تەكلىماكاندىكى سوپى - ئىشانلار ( داۋامى )

ilyas.hamit ھەقىي سالاھىيەتلىك ئەزا

                                                               
                                                            تەكلىماكاندىكى سوپى - ئىشانلار  


ئەسسىلامۇئەلەيكۇم!  ‹تەكلىماكاندىكى سوپى - ئىشانلار› تىمىسىنىڭ بىرىنجى فىلىمىنى بەزى تورداشلار توغرا دەپ قاراپ،بەزىلىرى بۇرۇن ئىسلام يولىدا شىھىت بولغان مەشھۇر كىشىلىرىمىزنىڭ قەبرىسىنى يوقلاپتىغۇ خالاس ،بۇنىڭ نەرى خاتا دەپ باھا بىرىپتۇ.تۆۋەندە شۇنداق ئويدىكى قېرىنداشلارغا شۇ بىرىنجى فىلىمدىكىلەرنىڭ قەبرىنى يوقلاپ بولۇپ نەگە بىرىپ نىمە قىلۋاتقىنىنى كۆرۈپ بىقىشنى تەۋسىيە قىلىمەن!
ئالدىنقى فىلىمدىكى كىشىلەر بىلەن بۇ فىلىمدىكى كىشىلەرنى ئوبدانراق سىلىشتۇرۇپ كۆرۈڭلار،ئىنىقلا ئوخشاش كىشىلەر.بۇنىمۇ كۆرۈپ يەنە شۇلارنىڭ توغرا دىساڭلار،بۇ تىمىنى سىلەر بىلەن تالاشمىغىنىمىز ياخشى.


                                                   

ilyas.hamit ھەقىي سالاھىيەتلىك ئەزا

كۆرسىتىلگەن سۈننەتتىن ئارتۇقراق ئەمەل قىلىمەن دىگەن مەقسەتتە قىلىنغان ئەمەل سۈننەتكە خىلاپتۇر،خۇددى سۈننەتكە يەتكۈزەلمىگەن ئەمەلگە ئوخشاشتۇر.چۈنكى رەسۇرۇللاھ(س.ئە.ۋ)نىڭ ئىلىپ كەلگەن يولىغا بىر نەرسە قوشۇش بىلەن شۇ يولنى ئىلىپ تاشلاشنىڭ ئىچقانداق پەرقى يوقتۇر.قوشقۇچى ئادەم بۇنىڭدا نۇقسان باركەن مەن ئازراق قوشۇپ قوياي دىمەيدۇ،مىىنىڭ گۇناھىم كۆپ دەپ قوشۇدۇ،بۇ نەق بىر شەيتاننىڭ ئىنساننىڭ قەلبىگە كىردىغان يولىدۇر.ئاللاھسۈبخەنەۋەتەئەلا رەسۇلۇللا(س.ئە.ۋ)گە بۇيرىغاندا ‹دىنىڭلاردا ھەددىدىن ئاشماڭلار›،يەنى كۆرسىتىلگەن ئەمەلدىن كۆپ ئەمەل قىلىمەن دەپ ئويلىماڭلار دەپ بۇيرىغان. ئاللاھ ئىنساننى بىر يولدا مىڭىشقا بۇيرىغان بولسا شۇ يولدىن پەسلىمەسلىك ھەم يۇقارغىمۇ چىقماي شۇ يول ئۆزىدە توغرا يۈرۈش كىرەك.ئاللاھ بىزنى يولدىن پەسلىمەڭ دىمىدى،يولدىن ھەددىڭىزدىن ئىشىپ ماڭماڭلار دىدى. ئىنساننىڭ تۇيۇق يولغا كىرىپ قىلىشى كوپ ۋاقىتتا سۇننەت يولىدىن   پەسەرەك ماڭغانلىق بىلەن ئەمەس،ئەكسىچە ھەددىدىن ئاشقانلىقتىن ئادىشىدۇ.ۋە دىنغا بولغان زەرەر كۆرسىتىلگەن يولدىن ئىشىش بىلەن ھۇجۇتقا كىلىدۇ.ھازىرقى ۋاقىتتا كىتابى سۈننەتتە يوق بولغان ئەمەللەر پەيدا بولۇپ،بۇيرۇلغان نەرسىنى قىلماي باشقا نەرسىنى قىلىپ يۈرۈشتىن دىنىمىز زەيىپلەشتى.ھازىرقى ۋاقىتتا بەزى كىشىلەرنىڭ تەرىپىدىن ئويلاپ چىقىلغان بەزى بىر نەپلە ئىبادەتلەر  ۋە كىتابى سۈننەتتە يوق،رەسۇلۇللا(س.ئە.ۋ) قىلمىغان ئىشلارنىڭ شىرىك ئەمەللەرگە كىرىپ كىتىشكە  يەنە شۇ يولدىن ھەددىدىن ئىشىپ مىڭىش سەۋەپ بولغان.
ئاللاھنىڭ بۇيرىغان يولىدىلا ماڭساق شىرىكتىن يىراق بولىمىز.لىكىن بەزى كىشىلەر ئۆزىنى قىيناپ كۆپ ئەمەللەرنى قىلماقچى بولىدىيۇ،تەكشۈرەپ كەلسەك پۈتۈنلاي شىرىك.پەيغەمبىرىمىز قىلغان سۈننەتتىن كۆپرەك قىلىش ۋاقىتنىڭ ئۆتىشىگە ئەگىشىپ شۇ كىشىنى مەن بۇندىن كىيىن ئۆزۈمنى بۇ سۈننەتتىكى ئىشلاردىن پاكراك ساقلاي دىگەن تەسەۋۇرغا ئىلىپ بارىدۇ.ئاز ساندىكى كىشىلەرنىڭ دىندىن چىقىپ كىتىشىگە مانا مۇشۇنداق ئادەملەر سەۋەپچى بولىدۇ.شۇنىڭ ئۈچۈن سۈننەتتىن ئارتۇق ئىش قىلىش مۇتلەق سۈننەتكە زىتتۇر.
ئەسلى دىن تولىمۇ قولاي . ئىنسان نۇرغۇن سۇننەتنى قىلىشقا بىرەر كۈچ،بىرەر پۇل تەلەپ قىلمايدۇ لىكىن سۈننەتنى تەرك ئىتىشكە كۈچ، ۋاقىت،پۇل سەرىپ قىلىدۇ.گۇناھ قىلغان كىشىگە نىمە ئۈچۈن ئازاپ قاتتىق؟ چۈنكى ئاللاھ بەرگەن شۇ نىممەتلەرنى گۇناھ يولىغا سەرپ قىلغانلىق ئۈچۈن ئازاپ قاتتىق.ئاللاھنىڭ رەسۇلۇنىڭ يولىغا ئەگەشكەنلەر ۋاقتى،كۈچى،پۇلى تىجىلىپ قالىدۇ.ھاياتىمىزدا قايسى نەرسە سۈننەتكە خىلاپ بولسا  شۇ ئىشىمىزنى تەكشۈرۈپ باقساق نۇرغۇن ۋاقتىمىز،كۈچىمىز،پۇلىمىز شۇ ئىشقا سەرپ بولۇپ كەتكەن بولىدۇ.
دىن مانا مۇشۇنداق ئاسان نەرسە.لىكىن بىزگە نىمىشقا قىيىن؟ چۈنكى بىز ئىسلام روھى بىلەن يۇغۇرۇلغان دۇنيا قاراشتا ئۆسمىگەن ۋە بۇرۇنقى دەۋر جاھىلىيەت ئىسلامنى مەسخىرە قىلىدىغان نىزامدا ئۆتكەشكە بىزگە قىيىن تۇيۇلىدۇ.
ئاخىرىدا سۆزۈمنى بىر ھەدىسنىڭ مەزمۇنى بىلەن ئاخىرلاشتۇراي.كىمكى پەيغەمبىرىمىزدىن يىتىپ كەلگەن رىۋايەتنى يەنى سەھى ھەدىسنى بىلىپ تۇرۇپ ئىنكار قىلىدىكەن ئۇ شەكسىز كاپىر بولىدۇ ۋە ئىسلام دائىرىسىدىن چىقىپ كىتىدۇ، قىيامەت كۈنى يەھۇدىلار ياكى ناسارالار بىلەن ۋە ياكى ئاللاھ ئۆزى خالىغان بىر كاپىر قەۋىم بىلەن بىللە بولىدۇ.
ئاللاھ ھەممىمىزنى توغرا يولغا باشلىسۇن!

uygar

     بىزدىكى نەچچە يۈز يىللىق جاھالەتلىك دەۋىرنىڭ قالدۇقلىرى ئۇنداق ئاسان يوقىلىپ كەتمەيدىغانلىقىنى يۇقارقى كۆرۈنۈشلەردىن ھېس قىلدىم .بۇ ئىبادەت شەكلىدە ئېلىپ بېرىلىۋاتقان بىدئەت ھەركەتنىڭ ھەقىقى ماھىيىتى مىللىتىمىزنىڭ ھەرقانداق بىرىگە تولۇق بىلىنمىگەنگە قەدەر بۇ خىل قىلمىشلار داۋاملىشىدۇ .ئەمما بىزنىڭ بۇنداق ئىشلارنى توسۇشقا ئىمكانىيىتىمىز تولۇق ئەمەس ،خەلقىمىزنىڭ نامراتلىق نادانلىق تەڭ ئىسكەنجىگە ئۋلىۋالغان ئەھۋالدا بۇلارنىڭ يوقىلىشىغا بىر مەزگىل كېتىشى مۇمكىن .

