«يۈسۈپ-زۇلەيخا» مۇھەببەت قىسسىسى راستمۇ

uhibbu

ئەسسالامۇ ئەلەيكۇم
داشتان پىرىتىس ئاغىنە، ماڭا "قۇرئان كەرىم" نىڭ تەپسىرىنىڭ قانچىكى ئىنچىكە ئىش ئىكەنلىكىدىن سۆزلىگەن ئىدىڭىز، ئەمدى ناۋايى ئاغىنىمىز مۇنداقلا ئىككى ئىغىز گەپ قىلىپ قويسا، نېمىشقا تەپسىرى شۇنداق بولغىيمىدى دەپ باقمىدىڭىز؟ ھەتتاكى نىمىشقا ئۇيغۇرچە تەرجىمسىگە بولسىمۇ قاراپ باقمىدىڭىز؟
"«مەن ئۆزەمنى ئاقلىمايمەن: نەپسى دېگەن نەرسە ھەقىقەتەن يامان ئىشلارغا كۆپ بۇيرۇيدۇ، پەرۋەردىگارىم رەھمەت قىلىپ (ساقلىغان) ئادەم بۇنىڭدىن مۇستەسنا. مېنىڭ پەرۋەردىگارىم ھەقىقەتەن مەغپىرەت قىلغۇچىدۇر؛ ناھايىتى مېھرىباندۇر»(سۈرە يۈسۈف53-ئايەت)"
بۇ ئايەتنىڭ تەرجىمىسىىدىكى ئاۋۋالقى ئايەتكە قارىسىڭىز، تەرجىمىسىدە تىرناق ئىچىدە (يۈسۈپ ئىيتتى) دىگەن سۆز بار. ئەھمەد بەھجەد يازغان " قۇرئاندىكى پەيغەمبەرلەر" دىگەن مۆتىۋەر كىتابتىمۇ بۇ سۆزنى يۈسۈپ ئەلەيھيسسالامغا تالىق قىلغان. تەپسىرلەردە ھەم شۇنداق. ئەنە شۇ ئايەتتىن مەلۇمكى، ھەر قانداق ئۆزىنى تەقۋا ھىسابلىغان ئادەملەرمۇ نامەھرەم ئاياللار بىلەن خالىي قالماسلىقىى مۇناسىبەتكە قاتتىق دىققەت قىلىشى كىرەك! چۈنكى اللە ھىكمەت بەرگەن پەيغەمبەر پىترىتىدىكى يۈسۈپ ئەلەيھىسسالام " مەن ئۆزۈمنى ئاقلىمايمەن، نەپىس ھەقىقەتەن يامان ئىشلارغا بۇيرۇيدۇ" دىگەن يەردە قالغانلىرىمىزنىڭ ئەھۋالى قانداق بولاركىن! بۇنى ئويلىماق كىرەك! تەپسىر كىتابلارغا قاراپ بىقىڭ. مەن سەپەر تەييارلىقى بىلەن يىزىپ قالدۇرالمىدىم. ئەمما ئۇ ئايەتتە سۆزلەنگىنى ھەرگىزمۇ زۇلەيخا ئەمەس، بەلكى يۈسۈپ ئەلەيھىسسالام!

ناۋايى ئەپەندىم، سۈرە نۇر 26-ئايەتنى مەن نەقىل قىلىپ ئەمەس، كاتتا شەيىخ ئەبۇلئەئلا مەۋدۇدى دىگەن ئالىم ئادەم كىتابىدا نەقىل قىلىپ، يۈسۈپ ئەلەيھىسسالام بىلەن ئىككىسى ئارىسىدىكى مۇھەببەت نىكاھ مۇناسىۋىتىىڭ ئىنكارى دەلىلى قىلدى. مەن چىن پۈكتۈم ۋە پايدىلاندىم. سىز بولمىسا ئۆلىمالىرىمىزدىن سوراپ بىقىڭ نېمە دەيدىكىن.
ھەقىقەتەن ئىماندىن كىيىن ئالدىنقى گۇناھلار مەغپىرەت قىلىنىدۇ. ئىنسان تۈزگەن قانۇندا، گۇناھ قىلغان كىشىنىڭ ئۆزى ئەركىنلىكتىن مەھرۇم بولغاندىن تاشقىرى ھەتتا پەرزەنتلىرىگىچە چەت يۇرتلارغا بىرىپ سەيلى ساياھەت قىلىشىنى چەكلەنگەن بولسا، اللە تۈزگەن قانۇندا، گۇناھىغا تەۋبە قىلسا ئىكككىنجى قايتا تىلغا ئىلىنمايدۇ.
ئەمما بۇ زۇلەيخاغا چۈشەمدۇ يوق، زۇلەيخا ئىمان ئىيتقانمۇ يوق، تەكشۈسۈش كۆرۈڭلار.

