دوستۇمغا نەسىھەت

ئەزھەر36

دوستۇمغا نەسىھەت


تاللاش ھەم شاللاشتا چىقتىڭ خىزمەتكە ،
چىڭ تۇتقىن ياشلىقىڭ ئالتۇن پۇرسەتنى .
كەمتەر بول ئالدىڭدا مەنزىللەر ئۇزاق ،
قۇندۇرما قەلبىڭگە يامان ئىللەتنى .

سەتەڭلەر ‹‹ھېيلىسى›› ئازدۇرار بىزنى ،
مىڭ خىلدىن ئاشىدۇ يېقىملىق نازى .
سەزگۈر بول ، ئالدانما چۈشەن ‹‹ كۈڭلى ›› نى ،
ئاقچىدىن باشقىنى ئويلىماس زادى .

ھاياتلىق يوللىرى داغدام تۈز ئەمەس ،
يېقىتار ، بەزىدە قالدۇرار ھەيران .
تېرىشىپ ئەجرىڭدىن ئۈندۈرمىسەڭ گۈل ،
باشقىلار قەلبىدە بولىسەن سەرسان .

ئەخلاق ھەم ئىقتىدار بولسۇن ساڭا يار ،
ئەخلاقسىز كىشىدىن خەلقمۇ بىزار .
يامان كۆز نىيەتتە چوت سوققانلارغا ،
تارتماققا جازاسى سورىقىمۇ بار .

‹‹ مەڭگۈلۈك ئۆگىنىش ›› بولسۇن نىشانىڭ ،
تېرىشقىن ئۆزلىكسىز قالدۇرما بوشلۇق .
شۇندىلا يېتىسەن ئارزۇ – مۇرادقا ،
باسقان دەل ئوڭۇشلۇق قەدەمگە چۇشلۇق .

مەنبە :ئەخمەتجان مەمتىمىن ( ئەزھەر36 )
2015 - يىل 1- ئاينىڭ 30 - كۈنى

نەۋرۇز

ئادىمىيلىكنى، قېرىنداشلارچە دوسلۇقنى ۋە ئەخلاقنى مىزان قىلغان بۇ شىئېرىڭىزنى ئوقۇپ چىقىپ سۈيۈندۈم. ياخشى يېزىۋاتىسىز ئەزھەر ئەپەندى. ياخشى يازمىلارنى يوللاپ تۇرۇڭ.

ئەزھەر36

نەۋرۇز يوللىغان ۋاقتى  2015-1-31 12:48
ئادىمىيلىكنى، قېرىنداشلارچە دوسلۇقنى ۋە ئەخلاقنى مىز ...

ئېلھام بەرگىنىڭىزگە رەھمەت ،  تەكلىپ - پىكىرىڭىزنى ئايىمىغايسىز .

نۇرلان

ئەزھەر ئەپەندىم تۇنجى شېئىرىدىن باشلاپلا خېلى ياخشى يېزىۋاتىدۇ، مۇشۇنداق تىرىشسىلا كۆپ ئۆتمەي مول ھوسۇللۇق قەلەمكەش بولۇپ قالىدۇ.
يەنىمۇ تىرىشىششىڭىزغا تىلەكداشمەن.

ئەزھەر36

نۇرلان يوللىغان ۋاقتى  2015-1-31 19:31
ئەزھەر ئەپەندىم تۇنجى شېئىرىدىن باشلاپلا خېلى ياخشى ي ...

نورلان ئەپەندى مېنىڭ ئەسەرلىرىمگە ياخشى باھالارنى بېرىپ كىلىۋاتىدۇ . ئېلھام بەرگىنىڭىزگە كۆپ رەھمەت .
مەن شىئىر ئىجادىيىتىنى ئەمدىلا باشلىغان ‹‹ مايسا ›› ، سىزدەك ئۇستازلارنىڭ كۆپىرەك تەكلىپ - پىكىر بېرىشىگە مۇھتاجمەن .

WOLKANI

ئەزھەر ئەپەندىنىڭ شئېرلىرى ياخشى چىقىۋاتىدۇ ،ئىلھاملىرىڭىز ئۈزۈلمىسۇن !

ئەزھەر36

WOLKANI يوللىغان ۋاقتى  2015-2-6 00:57
ئەزھەر ئەپەندىنىڭ شئېرلىرى ياخشى چىقىۋاتىدۇ ،ئىلھامل ...

ئېلھام بەرگىنىڭىزگە رەھمەت .