نۇرۇزۇم

hawas

نۇرۇزۇم
ئەھمەت نىياز دېھقانى
چىقتى ئاپتاپ، كۆكتە قۇياش چېچېپ نۇرلار نۇرۇزۇم،
نۇر ئىمىپ، قار-مۇر ئىرىپ شوخ ئاقتى سۇلار نۇرۇزۇم.

بەرق ئۇرۇپ، ياشناپ كۆكىرىپ، مايسىلار ساغلام ئۆسۈپ،
ئۈز ياساندى يېشىل تون كېيىپ ئېتىزلار نۇرۇزۇم.

گۈل باھارنىڭ ئاپتىپى سوغۇق بەدەننى ئىللىتىپ،
سۆيۈنۈپ گۈل-پەسلىدىن شاد، كۈلدى دىللار نۇرۇزۇم،

بارچە دىللار يايرىدى، ئەل-يۇرتتا مەشرەپ قاينىدى،
ياڭرىتىپ شوخ نەغمە-سازنى سايراپ تىللار نۇرۇزۇم.

جۈر بولۇپ ساز نەغمىگە، چۈشتى ئۇسسۇلغا شادلىنىپ،
ئىشتا پىشقان ئوت يۈرەك يىگىت ۋە قىزلار نۇرۇزۇم.

ئېرىشىپ شان-غەلبىگە، ئۈزۈپ چىقىشقا بەيگىدە،
چۈشتى ئوغلاققا چەۋەنداز مىنىپ تۇلپار نۇرۇزۇم.

ئەنە بىر ياقتا ئىلەڭگۈچ ئۆرلىسە ئاسمان-پەلەك،
ئۇندا ئۇچار شاد يايراپ شوخ خۇتۇن-قىزلار نۇرۇزۇم.
قىل سوۋغات مىسرالىرىڭنى ئايەم كۈنۈڭدە بەزمىگە،
مەن سېنى كۈيلەپ-ئۇلۇغلاپ يازدىم ئەشئار نۇرۇزۇم.

(ئاپتۇر: ئاۋات ناھىيە غوروچۆل بازىرى ئارا گېرىم كەنتىدە)

ADiL

ھەۋەس ئۇستازنىڭ دەل ۋاقتتىدا ئەخمەت نىياز ئاكىمىزنىڭ نورۇز ھەققىدىكى غەزىلى بىلەن بىزنى ئۇچراشتۇرغىنىغا رەھمەت.

tulpar2

ياخشى يېزىلىپتۇ . ھارمىغايسىز