چ چ، ئۈندىدار توپ ئەخلاقىغا رىئايە قىلىڭ!

ئەلتۇغ

ئابدۇرۇسۇل مۇھەممەد ئەلتۇغ
(يەكەن ناھىيە مىشا يېزىلىق ئوتتۇرا مەكتەپتىن)

8 n- ]6 e1 u0 ~, }: J" e# Aچ چ، ئۈندىدار توپ ئەخلاقىغا رىئايە قىلىڭ!

& Q) F( V% O' t, g7 wجەمئىيەتنىڭ ئۇچقاندەك تەرەققىي قىلىشى. كومپىيۇتېر، يانفۇننىڭ كەڭ تۈردە ئومۇملىشىشى بىلەن  بىلەن چ چ، ئۈندىدار قاتارلىق تۈرلۈك زامانىۋىي ئالاقىلىشىش ئۇسۇللىرى تۇرمۇشىمىزغا بۆسۈپ كىرىپ، كىشىلەرنىڭ تۇرمۇش، خىزمەت، ئۆگىنىش ۋە كۆڭۈل ئېچىش، ئالاقىلىشىشىنى يېڭى بىر تۈرلۈك ئەۋزەللىك بىلەن تەمىن ئەتتى. كىشىلەر  ئىلگىرىكى نوقۇل ھالدىكى تېلېفۇندا سۆزلىشىش، ئىلخەت بىلەن ئۇچۇر- ئالاقە ۋە ماتېرىيال ئالماشتۇرۇش ئۇسۇلىدىن بارا بارا ھەم تېز، ھەم قۇلايلىق بولغان چ چ، ئۈندىدار بىلەن ئالاقىلىشىش ۋە ئۇچۇر ئالماشتۇرۇشقا قاراپ تەرەققىي قىلدى. چ چ ۋە ئۈندىدار نوقۇل ھالدىكى شەخسىينىڭ خۇسۇسىي ئالاقە قورالى بولۇشتىن ھالقىپ، پارتىيە ھۆكۈمەت ئورۇنلىرى، شىركەت، كارخانا، مەكتەپ ۋە تۈرلۈك ئىجتىمائىي تەشكىلاتلارنىڭ خىزمەتلەرنىڭ تېز ۋە راۋان بىجىرىلىشىدە، جامائەت پىكىرىنى توغرا يولغا يېتەكلىشىدە، خىزمەت ئۈنۈمىنىڭ يۇقىرى كۆتۈرۈلىشىدە كەم بولسا بولمايدىغان مۇھىم بىر ئالاقە ۋاستىسىغا ئايلاندى. نەتىجىدە ھەر قايسى ئورۇن ۋە تەشكىلاتلار زۆرۈر بولغان چ چ، ئۈندىدار ئالاقە توپلىرىنى تەسىس قىلىپ، خىزمەتچىلەر ئارا ئىچكى ئالاقە تورىنى شەكىللەندۈرۈپ، ئۇلارنىڭ ئۆز ئارا ئۇچۇر ۋە ماتېرىيال ئالماشتۇرۇشى ۋە ئورتاق پايدىلىنىشىنىڭ راۋان، خىزمەتلەرنى ھەم تېز، ھەم ئۈنۈملۈك بىجىرىشىگە قۇلايلىق شارائىت يارىتىپ بەردى. بۇ ھال جەمئىيەتتىكى ھەر خىل كەسىپ، ھەر خىل ئېھتىياجدىكى كىشىلەرگە ئومۇملىشىشتىن سىرىت ھەتتا كەڭ ئوتتۇرا-باشلانغۇچ مەكتەپ ئوقۇغۇچىلىرىغىچە سىڭىپ كىرىپ، سىنىپ توپلىرىمۇ بارلىققا كەلدى.
. K' M, D% w; X& p8 fبىراق، چ چ ، ئۈندىدار توپلىرىنىڭ  بولۇشى كىشىلەرنى نۇرغۇنلىغان قۇلايلىق شارائىتلار بىلەن تەمىن ئەتكەن بولسىمۇ، بىراق بىر قىسىم كىشىلەرنىڭ توپتىن پايدىلىنىش چۈشەنچىسىنىڭ يېتەرسىز بولۇشى، توپ ئەخلاقىغا بولغان تونۇشىنىڭ تۆۋەنلىكى، قانۇن ئېڭىنىڭ يېتەرلىك بولماسلىقى سەۋەبىدىن بىر قىسىم زىيانلىق ئاقىۋەتلەرمۇ كېلىپ چىقىشى مۇمكىن.
