تۈندىكى ئۇچقۇن

ئەپ.

تۈندىكى ئۇچقۇن
( ئۆز ئىجادىيەتلىرىمدىن )

گۇيا مەن تۈندىكى چاقنىغان ئۇچقۇن ،
ياقۇنلۇق گۇلخاندىن ئۇچقان ئايرىلىپ .

گۇيا مەن دېڭىزدا يىگانە قۇلۋاق ،
ئاقىمەن ھەريانە دۇلقۇنلار يېرىپ .

گۇيا مەن شاختىكى ئاخىرقى ياپراق ،
شىۋىرغان زەربىدىن رەڭگىم سارغايغان .

گۇيا مەن ئورماندا ئاقسىغان كىيىك ،
ماغدۇرسىز تەنلىرىم ، ئوقتا يارلانغان .

گۇيا مەن چۆللەردە ئاداشقان ساھىل ،
پۇتلىرىم قاپارغان ، يېرىلغان لىۋىم .

گۇيا مەن سۇيى يوق كۆلدىكى بېلىق ،
قارا لاي - پاتقاققا مىلەنگەن تىنىم .

گۇيا مەن سەرگەردان تىلەمچى بالا ،
ئۆيمۇ -ئۆي كىرىمەن دەرۋازا چىكىپ .

گۇيا مەن ھوشىنى يوقاتقان زابوي ،
كاج پەلەك جامىدىن شاراپنى ئىچىپ .

گۇيا مەن يىلتىزسىز يىگانە قامقاق ،
پىرقىرتىپ كۆكلەرگە كۆتەرگەن قۇيۇن .

گۇيا مەن نەشىكەش مەستانە ھاپىز ،
شەيتانغا بىلەتسىز قۇيارمەن ئۇيۇن .

گۇيا مەن ئەقلىدىن ئالجىغان تەلۋە ،
ۋارقىراپ ،جارقىراپ ئاتارمەن كىسەك .

گۇيا مەن نىشانسىز ئېتىلغان بىر ئوق ،
قالدۇرۇپ ئارقىدا كۈرۈنمەس تۈتەك .

( تامام )
بۇ شىئىر يەنە كۇچا مۇنبىرى، بۇلاقجان مۇنبىرى، قاتارلىقلارغا ھەمبەھىرلىنىدۇ.

نۇرلان

ياخشى يېزىلغان شېئىركەن. روھلاندىكى قەلەم ئىگىلىرىنىڭ قەلەم قۇۋۋىتى خېلىلا كۈچلۈككەن. قەلىمىڭىزگە بەرىكەت ياغسۇن.