تولۇقلىما مەزمۇن (2013-2-26 14:05):
‹‹ئىسكەنجىگە ئېلىۋالغان ››دېگەن خەت خاتا بېسلىپ قاپتۇ تۈزۈتۈپ ئوقىغايسىز

izqi0996

قۇلۇلىمۇ بىر مەزگىل ئاللاھ ئىنئام قىلغان قېپىدا ياشايدۇ . ئاندىن ئۇ ياكى بىر كۈشەندىسىنىڭ ھۇجۇمىدا ھالاك بولۇپ يىيىلىپ كېتىدۇ ياكى بەزى سەۋەبلىك ئۆلۈپ كېتىش بىلەن ئۇنىڭ قېپى قۇرۇق قالىدۇ دە ، بۇ ۋاقىتتا ئۆزىنى مەلۇم نىسبەتتە قوغداش ئۈچۈن ۋە داۋاملىقراق جاھاندارچىلىق قىلىش ئۈچۈن شۇ خىل قاپ ئىزدەپ يۈرگۈچى قوش ماكانلىق قىسقۇچ پاقىلارنىڭ ياخشى پاناھلىنىدىغان جايى بولۇپ قالىدۇ .
شۇنىڭدەك ، ‹‹ قۇلۇلە قېپىنىڭ ›› ئىچىگە يۇشۇرىنىۋالغان ‹‹ پاقىلار ›› نى ھەمدە ئۇنىڭ يىرگىنىشلىك پۇتلىرىنى كۆرۈپ بەدەر ھەممە قۇلۇلىلەرنى بىردەك پۇتلۇق ، يۇڭلۇق ، قاتتىق ، چىشلەيدىغان .... دەپ چىقىرىۋېتىش شۇ كىشىنىڭ ئەمەلىيەتتە شۇ خىل تەقدىرلەرنىڭ ماھىيىتىنى تازا ئېنىق ئىسپاتلىمىغانلىقىدىن بولىدۇ .
ئەمەلىيەتتە بىز ئۇيغۇلارنىڭ مەلۇم شەھەرلەشكەن ، ئەقلى جايىدا ، ئېتىقادى كۈچلۈك بولغانكى كىشىلىرىگە دىندا ئەھلى سۈننەت بۇيىچە يول يۈرۈش تەكلىپى بېرىلگىنى نەق يۈز يىلدىن ئاشتى . چۈنكى ، بىزلەردە شۇ خىل لىنىيەگە چۈشكىدەك دىنىي ئىمتىياز بارلىققا كەلگىلى يۈز يىلدىن ئاشتى دېگەن گەپ . دەل بۇ ۋاقىتلاردا بىزلەردىكى دىنىي ئىسلاھ دەل ئەھلى سۈننەتكە تېگىشلىك بولغان لىنىيەگە چۈشمەككە تەيىن تېپىلدى . ئەمما ، نۇرغۇنلىغان كىشىلەردە ۋە جايلاردا بۇ خىل بۈگۈنگە خاس بولغان ئىمتىيازنىڭ يوقلىقىدىن ، ھېلىقى ئىچىدىكى بىر ئېتىقادىي كۈچنىڭ مەلۇم نىسبەتتە تەلپۈنىشىدىكى تەلىپىنى قانداق قاندۇرۇشنى بىلەلمىگەن ( ئەسلىسى قوش ماكانى بولغانكى قىسقۇچ پاقىلار ) ئۆزلىرىگە مەلۇم ئەسلى تېگىشلىك بولغان ئورۇننى تاپالماسلىق ۋە تېپىشقا تېگىشلىك ‹‹ ئەلچىلەر ›› نىڭ يوقلىقى ھەمدە بۇ خىل توغرىغا يېتەكلەشتە ئۇلاردىن ئىلگىرى ئىلگىركىلەرنىڭ بىر مەھەل پايدىلىنىپ تاشلىۋېتىلگەن قېپىنى ئىگىلىۋېلىش بىلەن ، ئىلگىركىلەر بۇنىڭدا ياشىغان ئىدى دەپ ئاتا- بوۋىلىرىغا قارىسىغا چوقۇنىۋېلىش بىلەن ئەسلى ئۆزلىرىگە تەئەللۇق بولمىغان قاپلارنى ئىگىلىۋېلىش بىلەن يەنىلا باشقىلارنى ئازغۇن دەپ ئويلاندۇرۇش بىلەن پىشىۋا بولىۋالغان بەزى نائەھلى شەيتاننىڭ ‹‹ ئەلچىلىرى ›› ئەتىراپىدىكىلەرنى يۈكسىلىشتىن توسۇش بىلەن زوراۋانلىق قىلىشتا ھەددىدىن ئاشقاندۇر .
ئەمەلىيەتتە ، ئۇيغۇر مىللىتى بۈگۈنگە خاس ئېتىقاد ، ئىمانغا يېتىش جەريانىدا شۇ خىل قاپنى بىر مەھەل تۇتقا قىلغىنى راست . ئەمما ، بۇنىڭدىن مۇمكىن قەدەر يىراق تۇرۇشقا تەۋسىيە قىلىۋاتقانلىقىغا ئۈستىدە ئېيتىلغاندەك ، يۈز يىلدىن ئاشقان . بەلكى كىيىنكى سۈننەتتىن ئىبارەت تېگىشلىك قاپقا كىرىش تەلەپ قىلىنغان . ئەمما دىندا زورلاش يوقلىقىدىن ھەمدە بىزلەردە بەزى تەرەپلىك ئىمتىيازنىڭ يوقلىقىدىن بەزى شەيتانىي كۈچلەرنى يىلتىزىدىن قومۇرىۋېتىش پۇرسىتى بولمىغانلىقتىن ، بەزى ھاماقەتلەر بىردەك ئۇلارنىڭ ئېزىقتۇرىشىغا ئەگىشىپ يۈرىۋاتىدۇ . ھەمدە ، بۈگۈنىمىزدە بۇلارنىڭ بولىشىدىمۇ ھەم ئانچىكى پايدىمۇ بار . ئاللاھ ئۆز ۋىتىدا ساھابىلارغا ھاراق ۋە قىماردا مەلۇم پايدىلىقمۇ بار ، ئەمما پايدىسىدىن زىيىنى كۆپ بولغاچقا ھارام قلىندى دەپ جاكارلىغىنىدەك ، ھارام قىلغان نەرسىسىدىنمۇ بەزى كىشىلەرگە بىلدۈرىدىغان بەزى ھېكمەتلەرنىڭ بارلىقىدىن خەۋەر بېرىدۇ . شۇڭا ، ( مەنغۇ ئۇنداق يەرگە كىرىپ باقمىدىم ) بۇنىڭدەك كىشىلەرنىڭ بەزى جايلاردا بولغانلىقىدىن شۇ يەردىن ھەم بەزى ئاز ساندىكىلەرگە مەلۇم نىسبەتتە پايدىسى بارلىقىنى يەكۈنلىمەي بولمايدۇ . چۈنكى ئاللاھ بەزى ئۆسۈملۈكلەرنى ياراتتى . ئەمما ئۇنى يۇلۇپ ئەكەتمەيمىز بەلكى ئۇنىڭ خۇش بۇيىنىلا ئېلىۋالىمىز . شۇنىڭغا ئوخشاش ، بەزى دىنىي سۇرۇنلارنىڭ گەرچە ئىچكى ئەقىدىسى خاتا بولسىمۇ ، ئەمما ، شۇ خىل ئەقىدە يۇقمايدىغان ، ئەمما ، شۇ سۇرۇندىكى دىنىي زىلزىلە پايدىلىق بولۇپ قالغانلىقتىن ، دىندا ئىنتايىن زەئىپ بولغان بەزىلەرنىڭ شۇ يەردىن ئېلىۋالىدىغان نېسىۋىلىرى باردۇر .

