سونىت

ئەپ.

سونىت

( ئۆز ئجادىيەتلىرىمدىن )

سەھرادا بىر كىچىك كەنىت ، باغلىرى كۆركەم ،
قۇياش تۆككەن نۇرلىرىنى ئاڭا ئايىماي .
ھايات قايناق ، باسقاچ باھار باغرىغا مەھكەم ،
گۈل ئىشقىدا تۇرالامدۇ بۇلبۇل سايرىماي .
گۈل - چېچەكلەر تارقىتىدۇ جەننەت ھىدىنى ،
جانغا ھۇزۇر بەخىش ئىتەر رەڭدار جۇلاسى .
قىز - جۇۋانلار تىرىشىدۇ باغدىن بېدىنى ،
شوخ كۈلكىگە تەڭكەش بولدى كاككۇك ناۋاسى .
چوپان بالا چىقتى سەھەر قۇيىنى ھەيدەپ ،
« - قوش - ھۇش ! » بىلەن ، ئاڭا ئىتى ماڭدى ئەگىشىپ .
توياقلاردىن ئۇچتى تۇزان ھاۋادا لەيلەپ ،
كەڭ دالاغا چاپتى قويلار تىنماي سەكرىشىپ .
بوۋىسىغا قىلدى نەۋرە پۈشتەك غەلۋىسى ،
چاشقانقۇلاق سۆگەتلەرگە تارتىپ پىشىدىن .
قىز ھۆسنىگە ھۆسىن قوشتى قويغان ئوسمىسى ،
ھەركىم ھەريان شاتلىق ئىزدەر قىلغان ئىشىدىن .
     كۆلدى ئەسلەپ بوۋاي - موماي بالىلىقىنى ،
     ئۇنتۇپ تامام ئۆتكەن ئۆمۈر چالىلىقىنى .

تامام.

بۇ سونىت ھەرقايسى مۇنبەرلەرگە ھەمبەھىرلىنىدۇ .

نەۋرۇز

يازمىڭىزنى ئوقۇغان ئادەمنىڭ دىماقلىرىغا باھار پەسلى گۇل گىياھلىرىنىڭ پۇرىقى كىلىدىكەن. ياخشى يېزىپسىز

kirimulla

سونىت دىگەن ئۇيغۇر شىئرىيتىدىكى قايسى خىل شىئىرلارغا يېقىن كىلىدۇ؟ مەن مۇشۇ خىل شىئىرلارنى تازا چۈشۈنىپ كىتەلمىدىم؟