يولۇڭغا قاراپ

Izqiman

يار قاياقتىن كەپ قالاركىن دەپ،
ئىشىكلەرگە قارىدىم بىر پەس
تامدىكى شۇ ئوماق سۈرىتىڭ،
كۆڭۈللەردە قوزغىدى ھەۋەس.

خىياللىرىم كەتتى ئۇزاققا،
ئۇنتۇدۇممەن ئۆزۈمنى شۇ دەم.
سەن كەتكەنسەن يارىم قاياققا،
تۇيۇلماقتا غېرىپلا كۈلبەم.

كۆز ئالدىمدىن ئۆتمەكتە غۇر-غۇر،
ياشلىقتىكى ھەربىر دەقىقە.
ھەربىر نازۇك ھىسياتلارمۇ ھەم،
(ئۇنتالمايمەن ئۇنى ئەلۋەتتە)

مەن ئۇنتۇغان ھەممىنى شۇ چاغ،
سەنمۇ ھەمدە ئۇنتۇغان بەلكىم.
ئەي سوغۇقتا تىترىشىپ غال-غال،
كۈتكەن ئىدۇق ئۆزئارا جىنىم.

بۈگۈن كەتتىڭ قاياقلارغا سەن،
تۇتقىنىدا مېنىڭ خۇمارىم.
ۋەدىلەرنى ئۇنتىمىغىن سەن،
ئايدۇر ئاشۇ مېنىڭ تۇمارىم.

قاراپ قويغىن كۆكلەرگە پات-پات،
ئەسلىرىڭگە سالار مېنى ئاي.
مەن يولۇڭغا قارايمەن جېنىم،
سۈرىتىڭگە باقىمەن قانماي.

ئەمەتجان سايىت 2014-يىلى 6-ئاينىڭ15-كۈنى

eloyes

بەك ياخشى چىقىپتۇ ، مۇشۇنداق ياخشى ئەسەرلەرنى يوللاپ تۇرغايسىز!

نۇرلان

ئاددىي تىل، چىن ھىسيات بىلەن يېزىلغان ناھايىتى مەنىلىك شېئىر بولۇپتۇ. يەنىمۇ تىرىشىڭ.

altaxna

شائىرلار كۆپىيىۋاتىدۇ مۇنبىرىمىزدىمۇ
来自安卓客户端

نەۋرۇز

ئەمەتجان ئۇكام ياشلىقنى ئەسلەتتىڭىز جۇما
دىمەك ئاشىقلىقتىن شائىرلىق كەپ چىقىدىغنى بىكار ئەمەسكەندە
ياخشى يېزىپسىز تېرىشىڭ.

مەرىپەت

شئېرنى ياخشى يېزىپسىز، مۇراد-مەقسەتلىرىڭىزگە يېتىشىڭىزگە تىلەكداشمەن.

ناخشا:  يولۇڭغا قاراپ   (يەنە گەپ تاپىدىغانلار گەپ تېپىڭلار)

            

دىلىغۇل

بىزنىڭ بۇ مۇنبىرمىزدە شائىرلار كۈندىن - كۈنىگە كۆپىيپ كىتىۋاتىدۇ جۇمۇ ،ئادەمنى خىيالغا سەپ قويۇپ

مەرىپەت

مۇشۇنداق تېما پاخاللىقى بولمىسا نىمە دىگەن ياخشى بولاتتى-ھە، ئوخشىمىغان تور بىكەتلەردىن ئوخشىمىغان مەزمۇنلارنى ئوقۇساق بەك ياخشى بولاتتى.  بۇ شئېر بايقاش مۇنبىرىدىمۇ باركەن، ئىككىڭلار بىر ئادەممۇ؟

  

Izqiman

شۇنداق مەن دەل روھلاندىكى ئىزچىمەن ،بايقاشتىكى قاراكۆزئايىم بۇ كۈلكىلىك تۇيۇلىشى مومكىن مەن باققاشتىكى بىر ماتىريال ئۈچۈن تىللا يىغىش مەخسىتىدە روھلاندىكى ئەسىرىمىنى بايقاشقا كۆچۈرۈردۈم ،لىكىن روھلان مەندىن ۋاز كەچمىسىلا ،مەن روھلاندىن ۋاز كەچمەيمەن .

نەۋرۇز

مۇشۇنداق تېما پاخاللىقى بولمىسا نىمە دىگەن ياخشى بولاتتى-ھە، ئوخشىمىغان تور بىكەتلەردىن ئوخشىمىغان مەزمۇنلارنى ئوقۇساق بەك ياخشى بولاتتى.

ئۆز ئەسىرى بولغاندىكىن يوللىسا ھېچنىمە بولماس.