ئەمما ، فىلىمدىكى لاتا - پېتەك چىگىپ ، قەبرىدىكىلەردىن مەدەت سوراپ يەنە بەزى يامان تەرەپلىك ئېتىقادلارنىڭ بولغىنى ، ئەمەلىيەتتە ئۇلارنىڭ ئەسلى سوپى ئىكەنلىكىنى بىلدۈرمەيدۇ . بەلكى ئۇلارنىڭ قۇلۇلە ئەمەس بەلكى قىسقۇچ پاقا ئىكەنلىكىنى بىلدۈرىدۇ .
ھاراق ھارام . ئەمما ، بەزىلار دەل ھاراق بىلەن مەس بولغاندىن كىيىن مانا مەن دېگەن موللىلار ، دىندارلار ئاللاھقا يىغلىيالمىغان يەردە ئەنە شۇلار يىغلىيالايدۇ . ئاللاھ ئەنە شۇ يىغىدىن كىيىن ئالاھىدە بىر ئۆزگىرىشلىك تەقدىرىنى ھەم ئىرادە قىلىدۇ . مېنىڭ ئالدىمنى بىر دائىم مەس يۈرۈيدىغان بىرى مەس ھالەتتە تۇتىۋېلىپ يىغلاپ كەتكەن ۋە ئكزىنىڭ ئاللاھدىن قورقىدىغانلىقىنى ۋە مۇشۇ پېتى ئۆلۈپ كەتسە دوزاخقا كىرىپ كېتىدىغانلىقىدىن ئەنسىرەيدىغانلىقىنى ئېيتقان ئىدى . مەن ئۇنىڭغا مانا مۇشۇ مەۋقەيىڭىزنىڭ بولغىنىلا ئاللاھنىڭ رەھمىتىدىن ئۈمۈدنىڭ بارلىقىنى بىلدۈرىدۇ دەپ بىر تۈرلۈك تەسەللىلەرنى بەرەەن ئىدىم ھەم ئۇنىڭغا خەيرىلىك دۇئانى قىلغان ئىدىم . ھەمدە زور ئىشەنچىم بار ئىدىكى ئۇنىڭغا ، ئۇزۇن ئۆتمەي بەش ۋاقت ناماز بىلەن مەسجىدتە دائىم بار .
ھالبۇكى ، مەن بىلەن بىرگە ماڭغان ئۆزىنى ئالاھىدە ھېسابلايدىغان بىرى ئۇ مەس بىلەن قول تۇتۇشۇپ تۇرغانلىقىمدىن كىيىن ئاچچىقلانغان . ئەمما ئۇنىڭغا بەزى رەدىيەلەرنى بەرگەن . ئىدىم شۇنىڭدەك ، جەمىيەتتە ھەر قىسما بەندىلەر مەۋجۇت .
يەنە يازغۇم بار ئىدى . ھازىر دەل ئون ئىككىدىن قىرىق ئۆتتى . سائەت بىردە پىشىنگە تەكبىر ئېيتىلىدۇ . شۇڭا تاھىرىتىمنى يەڭگۈشلەپ ئۈلگۈرمىسەم بولمايدۇ .  كەچۈرۈم .

buhayat

بۇ قايسى يۇرتتىكى ئىشتۇ؟

azharbag

بۇلار  چۇقۇم تاجىكلار

مالىك

بۇلار نىمە ئىش قىلىۋاتىدۇ؟ مەن بىلەلمىدىمعۇ؟ بۇ قايسى يۇرتنىڭ ئادەملىرى؟

izqi0996

ئاۋۇ فىلىمنى كۆرمەپتىكەنمەن . ھازىر بىر قانچە مىنۇت كۆرۈپ خۇددى ( مۇنداق دېسەم مەسخىرە قىلغانلىقىمدىن ئەمەس . توغرا چۈشىنىڭلەر ھە . چۈنكى مەن ئۇنىڭدەك جايلارغا كىرىپ باقمىدىم ھەمدە گەرچە ئىلگىرى بەزى شۇنداق ھۆججەتلىك فىلىملەرنى كۆرسەممۇ ، ئەمما بۇ تۇيغۇ كەلمىگەن ئىدى ) ، مەن شۇ تاپتا خۇددى بىر ئوركىستېر ئۆمىكىنى كۆرگەندەكلا بولدۇم . گەرچە ئىلگىرى بالىلار بىلەن پاراڭ سالغاچ كۆرسەممۇ ، ئەمما ، بۈگۈنكىدەك بۇ خىل تۇيغۇ كۈچلۈك رەۋىشتە كەلمىگەن ئىدى .
شۇنىڭ بىلەن بىرگە ھەم ئۆزەمنىڭ بىر ئۇيغۇر ئەۋلادى بولۇش سۈپىتىم بىلەن ، ھەقىقەتتە مەندىمۇ شۇنىڭدەك ھىسىياتلارنىڭ ۋۇجۇدۇمدا بارلىقىنى ھىس قىلدىم . چۈنكى ، مەنمۇ ئاللاھ مەدھىيلەنگەن ناخشىلار ئارىسىغا مەيلى ئاۋازلىق ھۈم بولسۇن ياكى مۇزىكىلار قېتىلسۇن ، ئەنە شۇنىڭدەك بىر ئاۋازلارنى ئاڭلىغىنىمدا بەزىدە ۋەجۇدۇم بەزى بىر ھاياجان ئىلكىدە دىرررىتە تىتىرەپ كېتىدۇ .
مەن قەلبىمنىڭ بەزىدىكى مۇشۇ خىل تىتىرىشىنى ئويلاپ ، گەرچە مەن شۇ خىل ھاياجانغا كەلگەن ۋاقىتتا شۇلارنىڭ ئارىسىدا بولمىساممۇ ، ئەمما ، روھىيەت جەھەتتىن بەزىدە شۇ خىل ناخشا - مۇزىكىلەر ئىسكەنجىسىدە بەزى ھاياجانغا تولغانكى مەندە ، ھەقىقەتەن ئاللاھ ياد ئېتىلسە ، ھەمدە شۇ خىل ياد ئېتىشلەردە تۇيغۇرۇمنى كۈچەيتىدىغان بەزى ئامىللار قېتىلسا بېلەكچىلا ئاللاھقا بولغان قۇلچىلىقىمنىڭ نىسبىتى ئۆرلەپ كېتىدۇ . قارىغاندا ، بۇ ھەممىلا كىشىدە بولىدىغان ھىسسىيلىك بولسا كېرەك .
ئىلگىرى بىر ساھابە مۇھەممەد ئەلەيھىسسالامنىڭ قېلىچىنى ئالغان ، ھەمدە بىلىدىكى بىلۋېغىنى بېشىغا چەگكەنچە جەڭ مەيدانىغا شۇڭغۇپ كىرىپ كېتىپتىكەن . ئۇنىڭ شۇ ھالىدىن ئۇنى چۈشىنىدىغانلارنىڭ ئېيتىشىچە ، ئۇ بېلىدىكى بەلۋېغىنى بېشىغا چەگسە ھايات - ماماتلىقنى ئويلىمىغان ھاللاردا جاننى دوغا تىككەنلىكىنى ، ياكى ئۆزىنىڭ ئكلىدىغانلىقى ياكى ئۆلتۈرىدىغانلىقىنى جەزىملىشىدىكەنتۇق . دەل بۇ ۋاقىتتا كاپىرلار قۇشۇنى ئالدىدا تۇرغان ، ئارقىدا مۇھەممەد ئەلەيھىسسالامنىڭ جىھادقا قارىتا سۆزلىگەن سۆزلىرى ۋە ساھابىلارنىڭ ھۇررا - چوقانلىرى بىرلىشىپ جەڭگە ۋە ئاللاھقا بولغان مۇھەببىتىنىڭ ھەمدە جەسۇرلىقىنىڭ كۈچىنى ئاشۇرىدىغان مۇھىتلاردا نە خوتۇن - بالا ، نە ئاتا- ئانا ۋە باشقا مېھىر - مۇھەببەتلەر ئۇنىڭ ۋە ئۇلارنىڭ بىر يەرلىرىنى ئۆزلىرىگە تارتالىسۇن ؟

ئاللاھ بىلەن قەسەمكى ، ھەر قانداق بىر كىشى بەزى دۇئالىرىنىڭ مەقبۇل بولىشى ۋە ئىمانىنىڭ يۈكسىلىش جەريانلىرى ھارپىسىدا ، چوقۇملا ئاللاھقا بىر قەدەر يېقىنلاشتۇرىدىغان ، قەلىبنى زىلزىلە ئورىيالايدىغان مۇھىتقا مۇھتاج بولىدۇ .

