تۆت ئەرەب دۆلىتىگە ساياھەت (شىياۋۋىينىڭ داۋامى)

anatil

بەك ساقلاپ ئېڭىكىم چۈشۈپ كىتەي دەۋاتىدۇ ...

afrayin

داۋامىنى تىزرەك يوللىسىڭىز بوپتىكەن ئادەمنى تەقەززا قىلماي.
خۇددى ئۆزەم بارغاندەك ھۇزۇرلاندىم.........................

arginakun

شىنجاڭ ياشلىرى ژۇرنىلىنىڭ مۇشۇنداق ماقالىلەرنى باسىدىغان سەھىپىسىنىلا
ياخشى كۆرەتتىم.

yamgur

بۇ 41قەۋەتتىكى80halta يوللىغان 2011-01-05 10:51 غا قارتىلغان :
بىلال ھەبەشىنىڭ قەۋرىسىنى كۆرۈپ ئاستىدىكى قارا رەڭلىك تاشقا دېققەت قىلىپ قالدىم، تېخىمۇ ئىنىق تارتسىڭىزچۇ؟!!

نى يۇقىرى تەڭشەپ تارتقان بولمىساresolution 
ھېكىم، سىلى بۇ رەسىمنى كومپىيوتېرلىرىدا ساقلىۋېلىپ، ئاندىن 200% چوڭايتىپ قاراپ باقسىلا. قايتا تارتىپ يوللاي دېسەم، ھازىر دەمەشقتە ئەمەسمەن.
بىر تۈركچە خەتنى چوڭايتىپ قاراپ باقتىم، ئېنىق كۆرۈنەمدىكەن؟

tikan

يامغۇرخاننىڭ بۇ ساياھەت خاتىرىسىدىن بەك ھۇزۇرلاندىم، خۇددى ئۆزۈم ساياھەت قىلىۋاتقاندەك ھېسسىياتقا كەپقالدىم.

kumush

يامغۇرگۈل، داۋامىنى يوللاڭە. ئاللاھ خالىسا ئۇزۇنغا قالماي بىزنىڭمۇ مۇشۇ يەرلەرنى كۆرۈپ كېلىش پىلانىمىز بار.تەجرىبە توپلىغاچ تۇرايلى. ئاندىن سىلەر تەرەپكىمۇ ئۆتۈپ قالىمىز، ئىنشائاللاھ.

ruhsar

بۇ ساياھەت خاتىرسىدىن بەك ھۇزۇرلاندىم ، ئوقۇۋېتىپ ئوزەمنىمۇ ساياھەت قىلىۋاتقاندەك ھېس كىلىپ قالدىم . قۇلىڭىزغا دەرت كەلمىسۇن ، اللە سىزنى ئامان ئىسەن قىلسۇن . داۋامىنى تېزراق يوللىغايسىز !!!!!

