[شېئىر] پۇتبول سۆيگۈسى

نۇرلان

        پۇتبول سۆيگۈسى

پۇتلىرىم « پۇتبول تەپ» دەپ شىۋىرلايدۇ،
قەلىمىم پۇتبول ئۈچۈن پىچىرلايدۇ.
پۇتبولنىڭ بەرگىنى كۆپ، ئىشەنسەڭلار،
شۇ سەۋەب مەستانىسى جىمىرلايدۇ.

ياپيېشىل چىملىقلاردا ئەزىمەتلەر،
توپ بىلەن تۇلپار كەبى غۇيۇلدايدۇ.
ئەقىلدە توپ تەپكۈلۈك، چۈشەنسەڭلار،
تېخنىكا كىتابتىلا ئوقۇلمايدۇ.

پاس بېرىش، توپ ئوينىتىش نەپىس شۇنچە،
كاللا توپ دەل جايىدا، ئېغىشمايدۇ.
بوشلۇقتا كۈرەپ تەپسەڭ ۋاراتاغا،
بېسىمى مىناميۇتتىن قېلىشمايدۇ.

غەلبە دەپ بوپ تۇرىدۇ سۈركىلىشلەر،
چىملىقتا يىقىلسىمۇ، يېتىشمايدۇ.
يۈرەكتىن پۈشتەك چالار رېپىرلارمۇ،
قائىدىگە مۇددىئانى قېتىشمايدۇ.

ھۇجۇمغا ئۆتكەنلىرى ئارسىلاندەك،
مۇداپىيە قىلغانلىرى ھۇدۇقمايدۇ.
ھۇشيارلىق مۇجەسسەمدۇر سالماقلىققا،
ئالدىراپ مەغلۇبىيەتكە يۇلۇقمايدۇ.

سېرىق ۋە قىزىل كارتا سۆيۈملۈكتۇر،
ئىزدىسەڭ دوللارغىمۇ سېتىلمايدۇ.
ھاياجان رەڭ بېرىدۇ چاۋاكلارغا،
چۇقانلار نۇقتا توپقا قېتىلمايدۇ.

پۇتبولنىڭ سېھرى ئەسلى ئۇيۇشۇشتا،
تىل، جىنىس،مىللەت ئۆلچەم قىلىنمايدۇ.
ھەممىگە قورقۇنۇچتا قارايدىغان،
چاشقانلار قىلچە قارشى ئېلىنمايدۇ.

يېشىلرەڭ تۇيغۇ بېرەر ھەر بىر ھەركەت،
زەن سېلىپ كۆرسەڭ ئىچىڭ سىقىلمايدۇ.
ئۈمىدنى ياشارتىدۇ توقسان مىنۇت،
ئۆچكەن شام چوغ ئالىدۇ، پىلىلدايدۇ.


پۇتبولدا ماھارەت بار، ھارارەت بار،
ئويۇن ئۇ، سىياسىيغا چېتىلمايدۇ.
پۇتبولدا رىقابەت بار، ئادالەت بار،
مەيدانغا ئوق-زەمبىرەك ئېتىلمايدۇ.

مەنمۇ دەل پۇتبولچىنىڭ ئەۋلادىدىن،
قاندا بار پۇتبول روھى يېلىنجايدۇ.
توپ بىلەن تاۋلىغۇلۇق ئىرادىنى،
يەر شارى پۇتبولنى دەپ تىپىرلايدۇ!

ADiL

2014-يىللىق دۇنيا لوڭقىسى مۇسابىقىسىگە ئەۋەتىپ ، باشلىنىش مۇراسىمىدا ئۇيغۇرچە، ئېنگىلىزچە دېكلاماتسىيە قىلغۇدەك شېئىر بوپتۇ ماۋۇ.
يەنە 11 كۈن قالدى باشلىنىشقا، تەرجىمە قىلىپ ئۈلگۈرەلەمسىز؟

ئۆركىشى

بەك ياخىشى چىقىپتىكەن ما  شېئىر   بۇ  يىلقى  دۇنيا  لوڭقىسىنىڭ  ناخشىسىنى پەقەت  ياختۇرمۇدۇم  

rabbiy

خەنزۇچىغا تەرجىمە قىلساڭلار، مەن ئېنگىلىزقا تەرجىمە قىلىپ بېرەي

نۇرلان

بۇرۇنراق بىلگەن بولسام، خەنزۇچىلا يازاركەنمەن بۇ شېئىرنى ئەسلى.

ئەزھەر36

بەك ياخشى يېزىپسىز ، قەلەم تولپارىڭىز ھارمىغاي !

شۈكرانە

بەك ياىشى يىزىپسىز
来自安卓客户端

نۇرلان

ئادىل ئەپەندىم قاتارلىق دوستلارنىڭ ئىلھاملاندۇرغىنىغا تەشەككۈر.

kirimulla

بەك ياخشى يېزىپسىز،بارىكاللا

نۇرلان

تۇرسۇن ئەپەندىمنىڭ رىغبەتلەندۈرگىنىگە رەھمەت.