گۈلمېھرە : بىلمىدىڭ

گۈلمىرە2

  بىلمىدىڭ

    گۈلمېھرە

    يۈرىكىم بولدى لەختە  قان تېمىپ ،
چۈنكى سەن تۇرغاچ تىنىمسىز باغرىم تىلىپ .
تۈنلىرىم ئۇلاشتى تاڭغا غەم بېسىپ ،
سەن  « جوھۇت » تويمىغاچ ھېچ قان ئىچىپ .


گۈل چىرايىم بولدى شۇندىن زەپىران ،
ئوتقا چۈشكەن قىل كەبى قىينالدى جان .
زۇلمىتىڭىدىن ئېڭىزىمدا قالدى دان ،
بىلمىدىڭ ، ھېجرىڭدە بولدۇم ناتىۋان ...


ئاسمىنىڭدا چاقنىماس ھۈكەرلىرىم ،
باغلىرىڭدا ھېد چاچالماس گۈللىرىم .
شۇ سەۋەپتىن تىتما - تىتما تەنلىرىم ،
توختىماس دەردلىك كۆزۈمدىن ياشلىرىم .



«قارىساڭلا ئويىمەن دەپ كۆزلىرىڭنى،               
سۆزلىسەڭ ھەم  كېسىمەن دەپ تىللىرىڭنى ».
ھە - دىگەنچە قىپ كۆتۈرمەس باشلىرىمنى ،
پۇشايمانغا لىق توشقۇزدۇڭ دىللىرىمنى .



سەن رەھىمسىز ئىچ ئاغرىتىشنى بىلمىدىڭ ،
مەن زەبۇننىڭ ھالىغا بىر باقمىدىڭ  .
قان شوراش ھەم جان ئېلىشكەن ئادىتىڭ ،
سەن ئۈچۈن جان بەرگەننى ھەي ... بىلمىدىڭ .



ئەمدى بىلدىم سىرلىرىڭنى ئەي جانان ،
دىلنى ئەزدىڭ سەن بولۇپ ماھىر خاقان .
كۈلسۇن جېنىم ، تۈگىسۇن زۇلۇم ، كۈلسۇن جاھان ،
شۇنى بىلگىن ، بىزنى كۈتەر  تۇپراق ھامان ...




2014  - يىلى  22 - ئىيۇل قەشقەر .        

WOLKANI

تاتلىق ۋە تېتىملىق چىققان بۇ لىرىكىڭىزنى ياقتۇردۇم !

مەرىپەت

شئېرنى ياخشى يېزىپسىز، سىزنى باشقا يەردە كۆرگەندەكلا قىلىمىنا...

ئەزھەر36

شىئىرنى ھەقىقەتەن ياخشى يېزىپسىز .

نەۋرۇز

گۈلمىرە خانىم سىزگە سالام. يازمىڭىز ھېسياتىڭىزنى ناھايتى تەبىئى ھالدا ئوتتۇرغا تاشلاپتۇ.  يارايسىز . تەكلىۋېم شىئېرى تىل ئىشلىتىشكە دىققەت قىلىڭ. شىئېر تىلىنىڭ ئويناقلىقى بىلەن باشقا ژانېرلاردىن پەرىقلىق راڭدار ھەم جەلىپكار. «ناۋادا بوش بىلەن سادام مەخسىدىنى شىئېر ئارقىلىق ئوتتۇرغا قويغان بولسا پارىس قولتۇقى ئۇرۇشى پارتىلمىغان بولاتتى »ـدەيدۇ ئوكتاۋىئو پاز. دىمەك شىئېردىكى تىل قانچە ئويناق قانچە رەڭدار بولسا ئۇ دەل سىزنى يۇرىتىدۇ. قەلىمىڭىزگە بەركەت تىلەيمەن

ئىدرسجان

ئابدۇخالىق ئۇيغۇر شائىرنىڭ شىئىرغا خىلى يىقىنلاپ قاپتۇ جۇمۇ بۇ شىئىر يارايسىز تىخمۇ تىرشىڭ.