[شېئىر] دېھقىنىم

ئەزھەر36

دېھقىنىم



تالاي يىللار جاپالىق ئىشلەپ ھاردىڭ دېھقىنىم ،
ئاددىي – ساددا تۇرمۇشقا كۈنۈپ كەلدىڭ دېھقىنىم .
قان – تەرىڭنىڭ ھوسۇلى كۆرۈلگەندە ئەمگەكتە ،
خۇشال بولدۇڭ ، روھلاندىڭ ئەجىرىڭدىن دېھقىنىم .

كېۋەز ، قۇناق ، بۇغداينىڭ ھوسۇلى دەپ ھەر يىلى ،
كېچە – كۈندۈز دىمەي سەپ سۇ باشلىدىڭ ئېتىزغا .
ھېيىت – بايرامنى ، ئايەمنى ، ئۇنتۇپ بەزى پەتىنى ،
ئېتىز – ئېرىق بۇيىدا قىر ياسىدىڭ دېھقىنىم .

بىز يىگەن ئاش – نانلاردا سېنىڭ قان – تەر ، مېھرىڭ بار ،
ئەجرىڭنى ئۇنتۇغانلار بولۇر بىر كۈن خارۇ – زار .
دەرد - ھالىغا يېتەيلى ، قەدىرلەيلى ، كۆيلەيلى ،
تۇزكورلىقتا ئۆتمەيلى ، ئىتتىپاقلىق بولسۇن يار .



مەنبە :  ئەخمەتجان مەمتىمىن ( ئەزھەر 36 )
2015-يىلى 1-ئاينىڭ 31-كۈنى

جام

شۇنداق، دېھقاننى، شۇلارنىڭ ئەمگەك- ئەجرىنى قانچە ئويلىساق، قانچە كۈيلىسەك ئازلىق قىلىدۇ. ئىنساننىڭ مەۋجۇتلۇقى دېھقان ئەجرى بىلەن يىلتىزداش. دېھقاننى خارلىغانلار، ئاناي تاپقانلار ھامان بىر كۈنى جاجىسىنى يېمەي قالمايدۇ.

ئەزھەر36

جام يوللىغان ۋاقتى  2015-2-1 01:28
شۇنداق، دېھقاننى، شۇلارنىڭ ئەمگەك- ئەجرىنى قانچە ئويل ...

دېھقانلار ھەقىقەتەن جاپاكەش ھەم سۆيۈملۈك كىشىلەر ، ئۇلارنىڭ ئەمگىكىنى قەدىرلەيلى ، ھۆرمەتلەيلى .

WOLKANI

كېۋەز ، قۇناق ، بۇغداينىڭ ھوسۇلى دەپ ھەر يىلى ،
كېچە – كۈندۈز دىمەي سەپ سۇ باشلىدىڭ ئېتىزغا .
ھېيىت – بايرامنى ، ئايەمنى ، ئۇنتۇپ بەزى پەتىنى ،
ئېتىز – ئېرىق بۇيىدا قىر ياسىدىڭ دېھقىنىم .

بۇ شئېرىڭىز ياخشى چىقىپتۇ ،ياقتۇردىم ،دىېقىنىم ئەسلى بىر چوڭ تىما قانچىلىك يازالىساق شۇنچىلىك يازساق ھەم مەدىلىسەك ئەرزىيدۇ .

ئەزھەر36

WOLKANI يوللىغان ۋاقتى  2015-2-1 14:52
كېۋەز ، قۇناق ، بۇغداينىڭ ھوسۇلى دەپ ھەر يىلى ،
كېچە – ك ...

ئېلھام بەرگىنىڭىزگە رەھمەت .

نۇرلان

شېئىرنىڭ تىلىغا ئالاھىدە ئەھمىيەت بېرىشىڭىزنى ئۈمىد قىلىمەن.

ئەزھەر36

نۇرلان يوللىغان ۋاقتى  2015-2-1 15:30
شېئىرنىڭ تىلىغا ئالاھىدە ئەھمىيەت بېرىشىڭىزنى ئۈمىد ق ...

بولىدۇ ، تەكلىپىڭىزگە رەھمەت . بۇ شىئىرنى ئاخشام يازغان ئىدىم ، تېخىمۇ پۇختىلاپ يولىسام بولغۇدەك .

WOLKANI

بىلىپسىز ھە ؟ ئەزھەر ئەپەندى .خاتالىق بولسا تۈزەتكىنىمىز ياخشى .

WOLKANI

بىلىپسىز ھە ؟ ئەزھەر ئەپەندى .خاتالىق بولسا تۈزەتكىنىمىز ياخشى .

نەۋرۇز

ياخشى يېزىپسىز. نۇرلان ئەپەندى دىگەندەك شىئىرى تىلغا ئەھميەت بېرىڭ. ھەم يېزىپ بولۇپلا يوللىماي چۇقۇم قايتا قايتا ئىشلەڭ. باشقىلار دىگەندىن ئۆزىڭىز بايقاشقا ماھىر بولۇڭ.