سۆيەلمىگەن قىز

نۇرلان

      سۆيەلمىگەن قىز

بىر قىز باردۇر، ئېسىمدە بىر قىز،
مەن سۆيمىگەن، مېنى سۆيمىگەن.
غايىبانە كۆيۈشۈپتىمىز،
قەلبىمىزنى يېرىپ كۆرمىگەن.

مەن سۆيمىگەن ئاشۇ ئوماق قىز،
يۈرىكىنى تۇتقان قوش قوللاپ.
قوشۇلمىدى ئەمما رىزقىمىز،
تەقدىر بىزنى قويۇپتۇ گوللاپ.

مېنى سۆيمەي قويدى نازۇك قىز،
شادلىقى ئاز، قايغۇلىرى كۆپ.
ئەسلىمەمدە ئازاپلىق بىر ئىز،
ھەسرىتىمنى كېلىدۇ سۆيۈپ.

سۆيۈلمىگەن ئاشۇ بەرنا قىز،
مېنى گاھى قىلارمۇ خىيال؟
مۇمكىن ئەمەس ئۇنتۇش ئۇنداق تېز،
چۈشلىرىدە سۆيەر ئېھتىمال.

لوپجان

ياخشى چىقىپتۇ.ھارمىغايسىز.

ئىدرسجان

داۋاملىق تىرشىپ ياخشى ئەسەرلەرنى مەيدانغا كەلتۇرگەيسىز.

نەۋرۇز

بىر خىل رومانتىك دۇنياغا سەپەر قىلغاندەك تۇيغۇغا كىلىپ قالدىم يازمىڭىزنى ئوقۇپ. رەھمەت سىزگە