شىېئىر يازغاندا

Izqiman

شېئىر يازغاندا

مەن شېئىر يازغاندا خىيالىم غەرق،
بوپ چۇڭقۇر دېڭىزغا كىرىپ كېتىمەن .
تەسەۋۋۇر چېچەكلەپ ئۇرىدۇ بەرق،
دەل ئاشۇ چېچەكتىن مىسرا تېزىمەن.

كۆكلەرگە باقىمەن ئىلھامنى ئىزدەپ،
گاھ بولار تەبىئەت ئىلھامغا پىلتە.
كىچىك بىر چۆمۈلە ئاستا ئۆمىلەپ،
شېئىرنى باشلايدۇ گۈزەل رەۋىشتە.

قەلبىمنى ئېرىتىپ باغلايدۇ يارغا،
جىمىرلاپ ئاسماندا ئاي بىلەن يۇلتۇز.
گاھ مېنى ئاسىدۇ ۋىجدانىم دارغا،
دەپ ماڭا «ھەقنى ياز، روھىڭنى قۇتقۇز!».

بىر مىسرا پۈتكۈچە ياشلار تامچىلاپ،
مەڭزىمنى بويلايدۇ بولىدۇ- ئېرىق.
بىر مىسرا ئۈچۈن مەن تۇرىمەن ئايلاپ،
كار قىلماس ئەي ماڭا تەڭلىسەڭ مىلتىق،

بىر مىسرا ئارزۇ بوپ قالىدۇ ماڭا،
لايىق بىر سۆزلەرنى تاپالماي ئەبەد.
بىر مىسرا دىلىمنى قىلىدۇ يارا،
قانداقتۇر بىراۋچۈن چەككەندە ھەسرەت.

                    ئەمەتجان سايىت 2014-يىلى -ئاينىڭ 8-كۈنى

ئالمىچى

راس، ئادەمنىڭ ئىلھامى كىلىپ قالغاندا، شىئىر دىگەن بىرىنىڭ
كەينىدىن بىرى ئۇلىنىپ كىلىۋىردۇ، ئىلھامى كەلمىسە،
ھەر قانچە ئويلانسىمۇ  بىكار،

ياخشى يىزىپسىز،

غىلاپ

لايىق بىر سۆزلەرنى تاپالماي ئەبەت. - بۇ  مىسرانى  ئەڭ  ياقتۇردۇم .

ئەزھەر36

شېئىرىڭىز خىلى ياخشى چىقىپتۇ ، تېخىمۇ ئىزدىنىڭ .

نۇرلان

شېئىر  يازغىن بىلىپ بىلمەي ياز،
تۇرۇپ چەكسىز سىرتىدا شارنىڭ.
                                           -مۇتەللىپ خۇرسەندى
ياخشى يېزىلغان شېئىر ئىكەن.

Izqiman

كۆپچىلىكنىڭ ياقتۇرغىنىغا كۆپ رەھمەت.

نەۋرۇز

كۆكلەگە باقىمەن ئىلھامنى ئىزدەپ،
گاھ بولار تەبىئەت ئىلھامغا پىلتە.
كىچىك بىر چۈمۈلە ئاستا ئۆمىلەپ،
شىئىرنى باشلايدۇ گۈزەل رەۋىشتە.

بۇ مىسرالار ماڭا بەكلا تەبىئى تۇيۇلدى. قەلىمىڭز بەك ياخشىكەن. رەھمەت سىزگە

rahiyma

شېئىرنى ياخشى يېزىپسىز، ئىلھاملارغا كۆز تەگمىسۇن. كىچىككىنە تەكلىپ بەزى جايلاردا ئىملا خاتالىقى باركەن، دىققەت قىلسىڭىز.

جام

rahiyma يوللىغان ۋاقتى  2014-6-13 16:00
شېئىرنى ياخشى يېزىپسىز، ئىلھاملارغا كۆز تەگمىسۇن. كىچ ...

نەچچە كۈندىن ئالدىراشچىلقتا مۇنبەرگە تۈزۈكرەك كىرىپمۇ بولالمىدىم، ئىملا خاتالىقىنى ھازىرلا ئوڭشاپ قوياي.
كۆپچىلىكنىڭ مەن ئىملا جەھەتتە تەھرىرلەپ قويغان يازمىلارغىمۇ نەزىرىنى ئاغدۇرۇپ قويۇشىنى سەمىمىي ئۈمىد قىلىمەن. مۇشۇ ئارقىلىق بەزىبىر خاتالىقلىرىم بولسا تۈزىتىپ كېتىشكە تۈرتكە بولسا ھەجەب ئەمەس.

Izqiman

رەھمەت سىلەرگە، مەن بۇنىڭدىن كىيىن دىققەت قىلاي.