كۆپ خۇتۇنلۇق بۇلۇش ۋە ئۇيغۇر ئائىلە ئەخلاقى

eltirix

	مەن بۇرۇن بىر ئىسلامىي تور بەتتىن  مۇشۇ تىما بىلەن مۇناسىۋەتلىك بىر سۇئال-جاۋاپنى كۆرگەن ئىدىم،ھازىر كۆپچىلىكنىڭ مۇھاكىمە ۋە پايدىلىنىشغا سۇندۇم. سۇئال : مېنىڭ يولدۈشۈممۇ 2ـئايال ئالماقچى ئەگەر يولدۇشۇم بىلەن ئالماقچى بولغان ئايال ئوتتۇرىسىدىكى نىكاھنى رەسمىيلەشتۇرۇش ئۈچۈن مەن توي خېتىدىن ۋاز كېچىشىم كېرەك ، توي خېتىدىن ۋاز كېچىش ئۈچۈن چوقۇم ئۆي تۇتمايمىز دەپ يازما ئىلتىماس يېزىشىمىز كېرەك ،ۋە توي خېتىمىزنى بىكار قىلىشنى تەلەپ قىلىشىمىز كېرەك ، مۇشۇنداق بولغاندا نىكاھقا تەسىر يىتەمدۇ ؟ ئەگەر 2ـئايال مەن توي خەتنى ئالمايمەن دىسە ،ئائىلىسىدىكىلەرمۇ قوشۇلسا بولامدۇ؟بىراق يولدۈشۈم توي زىياپىتى بەرسە ،ئەل ـجامائەتكە ئاشكارلىسا بۇنداق نىكاھ ئۇيغۇنمۇ؟ جاۋاپ:1 - يولدىشىڭىز ئىككىنچى ئايالنى نىكاھىغا ئالغانلىقىنى، توي خېتى ئېلىپ سىياسىي ماقاملارنىڭ ئالدىدا رەسمىيلەشتۈرمىسە، ناغرا - سۇناي چېلىپ توي قىلىپ يۇرت - جامائەتكە ئېلان قىلمىسا، ئۇ ئايالنى نىكاھىغا ئالغان بولمايدۇ.يولدىشىڭىزنىڭ بۇنداق قىلىشى ئۈچۈن سىز توي خېتىنى ئايرىسىڭىز، يولدىشىڭىز بىلەن سىزنىڭ ئارىڭىزدا نىكاھ قالمايدۇ. توي خېتىنى ئايرىش ئەسناسىدىكى «ئۆي تۇتمايمىز، ئەمدى بىز ئايرىلدۇق» دېگەن گەپلەر ئاراڭلاردىكى نىكاھنى يوق قىلىۋېتىدۇ. ئالغان ئاجرىشىش خېتى ئاجراشقانلىقنى، پۈتكۈل يۇرت - جامائەتكە ئېلان قىلغانلىق بولىدۇ.    2 - يولدىشىڭىز ئىككىنچى ئايالنى توي خېتى ئالماي ئالسا، ئۇنى ئالمىغان بولىدۇ. چۈنكى يولدىشىڭىز ئىككىنچى ئايالنى سىزنى قانداق ئالغان بولسا ئۇنىمۇ شۇنداق ئېلىشى كېرەك. يەنى يولدىشىڭىز خوتۇن ئالماقچى بولسا، سىلەر ياشاۋاتقان جەمئىيەتتىكى ئادەت بويىچە ئېلىشى لازىم.يولدىشىڭىزنىڭ ئالدىدا بىرلا يول بار: ئۇ، ئەگەر سىز بىلەن توي قىلىپ ئۈچ بالىسى بولغاندىن كېيىن يەنى ھازىرقى شارائىتىدا «مەن ئىككىنچى بىر خوتۇن ئالمىسام زادى بولمايدۇ» دېگەن «قەتئىي ئىرادە» سىدىن «ئەسلا ۋاز كەچمەيدىغان» بولسا، ھەر ئىككى خوتۇنغا رۇخسەت قىلىدىغان بىر دۆلەتكە يۆتكىلىپ بارسۇن، ئۇ يەرگە سىزنى ۋە ئۈچ بالىڭىزنى بىللە ئاپارسۇن. ئاندىن شۇ يەردە تۆتكىچە خوتۇن ئالسۇن. مەن بۇ يەردە سىزنىڭ يولدىشىڭىزغا ئوخشاش «يولدا قالغان» لارغا شۇنى ئەسكەرتىپ قويۇشنى ئۇيغۇن كۆرۈۋاتىمەن:بىردىن ئارتۇق تۆتكىچە خوتۇن ئېلىش ئاللاھ تەئالانىڭ بۇيرۇقى ئەمەس، رۇخسىتىدۇر.يەنى بۇ، ئۇرۇش كۆپ بولۇپ ئەرلەر ئاز قالغانلىقى ئۈچۈن جەمئىيەتتە ئىگە - چاقىسىز قالغان ئاياللارنى ھىمايە ئاستىغا ئېلىش ۋە ياكى قولىدىكى ئايالى تۇغماس بولۇپ ياكى كېسەل بولۇپ، ئەرنىڭ ئىككىنچى بىر خوتۇنغا ئېھتىياجى چۈشۈش… قاتارلىق بەزى خۇسىسىي ئەھۋاللاردا رۇخسەت قىلىنىدىغان بىر ئىشتۇر.بۇنى بەزى مۇسۇلمان قىياپىتىدىكى ئىنسانلارنىڭ، ئۆزلىرىنىڭ شەھۋانىي نەپسىنى دەپ، ئۇ رۇخسەتنى ئاللاھنىڭ ئەمرى قىلىپ كۆرسىتىپ، بۇنىڭغا مۇسۇلمانلارنىڭ بولۇپمۇ قولىدىكى ئاياللىرىنىڭ ئاللاھغا بولغان ئىمانىدىن پايدىلىنىشقا ئۇرۇنۇشلىرى، ئۇلارنىڭ شەيتانلاشقانلىقىنىڭ ئالامىتىدۇر.ئۇلارنىڭ: «بۇ ئاللاھنىڭ ئەمرىدۇر. بۇنىڭغا قارشى چىقساڭلار ئاللاھنىڭ ئەمرىگە قارشى چىققان بولىسىلەر» دەپ ئۇلارنىڭ سەمىمىي مۇسۇلمانلىقىنى سۇيىئىستېمال قىلىپ، ئىككىنچى بىر ئايالنى ئېلىشى، ئۇلارنىڭ يۈزدە يۈز شەيتان بولۇپ بولغانلىقىنىڭ ئالامىتىدۇر.

