قېيدىشىمغا قىلغىن ئىجازەت

Ayshemgul

قېيداپ قالدىم بەلكىم ئەي جېنىم،
قېيدىماقچى ئەمەستىم ئەسلى.
تەما قىلدىم بەلكىم سېنىڭدىن،
ئوتلۇق مېھىر،ئازراق تەسەللىي.

كۆيۈنۈشكە مۇھتاجمەن بىلسەڭ،
سېنىڭدىنلا كۈتەرمەن مېھىر.
باشقىلارغا مۇھتاج ئەمەسمەن،
ئىشلەتتىڭمۇ ماڭا يا سېھىر؟

كۆڭلۈڭ ماڭا ئايان تۇرۇپمۇ،
قېيداپ قالدىم بىلىپ بىلمەيلا.
تەنە گەپنى قىلىپمۇ سالدىم،
چوڭ مېڭىدىن تەستىق كۈتمەيلا.

قېيداپ بولۇپ چىدىماي يەنە،
سېغىنىمەن سېنى باشقىچە.
كەلسەڭچۇ يار بولغىن قېشىمدا،
كۆزلىرىمدىن ياشلار ئاققۇچە.

قېيداپ قالسام كەتمە يىراققا،
مېنى يالغۇز مەيلىمگە قويۇپ.
تۇت قولۇمنى،باققىن كۆزۈمگە،
كۆزلىرىڭگە مەنا تولدۇرۇپ.

قېيدىشىمغا قىلغىن ئىجازەت،
سېنى سۆيگەچ قېيدايمەن جېنىم.
قۇچاغلاپ قوي قېيدىغىنىمدا،
پىچىرلىغاچ"ئەي نازۇك خېنىم".

لوپجان

ياخشى چىقىپتۇ.ھارمىغايسىز

ADiL

بۇ لېرىكىڭىز شۇ نداق ياخشى چىقىپتۇ، ئاپىرىن سىزگە.

نۇرلان

قېيداش بېرەر مۇھەببەتكە رەڭ ،
قېيدىمىغان ھىسياتسىزغا تەڭ.
قېيداپ بولۇپ، مېھىر بەرسەكلا،
ئالەم ئاچار قۇچىقىنى كەڭ.

بۇ شېئىرىڭىزمۇ ياخشى چىقىپتۇ، قەلەم تۇلپارىڭىز ھارمىغاي.

نەۋرۇز

يازمىڭىزدىن سۈيۈندۇم. ئەمما بەزى مىسرادىكى مەجبۇرى قاپىيە ھەم تىل ئىشلىتىش جەريانى يازمىڭىزغا بەزى نوقسانلارنى قوشۇپ قويغاندەك قىلدۇ. بۇ بىر تەكلىۋىم خالاس.

Ayshemgul

ADiL يوللىغان ۋاقتى  2014-7-26 13:24
بۇ لېرىكىڭىز شۇ نداق ياخشى چىقىپتۇ، ئاپىرىن سىزگە.

ئالدىراڭغۇ،نازۇكلۇق قىلىپ،
بىلىپ،بىلمەي قېيداپ ساپتىمەن.
ساقلاپ باقسام ياردىن خەۋەر يوق،
پۇشايمانغا ئۆزۈم قاپتىمەن.
كۆرۈڭ ئاكا چىدىماي يەنە،
دەرت تۆككىلى قەلەم ئاپتىمەن.

Ayshemgul

نۇرلان يوللىغان ۋاقتى  2014-7-26 13:28
قېيداش بېرەر مۇھەببەتكە رەڭ ،
قېيدىمىغان ھىسياتسىزغا  ...

قېيداش بېرەر مۇھاببەتكە رەڭ،
قېيدىغاننىڭ مەناسى كۆپ، كەڭ.
چۈشەنمىدى بىراق ئۇ يارەن،
قېيداپ قالدى مېنىڭ بىلەن تەڭ.

Ayshemgul

نەۋرۇز يوللىغان ۋاقتى  2014-7-26 14:33
يازمىڭىزدىن سۈيۈندۇم. ئەمما بەزى مىسرادىكى مەجبۇرى قا ...

ھې ھې...ھەئە.شۇنداقراق چىقىپ قالدى.كۆپ تەھرىرلىمەيلا يوللىۋىتىپ قالدىم.بۇ قېتىم دىققەت قىلاي ئىنشائاللاھ.رەھمەت سىزگە

Ayshemgul

لوپجان يوللىغان ۋاقتى  2014-7-26 13:20
ياخشى چىقىپتۇ.ھارمىغايسىز

رەھمەت.ئىنشائاللاھ

مىسكىن123

قۇلىڭىزغا دەرت كەلمىسۇن