غېرىپ بىلەن سەنەمنىڭ بىر-بىرىگە ئېيىتقانلىرى

نەۋرۇز

غېرىپ بىلەن سەنەمنىڭ بىر-بىرىگە ئېيىتقانلىرى

‏ئابدۇرېھىم ‏ئابدۇۋەلى (‏ئاسۇق))

كەتكۈم كېلەر كېچىپ ھەممدىن،
ھېچكىم بىلمەس خېلۋەت ماكانغا.
خىيالمدا ئۆكسىگەن ئۆتمۇش،
سوغاق نەزەردە باقار جاھانغا.

ئەجەپ ئىكەن تەقدىر قىسمىتى،
نە ئۈمۈتتە قالدۇردى مىنى.
كۆز ياشلىرىم كەتسىمۇ قۇرۇپ،
ھېچ ئىنسانغا ئېيىتمايمەن ئۇنى.

يتەر دوستۇم قىينىما مىنى،
ھەم ئازاپتا قويما ئۆزۈڭنى.
مۇھەببەتتە گادايمەن ئۆزۈم،
دوسلۇق ئۈچۈن باساي قەدەمنى.

(ئاپتۇرى : ــ دوستۇم)

بىلىمەن بۇ ھايات شۇنداق رەھىمسىز،
بەرىبىر بەندىنىڭ قۇدىرتى چەكلىك.®
مەن رازى مەڭگۈلۈك دوستۇم بۇلۇپ قال،
سول قۇلۇڭ بولسىمۇ ئالىمەن ئىلىك.

بىر تامچە يېشىمنى ئەۋەتتىم ساڭا ،
تۈكۈپ قوي قەلبىڭنىڭ قاتلاملىرىغا.
ياش تۆكسەڭ ئەگەردە ئاقسۇن شۇ يېشىم،
يۇلۇقساڭ خەتەرگە داۋانلىق يولدا.

ھېجرانكەش ئۆتمۇشنى ئۆلتۇرۇپلا ۋەت،
قاراپ باق قۇلۇڭغا گۈل چېچەك تولدى.
يىقىلساڭ قورىقمىغىن يۆلەپ قۇيۇشقا،
شىئېرۋاز يىگىتتىن دوستۇڭ بار بولدى.

® بەلگىسى قۇيۇلغان مېسرا مەنىۋى ئۇستازىم ئابدۇرېشىت سۇلايمان ( جاللات ) نىڭ


2010-يىلى 23-دېكابىر ئاقسۇ ساجىڭزا(قۇمقۇدۇق)تا يېزىلدى

سىھىر

ياخشىمۇسىز نەۋرۇز ئ‍ەپەندىم ،،،،،بۇ تىمىڭىزمۇ شۇنداق ياخشى چىقىپتۇ ،،،،،ھارماڭ

نەۋرۇز

سىھىر يوللىغان ۋاقتى  2015-1-11 14:27
ياخشىمۇسىز نەۋرۇز ئ‍ەپەندىم ،،،،،بۇ تىمىڭىزمۇ شۇنداق  ...

بۇ تېمام بۇرۇن بىر يوللانغان . ئەمما نىمە ئۈچۈندۇر ئىنكاسسىز قاپتۇ. شۇڭا قايتا يوللاپ ئوقۇرمەنلەرگە قايتا سۇنۇپ باققۇم كىلىپ قايتا يوللىغان ئىدىم. ئەمما بۇ قېتىممۇ 600 گە يېقىن تورداش تېمامغا نەزەر ساپتۇ ئەمما پەقەتلا  يازمىللىرىمنىڭ ئىچىگە كىرىپ ئوقۇپ قىممەتلىك پىكىرنى ئايىماي كىلۋاتقان روھلان شائىرەسى سىھىر خانىم قىسقا تېتىملىق ئىنكاس قالدۇرۇپتۇ. كۆپتىن كۆپ رەھمەت.
بۇ شىئېرنى قايتا يوللۇشۇم ھەرگىزمۇ ئوقۇرمەنلىرىمگە كونا تېمام ئارقىلىق ئۆزۈمنى ياكى يازمامنى كۆز - قىلىش نىيىتىدە بولغۇنۇم ئەمەس. ئەمما مەن بۇ شىئېرىمدىن پەخىرلىنىمەن. ئالدىنقى ئۈچ كۇبلىت دوستۇمنىڭ ، كىيىنكى ئۈچ كۇبلىت قەلىمىمدىكى جاۋاپ. بۇنى ئوقۇغان ئادەم ئەھكەرتىش ئارقىلىق بىلەلەيدۇ.
يەنە بىر ئاساسلىق مەخسىدىم يازمىللىرىمغا « ئىرادىسىزلىك »، « ئۈمۈدسىز »، « ھاياتقا كۈلۈپ قارىيالمايدىغان روھى خۈنۈك » تامغىسىنى باسماقچى بولغان ئوقۇرمەنلىرىمگە بېرىلگەن ئاددى جاۋاپ.
مەنمۇ ئەسلى ھەر قايسىڭلارغا ئوخشاش ھاياتقا كۈلۈپ باقىدىغان ، كۈلۈپ قارىيالمىغانلارغا قېرىنداشلارچە مېرىم بىلەن سالام بېرىدىغان ، مەسئۇليەتچانلىق بىلەن تىگىشلىك تەسەللى بېرەلەيدىغان ..... ئاددى قەلەمكەش. مەن ھەرگىزمۇ ئۈمۈدسىز ئەمەس. ئىمانىم كامىلكى مەن ئۈمۈدسىز بولسام ھېچ بولمىغاندا ئىككى ئوغلۇم ماڭا ئوخشاش پادىچى بوپ قالىدۇ.........