|
باھارىڭنى سېغىندىم ئەجەپ
گۈلمېھرە
بوستانلارنى ئەيلىگەن ئاۋات ،
كۈيچى بۇلبۇل سايرىغان خۇش - شاد .
ياپراقلىرىڭ چەكمىگەن پەرياد ،
باھارىڭنى سېغىندىم ئەجەپ .
شوخلىقىنى يوقاتتى دەريا ،
گۈل بەرگىدە تىترەيدۇ ياشلار .
مۇڭغا پېتىپ تولغاندى تاشلار،
باھارىڭنى سېغىندىم ئەجەپ .
كەلمەس بولدى باغلاردىن ئەمدى ،
شوخ نەغمىچى قۇشلارنىڭ كۈيى .
كەلمەس خۇشبۇي چېچەكنىڭ ھېدى ...
باھارىڭنى سېغىندىم ئەجەپ .
كۆكتە پەرۋاز قىلماس شۇڭقارى ،
بۇغۇچلانغان بەردەم قاناتى .
ئوت چاچراتماس تۇلپار تۇياقى ،
باھارىڭنى سېغىندىم ئەجەپ .
تەبەسسۇمدا باقالماس ھېلال ،
نازى بىلەن ئاقالماس زىلال .
دۇنيا سۈرەر ئازاپلىق خىيال ،
باھارىڭنى سېغىندىم ئەجەپ .
ئورمانلارنىڭ جىلۋىسى ئۆچكەن ،
كۆكتە بەخىت يۇلتۇزى كۆچكەن .
ئارزۇ - ئۈمىد نەگىدۇر يۈتكەن ،
باھارىڭنى سېغىندىم ئەجەپ .
باھار قەدىرى ئۆتۈلەر كۈندە ،
قىش جۇدۇنى تارتقاچقا نەرە .
كۈلپەتلەرگە گۇۋا ھەر قەترە ،
باھارىڭنى سېغىندىم ئەجەپ .
ھەسرىتىمنى يۇتتۇم ئىچىمگە ،
ئايلانسىمۇ باغلىرىم چۆلگە .
كىرگەچكە مەن تىرىكلا گۆرگە ،
باھارىڭنى سېغىندىم ئەجەپ .
يېتەرمەنمۇ جانان ۋەسلىڭگە ،
گۈل - چېچەككە تولغان پەسلىڭگە .
قالدۇرارمەن نىمە نەسلىمگە ،
باھارىڭنى سېغىندىم ئەجەپ .
قاچانغىچە غەمدە ياشارمەن ،
ھېجرانىڭدا ھەسرەت چېكەرمەن .
ۋىسالىڭغا قاچان يېتەرمەن ،
باھارىڭنى سېغىندىم ئەجەپ .
ئۆتمۈش بولۇپ كەتتى ئۇ كۈنلەر ،
مەڭگۈ قايتىپ كەلمەس كەچمىشلەر ...
ئۇپۇق كەبى ئاقارماس تۈنلەر ...
باھارىڭنى سېغىندىم ئەجەپ ...
2014 -يىلى 7 - ئىيۇل ، قەشقەر .
| 
ئىناۋەت
تەڭگە
بايلىق
تۆھپە
IP كارتىسى
ۋاقتى: 2014-10-22 12:11:11
كۆتۈرۈش كارتىسى
چوققىلاش كارتىسى
变色卡
ئىگىسى
ۋاقتى: 2014-10-22 13:50:54
ۋاقتى: 2014-10-23 13:31:58
/1 
