«ھازىرقى زامان ئۇيغۇر تىلىنىڭ ئىزاھلىق لۇغىتى» نەشردىن چىقتى

ئىلقۇت

	«ھازىرقى زامان ئۇيغۇر تىلىنىڭ ئىزاھلىق لۇغىتى» نەشردىن چىقتى     شىنجاڭ مەركىزى شەھەر گېىزىتى خەۋىرى، شىنجاڭ ئۇيغۇر ئاپتونوم رايونلۇق مىللى تىل-يېزىق خىزمىتى ئىشخانىسى ۋە مۇناسىۋەتلىك مۇتەخەسسىسلەر 1999-يىلى 10-ئايدا شىنجاڭ خەلق نەشرىياتى تەرىپىدىن نەشر قىلىنغان «ئۇيغۇر تىلىنىڭ ئىزاھلىق لۇغىتى» (قىسقارتىلما، بىرىنچى نەشرى) ئاساسىدا تۈزۈپ چىققان «ھازىرقى زامان ئۇيغۇر تىلىنىڭ ئىزاھلىق لۇغىتى» (يېڭى، ئىككىنچى نەشرى) 16-ئىيۇلدا ئوقۇرمەنلەر بىلەن يۈز كۆرۈشتى. مەزكۇر لۇغەتنىڭ خەت سانى 10 مىليوندىن ئاشىدىغان بولۇپ، جەمئىي 1446 بەت، 60 مىڭدىن ئارتۇق سۆزلۈك كىرگۈزۈلگەن.     لۇغەتنى ئاساسلىق ئالاھىدىلىكى خەلق ئارىسىدا ئورتاق ئىشلىتىلىدىغان سۆزلۈكلەر، مۇستەققىل سۆزلۈكلەر، ياسالما سۆزلۈكلەر بىر قەدەر كۆپ بولۇپ، سۆزلۈك ياكى سۆز چۈشەندۈرۈلۈشى  ئاددىي ۋە يىغىنچاق، ئىخچام، ئەتراپلىق ۋە ئومۇمىيلىققا ئىگە بولۇشتەك ئالاھىدىلىككە ئىگە بولۇپ، ئالىي، ئوتتۇرا تېخنىكوم، ئوتتۇرا مەكتەپ ئوقۇتقۇچىلىرى ۋە ئوقۇغۇچىلار شۇنداقلا ھەر قايسى تىل-يېزىق بىلەن شۇغۇللانغۇچى خىزمەتچىلەر، ئاخبارات خادىملىرى شۇنداقلا ئۇيغۇر تىلى ھەۋەسكارلىرى ئۈچۈن نوپۇزلۇق ماتېرىيال بولالايدۇ. --------------------------------------- (ياسىنجان مەتروزى ئىلقۇت تەرجىمىسى) مەنبە: http://www.tianshannet.com/news/content/2012-07/19/content_7040762.htm

sarwi

	بۇنداق كىتاپلارنىڭ چوڭلارغا پايدىسى بولۇپلا قالماي ، يەنە  بالىلارغىمۇ نۇرغۇن بىلىم بېرەلەيدۇ ، شۇڭا ئېلىپ قويۇش زۆرۈر . مەن چوقۇم سېتىۋالىمەن .

ＫＡＰＩＴＡ

	كىتاپخانىلارغا سالغانمىدۇ؟ بۇ كىتاپنىڭ تىل بايلىغىمىزنى تاكاموللاشتۇرۇشتا پايدىسى زور.

ronaK0000000

	بەكلا ياىشى بوپتۇ.بولسا مەنۇ ئىلىپ بالىلىرىمغا سوغا قىلسام بولغىدەك.

Tesewwur

	ئاۋۇ سۆز پارىسچدىن، ماۋۇ سۆز ئەرەپچىدىن كىرگەن دەپ تىلىمىزنىڭ ھەممىسىنى خەقلەرنىڭ تىلى دەپ ھۆكۈم قىلىۋەتكەنمىدۇ يەنە؟ بىزدىن باشقىلارنىڭ سۆزلۈك ئىمپورت قىلمىغاندەك.

جەۋھەرى

	ئىنتايىن ياخشى بوپتۇ، مەن بەك خۇشال بولۇۋاتىمەن. ئىلگىرىكىسى مەندە بار، پۇلى 150 يۈەن ئىدى. يېڭى نەشىردىن چىققىنى قانچە پۇل چىققاندۇ؟ مەن چوقۇم سېتىۋالىمەن...     خەۋەر قىلغىنىڭىزغا كۆپ رەھمەت، ئىسىمداش بۇرادەر!