دوستىنىڭ دۇئاسى

aㄒiwa★Ｂiz · ۋاقتى: 2014-4-3 13:09:32

بىر كېمە دېڭىزدا بوران - چاپقۇنغا ئۇچراپ ئۆرۈلۈپ كىتىپتۇ ، ئىككى ئادەم ئۈزۈپ بىر قاقاس ئارالغا چىقىۋاپتۇ . ئۇلار ئارالدا تەڭرىگە ئىلتىجا قىلىپ قىيىنچىلىقتىن قۇتۇلماقچى بوپتۇ ، بىراق كىمنىڭ دۇئاسىنىڭ ئىجابەت بولىدىغانلىقىنى بىلىش ئۈچۈن ئۇلار ئارالنىڭ ئىككى بېشىدا تۇرۇشقا كىلىشىپتۇ .
  ئۇلارنىڭ تۇنجى بولۇپ تىلىگىنى يىمەكلىك بوپتۇ ، ئەتىسى ئەتىگەندە بىرىنچى ئادەم ئۆزى تۇرىۋاتقان تەرەپتە مېۋىلىرى مەي باغلاپ پىشىپ كەتكەن دەرەخنى كۆرۈپتۇ ، ئەمما يەنە بىر كىشى تۇرغان تەرەپ يەنە بۇرۇنقىدەكلا قاقاس ئىكەن . بىر ھەپتە ئۆتكەندىن كىيىن بىرىنچى ئادەم ئۆزى يالغۇز ئىچى پۇشۇپ ، تەڭرىگە ئايالى بولۇش كېرەكلىكى توغىرىسىدا دۇئا قىپتۇ ، ئەتىسى يەنە بىر كېمە دېڭىزدا بوران - چاپقۇنغا ئۇچراپ ، پەقەت بىرلا ئايال ئارالغا ئۈزۈپ كىلىۋاپتۇ ، يەنە بىر تەرەپتە يەنىلا ھىچ نەرسە يوقكەن . ئۇزاق ئۆتمەي بىرىنچى ئادەم يەنە بىر ئېغىز ئۆي ، كىيىم - كېچەك نۇرغۇن يىمەكلىك تىلەپ دۇئا قىپتۇ . ئەتىسى ئۇ تەلەپ قىلغان نەرسىلەر پەيدا بوپتۇ ، ئەمما يەنە بىر كىشىنىڭ يەنىلا ھىچنىمىسى يوقكەن . ئاخىرىدا ئۇ ئادەم تەڭرىگە دۇئا قىپ ، بىر كېمىسى بولۇشنى ، ئايالىنى ئېلىپ بۇ ئارالدىن كىتىشنى تىلەپتۇ . ئەتىگىنى ئويغۇنۇپ قارىسا بىر كېمىنىڭ قىرغاقتا توختۇتۇپ قۇيۇلغانلىقىنى كۆرۈپتۇ . ئۇ ئادەم ئايالى بىلەن كېمىگە چىقىپتۇ . ئۇ ھېلىقى ئادەمنى بۇ يەردە قالدۇرۇپ قۇيۇشنى قارار قىلىپتۇ . چۈنكى ئۇ ھېلىقى ئادەمنى تەڭرىنىڭ شاپائىتىگە ئەرزىمىگەچكە ، دۇئاسىنىڭ بىرىمۇ ئىجابەت بولمىدى ، دەپ ئويلاپتۇ . كېمە قوزغىلاي دېگەندە ، ئۇ ئادەم تەڭرىدىن كەلگەن جاراڭلىق سادانى ئاڭلاپتۇ .
- نىمىشقا ھەمراھىڭنى ئارالدا قالدۇرۇپ قۇيىسەن ؟
- تەڭرىنىڭ شاپائىتى پەقەت ماڭىلا مەنسۇپ ، چۈنكى مەن دۇئا قىلسام ئىجابەت بولدى ، ئۇنىڭ دۇئاسىنىڭ بىرىمۇ ئىجابەت بولمىغاچقا ئۇنىڭغا ھىچنەرسە بېرىلمىدى .
- خاتالاشتىڭ ، - دەپتۇ تەڭرى ئۇنى ئەيىپلەپ ، - مەن پەقەت ئۇنىڭ دۇئاسىنىلا ئىجابەت قىلدىم ، ئۇنداق بولمىغاندا ھىچقانداق شاپائىتىمگە ئېرىشەلمىگەن بولاتتىڭ .
- ئۇ زادى نىمە دەپ دۇئا قىلدى ؟
  - ئۇ سىنىڭ دۇئالىرىڭنىڭ ئىجابەت بولۇشىنى تىلەپ دۇئا قىلدى .
  دوستلىرىمىز ھەمىشە بىز ئۈچۈن ياخشى ئىشلارنى قىلسا ، بىلمىگەنلىكىمىز ئۈچۈن ئۇنى دوستلۇققا يارىمايدۇ ، دەپ ئەيىپلەيمىز ، شۇڭا بۇنداق بىر تەرەپلىمە قاراشنى چۆرۈۋېتىپ دوستىمىز قىلغان ئىشلارنى بىلىشكە تىرىشداق ، دوستلۇقىمىز ئۇزاق داۋاملىشىشى مۇمكىن .