كونا ناخشا

نۇرلان · ۋاقتى: 2014-4-15 00:50:49

كونا ناخشا
(...گە)
تىڭشىغانتىم مۇڭلۇق بىر ناخشا،
مۇزىكىسى دۇتتار، داپ، غېجەك.
ئەۋجىسىدىن دىلدا جان ئاقسا،
ساتار بولۇپ ئېرىيتى يۈرەك.

تەئەججۇپتا سورىدىڭ ئاستا:
ناخشاڭ يوقمۇ بۇنىڭدىن بۆلەك؟
دەۋر دىگەن «يېڭى»غا باقسا،
«كونا سەنەم» نىمىدىن دېرەك؟

چۆچۈپ كەتتىم سۆزۈڭدىن، ئەستا...
قاي پېلەكتىن چۈشكەن سەن خەمەك؟
تانغۇدەكسەن نەسلىڭدىن ھەتتا،
بولىۋەرسەڭ « مودا» غا ھەلەك.

«كونا ناخشام» قىممەتتە يەكتا،
سېھرى باردۇر جاننى بەرگۈدەك.
ئاشىقلىرى ئىز ئۇلاپ پەيدا،
جانان كەبى سۆيۈپ كەلگۈدەك!

قەدرىنى بىلمەس « مودا» غا باقسا،
ساڭا ئوخشاش كەلتۈرىدۇ شەك.
ئەنئەنىگە باغرىنى ياقسا،
كونا پەدە- يېڭىدۇر، دىمەك.

كونا ناخشا ئاڭلىسام راستلا،
تەنلىرىمدە ساماۋىي كۆرەك.
ئەجداد روھى روھىمنى قاقسا،
ئارمانلارغا بولاركەن يۆلەك!

سارسان · ۋاقتى: 2014-4-15 14:29:31

ياخشى چىقىپتۇ

360 · ۋاقتى: 2014-4-15 17:06:05

رەھمەت ياخشى چىقىپتۇ... يارايسىز

غىلاپ · ۋاقتى: 2014-4-16 00:12:55

بۇ شېئىر ھەقىقى كەسىپ ئەھلىنىڭ قولىدىن چىقىپتۇ ! روھلاندىكى شائىرلارغا ئۈلگە بولغۇچىلىكى باركەن .......

غىلاپ · ۋاقتى: 2014-4-16 00:15:09

شېئىرنىڭ مەنبەسىنى ئەسكەرتكەن بولسىڭىز ؟

anwarxinjiang · ۋاقتى: 2014-4-16 00:45:23

بۇ شىئېر ماڭىمۇ بەك يارىدى،رەخمەت سىز گە!

نۇرلان · ۋاقتى: 2014-4-16 13:06:03

تورداشلارغا رەھمەت. نۇرلاننىڭ بارلىق يازمىلىرى نۇرلاننىڭ قەلىمىدىن چىققان.

kirimulla · ۋاقتى: 2014-4-16 18:41:49

بەكمۇ ياخشى يېزىلىپتۇ بۇ. رەھمەت

كونا ناخشا

كۆرگەن سەھىپە

ئالاھىدە تەۋسىيە /1