تۇرسۇنگۇل ئوسمان پىغانى :سىلەر مىنىڭ ئىلھام قۇشلۇرۇم

WOLKANI

سىلەر مىنىڭ ئىلھام قۇشلۇرۇم

تۇرسۇنگۇل ئوسمان (پىغانى)

بوخچاڭلارغا قاچىلاپ قۇياش،
ئۈمۈت بىلەن كەلگەنمۇ يۈدۈپ.
كەچ كىرىشتىن بىزارمۇ سىلەر،
يۈرەمسىلەر قۇياشنى كۈتۈپ.

ئۈمۈت نۇرى چاقنىغان كۆزلەر،
تىكىلمەكتە ھەيرەتتە ماڭا.
قوزغىلىدۇ بالىلىق ھىسلار،
ھەر قارىسام سىلەرگە يانا.

كۆزۈڭلەردىن ئىزدەيمەن ئۈنسىز،
مۇنبىرىمدە تۇرۇپ بالىلىق.
ئارمانلىرىم قاناتلىنىدۇ،
ھەۋەسلەرگە تولار قەلبىم لىق.

ئەتىراپىمدا بولۇپ پەرۋانە،
يۈرۈشكەندە سىلەر ۋىچىرلاپ.
ھىس قىلىمەن ئۆزەمنى شۇ دەم،
بالىلىققا قايىتقاندەك چاغلاپ.

تىكىلگەندە ماڭا دائىملا،
قىرىق جۇپ كۆز ئۈمۈتتە بىقىپ،
كۈۋەجەيدۇ قىززىق قانلىرىم.
تومۇرۇمدا شۇرۇلداپ ئېقىپ،

سىلەر مىنىڭ ئىلھام قۇشلۇرۇم،
ئىجادىمغا ئۇل ھازىرلىغان.
قۇياشىغۇ سىلەر ئەتىنىڭ،
بۇلۇت يېرىپ كۆكتە پارلىغان.

يۈرۈگۈمگە تاتلىق سىزىملار،
تاراپ كىتەر مىھرىڭلار بىلەن.
شام چىراق بوپ يورۇتۇپ دىلنى،
يىتىشتۈرەي غۇنچىلار تىمەن.

ئەزھەر36

تۇرسۇنگۇل ئوسمان (پىغانى) شىئىرى ياخشى چىقىپتۇ ، يوللىغۇچىنىڭ ئەجرىگە رەھمەت .

نۇرلان

شېئىر ھەقىقەتەن ياخشى يېزىلىپتۇ.

WOLKANI

يېڭى شئېرىڭىزغا ئاپىرىن !