ۋارىسلىق قىلىنغان بۇ ئۆيگە يەر كىنىشكىسى بېجىرىپ بەرگىلى بولاندۇ؟

akbulak$

      سۇئال: ئۆي ئىسلاھاتى ۋاقتىدا،ئا ئەپەندىنىڭ ئانىسى ئۆز ئورنىنىڭ ئېتىبار بېرىش سىياسىتىدىن بەھرىمان بولۇپ،تۆۋەن باھادا بىر ئېغىزلىق ئۆينى سېتىۋالغان،كېيىن ئانىسى قازا قىلغاندىن كېيىن،ئۆيگە ئا ئەپەندىنىڭ ۋارىسلىق قىلىدىغانلىقىنى ۋەسىيەت قىلىپ يېزىپ قالدۇرغان ھەمدە گۇۋاھلىق ئورنىدا گۇۋاھلىق بەرگەن.ئا ئەپەندى ئانىسى قازا قىلغاندىن كېيىن،ئۇ ۋەسىيەتنامە ۋە مۇناسىۋەتلىك ماتىرياللارنى ئېلىپ،زېمىن بايلىقى تارمىقىغا بېرىپ ۋارىسلىق قىلىش رەسمىيىتىنى بېجىرىشنى تەلەپ قىلغان.
لېكىن ئۇنىڭ ئىنىسى ۋارىسلىق قىلىشتىن ۋاز كەچمەي،بۇ ئۆيگە ۋارىسلىق قىلىشنى تەلەپ قىلىپ،ماجرا پەيدا قىلغان.زېمىن بايلىقى تارماقلىرى مۇشۇنداق ئەھۋال ئاستىدا ئا ئەپەندىگە يەر ئىشلىتىش كىنىشكىسىنى بېجىرىپ بېرەلەمدۇ؟
   جاۋاپ:   مەزكۇر دېلودىكى ماجرادىن قارىغاندا،ئەگەر ئا ئەپەندى ئۆي ھوقۇقى كىنىشكىسىگە ئېرىشىپ بولغان بولسا،<<يەر تىزىملاش چارىسى>>نىڭ 7-ماددىسىدىكى بەلگىلىمە بويىچە مۇناسىۋەتلىك رەسمىيەتلەرنى بېجىرىپ بېرىشكە بولىدۇ؛ئەگەر ئۆي ھوقۇقىغا ئىگە بولۇش كىنىشكىسىگە ئىگە بولمىغان بولسا،<<يەر ئۆي بىلەن مېڭىش>> پىرىنسىپى بويڭچە،ئا ئەپەندى ئالدى بىلەن ئۆي باشقۇرۇش تارماقلىرىغا بېرىپ رەسمىيەت ئۆتەپ بولغاندىن كېيىن زېمىن بايلىقى باشقۇرۇش تارماقلىرىغا بېرىپ ئىلتىماس سۇنسا بولىدۇ. ئۇنىڭدىن سىرت،ئەگەر ئىككى تەرەپنىڭ ماجراسى ئەرزى قىلىش باسقۇچىغا كىرگەن بولسا،<<يەر تىزىملاش چارىسى>>نىڭ 7-ماددىسىدىكى بەلگىلىمىگە ئاساسەن،ئا ئەپەندى يالغۇز تىزىملاشنى ئىلتىماس قىلسا بولمايدۇ،سوت مەھكىمىسى كېسىم چىقارغاندىن كېيىن،ئا ئەپەندى يۇقىرىدىكى تەرتىپ بويىچە يەر ئىشلىتىش ھوقۇقىنى تىزىملىتىشنى تەلەپ قىلسا بولىدۇ.