{ اﷲ سىلەرگە (ھالال ۋە ھارامغا دائىر ئەھكاملارنى) بايان قىلىشنى، سىلەردىن بۇرۇنقىلار (يەنى پەيغەمبەرلەر ۋە ياخشىلار) نىڭ يوللىرىغا سىلەرنى ھىدايەت قىلىشنى، (گۇناھىڭلاردىن قىلغان) تەۋبەڭلارنى قوبۇل قىلىشنى خالايدۇ. اﷲ ھەممىنى (يەنى بەندىلىرىنىڭ ھەممە ئەھۋالىنى) بىلگۈچىدۇر ۋە ھېكمەت بىلەن ئىش قىلغۇچىدۇر [26]. نىسا }

تەۋبە قانداق بولىدۇ ؟ ھەقىقىي ئاللاھدىن قورقۇپ بەزى گۇناھلىرىغا پۇشايمان قىلىش ۋە ئەپۇ قىلىشىنى تىلەشتىن بولىدۇ . ئەمما ، بۇ خىل ھالەت بەندىنىڭ ھەممىلا ۋاقتىدا بولمايدۇ . ھەمدە بۇ خىل ھالەتنى ھەمىشە ساقلاپ تۇرغۇچىلار ئارىمىزدا ئىنتايىن ئاز .
بەندىچىلىكتە ئەنە شۇ خىل تەۋبىگە يېقىنلاشتۇرغۇچى ۋاستە تولىمۇ مۇھىمدۇر . مانا بۇ ۋاستە ھەم دائىملىق ھىدايەتكە سىلجىشىمىزنىڭ ئاچقۇچىنىڭ بىر ماھىيىتىدۇر .

ئۆز ۋاقتىدا بەزى ساھابىلار مۇھەممەد ئەلەيھىسسالامدىن ئۆزلىرىنىڭ ئۇنىڭ بىلەن بولغاندا دىنىي جەھەتتىن ئىنتايىن كۈچلۈك ، ئازراقلا ۋەز ئېيتسا قەلىبلىرى تىتىرەپ يىغا كېلىدىغان ، ئەمما ، ئۇنىڭدىن ئايرىلىپ ئائىلىسىگە قايتقاندا بولسا ، خوتۇن - بالىلىرىنىڭ بەزى سەۋەبلىك ئۆزلىرىگە ئىتائەت قىلماسلىقلىرى ۋە كۆزىگە سىغمايدىغان ئىشلارنى قىلىشى بىلەن چېچىلىپ ھېلىقى مۇھەممەد ئەلەيھىسسالامنىڭ يېنىدا بولىدىغان ماھىيەتتىن قالىدىغانلىقىنى ئېيتىپ ، ئۆزلىرىنىڭ ئۇنىڭغا ئاسىي بولىشىۋاتقانلىقلىرى ئۈستىدە دەرت ئېيتىپ كەلگەندە بولسا ، ئىنساندا ئۇنداق ئىشلارنىڭ بولىدىغانلىقى ۋە ئەگەر ھەر ۋاقىت ئۆزى بىلەن تۇرغاندىكىدەكلا بولسا پەرىشتىلەر ئۇنىڭ بىلەن دائىم كۆرۈشۈپ تۇرىدىغانلىقىنى ئېيتقان .

ئىلگىرى مەن ئانچىكى ئىشلاردىمۇ قەلبىم لەرزىگە كېلىپ ئاللاھقا سېغىنىپ بۇقۇلداپ يىغلاپ كېتەتتىم . بارا - بارا گۇناھتىن ئەمەس بەلكى شۇ خىل لەرزىگە كېلىدىغان ئىشلارغا دۇچ كېلىۋەرگەنلىكتىن بارغانچە قەلبىمنىڭ كۈچلۈك رەۋىشتە زىلزىلىگە كېلىشى ئازىيىپ كەتتى ۋە ئەمدى شۇ خىل زىلزىلىنى ئۆزەم تېپىشىمغا توغرا كېلىۋاتىدۇ . شۇڭا ئاللاھ ئېيتتى ، سىلەرنى ئىلگىركىلەرنىڭ يوللىرىغا ھىدايەت قىلىشىنى ، ھالال - ھارامنى بايان قىلىشنى ۋە نېمىنىڭ پايدىلىق ھەم زىيانلىق بولىدىغانلىقىنى بىلدۈرىدىغانلىقىنى ......
مەن دەل بۇ خىل زىلزىلىنىڭ ئىنساندا بولمىسا بولمايدىغان بىر مۇھىم ئاساس ئىكەنلىكىنى بىلدىم . ئىلگىرى  مەن ئادەتتە يالغۇز مازىمغا بېرىشنى ياقتۇراتتىم ھەم داۋاملىق بەزىدە بەزى خىل زىلزىلىگە مۇھتاجلىقىم تۇتسا شۇنداق ياخشى پۇرسەت يارىتىلاتتى دە ، ئۆزەم دائىم بارىدىغان ھەم ئىككى چوڭ دادام ۋە بىر چوڭ ئانام بار ۋە باشقا تۇغقانلىرىم بار بولغان كورلا چوڭ بېكەتنىڭ ئۈستىدىكى قەبرىستانلىققا باراتتىم . شۇ ۋاقىتلاردا قانچە يالغۇز قەبرىمۇ قەبرە رەت ئارىلىپ مېڭىپ ئايلانسام ئىچىمدىن شۇنچە دىنغا مايىللىشىۋاتقاندەك تۇيۇلاتتىم ھەم شۇ تۇيغۇرۇمدا ئىگىز تاغنىڭ ئۈستىگە چىقىپ بىر ئالدىمدىكى شەھەرگە قارىسام ، يەنە بىر يېنىمدىكى قەبرىلەرگە قاراپ بىر مەھەل پىكىر قىلاتتىم ھەم قەلبىم بۇ خىل مۇھىتقە تۇيۇنغاندا قايتىپ كېلەتتىم . ئەمما ، ھازىر بارسام ئۇنچە زىلزىلە يوق . ئەمدى يېقىنراق قەبرىستانلىق بولسا نامازشامدىن يېنىپراق بارسام بولغۇدەك . ئەمما ، مەن تاكى شۇ خىل زىلزىلىگە قاتتىق رەۋىشتە مۇھتاق بولغىنىمدىن كىيىن . بولمىسا بۈگۈن بېرىۋېلىپ ، كىيىن مۇھىم چاغدا لەرزىگە كەلمەي تۇرىۋېلىشىدىن ئەندىشىگە قالدىم .
ئىلگىرى كورلا چوڭ مەسجىتىنىڭ ئىچكى جۈمە ئوقۇيدىغان ئورنى تاقاق ئىدى . پەقەت جۈمە كۈنىلا ئېچىلاتتى . باشقا نامازلارنى سول تەرەپ بېقىنىدا ئوقۇيتتى . ئەمما ، مەن جۈمەگە كىرگىنىمدىلا ئاندىن ھېلىقى ئىچكى پەرزخانىغا كىرەلەيتتىم . شۇ ھالىتىمدە مەندە ئاجايىب بىر خىل نامازدا خۇشۇئ بولاتتى . بۇ خۇشۇئ سىرتىدا ئوقۇغاندىنمۇ بەك كۈچلۈك بولاتتى . ئەمما شۇنچە تەلپۈنسەممۇ باشقا ۋاقىتلاردا ئېچىلمايتتى . مەن ئاشۇ خۇشۇئ قا داۋاملىق ئېرىشىش ئۈچۈن بەزى كىشىلەرگە دائىم مۇشۇ تەرەپلىك ئاچچىقلىنىپ قالاتتىم ھەمدە بۇ نۆۋەت زىننەتلىگەندىن كىيىنمۇ يەنىلا باشتا تاقاپ قويىۋاتقانلىقىدىن تېخىمۇ رەنجىپ بەزىلەرگە << نېمە قىلىدۇ تاقاپ قويۇپ ، ياكى ئىچى مۇزىخانا بولمىسا ، بارلىق نامازنى شۇ يەردە ئوقۇساق نېمە بولاتتى ؟ ..... >> دەپ ئۇنىڭ ئۈستىدىكى پايدىلىق تەرەپلىرىنى ئوتتۇرغا قويۇپ ئېيتاتتىم . ئەمما ، بۇ مېنىڭ شۇ ۋاقىتتا شۇ خىل كۈچلۈك زىلزىلىنىڭ مۇھەببىتىگە ، تەشنالىقىغا بەكلا بېرىلىپ كەتكەنلىكىمدىن ئىدى . ئەمما ، مەن بۇ خىل زىلزىلىنىڭ قانداق يەردە ، نېمە ئۈچۈن بولىدىغانلىقىنى بىلگىنىمدە ، شۇ تەنتەكلىكىمگە پۇشايمان قىلدىم . پۇشايمىنىم شۇكى ، نېمىشكىمۇ بۇ توغرىسىدا بىلمەستىن ئېغىز غېرىچلىغاندىمەن ھەم ئىش ئۈستىدىكىلەرگە شەرتسىز ئەگەشمەستىن ئۇلارنىڭ دىنىي سىياسەتتىن باشقۇرۇشلىرىنىڭ ھۆكمىسىگە قارشىلىق قىلغاندىمەن ؟
مەن بۇ توغرىسىدا پۇشايمان قىلغاندا بىلدىمكى ، نۇرغۇنلىغان ماڭا پايدىلىق مەنىۋىي ، روھىي جەھەتلەردىن ھەقىقەتەن تېگىشلىك بولغان نەرسىلەرنىڭ ۋاقتى - سائىتى بىلەن بولغىنىنىڭ ئەۋزەللىكىنى ، ئۇنىڭدىن ئىلگىرى كۈچلۈك بولغان زىلزىلىلەرگە ئۇچىراپ كەتسە ، نۆۋەتتىكى ۋە كىيىنكى ئېلىۋېلىشقا تېگىشلىك بولغان پايدىلىق تەرىپىنى ئۆز قولى بىلەن بوغۇزلاپ قويىدىكەن .

