ئاكامغا

Izqiman · ۋاقتى: 2014-6-15 19:27:24

ئىددىيەڭنى سەن ماڭا تاڭماقچى بولۇپ،
سىياسەت قىلىسەن بېسىمىڭ قاتتىق.
ئۆتمەيدۇ كاللامدىن غەزەپكە تولۇپ،
لەۋچىشلەپ دىماغدا كۈلىمەن ئاچچىق.

نوپۇزدا ئاكاسەن مېنىڭدىن ئۈستۈن،
ھەرسۆزۈڭ مەن ئۈچۈن ئىشارەت يارلىق.
بوي سۇنۇپ كەلدىممەن ئەي ساڭا پۈتۈن،
خىلاپلىق قىلمىدىم سۆزۈڭگە چاغلىق.

سەن مېنى كۆرمىدىڭ قېرىندىشىڭدەك،
تەبەسسۇم قىپ ماڭا باقمىدىڭ زىنھار.
مەن كىچىك ئەمەسمەن ئويلىغىنىڭدەك،
قەلبىمدە قانداشلىق مۇھەببىتى بار.

ھەر ئاخشام سۆزلەيمەن كۆكلەرگە بېقىپ،
دەردىمنى تۆكىمەن يۇلتۇزغا ئايغا.
تىڭشاپ باق قەلبىمنى قۇلاقنى يېقىپ،
مېھىردەپ سوقىدۇ ،ھەرچاغ ھەرجايدا.

مېھىر بەر ئەي ئاكا تەڭ كۆرگىن مېنى ،
ئىتتىپاق تۈزەيلى ئەبەدىل ئەبەد.
خوش بولسۇن بوۋامنىڭ ،ئانامنىڭ روھى،
خەقلەرمۇ بىز ئۈچۈن قىلمىسۇن غەيۋەت.

ئەمەتجان سايىت 2014-يىلى 5-ئاي 29-كۈنى

نۇرلان · ۋاقتى: 2014-6-15 23:33:08

شېئىرىي تىلغا يەنىمۇ ئەھمىيەت بەرسىڭىز، سىزدە ئۈمىد باركەن. تېخىمۇ تىرىشىڭ.

altaxna · ۋاقتى: 2014-6-16 00:27:29

سىزگە بىرەر ئىش تەسىر قىلغاندەك ھە
شىئىر مەزمۇنىدىن چۈشەندىم چۈنكى ماڭىمۇ بىرەر نەرسە تەسىر قىلسا ئىلھام بەك كېلىدۇ
来自安卓客户端

دېھقان · ۋاقتى: 2014-6-16 01:06:04

ھەي، ئاكىلار ئىنىڭلارنى ئۇنتۇپ قالماڭلار. چۇنكى ئۇ سىلەرنىڭ ئوز قىرىندىشىڭلار. ئىنىڭلار سىلەردىن پەخىرلىنىدۇ.سىلەرگە دىمەكچى بولغىنىم چوڭ ئوينى يوخلاپ تۇرۇڭلار،ئىنىڭلار سىلەردىن مەڭگۇ ۋاز كەچمەيدۇ، بەك ياخشى يىزىپسىز ،تەغدىرداشكەنمىز رەخمەت

نەۋرۇز · ۋاقتى: 2014-6-16 10:47:47

ئۆز ھېسياتىڭىزنى قەلەمدە تۇللۇق ئىپادىلەپسىز. ئەمما نۇرلان ئەپەندى ئېيىتقان تەرەپلەرگە ئەھمىيەت بەرسىڭىز سىزدىكى قەلەمدە ئۈمۈد بار ئىكەن.
چۇقۇم تېرىشىڭ. ئويلىغىڭىزنى خەق نىمە دەپ قالاركىن دىمەي يېزىڭ. ئۈچ چى قېلىنلىقتىكى مۇز بىر كىچىدىلا قاتىدىغان ئىش يوق.

Izqiman · ۋاقتى: 2014-6-16 21:11:43

رەھمەت سىزگە،مېنىڭ بەلكىم دەرت تۆكىدىغانغا قەغەزدىن باشقا كىشىم بولمىسا كىرەك.

نەۋرۇز · ۋاقتى: 2014-6-16 22:22:03

بۇ يازمىنى ئاخىرىدا نەۋرۇز تەھرىرلىگەن. ۋاقتى 2014-6-16 22:23

ئۇنداقمۇ دىمەڭ. دەرىدىڭىزنى ئاڭلايدىغان ئادەم بولمىسا تاھارەتنى كامىل ئېلىپ جايناماز ئۈستىگە چىقىڭ . ئەنە شۇ چاغدا دەردىڭىزنى ئۈنسىز ئاڭلاپ ھەل قىلىدىغان زاتنىڭ رەھمىتىگە ئېرىشسىز قېرىندىشىم.
بەزىدە ھەم قەغەزگە مۇشۇنداق ئىلھام بىلەن مىسرالارغىمۇ ياندىشىڭ. ئىشقىلىپ ئۈمۈتسىز بولماڭ. ئۈمۈتسىز ئادەمنىڭ قولىدىن ئۆزىنى خوش قىلىشمۇ كەلمەيدۇ.

Izqiman · ۋاقتى: 2014-6-17 00:20:30

نەۋرۇز يوللىغان ۋاقتى 2014-6-16 22:22
ئۇنداقمۇ دىمەڭ. دەرىدىڭىزنى ئاڭلايدىغان ئادەم بولمىسا ...

سەمىمى ۋە پەلسەپىيۋى تەلىملىرىڭزگە رەھمەت.

ئاكامغا

باھا سۆز

كۆرگەن سەھىپە

ئالاھىدە تەۋسىيە /1