ئادەمدەك ياشاش

majnun422

                                   ئادەمدەك ياشاش
                                   مۇتەللىپجان قاۋۇل

                             رەقىبىم ئالدىدا ئىگىلمەيدۇ باش،
                             قەيسەرمەن دەتلەرگە بىرىمەن بەرداش.
                             يەلكەمنى باسسىمۇ ھىجران تاغلىرى،
                             تىلىكىم شۇ پەقەت ئادەمدەك ياشاش.

                            ئۆزۈمنىڭ بەختىنى ئۆزۈمدىن ئىزدەپ،
                            ھاياتتا بىر ئۆمۈر پاكلىقنى كۆزلەپ.
                            يىقىلسام رازىمەن ھەق گەپنى سۆزلەپ.
                            تىلىكىم شۇ پەقەت ئادەمدەك ياشاش.

                             ئارزۇيۇم ئەمەستۇر بايۋەتچە بولۇش،
                             ۋەياكى ئەڭ ئىگىز شاخلارغا قونۇش.
                             مەن ئۈچۈن شەرەپتۇر ئەلگە قۇل بولۇش،
                             تىلىكىم شۇ پەقەت ئادەمدەك ياشاش.

                            مۇستەھكەم قۇرالىم ئۈمۈت ۋە غايە،
                            شۇ ئۈمۈت بېشىمغا بولىدۇ سايە.
                            ئەل ئۈچۈن يۈرۈكۈم بولسىمۇ پارە،
                            تىلىكىم شۇ پەقەت ئادەمدەك ياشاش.

                            ئىنسانغا يول باشچى بولالمايدۇ پۇل،
                            بولغۇم يوق ھاياتتا مال دۇنياغا قۇل.
                            ئەل ئۈچۈن كۈرەشتە بولىمەن دۇلدۇل.
                            تىلىكىم شۇ پەقەت ئادەمدەك ياشاش.

                           بىر قېتىم كۈلسەممۇ ئون قېتىم يىغلاپ،
                           قىينىسا زىمىستان باھارنى چىللاپ.
                           خەلقىمگە قۇل بولاي مىننەتسىز يىللىپ،
                           تىلىكىم شۇ پەقەت ئادەمدەك ياشاش.

                          ھالال تەر تۆكىمەن ئەل ۋەتەن ئۈچۈن،
                          بىھۇدە ياشىغان بولسام تۈنۈگۈن.
                          ئەل مىنى ئوغلۇم دەپ سۆيگەن ئاشۇ كۈن،
                          تىلىكىم شۇ پەقەت ئادەمدەك ياشاش.

نۇرلان

ئالدى بىلەن تۇنجى تېمىڭىزغا مۇبارەك بولسۇن. شېئىرىڭىزنى سۆيۈنۈش ئىلكىدە ئوقۇپ چىقتىم، شېئىرنىڭ بەدئىيلىكى ۋە ئىدىيىۋى ھىسياتى ناھايىتى ياخشى چىقىپتۇ. يەنىمۇ تىرىشىشىڭىزنى ئۈمىد قىلىمەن.
تەكلىپ: "شېئىردا بىر سۆزنى بىر قانچە يەردە ئۇدا تەكرارلاش سەل ئارتۇقچە" دەپ ئويلايمەن ئۆزەمچە.
مەسلەن: سىزنىڭ شېئىرىڭىزدا " قۇل" دىگەن سۆز 3-4 يەردە تەكرارلانغان، بۇنىڭ ئورنىغا يەنە مەنىداش سۆزلەرمۇ بارغۇ؟

نەۋرۇز

ياخشى يېزىپسىز. تۇنجى قەدىمىڭىزدە ناھايتى ياخشى بىر تېمىنى ئەپ كەپسىز. تېخىمۇ نادىر يازمىللىرىڭىز بىلەن ئۇچۇرشىشقا تەشنامىز

Ayshemgul

ناھايتى ياخشى يېزىپسىز. قەلىمىڭىز ھارمىسۇن. يەنىمۇ كۆپ ئەسەرلىرىڭىزنى كۆرۈشكە تىلەكداشمىز.

كەزگۇ

مۇبارەك بولسۇن ياخشى باشلىنىش بۇپتۇ  ،:خەلقىمگە قۇل بولاي مىننەتسىز يىللىپ،:  مۇشۇ يىرىنى چۇشىنالماي قالدىم

ئەزھەر36

ياخشى باشلىنىش - يېرىم مۇۋەپپەقىيەتكە تەڭ ، تېخىمۇ تېرىشىڭ!

شىرى

بەك كاتتا يېزۋېتىپسز ئۈمۈدۈم شۇكى قەلمىڭز توختاپقالماي خەلىق ئۈچۈن تېخىمۇ ياخشى بولغان ئەسەرلەرنى سۇنغايسز