ھازىر دىققەتنى ئالاھىدە ئۆزىگە تارتىدىغان فىلىملەر كىنوخانىلاردا قويۇلماقتا . ئىلگىرى 3 دى ( سەن دى ) بار ئىدى . كىيىنچە ئۇنىڭ 4 تى چىقتى . ئەمدى بولغاندا ئۇنىڭ تېخىمۇ كۈچلىكى بولغان 5 ى چىقتى ( بۇسى دەل فىلىمدا يامغۇر ياغسا ئەتىراپىدا ھەم ياغقاندەك نەرسىلەر تاراسلاش ، يەر تەۋرىسە ئۇرۇندۇقمۇ ھەم بىردەك تەۋرەش ، شامال چىقسا ھەم شامال بېرىلىشتەك ماھىيەت ئىچىدە ) . گەرچە مەن ئۇ خىل يەرگە بېرىپ باقمىساممۇ ، ئەمما ، بۈگۈندىلا  4 كە ياكى  5 كە كىرىپ كۈچلۈك زىلزىلىگە ئۇچىراش بىلەن ، بۈگۈنىدە ئېلىۋېلىشقا تىگىشلىك بولغان ئادەتتىكى ( ۋ س د ) پىلاستىكىلاردىكى فىلىملەردىكى نېسىۋىسىدىن ۋاقىتلىق مەھرۇم بولۇپ قالغۇسىدۇر .
شۇنىڭدەك ، بىراقلا كۈچلۈك زىلزىلىلىك نەرسىلەرگە ئەگىشىۋالسا ، كىيىن قەلىب زىلزىلىگە مۇھتاج بولغاندا ، ھاياجاننى بىمەنە يەردىن ئىزدەشكە مەجبۇر بولىدۇ . شۇڭا ياۋرۇپالاردا ھايا قانچە كۆتۈرۈلۈش ، ئېتىقاد سۇسلىشىش ، ئادىمىيلىك تۆۋەنلىشىشتەك ئەھۋال ئاستىدا ئەر - ئايال ئۆز ئارا تۇغما ھالەتتە كوچىلاردا مېڭىش ، سۇغا تەڭ چۈشۈش ، ۋە شۇنىڭدەك ئەقىلدىن يىراق بولغان ھاللاردا نېسىۋىسىنى ئىزدەشكە مەجبۇر بولىدۇ . مانا بۇ شۇلارنىڭ شۇنىڭدىن ئىلگىرى بۈگۈنىدە مۇھتاج بولىدىغان زىلزىلىلەرنى كۈچلۈكلەرگە ئېسىلىۋېلىش بىلەن بوغۇزلاپ ماڭغانكى لىنىيەسىدىكى بېكەتلىرى .......

گېپىمىز ئۇزىراپ كەتتى . بەزىلەر مۇھەممەد ئەلەيھىسسالام ساھابىيلار ئارا يىغىلىپ ھۈم - ھۈم قىلغانممۇ دەپلا بۇلارنى ھارامغا چىقىرىۋېتىشكە ئۇرىنىدۇ . بۇ خىل توپلىشىشنىڭ ماھىيىتى پەقەت ۋە پەقەت ئۆزلىرى بىر - بىرلىرىگە ھاياجانلىق كەيپىيات ئاتا قىلىشىپ يارىتىشتىن باشقا نەرسە ئەمەس .
ئى بۇ قۇرلارنى ئوقۇغۇچى ! سىز بەزى زىلزىلىلەر ئارقىلىق بارغانچە ئويغۇنۇشتا بولىۋاتقانلىقىڭىزنى ھىس قىلىۋاتامسىز ؟ جەمىيەتتىكى كىشىلەرنىڭ ئىيۇلدىن كىيىن بىر پەللا مەيلى دىندا بولسۇن ياكى پەندە ياكى مىللەتچلىك ، ۋەھاكازالار ..... دا بولسۇن ، ئىلگىركى ئورنىدىن قانچە تىز يۈكسەلگەنلىكىنى بايقىدىڭىزمۇ ؟

{ سۇر چېلىنغان ھامان ئۇلار قەبرىلىرىدىن چىقىپ پەرۋەردىگارى تەرەپكە يۈگۈرىدۇ [51]. ئۇلار: «ۋاي ئىسىت! بىزنى ئۇخلاۋاتقان يېرىمىزدىن (يەنى قەبرىمىزدىن) كىم ئويغاتتى؟» دەيدۇ ، (پەرىشتىلەر يا مۆمىنلەر ئۇنىڭغا جاۋابەن) «مېھرىبان اﷲ نىڭ ۋەدە قىلغىنى مۇشۇ (كۈن)، پەيغەمبەرلەر راست ئېيتقان» دەيدۇ [52]. پەقەت بىر ئاۋاز بىلەنلا ئۇلارنىڭ ھەممىسى ھۇزۇرىمىزغا ھازىر قىلىنىدۇ [53].ياسىن }

ئاللاھنىڭ ئۆلۈكلەرنى تىرىلدۈرۈشتىكى بىر ۋاستىسى دەل جاھاننى زىلزىلىگە سالىدىغان بىر << ئاۋاز >> دۇر .

{ بىز قۇرئاننى ھەقىقەتەن مۇبارەك كېچىدە (يەنى شەبى قەدرى كېچىسىدە) نازىل قىلدۇق، بىز ھەقىقەتەن ئىنسانلارنى (قۇرئان بىلەن) ئاگاھلاندۇرغۇچى بولدۇق [3]. ئۇ كېچىدە ھەر بىر ھېكمەتلىك (يەنى ھېكمەتنىڭ تەقەززاسى بويىچە قىلىنغان) ئىش (يەنى بەندىلەرنىڭ رىزقى، ئەجىلى ۋە باشقا ئەھۋالى) ئايرىلىدۇ [4]. دۇخان }

