كوكا كولا ۋە پېپسى كولا تەركىبىدە راك كەلتۈرۈپ چىقارغۇچى ماددىلار بايقالدى 
خەلقئارا لىنىيىسى مەخسۇس خەۋىرى: پىڭبو ئاگېنتلىقىنىڭ 6-مارت خەۋەر قىلىشىچە، ئامېرىكا ئىستېمالچىلار ساغلاملىقىنى ئاسراش تەشكىلاتى جامائەت مەنپەئەتى ئىلىم-پەن مەركىزى （Center for Science in the PublicInterest
）شۇ يەر ۋاقتى 5-مارت ئېلان قىلغان باياناتتا مۇنداق دېگەن: تەتقىق قىلىش ئارقىلىق كوكا كولا شىركىتى ۋە پېپسى كولا شىركىتى ئىشلەپچىقارغان سودا ئىچىملىكى تەركىبىدە يۇقىرى تەركىبتە 4-مېتىل ئىمىدازول بارلىقى بايقالدى، بۇ خىل ماددا ھايۋانلاردا ئۆسمە پەيدا قىلالايدۇ، كىشىلەر تېنىدە راك پەيدا قىلىش مۇمكىنچىلىكى بار. بۇ تەشكىلات ئامېرىكا نازارەت قىلىش-باشقۇرۇش ئاپپاراتلىرىغا بېسىم ئىشلىتىپ، بۇ ئىچىملىك ئىشلەپچىقىرىش شىركىتىنىڭ بۇ خىل رەڭ بېرىش خۇرۇچىنى ئىشلىتىشنى توسۇشىنى تەلەپ قىلدى.
جامائەت مەنپەئەت ئىلىم-پەن مەركىزىنىڭ باياناتى ۋە شىكايىتىگە قارىتا ھەرقايسى تەرەپلەر ئوخشاش بولمىغان قاراشلاردا بولدى.
سانائەت تەشكىلاتى ئامېرىكا ئىچىملىك جەمئىيىتى（AmericanBeverageAssociation）«بۇ بۇ تەشكىلاتنىڭ بىر ‹قورقۇتۇش تاكتىكىسى› خالاس، بۇ شىكايەتلەر قاتتىق يولسىزلىق» دېدى.
يېمەكلىك ۋە دورا باشقۇرۇش ئىدارىسىنىڭ باياناتچىسى دوئۇگلاس كارا بىر ئېلېكترونلۇق پوچتا يوللانما باياناتىدا مۇنداق دېدى: «بىز بۇ خىل ماددىنىڭ كىشىلەر سالامەتلىكىگە بىۋاستە خەۋپ ئېلىپ كېلىدۇ دەپ قارىمايمىز، پەقەت بىر ئادەم بىر كۈندە مىڭ قۇتا كولا ئىچىۋەتكەندە، ئاندىن جامائەت مەنپەئەت ئىلىم-پەن مەركىزى دېگەندەك راك كەلتۈرۈپ چىقىش خەۋپى بولىدۇ.» شۇنىڭ بىلەن بىر ۋاقىتتا ئۇ يېمەكلىك ۋە دورا باشقۇرۇش ئىدارىسىنىڭ بۇ مەركەز تاپشۇرغان مۇراجىئەتنامىنى قاراپ چىقىۋاتقانلىقىنى بىلدۈردى.
كوكا كولانىڭ باياناتچىسى دېئاننا گارزا ئامېرىكا ئىچىملىك جەمئىيىتى ئوتتۇرىغا قويغان گۇماننى نەقىل كەلتۈرۈپ جاۋاب قايتۇردى، پېپسى كولانىڭ باياناتچىسى جىللىئان جالاسسو ھېچقانداق ئەيىبلەش سۆزلىرىنى قىلمىدى.
نۇر ئاخبارات تورى
يوللىغان ۋاقتى 2012-3-8 12:06:04
نەفىس