eltirix

	نىكاھنىڭ دىنىمىزنىڭ ھۆكمىگە ئۇيغۇن بولۇشى ئۈچۈن تۆۋەندىكىلەرگە رىئايە قىلىش لازىم: 1 – نىكاھلىنىش تەكلىپى قويۇلماقچى بولغان قىز/ئايال، نىكاھلىنىش ھارام قىلىنغان بىرى بولماسلىقى لازىم. بۇ نىسا سۈرىسىنىڭ 23- ئايىتى ۋە 24- ئايىتىنىڭ بېشىدا بايان قىلىنىدۇ. 2 – نىكاھلىنىش ئائىلە قۇرۇپ بالا-چاقا تېرىش نىيىتى بىلەن بولۇشى شەرت. نىسا سۈرىسىنىڭ 24- ئايتىدىكى «مۇھسىنىينە غەيرە مۇسافىھىينە» دېگەن كەلىمىلەر بۇنى ئىپادىلەيدۇ. چۈنكى مۇھسىنىينە نىڭ مەنىسى ئەرلەرنىڭ نىكاھلىنىشتىن مەقسىتىنىڭ نىكاھىغا ئالغان قىز/ئايالنى نىكاھىغا ئېلىش ئارقىلىق ئائىلە قورغانىغا ئېلىش ۋە ئۇنىڭ ئىچىدە ساقلاش دېگەن بولىدۇ؛ غەيرە مۇسافىھىينە بولسا، ھەر ئىككى تەرەپنىڭ نىكاھلىنىشتىكى مەقسىتى جىنسىي ھەۋەسىنى قاندۇرۇشلا بولمىسۇن بەلكىدە ھەر ئىككى تەرەپ بۇ نىكاھتىن بىر ئائىلە قۇرۇپ بالا-چاقا ۋە نەۋرە-چەۋرە تېرىش (نەھل سۈرىسىنىڭ 72- ئايىتىمۇ بۇنى بايان قىلىدۇ)، جەمئىيەتتە قۇدا-باجىلىق مۇناسىۋىتىنى پەيدا قىلىش (فۇرقان سۈرىسىنىڭ 54- ئايىتىمۇ بۇنى بايان قىلىدۇ) نى مەقسەت قىلسۇن دېگەن بولىدۇ. بۇ ئىككى كەلىمىنىڭ (مۇھسىنىينە غەيرە مۇسافىھىينە) جۈملىدىكى ئورنى بۇ ئىشلارنىڭ شەرت ئىكەنلىكىنى كۆرسىتىدۇ 3 – ھەر ئىككى تەرەپنىڭ نىكاھلىنىش يېشىغا يەتكەن بولۇشى كېرەك. چۈنكى ئاللاھ تەئالا نىسا سۈرىسىنىڭ 6- ئايىتىدە نىكاھلىنىشنىڭ ۋاقتىنى زىكىر قىلىدۇ. دېمەك نىكاھلىنىشنىڭ بىر ۋاقتى بار. بۇ ۋاقىت بالاغەتكە يېتىپ بولغان ۋاقىتتۇر. بالاغەتكە يەتمىگەن ئوغۇلغا خوتۇن ئېلىپ بېرىش توغرا بولمىغاندەك بالاغەتكە يەتمىگەن قىز بالىنى ئەرگە بېرىشمۇ توغرا بولمايدۇ. 