yamgur

(5) سۈرىيە: خۇمۇس شەھرى، خالىد بىن ۋەلىد جامەسى

سۈرىيەدە باشقا بەزى ئەرەپ دۆلەتلىرىگە ئوخشاش جۈمە ۋە شەنبە كۈنى رەسمىي دەم ئېلىش قىلىپ، يەكشەنبە كۈنى نورمال خىزمەت قىلىدىكەن.  جوڭگۇدا بولسا شەنبە، يەكشەنبە دەم ئېلىش كۈنى. تۈركىيەدىمۇ شۇ جوڭگۇدىكىدەك. مەن كۆرگەن سۈرىيە بىلەن مىسىردا جۈمە كۈنى رەسمىي دەم ئېلىش كۈنى ئىكەن. مۇسۇلمان دۆلەت ئەمەسمۇ!
يەكشەنبە ۋە دۈشەنبە كۈنى دەمەشقتە قاتتىق قار ياغدى. ئون نەچچە يىلدىن بويان قار كۆرۈپ باقمىغان خەلق خوش بولۇشۇپ كېتىپتۇ. تاكسى شوپۇرىمۇ "بۇ قار ئاللاھنىڭ بىزگە بەرگەن بۈيۈك نېئمىتى! ئەلھەمدۇلىللاھ..." دەپ سۆزلەپ كەتتى. قار تۈپەيلى قاتناش توسۇلۇپ قالغاچقا، تاكسىچى بىزنى ئۆيگە يېقىن بىر يولغا ئەكىلىپ، ئوڭغا قاراپ 200 مېتىر مېڭىشىمىزنى ئىشارەت قىلىپ قويۇپ كېتىپ قالدى. پىيادە مېڭىشقا باشلىدۇق. يولدا قارىسام، مەكتەپتىن ئۆيىگە قايتىۋاتقان ئوتتۇرا مەكتەپ ئوقۇغۇچىلىرى بىر بىرىگە قار ئېتىشىپ ئويناشقىلى تۇرۇپتۇ. مېنىڭ بېشىمغىمۇ بىر قار پومزىكى تەگدى، ئاچچىغىمدا ھومايماقچىدىم، ئەمما ئۇنى خاتا ئېتىپ سالغان كىچىك بالىنىڭ ئوڭايسىزلىنىپ ئەپۇ سورىغان چىرايىغا قاراپ، ھېچقىسى يوق دېگەندەك ئىشارەت قىلىپ ئۆتۈپ كەتتىم. بۇ خەقلەرمۇ بىزگە ئوخشاش "قاردا قارلىق تاشلىدۇق، يامغۇدا....." دەپ ئوينايدىغان چېغىۋا.
سەيشەنبە كۈنى قارمۇ توختاپ، ھاۋا گۈلدەك ئېچىلىپ كەتتى. تۈنۈگۈن ياققان قارلارمۇ ئېرىپ بوپتۇ. يوللارمۇ شۇنداق پاكىز يۇيۇلغان. بۇنداق چىرايلىق ھاۋادا كىشىنىڭ كەيپىياتىمۇ باشقىچە ياخشى بوپ كېتىدىكەن. مەھمەت ئابى بىزنى ماشىنىسىدا دەمەشقتىن 180 نەچچە كېلومېتىر يىراقلىقتىكى خۇمۇس شەھرىگە ئاپارماقچى بولدى. سەنانۇر بىلەن مۇھەممەد خوشلۇقتىن سەكرىشىپ كەتتى. نازمىيە بىلەن بالىلارنى ھازىرلاپ مەھمەت ئابىنىڭ كىچىك ماشىنىسىدا خۇمۇس شەھرىگە قاراپ يولغا چىقتۇق. يولدا ئۇچرىغان قەدىمقى جامەلەرنىڭ ئالدىدا توختاپ ئۆتتۈق. مېنىڭ رەسىم ئاپىراتىمغا توك قاچىلايدىغان نەرسە ئىزدەشنىمۇ ئۇنۇتمىدۇق. (ئەپسۇس، سۈرىيە تەۋەسىدە تېپىلمىدى).
ئۈچ سائەت ماڭغاندىن كېيىن خۇمۇس شەھرىگە يېتىپ كەلدۇق. پاھ، بۇ شەھەر دەمەشقتىنمۇ بەكرەك چىرايلىقتەك كۆرۈندى. ئازادە، كەڭرى ۋە پاكىز يوللار، ئېگىز بىنالار، يېشىل دەرەخلەر، يولدىكى يۆنۈلۈشلەرنى ئېنىق، چۈشىنىشلىك كۆرسىتىپ بېرىدىغان ئېنگلىزچە ۋە ئەرەپچە يېزىلغان يول بەلگىلىرى (تاختايدىكى خەتلەر)، ئاندا-ساندا كۆزگە چىلىقىدىغان تۈركچە ماركا، ۋېۋىسكىلار، ھەيۋەتلىك مەسجىدلەر، خوشچىراي قاتناش ساقچىلىرى… ئىشقىلىپ ھەممە نەرسە كۆزىمىزگە ئىسسىق كۆرۈندى. خالىد بىن ۋەلىد جامەسىگە كېلىپ ناماز ئوقۇدۇق. مەشھۇر ساھابە، مۇسۇلمانلار تارىخىدىكى داڭلىق قۇماندان خالىد بىن ۋەلىد مازىرى مانا مۇشۇ يەردە ئىدى. ئۇنىڭ ئىسمىغا ئاتاپ سېلىنغان بۇ جامەنىڭ كۈلىمىمۇ چوڭكەن. پەقەت ناماز ئوقۇيدىغان يېرىلا بار ئەمەس، بەلكى يېنىدا خالىد بىن ۋەلىد خەير-ساخاۋەت ۋەخپى، مەدرىسەسى ۋە باشقا ئورگانلىرى باردەك كۆرۈندى. جامە ئالدىدا خېلى كەڭرى مەيدان باركەن. ئون نەچچە ياشلىق بالىلار توپ ئويناۋېتىپتىكەن، مۇھەممەد بىلەن سەنانۇر ئۇلارنىڭ يېنىغا قېچىپ كېتىپ بىزنى خېلى يۈگۈرتتى. بالىلارنى رەسىمگە تارتىپ قويدۇم.
 
خالىد بىن ۋەلىد جامەسىنىڭ كىرىش ئىشىگى

 
ساھابە خالىد بىن ۋەلىدنىڭ قەبرىسى (رەسىم ئاياللار ناماز ئۆتەيدىغان يەردە تۇرۇپ تارتىلغان بولغاچقا، پەردىدە تۇسۇلۇپ قالدى)




بۇ قەھرىمان ساھابە جان ئۈزۈش ئالدىدا مۇنداق دېگەنىكەن: "ھاياتى ئاللاھ يولىدا ئات چاپتۇرۇپ، قىلىچ پولاڭلىتىپ ئۆتكەن بىر جەڭچىنىڭ ئاجىزلەردەك كۆرپىدە يېتىپ ئۆلۈشى نېمىدىگەن ئېچىنىشلىق-ھە! مېنى ئورنۇمدىن تۇرغۇزۇڭلار. ھېچ بولمىسا قىلىچىمغا تايىنىپ بولسىمۇ ئۆرە تۇرۇپ جان ئۈزەي!"

