تاتلىق خىياللار

نۇرلان

      تاتلىق خىياللار

يۈرىكىڭگە مۆككۈم كېلىدۇ،
ھىسلىرىڭنى قىلىپ مالىمان.
كۆزلىرىڭگە چۆككۈم كېلىدۇ،
قىياقىڭنى ئېگىپ مەن تامان.

مەڭزىڭدىكى نەپىس خال بولۇپ،
ھىدلاپ ئۆتسەم پۇراقلىرىڭنى.
قورويىڭدا مەجنۇنتال بولۇپ،
سىلاپ تۇرسام بارماقلىرىڭنى.

بۇلىقىڭدا سۈزۈك سۇ بولۇپ،
سىرغىپ چۈشسەم ئاستا يۈزۈڭگە.
ۋۇجۇدۇمغا سېغىنىش تولۇپ،
ئوخشارمەنمۇ يەنە ئۆزۈمگە؟

تاتلىق، تاتلىق جىياللار ئەجەپ،
تەسەۋۋۇرغا بەرمەيدۇ ئارام.
ھەر مىنۇتتا ئۆتتۈم سېنى دەپ،
ساقايغۇسى بىر كۈن دىل يارام.

alxir

ئەمدى ئاشىق بولۇش نۇرلان ئەپەندىگە كەپتۇ

نۇرلان

چىشلەپ چىشلەپ سۆيمەك يارىنى،
يارىشىدۇ ئون سەككىز ياشقا.
قىرىق ياشلار قىران بولسىمۇ،
ئون سەككىزنىڭ لەززىتى باشقا.

سىھىر

مۇھەببەت دىگەن ئۇ بىر دورا يۈرەكلەرنى ياشارتىدىغان،نۇرلانكا ئەمسە مەن ئەگەشتىم رەنجىپ قالماسسىز ھە
يۈرۈكۈمگە مۈكۈۋال مەيلى،
ئۇتالىساڭ مەيلىمنى ئەگەر.
قارچۇقۇمغا سىڭىپ كەتسەڭ گەر،
بوستان كىرپىك ساڭا ئىگىلەر.

باھاردىكى مەيىن شامالدەك ،
ھىدلاپ ئۆتكىن پۇراقلىرىمنى.
باغلىرىمدا گۈل-چىچەك بۇلۇپ،
مەستخۇش قىلغىن دىماقلىرىمنى.

گۈل بەرگىگە قونغان شەبنەمدەك
سىرغىپ چۇشسەڭ زىناقلىرمغا.
ھۇجۇدىمغا سېغىنىش تۇلۇپ،
ئوخشارمەنمۇ گۈزەل يارىڭغا.

داۋاملاشتۇر خىياللىرىڭنى،
ئېشىپ قالار بىر كۈن ئەمەلگە .
مۇھەببەتلىك ئۆتكىن ھەر ۋاقىت،
مىھماندۇرمىز ئۇشبۇ ئالەمگە.

سىھىر

نۇرلان يوللىغان ۋاقتى  2014-11-30 19:39
چىشلەپ چىشلەپ سۆيمەك يارىنى،
يارىشىدۇ ئون سەككىز ياشق ...

يائاللا نۇرلانكا ،،،،مىنى ئەجەپ ئاتكاچى ئىكەن دەپ قالدىڭىزمۇ بىلمىدىم ،شىئىرىڭىزغا ئەگىشىپ قويسام ئىككى ئېغىز ئىنكاسمۇ يوق  بۇندىن كىيىن ئاتكاچىلىق قىلماي ھە،،،،،رەنجىمەڭ

WOLKANI

تاتلىق خىياللار مۇجەسسەملەنگەن  بۇ لىرىكا ،راسلا تاتلىقكەن ! قەلىمىڭىزگە بەركەت تىلەيمەن ! داۋاملىق نۇرلىنىپ تۇرغايسىز !

نەۋرۇز

نۇرلان ئەپەندىنىڭ يېقىشلىق شىئېرى تولىمۇ گۈزەل مەنالار بىلەن تۇيۇنغان. ئادەمنى راستىنلا «تاتلىق خىياللار» غا باشلايدۇ.