4 – قىز/ئايالغا باشقا بىرىنىڭ ئۆيلىنىش تەكلىپى قويمىغان بولۇشى كېرەك. چۈنكى پەيغەمبەر ئەلەيھىسسالام: «ھېكىم، قېرىندىشى مېلىنى ساتماقچى بولغان كىشىگە مېلىنى ساتمىسۇن ۋە قېرىندىشى توي قىلىش تەكىلىپى قويغان قىز/ئايالغا توي قىلىش تەكىلىپى قويمىسۇن» دېگەن. بۇ ھەدىس (بۇخارى نىكاھ، مۇسلىم نىكاھ، تىرمىزى نىكاھ، نەسەئى نىكاھ، ئىبنى ماجە نىكاھ) زىكىر قىلىنىدۇ 5 – نىكاھلىنىش تەكىلىپى قويۇلماقچى بولغان ئايال ئىددەت ئىچىدە بولماسلىقى لازىم. يەنى ئېرى ئۆلۈپ قالغانلىقى ياكى ئېرىدىن ئاجرىشىپ كەتكەنلىكى ئۈچۈن ئىددەت تۇتۇۋاتقان ئايالغا ئۆيلىنىش تەكلىپى قويۇشقا بولمايدۇ. (بەقەرە سۈرىسىنىڭ 228- ۋە 235- ئايەتلىرى، تالاق سۈرىسىنىڭ 1- ئايىتى بۇنى بايان قىلىدۇ). 6 – ئەر تەرەپتىن قىز/ئايال تەرەپكە نىكاھلىنىش تەكلىپى قويۇلغاندىن كېيىن قىز/ئايال ھېچقانداق بېسىم ئاستىدا قالماستىن ماقۇل ياكى ياق دەيدۇ. ئەگەر ماقۇل دېگەن تەقدىردە بۇ نىكاھنىڭ شەرىئەت ئەھكامىغا ۋە ئۆرپ-ئادەتكە ئۇيغۇن بولۇپ بولمىغانلىقىنى قىز/ئايالنىڭ ۋەلىيىسى (دادىسى ياكى قېرىنداشلىرى ياكى تاغىلىلىرى) كونترول قىلىدۇ. ئەگەر بولار نىكاھنىڭ شەرىئەت ئەھكامىغا ۋە ئۆرپ-ئادەتكە ئۇيغۇن بولغانلىقىغا قانائەت قىلسا رۇخسەت قىلىدۇ. ئىش بۇ يەرگە كەلگەندىن كېيىن مۇناسىۋەتلىك ئورگانلارنىڭ رەسمىيىتىنى بېجىرىپ، (نىكاھ ئىدارىسىدىن توي خېتى ئېلىپ) ئاندىن ئەل-يۇرتنى چاقىرىپ توي قىلىش كېرەك. يەنى ئەر شۇ قىز/ئايالنى نىكاھىغا ئالغانلىقىنى، ئايال شۇ ئەرنىڭ نىكاھىغا كىرگەنلىكىنى  ئەل-ئالەمگە ئېلان قىلىدۇ. مۇشۇنداق بولغاندا ئۇ كىشى شۇ ئايال بىلەن، ئۇ ئايالمۇ شۇ ئەر بىلەن نىكاھلانغان بولىدۇ. بۇ يەردە شۇنىمۇ ئەسكەرتىش لازىمكى، ھازىر جەمئىيىتىمزدە «توي خېتى ئېلىپ توي قىلىشقا بولمايدۇ، چۈنكى بۇ كاپىرغا بويسۇنغانلىق بولۇپ شېرىك ھېسابلىنىدۇ» دەپ كەڭ مۇسۇلمانلارنى قايمۇقتۇرىدىغان بىر سۆز بار. بۇ ھېچقانداق ئاساسى يوق گەپ. بۇنداق ئاساسسىز گەپلەرگە ئالدانماسلىق كېرەك. بۇ سۆزنى ئوتتۇرىغا چىقارغان ياكى قەستەن چىقىرىۋاتقانلاردىن سوراپ باقايلى: بىر جۈپ ئەر- ئايال توي خېتى ئالماي نىكاھلانغان تەقدىردە يۇقىرىدىكى شەرتلەرنىڭ قايسىسىنى ئورۇندىيالايدۇ؟ بالىلارنىڭ نوپۇسى، ئائىلىنىڭ رەسمىيلىشىشى قانداق بولىدۇ؟ نىكاھنىڭ يۇقارقى شەرتلىرىدىن بىرىگە رىئايە قىلىنمىسا نىكاھ كۈچكە ئىگە بولمايدۇ. توي خېتى ئالماي توي قىلسا ئۇ شەرتلەرگە تولۇق رىئايە قىلىش  مۇمكىنمۇ؟ بۇ ھەرەمگە بېرىش ئۈچۈن پاسپورت ئېلىشقا، مۇناسىۋەتلىك كۇنسۇلدىن ۋىزا ئېلىشقا، قانتاش ۋاسىتىلىرىغا چىقىپ، ئىنسانلار تۈزۈپ قويغان يوللاردا، ئىنسانلار رۇخسەت قىلغان بويىچە مېڭىشقا ئوخشايدۇ. ھەتتا ئەتىگەن مەھەللىدىكى مەسچىتكە چىقىشمۇ يەنە ئىنسانلار تۈزۈپ قويغان يولدا مېڭىش بىلەن بولىدۇ. شۇنىڭ ئۈچۈن توي قىلماقچى بولغانلار چوقۇم ياشاۋاتقان رايۇن ياكى دۆلەتنىڭ مۇناسىۋەتلىك ئىدارىسىدىن رەسمىيەتلەرنى بېجىرىپ ئائىلە قۇرۇشلىرى لازىم. باشقا شەكىلدە بولغاندا دىنىمىزنىڭ نىكاھلىنىشقا مۇناسىۋەتلىك ھۆكۈملىرىگە تولۇق ئەمەل قىلىنمايدۇ. بۇنداق بىر نىكاھ شەرئەن كۈچكە ئىگە ھېساپلانمايدۇ. شەرئەن كۈچكە ئېگە بولمىغان نىكاھ بىلەن «توي قىلدۇق» دەپ تۇرمۇشىنى داۋاملاشتۇرغانلار ئۆزىنى ئۆزىنى ئالدىغان بولىدۇ. بۇ ئىش، دىنىمىز ھارام قىلغان بىر نەرسىنى «بىسمىللاھ…» دەۋىتىپ يەپ – ئىچكەنگە ئوخشايدۇ. تويلۇقنىڭ ئۆلچىمىگە كەلسەك، ئاللاھ تەئەلا بۇ ھەقتە مۇنداق دەيدۇ: «سىلەر نىكاھىڭلارغا ئالماقچى بولغان ئاياللارغا مەھرىلىرىنى كۆڭۈل رازىلىقى بىلەن سوغا قىلىپ بېرىڭلار»- (نىسا، 4-ئايەت). بۇ ئايەتكە ئاساسەن تويدا ئەر، ئايالغا تويلۇق بېرىشى لازىم. بۇنىڭ مىقدارى شۇ ئايال ياشاۋاتقان رايوندا، شۇ ئايالغا ياش، چىراي – شەكىل ۋە جەمىيەتتىكى ئېتىبارى قاتارلىق جەھەتلەردە ئوخشاش كېلىدىغان ئايالنىڭ تويلۇقى قانچىلىك بولسا شۇنچىلىك بولىدۇ. بۇ مىقدار مۇناسىۋەتلىك ھەدىسلەردە ۋە فىقىھ كىتابلىرىدا “مەھرى مىسلى” دەپ ئىپادىلىنىدۇ. يۇقىرىدىكى ئايەتنىڭ مەزمۇنى بويىچە تويلۇقنى بۇ مىقداردىن ئاز بېرىشكە بولمايدۇ. لېكىن نىسا سۈرىسىنىڭ 20- ئايىتىنىڭ مەزمۇنىغا ئاساسەن تويلۇقنى يۇقىرىدىكى مىقداردىن ئارتۇق بېرىشكە بولىدۇ.