 
خالىد بىن ۋەلىد جامەسىنىڭ ئالدىدا چىرايلىق بىر باغچە باركەن. مۇھەممەد بىلەن سەنانۇرنى رەسىمگە تارتىپ قويدۇق.

ئەسىر نامىزىنىمۇ مۇشۇ جامەدە ئوقۇغاندىن كېيىن، شەھەرنى ئايلانغاچ،  يەنە بىر چوڭ جامەنىڭ ئالدىغا كەلدۇق. بۇ جامەنىڭ ئىسمىنى ئۇنتۇپ قاپتىمەن. ئەڭ ئاز ئۈچ تۆت مىڭ كىشى بەھۇزۇر ناماز ئوقۇيالايدىغان چوڭ جامەكەن. ئاياللار 2-قەۋەتكە چىقىدىكەنمىز. تاھارەت ئالىدىغان يەرلىرىمۇ پاكىز ۋە چوڭ ئىكەن. جامە ھەقىقەتەن ئىنساننىڭ ھاردۇقىنى چىقىرىپ، ئىنسانغا راھەت بېغىشلايدۇ. بۇ يەردە نامازشامنى ئوقىغاندىن كېيىن سىرتقا چىقتۇق.
مەھمەت ئابى بىلەن يولدىشىم ناماز ئوقۇش جەريانىدا بىر ئەرەپ بىلەن تونۇشۇپ قاپتىكەن. ئۇنىڭدىن مۇشۇ ئەتراپتىكى ياخشىراق بىرەر ئاشخانىنىڭ ئورنىنى سوراپتۇ. ئۇ ئەرەپ قىزغىنلىق بىلەن بىزنىڭ ماشىنىغا چىقىپ ئاشخانىغىچە بىللە ئەكىلىپ قويدى.
ئىستانبۇلدىكى تاماقخانىلارغا ئوخشايدىغان بۇ ئاشخانىدا كەچلىك تاماق يېدۇق. سىخ كاۋاپ تۈركلەرنىڭ كاۋىپىدىن پەرقلەنمەيدىكەن. بۇلار سالاتانى چوڭ تەخسىگە ئوخشايدىغان قاچىدا بېرىدىكەن. تۈركىيەدىكىگە ئوخشىمايدىغان يېرى، تەخسىنىڭ ئۈستىگە كاللەك بەسەينىڭ ئۈچ تۆت پارچە ياپرىقىنى پۈتۈن قويۇپ، ئۇنىڭ ئۈستىگە توغرالغان شوخلا، تەرخەمەك، يېشىل پىننە، يېشىل لازا ۋە يەنە ئىككى ئۈچ خىل مەن ئىسمىنى بىلمەيدىغان ئوتياشنى قويۇپ، ئۈستىگە لىمۇن بىلەن زەيتۇن يېغى تۆكۈپ ئەكىلىپ بېرىدىكەن. بىزگە تېتىدى. تاماقتىن كېيىن چاي ئىچىپ بىردەم ئولتۇرغاندىن كېيىن دەمەشىققە قاراپ يولغا چىقتۇق. بۇ يەردىكى ئەرەپلەرمۇ بەكلا مىھماندوست، قىزغىن، ئەدەپلىك ئىكەن.  
ئەتىكى سەپەر بېيرۇت.

(داۋامى بار)

gulen

ئەسسالامۇ ئەلەيكۇم يامغۇر خانىم
تولىمۇ ئەھمىيەتلىك يېزىۋاتسىز.  "ھاياتى ئاللاھ يولىدا ئات چاپتۇرۇپ، قىلىچ پولاڭلىتىپ ئۆتكەن بىر جەڭچىنىڭ ئاجىزلەردەك كۆرپىدە يېتىپ ئۆلۈشى نېمىدىگەن ئېچىنىشلىق-ھە! مېنى ئورنۇمدىن تۇرغۇزۇڭلار. ھېچ بولمىسا قىلىچىمغا تايىنىپ بولسىمۇ ئۆرە تۇرۇپ جان ئۈزەي!"
بولسا مەنزىردىن كۆپرەك پىكىرلەر ھەققىدە يازارسىز.
يولدىشىڭىزغا ۋە سىزگە تەكرار سالام. ئاللاھ سىلەرنى تېخىمۇ بەختلىك قىلسۇن، ئىلمىڭلارنى زىيادە قىلسۇن.

pariay

ئاياللار ناماز ئۆتەيدىغان شۇ مەسچىتلەرگە قىزىقىۋاتىمەن ،دەمەشىق سىلەردەك ئەزىزلەرنى قارشى ئاپتۇ ئەمەسمۇ ؟ نەچچە يىل قار كۆرۈپ باقمىغان خەلق خوش بولۇشۇپ كېتىپتۇ. تاكسى شوپۇرىمۇ "بۇ قار ئاللاھنىڭ بىزگە بەرگەن بۈيۈك نېئمىتى!