كېچە دىيىلسە پەقەت شەبى قەدرى كېچىسى دەپلا ئويلاپ قالمايلى . ئىيۇلدىن كىيىن ئىككى تارىم ۋادىسى ھەم كېچە !!! بۇ كېچىدە ھەم زىلزىلە بولغانلىقتىن ، كىشىلەر ئويغۇنىدۇ . بۇ ئويغۇنۇشلارغا قارىتا تېگىشلىك نېسىۋىلىرى بولىدۇ . بۇ نېسىۋە دەل ھەر جەھەتتىن يېڭىچە ئىلىملەرنىڭ مەيدانغا كېلىدىغانلىقى بىلەن بولىدۇ . يېڭىچە ئىلىم ھەم بۇ خىل كېچىلەردە ۋۇجۇتقا كېلىدۇ . شۇڭا ئاللاھ بۇ خىل كېچىنى ھەم مۇبارەك دەپ ئاتىدى . ھەمدە بۇ كېچىدە بېرىلگەن نېمەتلەر ، يېڭىلىقلار ئارقىسىدا ئۇنى ئىنكار قىلغان بىر بۆلۈك كىشىلەرگە ۋە قارشىلىق قىلغان كىشىلەرگە ئازاب سۆزى تېگىشلىك بولىشى ، ئۇنى قۇبۇل قىلغانلارغا قارىتا رەھمەت سۆزى ئېيتىلىشى بىلەن بەزى ھېكمەتلىك ئىشلار ئايرىلغۇسى .
شۇڭا ، قايسى بىر زېمىندا مەلۇم نىسبەتتە كېچىلىك يۈز بەرسە ، شۇ يەرنىڭ ئەتىسىدە ئالاھىدە يېڭىچە ئۆزگىرىشنىڭ بولىدىغانلىقىنى پەملىسىڭىز بولىدۇ . شۇ بۇيىچە ھەم يۈسۈپ قەرداۋى ھەزرىتىنىڭ بىز كۆزى بىزلەرگە چۈشتى . ئەمەلىيەتتە بۇرۇنلا چۈشىشى كېرەك ئىدى . كېچىكىپ قالدى . ئەمما ، بۇ كېچە كېچىككەنلەرنى ھەم ئاگاھلاندۇردى . چۈنكى بۇ كېچە ئارىسىدا شۇنچە يىل تەسەۋۋۇپنىڭ يۇغۇرۇندىسى بىلەن بۈگۈندە ئۆزىنى ئاشكارلايدىغان بەزى نەتىجىلەر ، دۇنياۋى مۇسۇلمانلارغا ئېھتىياجلىق بولغان نەرسىلەر ئايان بولغۇسى !!!!  پەقەت بۇ خىل ئىلمىي كىتاب بېرىلگەنلەرلا بۇ خىل ئىبارىلەرنى تۇلىقى بۇيىچە قۇبۇل قىلالايدۇ ۋە ئېتىراپ قىلالايدۇ .

گىپىمىز نەگە كەلدى ؟ ھەجەپ بىلەلمەيلا قالدىميا ؟ ھە ، بەندىنىڭ تېگىشلىك لەرزىگە مۇھتاق بولىدىغانلىق توغرىسىدا ئىدى ھە .
ئىلگىرى مۇنداق بىر ئىش بولدى . بىر دوستۇمنىڭ بىر ئاكىسى بار ئىدى . دائىملا ھاراق ئىچىپ مەسلا يۈرۈيدىغان . ئىچسە بوش ئىچمەيتتى بەزىدە يىقىىپلا ياتقان يېرىدە يېتىپلا قالاتتى . ئەمما ، ئۇنىڭ نېمە ئۈچۈن شۇنچە ئىچىدىغانلىق دەردىنىڭ بارلىقىنى بىلمەيتتىم ھەم دوستۇمنىڭ ئېيتىپ بېرىشىچە پەقەت بەزى تەرەپلىكلا يەرلىرىنى بىلەتتىم .
دوستۇم ھەر نۆۋەت ئاكىسىنى يولدا كۆرگەن يىرىدە يۈدۈپ ئۆيگە ئېلىپ ماڭاتتى ھەم دائىم ئۇنىڭغا پايدىلىق ۋەز - نەسىھەتلەرنى قىلىپ ماڭىدىغانلىقىنى ئېيتقان ئىدى . بىر كۈنى ھەم شۇنىڭدەك سۆزلەرنى قىلىپ مېڭىۋېتىپ ، ئۇكىسىغا بەزى دەرتلىرىنى تۆككەچ پۇشايمان ئىلكىدە مېڭىۋېتىپ ، ياق ، يۈدىلىۋېتىپ . دوستۇم دىگىنمىدە ئارانلا مېڭىۋاتاتتى . قويۇپلا بەرسەم قايسى جايدا قويۇپ بەرسەم شۇ جايدىلا يېتىپ قېلىشى دەپ ؛ تۇرۇپ سۆزىنى داۋاملاشتۇرۇپ ، مەھەللىمىزدىكى مەسجىدنىڭ يېنىغا كەلگەندە ، قەيەردىن كەلدىكىن ئۇ كۈچ قولۇمدىن يۇلقۇنۇپ چىقىپ كېتىپلا يۈگۈرگەن پېتىچە مەسجىدنىڭ دەرۋازىسىغا كۈچىنىڭ بارىچە توختىماي ئۈسۈپ نىمىشقا ، نىمىشقا ..... دەپ يىغلاپ كەتكەن . توۋا ، شۇنىڭدىن كىيىن تۇرۇپلا ئۇ خىل تەرىپى يوقاپ بەش ناماز بوپ قالدى جۇمۇ ......

{ ھەممىڭلار اﷲ نىڭ ئاغامچىسىغا (يەنى اﷲ نىڭ دىنىغا) مەھكەم يېپىشىڭلار، ئايرىلماڭلار (يەنى سىلەردىن ئىلگىرى يەھۇدىيلار ۋە ناسارالار ئىختىلاپ قىلىشقاندەك، دىندا ئىختىلاپ قىلىشماڭلار). اﷲ نىڭ سىلەرگە بەرگەن نېمىتىنى ئەسلەڭلار، ئۆز ۋاقتىدا سىلەر ئۆزئارا دۈشمەن ئىدىڭلار، اﷲ دىلىڭلارنى بىرلەشتۈردى، اﷲ نىڭ نېمىتى بىلەن ئۆزئارا قېرىنداش بولدۇڭلار، سىلەر دوزاخ چۇقۇرىنىڭ گىرۋىكىدە ئىدىڭلار، اﷲ سىلەرنى (ئىسلام ئارقىلىق) ئۇنىڭدىن قۇتقۇزدى. سىلەرنىڭ ھىدايەت تېپىشىڭلار ئۈچۈن، اﷲ ئايەتلىرىنى سىلەرگە شۇنداق بايان قىلىدۇ [103].ئال ئىمران }

ئەگەر ئاللاھنىڭ رەھمىتىگە ، ھىدايىتىگە ئىگە بولغانكى بىر كىشىگە - مۇشۇ ئىزچى دېگەن بالا مۇشۇنداق دەيدۇ ، راستىنلا سىلەرنىڭ بۈگۈنكى ئىمانغا ، ھىدايەتكە ئېرىشىشتە شۇنىڭدەك بىر ھاياجانلانغاندىن كىيىنكى بىر يىغاڭلار ۋە شۇ يىغىغا ئارلاشقان تەۋبەڭلەر سەۋەب بولغانمىتى - دەپ سوراپ بېقىڭلار .

كىيىن پەرىشتىلەر ئىلگىركى ئىمانىدىن يېنىپ كاپىر بولغانلاردىن شۇنداق سورايدۇ : روشەن دەلىللەر كەلگەندىن كېيىن ئايرىلىپ كېتىشكەن ۋە ئىختىلاپ قىلىشقان كىشىلەر (يەنى يەھۇدىيلار ۋە ناسارالار) دەك بولماڭلار، ئەنە شۇلار چوڭ ئازابقا دۇچار بولىدۇ [105]. شۇ كۈندە (يەنى قىيامەت كۈنىدە) بەزى يۈزلەر (يەنى مۆمىنلەرنىڭ يۈزلىرى) ئاقىرىدۇ، بەزى يۈزلەر (يەنى كۇففارلارنىڭ يۈزلىرى) قارىيىدۇ. يۈزى قارايغانلارغا (پەرىشتىلەر ئېيتىدۇكى) «ئىمان ئېيتقىنىڭلاردىن كېيىن كاپىر بولدۇڭلارمۇ؟ كاپىر بولغانلىقىڭلار ئۈچۈن ئازابنى تېتىڭلار» [106]. ئال ئىمران

