[ شېئر] ئىشەكجانغا سالام يوللايمەن.

رىجال · ۋاقتى: 2014-9-22 09:11:21

ئىشەك جانغا سالام يوللايمەن.
سالام ساڭا ھاڭراق ئىشەكجان،
سالامەتتۇ يۇرت ئەھلىڭ ماكان،
ئارتىمىغاندۇر دۈمبەڭگە تاغار،
قاتمىغاندۇ ھەم يەنە خامان.

كەچمىش بولسۇن كەلمىسۇن ئەبەت،
ھىچبىر جانغا شۇ زۇلۇم قىسمەت،
پارلاق بولسۇن ھەم بەختىڭ ئەبەت،
چۈنكى دەۋرىم بۇ ئازات زامان.

سەھنىلەردە كۆردۈمغۇ ئەجەپ،
ناخشا ساڭا قىلچە ماس ئەمەس،
ئازدۇرۇپتۇ شەيتان بەدنىيەت،
ناخشىلارنى ئېتسۇن غەزەلخان.

- ھارۋا ساپان سۆرىمەيمەن دە،
بۇلۇپ قالماي قەدىرسىز بەندە،
سەن ئويلۇدۇڭ قەدرىڭ قەيەردە،
قەدرىڭ ئىزلەپ چاپتڭ ھەر قايان.

ئاھ رەڭگارەڭ بۇېاقلار گىرىم،
يوق بولغاچقا ئىشەكچە كىيىم،
يالىڭاچلا چىقپسەن بەلكىم،
كۆزلۈرۈمنى يۇمدۇم ئۇياتچان.

سۆزلىرىڭنى ھىچكىم ئۇقمىسا،
مەزمۇن ياكى مۇڭى بولمىسا،
ئاھ مۇشۇنداق بۇلىدۇ ناخشا،
قەسلەش ئۈچۈن دۈشمەن ماختىغان.

سىنىڭ ناخشاڭ سىنىڭ زۇۋانىڭ،
شەيتانغىلا ياقار ئاۋازىڭ،
بىز ئىنسانغا لېكىن ئۇۋالىڭ،
چۈشىنەرسەن بۇلارنى قاچان.

سەھنىلەردە چولپانلارمۇ كۆپ،
ئۆتەر بىزنى كۈندە كۈلدۈرۈپ،
سەن سەھنىگە چىقما يۈگۈرۈپ،
چولپان بۇلۇش ئىشىككە ئاسان.

پۇرسىتىڭ يوق ئەمما ناخشىدا،
بارغىن جاڭگال دىگەن باغچىغا،
نەسىرلەنسەڭ يوغان ھاڭگدا،
ئۆزەڭگە خاس بۇلىسەن چولپان.

ئىدرسجان · ۋاقتى: 2014-9-22 10:37:52

بۇ شىئرنى بىر كىمگە قاراتلىمۇ يە

رىجال · ۋاقتى: 2014-9-22 11:18:35

ئىدرسجان يوللىغان ۋاقتى 2014-9-22 10:37
بۇ شىئرنى بىر كىمگە قاراتلىمۇ يە

ئۇيغۇر ناخشا -مۇزىكىلىرنىڭ شەكىلىدىن چەتنەپ چۇشۇنىكسىز تىللاربىلەن ئۇيغۇر سەنئەت سەھنىسىگەچىقۋاتقان ،ئۇيغۇر سەھنە كىيىملىرىنى كىرەك ئەتمەي بەزمىخانىدىكى چاكىنا كىيىملەر بىلەن نۇمۇسسزلارچە خەلقىمىز ئالدغا چىقىۋاتقانلارغا شۇنداق دىگۈم كىلىپ قالدى.