eltirix

	ئەرلەر ئېڭىكىدىكى ساقىلىغىمۇ تۇزۇك ئېگە بولالمايۋاتقان مۇشۇ جەمىئىيەتتە كوپ خوتۇنلۇق بۇلۇشنى ئارزۇ قىلىش ئادەمگە «قارا يۇمۇر»دەك تۇيغۇ بېرىدىكەن......

semerqent

	بۇ تېمىدىكى تالاش-تارتىشلاردىن ئېچىم بەك پۇشۇپ كەتتى . كىم كىمگە نەسىھەت قىلىدۇ ؟ كىم كىمنىڭ گېپىنى ئاڭلايدۇ ؟ نېمىنى خالىسىڭىز شۇنى قىلىڭ ، كۆپ خوتۇن ئالامسىز ، تاق خوتۇن ئالامسىز ، ئالغان بەرگەننى مۇنبەردە كۆز - كۆز قىلىشنىڭ نېمە ھاجىتى ؟ بەزىلەر مەن ئېرىمنىڭ يەنە بىر خوتۇننى ئېلىشىنى ئارزۇ قىلىمەن دەپتۇ ، ھەقىقەتەن كەڭ قورساق خانىملاركەن ، رەھمەت ، لېكىن كىمنىڭ سىلەرنىڭ ئەر - خوتۇنلۇق ئىشلىرىڭلارنى سۈرۈشتۈرگۈسى كېلىپ قاپتۇ ؟ بۇ مۇنبەردە مۇشۇنداق تايىنى تالاش -تارتىشلار يۈز بېرىۋېرىدۇ ، كىشىلەر ھامان ئۆزىنىڭ ئىشىنى قىلىپ كېتىۋىرىدۇ ، سىز كىمنى ئۆزگەرتمەكچى ؟ ‹‹ ئىسلام ماۋۇ ئىشقا بۇيرىغان ›› دېگەن گەپنىڭ ھازىر پىچىقى قانچىلىك كېسىدۇ ؟ بۇلۇڭ -پۇچقاقلاردىن ئىككىنچى ، ئۈچىنچى خوتۇنلارنى تاپالىغانلار ئىسلامدا دېيىلگەن گەپلەرنىمۇ ھىچبولمىغاندا بۇلۇڭ-پۇچقاقلاردىن  بولسىمۇ ئاڭلىيالايتتى ، ئاڭلاپ ئەمەل قىلماي ئۆزىنىڭ بىلگىنىنى قىلىپ يۈرگەن ئادەملەرگە ئەقىل كۆرسىتىمەن دەپ ئاۋارە بولغۇچە بىر ئايالىڭلار بولسا بىرنى ، كۆپ ئايالىڭلار بولسا كۆپنى رازى قىلىپ ، ئايال بولساڭلار  ئۈستۈڭلاردىكى ئەرلىرىڭلارنى ئوبدان كۈتۈپ سېغىزىڭلارنى چايناپ ياتساڭلار بولمامدۇ دەيمەن ؟ نېمە قالايمىقانچىلىق بۇ ئەمدى ؟    توغرا ، ئىسلام دېنى مۇسۇلمانلارغا ھەقنى ئۆز-ئارا تەۋسىيە قىلىشى كېرەكلىكىنى تەكىتلىگەن ، بۇ تەۋسىيەلەرنى ئاڭلىغانلارغىلا تەۋسىيە قىلالايسسىلەر، ئاڭلىماسلارغا  تەۋسىيەنىڭ نېمە كېرىكى ؟    ئىسلام دىنىدا تۆت خوتۇن راۋا دېيىلدىما بولدى ، خالىسىڭىزلا بىردىن تۆتكىچە ساناپ ئىچىدىن بىر رەقەمنى تاللاپ شۇ سان بويىچە ئېلىڭ ! قايسىسىغا ئېھتىياجىڭىز بولسا ، شەرتىڭىز توشسا شۇنى ئەمەلگە ئاشۇرسىڭىز بولىدۇ .  