ئىلگىرى مەن بىر كېچە ئۇخلاشتىن ھەقىقەتەن قورققان ئىدى . چۈنكى ئۇخلاپلا قالسام كېچىچە قار بېسىپلا چىقىدىغاندەك . چۈنكى مەن شۇ كۈنى پىشىندىن يېنىپ مەھەللىمىزدىكى بىر دائىم مەس يۈرۈيدىغان بىرەيلەننىڭ ئۆلۈمىگە قاتنىشىپ مەن بۈگۈن بەزىدە بارىدىغان قەبرىستانلىققا بىللە باردۇق . ھەمدە ئۇ دەپنە قىلىنىپ بولغاندىن كىيىن مەھەللىمىزنىڭ ئىمامى ( ئىلگىرى مەن تېخى ئۇ قارىمنى ئادەتتىكىدەكلا بىر قارىيمىكىن دەپتىكەنمەن ) ئورنىدىن تۇرۇپ بىر ۋەز تەبلىغ قىلىشقا ئۆتىۋېدى ، خۇددى ماڭىلا دەۋاتقاندەك بۇ سۆزلەر مېنىڭ ئىچىمگە ، قېتى - قېتىمغا كىرىشىپ كەتتى . ھەتتا ، بۇ سۆزنىڭ قاتتىقلىقى روھىيىتىمگە قاتتىق تەسىر قىلغانلىقتىن ئىچىمدىن بىر نېمە خۇددى پۇللاڭلاپ تۇرىدىغان ئۇزۇن ئاسما كۆۋرۈك بولۇپ ، ئۇنىڭدا تۇنجى رەت مېڭىپ يولدا ماڭسىمۇ يەنىلا ئىچىدىن بىر نېمىلەرنىڭ توختىماي بىر ھازا سىلكىنگەندەك بىلىنگىنىدەك ، ھەتتا يوتقانغا كىرىپ ياتقاندىمۇ ئەنە شۇ خىل روھىيەت ئىسكەنجىسىدە ئىدىم .
بۈگۈنۈمگە ھەم شۇنىڭغا ئوخشاش بىر قانچە زىلزىلىلەرمۇ ھەم سەۋەبچى بولدى . كىشى قاتتىق بىر زىلزىلىگە ئۇچىرىسا ، ئۇ ئاللاھنى ئەسلەيدۇ . بىر ياراتقۇچىنى ئەسلەيدۇ . چۈنكى بۇ خىل ئەھۋال ئاستىدا ئۇ ئاللاھدىن باشقا بىرىنىڭ ياردەم بېرەلمەيدىغانلىقىنى بىلىدۇ . شۇڭا جىبرىئىل ئەلەيھىسسالاممۇ مۇھەممەد ئەلەيھىسسالامنى تۇنجى بولۇپ كەلگىنىدە قاتتىق سىقىش بولغان . ھەمدە شۇنداق ئاگاھلاندۇرغانكى { اراتقان پەرۋەردىگارىڭنىڭ ئىسمى بىلەن ئوقۇغىن [1]. ئۇ ئىنساننى لەختە قاندىن ياراتتى [2]. ئوقۇغىن، پەرۋەردىگارىڭ ئەڭ كەرەملىكتۇر [3]. ئۇ قەلەم بىلەن ئۆگەتتى [4]. ئىنسانغا بىلمىگەن نەرسىلەرنى بىلدۈردى [5]. ئەلەق }

ئەنە شۇنىڭدەك بىر زىلزىلىلەرگە مەيلى كىملەر دۇچ كەلمىسۇن ، ئۆزىنى شۇ خىل مۇھىتقا ئۇچىراشتۇرغان پەرۋاردىگارىنى ئېسىگە ئالسۇن ۋە بۇ خىل تونۇشتىن يىراقلارغا يېقىنلار ئېيتىپ بەرسۇن . چۈنكى شۇ ۋاقىتتا پەرۋەردىگاردىن مۇھەممەد ئەلەيھىسسالام يىراق ئىدى . جىبرىئىل ئەلەيھىسسالام يېقىن ئىدى . ئاللاھ بىزنىڭ دىنىمىزنىڭ بېشىنى ئەنە شۇنىڭدەك ھىدايىتىگە يولنى داغدام ئېچىش بىلەن باشلىغان . بۇ داغداملىق دەل قاتتىق سىقىلىشتىن باشلانغان . قاتتىق ھاياجان قاپلىغانكى ھالەتتىن باشلانغان . ئەمما ، بىر مەھەل توغرا مېڭىۋېتىپ ، ئەنە شۇ خىل زىلزىلىلەر يېنىدىكى شەيتانى كۈچلەرنىڭ شۆھرەتكە ، ئاتاققا ، بايلىققا يەتكەنكى ھەمدە شۇنىڭ بىلەن پەخىرلىنىش بىلەن كۇپايىلىنىشقا قىستاش بىلەن نەپسى ۋە شەيتانى كۈچلەر ناگاھان چىمپىيۇنلارنى ، ئالىملارنى ئارقىغا بۇراشقا ئۇرىنىدۇ . بۇ دەل ئەنە شۇ ھاياجان قاپلىغان ۋاقىتتا ئاللاھدىن باشقا بىر شەيئىلەرگە بۇرۇلۇشتىن ئىبارەت ...... شۇڭا ئى چىمپىيۇن ، مەيلى سەن بوكىس ۋە باشقا تەنتەربىيە تۈرلىرىدە يەت ، ياكى قايسى بىر ساھەدە يەتكىن ئەڭ ئاۋۋال سېنىڭ قىلىدىغىنىڭ پەرۋەردىگارىڭنى ئەسلەش ۋە ئۇنىڭ بۇ كۈنۈڭدىكى نېمەتلەرگە شۈكرانە ئېيتماقتۇر . شۇڭا دىنسىز ، ئېتىقادسىز تېرنېرلارغا ئەگەشكۈچى ھەر قانداق بىر جاننىڭ ئاقىۋەتتىكى ئورنى ، ئاۋۋال بىر ئاسمانغا كۆتۈرۈلۈپ ئاندىن يەرگە يىقىلىشتىن باشقا ئاقىۋەت ئەمەس . ھەم دىندىمۇ شۇ . پەندىمۇ شۇ . شۇڭا ئاللاھ ئېيتىدۇ :
{  ئۇلار (يەنى شەيتانلار) غا ئاسمانلارنىڭ ۋە زېمىننىڭ يارىتىلىشىنىمۇ، ئۇلارنىڭ ئۆزلىرىنىڭ يارىتىلىشىنىمۇ كۆرسەتكىنىم يوق ، (كىشىلەرنى) ئازدۇرغۇچىلارنى ياردەمچى قىلىۋالغىنىممۇ يوق [51]. كەھف }

كىملەركى بىراۋنىڭ مەيلى قايسى جەھەتتىن بولمىسۇن يۈكسىلىشىگە پۇتلىكاشاڭ بولىدىكەن ، ئۇ ئەمەلىيەتتە شۇ ۋاقىتتىلا ئول كىشىنىڭ دۈشمىنىدۇر . ھەتتا ئۇنىڭ ئاتا - ئانىسى بولغان تەقدىردىمۇ . شۇڭا ئاللاھ ئېيتىدۇ
{  ئەگەر ئاتا - ئاناڭ سېنى سەن بىلمەيدىغان نەرسىنى ماڭا شېرىك كەلتۈرۈشكە زورلىسا، ئۇلارغا ئىتائەت قىلمىغىن، ئۇلارغا دۇنيادا ياخشى مۇئامىلىدە بولغىن (يەنى دىنىڭغا زىيان يەتمەيدىغان ئاساستا ياخشىلىق قىلغىن)، ماڭا تائەت بىلەن قايتقان ئادەمنىڭ يولىغا ئەگەشكىن، ئاندىن مېنىڭ دەرگاھىمغا قايتىسىلەر، سىلەرگە قىلمىشىڭلارنى ئېيتىپ بېرىمەن [15]. لوقمان }

تولۇقلىما مەزمۇن (2013-2-27 13:32):
ئىككى يىللىق تارىم ۋادىسى .... دېمەكچىتىم ئەسلى ، خەت چۈشۈپ قاپتۇ .

jureyj

شەيخۇل ئىسلام ئىبىن تەيمىييە رەھىمەھۇللاھ سوپىزىم پىرقىسى ھەققىدە مۇنداق دەيدۇ:«سوپىزىم پىرقىسىنىڭ باياناتلىرى باتىللىقنىڭ ئەڭ يۇقىرى چېكىگە يەتكەن. ئۇلارنىڭ تۇتقان يولى سېپى ئۆزىدىن باتىل بولغانلىقى ئۈچۈن، بىز ئۇلارنى ئۆز قىلمىشلىرىدىن ئاگاھلاندۇردۇق. ئۇلارنىڭ ئەمەللىرىگە قارشى تۇرۇش ۋاجىبتۇر. كۆپچىلىك مۇسۇلمانلار ئارىسىدا ئەۋج ئالغان بىدئەتتىن ئىبارەت بۇ يۇقۇملۇق مەرەزگە قارىشى تۇرۇشنىڭ ۋاجىبلىقى، يەھۇدى ۋە ناسارالارنىڭ دىنىنى رەت قىلىش ۋە ئۇلارغا قارشى تۇرۇشنىڭ ۋاجىبلىقىنىڭ ئالدىدا تۇرىدۇ. چۈنكى، يەھۇدى ۋە ناسارالارنىڭ دىنى سەۋەبلىك مۇسۇلمانلار ئاسان ئېزىپ كەتمىسىمۇ(مۇسۇلمانلىقنى دەۋا قىلغان بىدئەتچىلەر تائىپىسى سەۋەبلىك ئاسانلا ئېزىپ كېتىدۇ).»(مەجمۇئۇل فەتۋا، 2-توم، 359-بەت)
خوش، سوپىزىمنىڭ باتىللىقىنى ئوتتۇرىغا قويغۇچىلارنى ۋاھھابى دەپ ئاتايدىغان، پەقەت ۋاھھابىلارلا سوپىزىمغا قارشى تۇرىدۇ دەپ قارايدىغان ئائىشە خانىم ئەمدى، ئىمام ئىبىن تەيمىييەنىمۇ ۋاھھابى دەيمىزمۇ؟

aishe

jureyj يوللىغان ۋاقتى  2013-2-27 13:03
شەيخۇل ئىسلام ئىبىن تەيمىييە رەھىمەھۇللاھ سوپىزىم پىر ...

