مەندە نە ئارمان؟

爱你一万年?????

	مەندە نە ئارمان؟ مېھىردىن ھارارەت ئالسا بۇ جاھان، ياشىساق ساخاۋەت ئىلكىدە ئامان، زىيالار ياغدۇرساق سۆيگۈدىن ھامان، دىللاردىن - دىللارغا يول ئالساق تامان، مېھىردىن كۈلسە دۇنيا،   بىخلانسا قەلىبتە سۆيگۈ ئۇرۇقى، سۇغارسا كۆيۈنۈپ مېھىر بۇلىقى، تارىسا دۇنياغا سۆيگۈ خۇلىقى، ھەر جايدا تۈز بولسا دىلنىڭ تۇرىقى، مېھىردىن كۈلسە دۇنيا، مەندە نە ئارمان؟ يىغلىسا يېشىنى سۈرتسە سۆيۈملۈك، غەملەردە باشىنى سىلاپ كۆيۈملۈك، ئاھ ئۇرسا يولىغا يانداشسا ئۆملۈك، شۇنىڭدا بولمامدۇ دۇنيا سۆيۈملۈك؟ مېھىردىن كۈلسە دۇنيا، مەندە نە ئارمان؟ تەشناغا سۇ بەرمەك قانچىلىك ساۋاپ؟ كەتمىسەك توغرىدىن قەدەمنى ئاياپ، قول سۇنساق، مۇھتاجغا تۇرمىساق قاراپ، يۈرسەكلا داۋاملىق ساخاۋەت ئاتاپ، مېھىردىن كۈلسە دۇنيا، مەندە نە ئارمان؟ گەر سۆيگۈ ئۇچرىسا ئازارغا ناھەق، يىغلايدۇ قوشۇلۇپ دۇنيامۇ بەرھەق، رەنجىيدۇ ھەتتاكى ياراتقان «رەب» ھەق! يا سۆيگۈ ئىگىسى بولامدۇ ئەخمەق؟ مېھىردىن كۈلسە دۇنيا، مەندە نە ئارمان؟ مېھرى - شەپقەتتىن كۈلسە ھەر كۆڭۈل، ئىچىلسا دىلىدا دوستلۇقتىن مىڭ گۈل، ساختىپەز نىشان بولسا كۆيۈپ كۈل، دىللاردىن - دىللارغا بولسا يول ئۇدۇل، مېھىردىن كۈلسە دۇنيا، مەندە نە ئارمان؟ غەملەردە قالمىسا ناتىۋان قەلبى، شەبنەمنى كۆرمىسە يېتىم كۆزلىرى، ئىگىسىز قالمىسا مىسكىن تىلىكى، ھەر دائىم كەڭ بولسا سېخى ئېتىكى، مېھىردىن كۈلسە دۇنيا، مەندە نە ئارمان؟ كۆڭۈللەر توق بولسا مېھرى - شەپقەتتىن، تارتمىسا بىھۇدە ئازاب قىسمىتىن، سۆيگۈسى ئۇرغۇسا يۈرەك قېتىدىن، بىسىلسا ھەر قەدەم قەلب بېتىدىن، مېھىردىن كۈلسە دۇنيا، مەندە نە ئارمان؟ يېتىم يىغلىسا دۇنيا يىغلايدۇ، مىسكىن زارلىسا دۇنيا زارلايدۇ، ناتىۋان ئاھ ئۇرسا دۇنيا غەم يەيدۇ، غىرىب كۈلمىسە دۇنيا ھۇۋلايدۇ! مېھىردىن كۈلسە دۇنيا، مەندە نە ئارمان؟ چىڭ تۇتسا مېھىردە سۇنۇلغان قولنى، ھەم سۆيسە مېھرىدە سۆيۈلگەن دىلنى، بىر قىلسا قەلبتە ئوخشاش ھەم تىلنى، تۈز قىلسا ھەر دائىم ئۆزگە نىيەتنى، مېھىردىن كۈلسە دۇنيا، مەندە نە ئارمان؟

MaNaKxAm^0992

	ياخشى يېزىپسىز ئەجرىڭىزگە  رەھمەت

sakra

	لېرىكىلىك چىقىپتۇ...

ｄｉし__SｉЯｉ

	قەلىمىڭىز كۈچلۈككەن، ئىجادىيەتلىرڭىز ئۈزۈلۈپ قالمىسىۇن

skod

	ياخشى يېزىپسىز ،رەھمەت سىزگە !