ئەكبەر ئۆمەر ۋولقانى ئىككى شېئىر

WOLKANI

سەن ۋە مەن
ئەكبەر ئۆمەر ۋولقانى
سەن بەخىتنىڭ ئالقانلىرىدا  ،
پىلتىڭلىساڭ ئالتۇن بېلىقتەك .
مەن ئازاپنىڭ ئوكىيانلىرىدا ،
لەڭ ئۇرىمەن تەنھا قېيىقتەك .
سەن ۋىسالنىڭ گۈلزارلىقدا ،
تاخلاپ يۈرسەڭ خۇددى كىيىكتەك.
مەن ھىجراننىڭ ئوچاقلىرىدا  ،
يالتىرايمەن مىسران قىلىچتەك .
خىيال
ئۆزۈمنىڭ خىيالى شاھتۇر ئۆزۈمگە ،
ھېچنەرسەم يوق مېنىڭ خىيالدىن بۆلەك.
‹‹نېمەڭ بار ؟››دەپ مەندىن سورىساڭ ئەگەر،
بار مەندە خىيالغا چىلانغان يۈرەك  .
خىيالغا ئايلىنىپ ھەر كۈنى تۈندە،
جاھاننى كېزىمەن بولۇپ قاناتلىق .
‹‹خىيالنىڭ بىر ئۇچى بەخت بوينىدا،››
خىياللار سۈرىمەن تاتلىق ۋەتاتلىق .
چېتىپ قويسام تەكلىماكان ئوغلىنى،
قىزىل دېڭىز قىزلىرىغا توي تارتىپ.
سىڭىپ شۇئان قۇم باغرىغا يېشللىق ،
ئاسمان پەلەك ئۆسسە گۈللەر بوي تارتىپ.
ئۆڭكۈرلەرگە باشلاپ كىرسەم قۇياشنى ،
قاراڭغۇلۇق بىر دەقىقە نۇر كۆرسە .
ئىگىز –پەسلىك يەر يۈزىدىن تۈزلىنىپ،
ئىسسىق –سوغۇق ھەممە يەرگە تەڭشەلسە.
چۆللەرنىڭمۇ چېكىسىگە گۈل قىسسام،
تاقىر سايلار چىمەن بىلەن ئورالسا.
بېسىلارمۇ خىيالىمنىڭ چاڭقىغى،
تارىم مېنىڭ يۈرۈكىمگە يول ئالسا .
ئاپتۇر؛پوسكام ناھىيە 3-ئوتتۇردىن

heqqani

ھەقىقەتەنمۇ شائىرنىڭ خىياللىرى ئىكەن ... خىيال دېڭىزىغا غەرق بولۇپ كەتمەڭ . كېمىگە چىقىۋېلىڭ ھە ... ھى ھى ... ياخشى يېزىپسىز ... ھارمىغايسىز ...

تەلپۈن

ئەكبەر مۇئەللىم بۇ  شىئىرنى ھەقىقەتەن ياخشى يىزىپسىز،تىخىمۇ ياخشى ئەسەرلەرنى يىزىپ چىقىپ،ياخشى نەتىجىلەرگە ئىرىشىشىڭىزگە تىلەكداشلىق بىلدۈرمەن.

WOLKANI

مىنى قوللىغان تورداشلارغا رەخمەت !