ئاللاھ بىزگە ‹‹ ئاسانلىقنى خالايدۇ ››مۇشەققەتنى ‹‹خالىمايدۇ ›› . بۇ نىكاھ ئىشىدا نېمە سىزگە ئاسان بولسا شۇنى قىلسىڭىز بولىدۇ پەقەت سىزنىڭ شەرتىڭىز شۇنىڭغا توشقان بولسىلا . كۆپ خوتۇننى ياقتۇرمىغانلار بىرنى ئالسۇن ، بىرگە قانمىغانلار كۆپنى ئالسۇن ، ئىختىيار ئۆزىدە . ئەمما قانداق دۆلەتتە ياشاۋاتىمىز، قانداق تۈزۈمدە بويسۇندۇرۇلىمىز ، دېگەن سوئاللارنىمۇ ئويلىشىپ باقسىڭىز بولىدۇ . ئىسلام ھۆر مۇسۇلمانلار بىلەن مۇستەملىكىدىكى مۇسۇلمانلارنىڭ ئوخشاش بىز ئىشنى چوقۇم قىلىشىنى ئانچە خالاپ كەتمەيدۇ . كېيىنكىسىگە بەزى مەسىلىلەردە ئازراق ئېتىبار قىلىنىدۇ . مۇشۇلار ھەققىدىمۇ تەپەككۇر قىلىپ بېقىپ ، ئامال بار ئاسانچىلىقنى ئېرادە قىلغىنىڭىز ئەڭ ئەۋزەل .   تولۇقلىما مەزمۇن (2012-11-7 00:53): تايىنى يوق تالاش -تارتىشلار

bahitlikkunlar

	gulsima يوللىغان ۋاقتى  2012-10-16 23:17 ئىسىلامدا نىكاھ بەك زىل ، كىچىكىنە ئىگىلىپ كەتسە ئۇ سۇ ... .ئىسلامدا قوش خوتۇن ئېلىش كوچىدىكى  چىرايلىك خېنىملارنى كورسەتمەيدىغاندۇ؟

zaman999

	كۆپ خوتۇن ئېلىش مەسلىسىنى بىر سۈرە گە ئېسلىۋىلىپ قارار قىلىش بەكمۇ ئەخمىقانىلىق! مەرھۇم سابىت داموللامنىڭ ( بۇ زاتقا ئاللاھ رەھمەت قىلسۇن !) ...    ( شىرىن كالام ) دىگەن كىتاۋىنى ئوقۇپ بىقىڭلار، تالاش- تارتىشىڭلار شۇنىڭ بىلەن ئاخىرلىشىپ قالار دەيمەن. بەزىلەر ئېيىتقاندەك ئىسلام ھەرگىزمۇ  كۆپ خوتۇن ئېلىشنى تەلەپ قىلغان ئىشلار قاتارىدىن بولماستىن، بەلكى مەلۇم شەرىت ئاساسىدا ،ئېغىر شەرىت لەر بىلەن ، يول قويغان .ھەرگىزمۇ چوقۇم، كۆپ خوتۇن ئېلىشنى تەلەپ قىلمىغان. بەلكى ئۇرۇش تۈپەيلى ، ئەرلەر ئازلاپ ، ئاياللارنىڭ يامان يولغا كىرىپ، گۇناھ ئىشلاردىن ساقلىنىشى ئۈچۈن، ياكى ئايالى تۇغماس بولۇپ قېلىپ نەسلىنى داۋاملاشتۇرالماسلىقتەك ئىشلار تۈپەيلى ، ئادىل بولۇش نى ئاساس قىلغان،خېلى ئېغىر شەرتلەر بىلەن يول قويغان دەپ شەرھىلىگەن . تولۇقلىما مەزمۇن (2013-2-28 17:09): توغرىسنى بىلگۈچى ئاللاھ دۇر!