ھۆرمەتلىك قېرىندىشىم،
مەن مۇنازىرە قىلمايمەن دەپ تۇرۇپ يەنە ئىنكاسلارغا جاۋاب يېزىشقا مەجبۇر بولىۋاتىمەن.
ئاۋال مەيدانىمنى يەنە بىر تەكىتلەپ قوياي: مەن سۇپىزىم تەشۋىقاتچىسى، ۋاھابىزىم دۈشمىنى ئەمەسمەن، بۇ نوقتا ئېنىق بولسۇن! قارشى تۇرىدىغىنىم: توغرا يولدىكى ئەھلى تەسەۋۋۇپ بىلەن بىدئەت يولىغا ئېغىپ كەتكەن سۇپىيلارنى قارا-قويۇق ھالدا بىر تاياقتا ھەيدەپ، ھەممىسىگە ئومۇمىيۈزلۈك «مۇشرىك» قالپىقى كىيدۈرۈش ھادىسىسى، مەن مانا شۇنىڭغا قارشى. مۇسۇلمان ئالىملارنىڭ زەھەرلىك گۆشىنى يېيىشتىن قورقمايدىغانلار يازغان «سۇپىزىمنىڭ ماھىيىتى ھەققىدە»[url]/thread-34185-1-1.html[/url] دېگەن ماقالىغا يازغان رەددىيەدە مېنىڭ مەيدانىم ئىپادىلەندى دەپ قارايمەن. شۇ يەرگە يازغان ئىنكاسىمنىڭ ئاخىرقى ئابزاسىغا قارىسىڭىز، مۇجاھىد ئالىم ئىبنى تەيمىييە ھەققىدە نېمە دېگەنلىكىمنى بىلىسىز. مەن ئىبنى تەيمىييەنى ئىنتايىن ھۆرمەتلەيمەن. ئىبنى تەيمىييە تەنقىت قىلغان شۇ زاماندىكى ئازغۇن سۇپىيلارنى مەنمۇ تەنقىت قىلىمەن. چۈنكى، ۋەتەننى موڭغۇل ئىشغالچىلىرى بېسىۋالغاندا، ئىبنى تەيمىييە خەلقنى جىھادقا چاقىرغاندا بەزى سۇپىيلار جىھادقا چىقىشقا ئۇنىمىغان ئىدى، يەنە باشقا سەۋەبلەرمۇ بار.
مۇجاھىد ئالىم ئىبنى تەيمىييە ئۆمرىنىڭ كۆپىنچە قىسمىنى سۈرىيە بىلەن مىسىردا ئۆتكۈزگەن، كۆپىنچە ۋاقىتتا ھەنبەلىي فىقھىسىغا ئەگەشكەن، بەزىدە ئۇنىمۇ تەنقىت قىلغان، مۇستەقىل دۇنياغا قاراشقا ئىگە ئۇلۇغ ئالىم. مەن ئۇنىڭ دۈشمەنلىرىگە ئېيتقان «سۈرگۈن قىلىنسام ھىجرەت، ئۆلتۈرۈلسەم شاھادەت، زىندانغا تاشلانسام ئىبادەت...» دەيدىغان سۆزلىرىگە ئىچ ئىچىمدىن قايىل بولۇپ بەزى ئەسەرلىرىنى ئوقىغانمەن. لېكىن، ئىبنى تەيمىييەمۇ بىر ئىنسان بولۇش سۈپىتى بىلەن پەيغەمبەر ئەمەس، ئۇنىڭ سۆزلىرى 100% توغرا بولىدۇ دەيدىغان ئۆلچەممۇ يوق. ئىبنى تەيمىييە يازغان «كىتابۇل ئەرش» ناملىق كىتابتا «ئاللاھ ئەرشنىڭ ئۈستىدە ئولتۇرىدۇ. ئۆزى بىلەن بىللە ئولتۇرۇشى ئۈچۈن رەسۇلۇللاھقا ئورۇن قويۇپ قويىدۇ» دەيدىغان جۈملە بارمۇ؟ ئىبنى تەيمىييە ھەققىدە يەنە بىر مەشھۇر ئالىم ئىبنى ھەجەرى مەككى (ھەيتەمى)نىڭ «ئەل-جەۋھەرۇل مۇنزام» ناملىق ئەسىرىدە نېمە دەيدىغانلىقىغا قاراپ باقارسىز. ھەر قانداق بىر ئالىمنىڭ ئازدۇر كۆپتۇر خاتالىقى بولۇشى مۇمكىن، بۇ نورمال ئەھۋال، ئەمما بىز بۇنىڭغا قارىماي، ئۇنىڭ توغرا تەرەپلىرىدىن پايدىلانساق بولىدۇ دەپ ئويلايمەن.
سىز ماڭا ئابدۇلۋاھھاب بىلەن ئىبنى تەيمىييە ئوخشاش قاراشقا ئىگە ئالىملار، سۇپىزىم توغرىسىدا ئېيتقانلىرى ئوخشاش دېگەننى ئىما-ئىشارەت قىلماقچى بولسىڭىز، جاۋابىم شۇكى، ئىبنى تەيمىييە (1263-1328) بىلەن ئابدۇلۋاھھاب (1703-1792)نىڭ ئارىسىدا ياشىغان تارىخىي دەۋر جەھەتتىن تۆت بەش ئەسىرلىك زامان پەرقى بار. ئىبنى تەيمىييە سۇپىزىمنى تەنقىت قىلغاچ خەلقنى موڭغۇل تاجاۋۇزچىلىرىغا قارشى جىھادقا چاقىردى. ئابدۇلۋاھھابمۇ سۇپىزىمنى تەنقىت قىلغاچ خەلقنى ئوسمانلى خەلىپىلىكىگە قارشى غازاتقا چاقىردى. نەتىجىدە ئوسمانلى ئىسلام خەلىپىلىگى ئاغدۇرۇلۇپ كۈنىمىزدىكى سەئۇدى جەمەتى شەخسىي ھۆكۈمرانلىق قىلىدىغان سەئۇدى ئەرەبىستان دۆلىتى قۇرۇلدى. بىرى ياۋايى كاپىر موڭغۇلغا قارشى چىقسا، بىرى «مۇشرىك» قالپىقىنى كىيگۈزۈپ قويۇپ مۇسۇلمان تۈرك خەلىپىنىڭ باشقۇرىشىغا قارشى چىقتى. موڭغۇل بىلەن تۈرك ھەر ئىككىسى ئەرەبلەرنى بېسىۋالغان ئىشغالچى دۈشمەن ئىدى دېسىڭىز، ئىختىيارىڭىز قېرىندىشىم. مەن مۇنازىرە قىلىشنى خالىمايمەن. مەن دېمىسەممۇ ئابدۇلۋاھھابنىڭ سەئۇدى ئەرەبىستاندا ئورنىنىڭ قانچىلىك يۇقىرى ئىكەنلىكىنى، مەۋلۇتقا قارشى چىقىدىغانلارنىڭ ھەر يىلى ئابدۇلۋاھھابنىڭ تۇغۇلغان كۈنىنى تەبرىكلەپ ئەسلەيدىغانلىقىنى بىلەرسىز. مەن ھەر قانداق مۇسۇلمان ئالىمنىڭ زەھەرلىك گۆشىنى يېيىشكە قارشىمەن. مەن ئەمدى مۇنازىرىدىن رەسمىي چېكىندىم.