ئالايلۇق: بىر قىسىم كىشىلەر چ چ، ئۈندىدار توپلىرىدا ئاڭلىق ياكى ئاڭسىز رەۋىشتە بەزى زىيانلىق ئۇچۇرلارنى تارقىتىدۇ زىيانلىق ئۇچۇرلارغا  ۋاقتىدا ئىنكاس قايتۇرالماي ھە دېسىلا ئەگىشىپ كېتىدۇ. بەزى ئىككى ئادەم ئوتتۇرىسىدىكى ئادەتتىكى ئەھۋال سوراشلارنىمۇ توپتا ئېلىپ بېرىپ، باشقىلارنىڭ دىققىتىنى چاچىدۇ ۋە ئۇلارنى بىزار قىلىدۇ. توپقا خىزمەت ۋە ئۆگىنىشكە مۇناسىۋەتسىز بولغان ئۇچۇرلارنى، تور بەت ئادرېسىلىرىنى يوللاپ باشقىلارنىڭ ۋاقتىنى ئىسراپ قىلىدۇ ياكى زېھنىنى چېچىپ، خىزمەت ئۈنۈمىنى تۆۋەنلىتىۋېتىدۇ. شىركەت ۋە ئورگاننىڭ مەخپىيىتىگە چېتىلىدىغان ماتېرىيال ۋە سۈرەتلەرنى توپتا ئاشكارە تارقىتىپ خىزمەتلەردە قۇلايسىزلىق پەيدا قىلىدۇ. توپتا غەرەزلىك ۋە غەرەزسىز ھالدا شەخسلەرنىڭ مەخپىيىتىگە، شەخسىي ئىززەت – ھۆرمىتىگە تاقىلىدىغان رەسىم ۋە ئۇچۇرلارنى تارقىتىپ ئۇلارنىڭ كىشىلىك ھوقۇقىغا دەخلى تەرۈز قىلىدۇ. قىسمەن كىچىككىنە بىرەر مەسىلىنى كۆپتۈرۈپ، كىشىلەرنىڭ ئېڭىنى ئاسانلا بۇرۇۋېتىدۇ.  تېخى بەزىلەر جەمئىيەتتىكى ھەقىقىي سەۋەبى ئېنىقلانمىغان دېلولار ۋە جەمئىيەت مەسىلىلىرىگە قارىتا ئالدىراپ-تېنەپلا توپتا ئۇچۇر تارقىتىپ، توپتىكىلەر ئارىسىدا تۈرلۈك پىتنە - پاسات ۋە ناتوغرا كەيپىيات پەيدا بولۇشىغا سەۋەب بولۇپ قالىدۇ...ۋاھاكازالار.
يۇقارقىدەك ئەھۋاللارنىڭ بەزىلىرىنىڭ ھەقىقەتەن چوڭ خەۋپ - خەتىرى بولمىسىمۇ، ئەمما، بەزى ئۇچۇرلار مەلۇم بىر ئورگان ياكى ئىجتىمائىي تەشكىلاتنىڭ زۆرۈر مەخپىيەتلىكلىرىنى ئاشكارىلىۋېتىپ، ئوبرازىنىڭ تۆۋەنلەپ كېتىشىگە سەۋەب بولۇشى، ھەتتا مەلۇم شىركەت ياكى ئورۇننى تاقىلىش گىردابىغا ئاپىرىپ قويۇشىمۇ مۇمكىن،  بەزى ئۇچۇرلار ھەتتا دۆلەتنىڭ زۆرۈر مەخپىيەتلىكلىرىگە چېتىلىشى، جەمئىيەتتە كۈتۈلمىگەن سەلبىي ئەھۋاللارنىڭ كېلىپ چىقىشىغا سەۋەب بولۇپ قېلىشى، ئاممىنى قايمۇقتۇرۇپ بىر تەرەپلىمە، خاتا كۆز قاراشقا كەلتۈرۈپ مۇمكىن.
" {1 Q4 F2 t8 W! M+ f' Wشۇنى بىلىش كېرەككى،  چ چ، ئۈندىدار توپلىرى قارىماققا مەۋھۇم دۇنيادەك قىلسىمۇ، ئەمەلىيەتتە ئۇمۇ مۇھىم بولغان بىر تۈرلۈك جامائەت سورۇنى. شۇڭا چ چ، ئۈندىدار توپلىرىغا ئۇچۇر يوللىغاندا توپ ئالاقە ئەخلاقىغا قاتتىق رىئايە قىلىش لازىم.

bayawat

زادى رىئايە قىلىش كىرەك،

مۇزات0997

قوللايمەن.لېكىن بەزى بىر ناچار كىشلەرگە بۇ بىر ئادەت بۇلۇپ قالدى.

نەپرەت

شۇڭا مەن چچ توپقا بەك ئۆش.چچ دا توپ يوق شۇڭا