنلەر سىزنىڭ قايسى مىللەت ئىكەنلىكىڭىزنى ئاسان پەرىق ئىتەلمىگىدەك.بۇنداق ئاتىسا ئۇلار ئۈچۈن ئاسان بولا ،لىكىن سىزگە بولغان تەسىرى چۇقۇم تۇلۇق ئاتىغاندەك ياخشى بولمايدۇ،بەلكىم مەندەك قاراشتا بولىۋاتقان ،پەقەتلا ئوتۇرىغا چىقىپ دىيىشكە پۇرسەت بولمايۋاتقانلار نۇرغۇن بولىشى مۈمكىن. يەنە ئادەمنىڭ دوستى بولۇش بىلەن بىرگە ئۆزى ھىس قىلمىغان ھالدا دوس-دۈشمىنى بولىدۇ،ئارقىڭىزدىن غەيرى پاراڭلارنىڭ چىقىشى تەبىئى ،لىكىن يالغان ھەرگىز ئۇزۇن پۇت تېرەپ تۇرالمايدۇ،سىز ئۆزىڭىزنىڭ ئىش ھەركىتىگە كۆز قۇلاق بولۇپ،ھەقىقى ياشىسىڭىزلا.ئەمما شۇنى ئىسىڭىزدە تۇتۇڭ،بۇگۈنكى كۈنىڭىز ئۈچۈن ئاتا ئانىڭىز ھەم سىز 20 نەچچە يىل تىرىشتىڭلار، ھەممىنى يوققا چىقىرىش ئۈچۈن نەچچە مىنۇت كۇپايە،ئۆزىڭىزنى قەدىرلەڭ. تىرىشىڭ ،تېخى ئىشنى ئەمدى باشلىدىڭىز،يەنە نۇرغۇن مۇۋاپىقىيەت سىزنى ساقلاۋاتىدۇ. گۈلنەزەر: ئەگەر مۇنبەر ئەزاسى بولسىڭىز ئۆزىڭىز كۆرەرسىز،بولمىسا ئۇنىڭ بىلەن تۇنىشىدىغانلار بار بولسا يەتكۈزۈپ قويارسىلەر،سەمىمى پىكرىم،ئۆزەمنىڭ قارىشى.

polat

	بۇ قىزنى بىردە ياخىشى بىردە يامان دەپ بەك مۇلاھىزە قىلىشىپ كەتتۇق بۇ توغرۇلۇق مېنىڭ مۇنبەرگە ئىنكاس يازغۇم يۇق

Castle

	ئۇنىڭ سىنا مىكرو بىلوگى ھەم بىلوگىنى كۆرۈپ تۇرىمەن ، سىلەر قانداق قارىساڭلار قاراڭلار  ئىشقىلىپ مەن يېرىم يالىڭاچ ناماز ئوقۇيدىغان كىشىلەرنى مۇسۇلمان دەپ قارىمايمەن.

kargay

	گۇلنەزەر ئوزى ئۇتتۇرغا چىقسا بۇلاتتى..

kvmvx

	يەنە سۈكۈت.

mccool

	ياخىشى نەتىجىلەرگە ئېرىشىشىڭىزگە تىلەكداشمەن