zaman999

	كۆپ خوتۇنلۇق بولۇپ ،ئۇلار ئارىسدا ئادىل بۇلالمىغان ئەرلەر ، ئاخىرەتتە( بىر يېنى ساڭگىلىغان ھالدا ، قوپۇپ كېلىدۇ ) دىيىلگەن . ئۆزىڭىز تاللاڭ.

marhaba1982

	gulsima يوللىغان ۋاقتى  2012-10-16 23:17 ئىسىلامدا نىكاھ بەك زىل ، كىچىكىنە ئىگىلىپ كەتسە ئۇ سۇ ... گۈلسىمە خانىم سىز  بەك كەڭ قورساق ئىكەنسىز ،بۇ جەھەتتە سىزگە قايىل بولدۇم ،بىراق سىز ئىرىڭىزگە كىچىك خۇتۇن ئېلىپ بىرىشنى ئويلىماي پۇلۇڭلار كۆپ بولسا يىتىم -يىسىرلارغا ياردەم قىلىڭلار ،ھازىر توردا كۆپلىگەن كېسەلمەن كىشىلەرنىڭ مۇراجەتنامىللىرى ئېلان قىلىنىۋاتىدۇ ،بولسا شۇلارغا ياردەم قىلساڭلار ئەڭ ساۋاپقا ئىرىشىسىلەر . مىنىڭچە ھازىر ئەرلىرىمىز 2-خۇتۇن ئېلىشقا بەكلا بالدۇرلۇق قىلىدۇ ،بىلسە ئەرلەرنىڭ قىلىشقا تىگىشلىك يۈكسەك ۋەزىپىللىرى بار ئىدى بىراق ئەرلەر ئەردەك بولماي كۆپىنچە ئەرلەردە مەسئۇلىيەتسىز،ئائىلىسىگە ۋاپاسىزلىق قىلمىشلىرىنىڭ كۆپىيىشىگە ئەگىشىپ يىتىم بالىلار ۋە ھاياسىز قىزلارنىڭ سانى ئېشىپ بارماقتا . مەن  ئەرلەرنىڭ ئىككى خۇتۇنلۇق بۇلىشىنى قەتئى قوللىمايمەن .

jalal

	ئەسسالامۇ ئەلەيكۇم سىلەنىڭ شۇنچە تالىشىپ كەتكىنىڭلاغا ھەيرانمەن .رەببىمىز بىزنى ھىچ نەرسىدىن خەۋەرسىز قالمىسۇن دەپ  پەيغەمبىرىمىز نى ئەلچى قىلىپ ئەۋەتتى  ۋەيەنە قۇرئان كەرىمنى بىزگە چۇشۇرۇپ بەردى .سىلەر تالاشقاننىڭ قايسى توغرا قايسى خاتا قۇرئان كەرىمدە تۇلۇق ئايرىلغان   ئاللاھنى بىر بۇلۇپ ئالىمەن دىسەڭلا ئېلىڭلا .ئادىل بولۇشتىن قورقساڭلا ئالماڭلا .ھەركىم گۇناقىلسا ئۆزىگە قىلىدۇ .بۇنىڭلىق بىلەن قارى ۋە مولىلىلارنى ئەيىپلىسەڭلا بولمايدۇ دە . لىكىن تېمىنىڭ مەزمۇنىغا قارىغاندا 2 ئايالنى ئېلىش ئەخلاقسىزلىق دەپقاراش توغرا ئەمەسقۇ  .