[شېئىر] يىڭنە تەزكىرسى - ئەكبەر ئۆمەر ۋولقانى

WOLKANI · ۋاقتى: 2014-9-1 16:14:28

يىڭنە تەزكىرسى
ئەكبەر ئۆمەر ۋولقانى
      1
يىپ ئۆتكۈزۈپ نۇردىن يىڭنىگە،
   يامىماقچىمەن
ھەسىرتىمنىڭ يىرتىقلىرىنى .
ئۆزۈم سۆيگەن ئامراق كىشىمگە
ئەڭ چىرايلىق ئاۋازىم بىلەن
ئوقۇپ بەرگىم كىلۇر تەكرارلاپ
يۈركىمنىڭ يىزىقلىرىنى .
         2
يىڭنە قىلىپ كىرپكلىرىمنى
چەككىم كىلۇر يالقۇنلۇق شېئىر
نىگارىمنىڭ ئوماق لىۋىگە.
      3
كۈبجىپ ئاققان تومۇرلار ئارا
مىڭلاپ قۇدۇق قازسام دەيمەن
قاغجىرىغان سۆيگۈ چۆلىگە،
ۋاپا تولسا مېھىر كۆلىگە .

ئاپتۇر؛ پوسكام ناھىيە 3-ئوتتۇردىن

HIRISTAL · ۋاقتى: 2014-9-1 20:00:28

لىرىكىڭىز بەك تاتلىق چىقىپتۇ،مۇبارەك بولسۇن.ئىلھاملىرىڭىز ئۈزۈلۈپ قالمىسۇن.

ADiL · ۋاقتى: 2014-9-1 20:50:52

ئەسەرلىرىڭىز ياخشى چىقىۋاتىدۇ.
تەكلىپ: ئىلگخرىكى تېمىلىرىڭىزدىن تارتىپ ئەسەرلىرىڭىزنى روھلانغا يوللىغاندا تېما ماۋزۇسىغا ئەكبەر ئۆمەر ۋولقانى شئېر دەپلا يوللاپ كېلىۋاتىسىز، بۇنداق بولغاندا سىزنىڭ باشقا شېئىرلىرىڭىز بىلەن پەرقلەندۈرگىلى بولمايدىكەن، شۇڭا باشقىلارنىڭ ماۋزۇسىدىنلا قانداق مەزمۇندىكى ئەسەر ئىكەنلىكىنى بىلەلىشى ئۈچۈن، شۇ شېئىر ياكى ئەسەرنىڭ تېمىسىنى تېما ماۋزۇسى قىلىپ يوللىشىڭىزنى تەۋسىيە قىلىمەن.
ھازىر ئاپتۇرنىڭ ئەڭ يېڭى تېمىلىرى دېگەن يەرگە قارىساقلا مېنىڭ دېمەكچى بولغىنىمنى چۈشەنگىلى بولىدۇ.

نۇرلان · ۋاقتى: 2014-9-1 21:58:45

ئەكبەر ئەپەندىمنىڭ شېئىرلىرىدىكى تىل گۈزەللىكى ۋە تىل ئىشلىتىش جەھەتتىكى ئەركىنلىك ئۇيغۇر تىلىنىڭ پاساھىتىنى نامايەن قىلىپ بەرمەكتە. يەنىمۇ نادىر ئەسەرلەرنى روياپقا چىقىرىشىغا تىلەكداشمەن.

بارى · ۋاقتى: 2014-9-2 11:55:05

ياخشى يېزىپسىز ، داۋاملىق ئالغا ！

WOLKANI · ۋاقتى: 2014-9-2 12:42:50

تورداش خىرىستال ،ئادىل ،نۇرلان ۋە بارى قاتارلىق دوسلارنىڭ يىقىندىن قوللىغانلىقىغا رەخمەت ،تەكلىپ پىكىرىڭلارنى قوبۇل قىلدىم .

[شېئىر] يىڭنە تەزكىرسى - ئەكبەر ئۆمەر ۋولقانى

كۆرگەن سەھىپە

ئالاھىدە تەۋسىيە /1