batur0997

بەلكىم بۇ يىشىلمىگەن بىر سىردۇر  

nawayi

uhibbu
ئەپەندى. گەپنى ئۇناق كېسىپ ئېيقىلى بولماس. مەن سىزنىڭ يۇقۇرقى ئىنكاسىڭزنى كۆرۈپ خاتا ككرۈپ قالغان ئوخشايمەن دەپ يەنە شۇ ئايەت ۋە تەپسىرگە قارىدىم. "يۈسۈپ ئېيتتى" دىگەن سۆزنى 52-ئايەتنىڭ ئالدىغا قۇشۇپ شۇ ئايەتتىكى سۆزنى يۈسۈپ ئەلەيھىسسلامنىڭ دىگەنلىكىنى روشەنلەشتۈرۈپ بەرگەن. ئەمما 53-ئايەتتىكى"«مەن ئۆزەمنى ئاقلىمايمەن: نەپسى دېگەن نەرسە ھەقىقەتەن يامان ئىشلارغا كۆپ بۇيرۇيدۇ، پەرۋەردىگارىم رەھمەت قىلىپ (ساقلىغان) ئادەم بۇنىڭدىن مۇستەسنا. مېنىڭ پەرۋەردىگارىم ھەقىقەتەن مەغپىرەت قىلغۇچىدۇر؛ ناھايىتى مېھرىباندۇر»" دىگەن سۆزلەرنى تەپسىردە زۇلەيخانىڭ دىگەنلىكىنى ئېيتىپتۇ.(ئىبنى كەسىر تەپسىرى 3-توم 291-بەت)  چۈنكى پادىشا ئەھۋالنىڭ قانداقلىقىنى سۈرۈشتۈرگەندە زۇلەيخا راست گەپ قىلغان. ھەم 52-ئايەتتە يۈسۈپ ئەلەيھىسسالامنىڭ سۆزى ئارقىلىق ئۇنىڭ گېپىنىڭ راستلىقىنى كۈچلەندۈرگەن.  يەنە 53-ئايەتتە زۇلەيخانىڭ پادىشاھنىڭ ئالدىدا دىگەن سۆزى ئىكەنلىكىنى بىلدۈرىدۇ.   چۈنكى بۇ ئىشتا يۈسۈپ ئەلەيھىسسلام گۇنا قىلمىغان، زىنداندا تۇرۇپ :"ئۆزەمنى ئاقلاپ ئلتۇرمايمەن "دىگەن سۆز نى يۈسۈپ ئەلەيھىسسلام دىيىشى قىسسەنىڭ مەزمۇنى ۋە مەنىسىگە ئۇيغۇن ئەمەس. بەلكى، زۇلەيخا پادىشاھقا ئۆزىنىڭ شۇ گۇناھنى قىلغانلىقى، يۈسۈپ ئەلەيھىسسالامنىڭ گۇناسىزلىقىنى ئېيتتىپ سۆزىنىڭ داۋامىدا 53-ئايەتتىكى شۇ سۆزلەرنى قىلغانلىقى بىلىنىدۇ.  شۇ ئايەتلەرنىڭ داۋمىغا قارىسىڭىزمۇ يۈسۈپ ئەلەيھىسسالام شۇ گەپلەر بولىۋاتقاندا تېخى زىنداندا ئىدى.
شۇڭا،  53-ئايەتتىكى سۆزلەرنى زۇلەيخا دىگەن  دەپ تەپسىر قىلغانلارنىڭ قارىشى كۈچلۈك دەپ چۈشەندىم.
سىز ئالغان نەقىلنى سىز ئاپسىز دەپ ئاغرىندىغان ئىش يوق. سىزمۇ خېلى نامى بار ئالىملارنىڭ كىتابىدىن ئاپسىز. بۇ ئۇلارنىڭ قارىشىكەن. لېكىن ئىبنى كەسىر تەپسىرىدە ۋە يەنە <ئاللاھنىڭ پەيغەمبەلىرى> دىگەن كىتاپتا  شۇنداق چۈشەندۈرۈپتۇ. دىمەك، شۇ ئايەتلەرنىق چۈشىنىشتە پەرىقلەرنىڭ مەۋجۇت ئىكەنلكىكى ئېنىق.  شۇ  ئايەلەرنى ئوقۇغاندا تەپسىر كىتاپلاردا دىيىلگەن چۈشەندۈرۈشلەرنى تەھلىل قىلغان ئاساستا ئوقۇش  بىلەن بىرگە ياخشىراق سېلىشتۈرۈپ  قايسىسىنىڭ  تۇغرا ئىكەنلىكىنى ئويلاپ كۆرۈش لازىم.  مەن يەنىلا  شۇ سۆزلەر زۇلەيخانىڭ دىگەن قاراشتىكىلەرنىڭ قارىشى   ئەقىلغا بەكرەك ئۇيغۇن دەپ چۈشەندىم ھازىرچە .
تۇغرىسىنى بىلگۈچى ئاللاھ.

nawayi

مەن قۇلۇمدىكى سىز يۇقۇرىدا دىگەن ئەھمەد بەھجەت دىگەن كىشى يازغان "ئاللاھنىڭ پەيغەمبەرلىرى" دىگەن كىتاپنى قايتىلاپ قاراپ باقسام، 53-ئايەتتىكى سۆزلەرنى زۇلەيخا دىگەن دەپ بايان قىلىپتۇ:  پ د ف نۇسخىىسى ،179-بەتتە.

uhibbu

كەچۈرۈڭلار، مەن خاتا تۇتۇۋاپتىمەن.
يۇسۇف: «ئى پەرۋەردىگارىم! ماڭا ئۇلار ئۈندىگەن نەرسىدىن كۆرە زىندان سۆيۈملۈكتۇر، ئەگەر ئۇلارنىڭ ھىيلىسىنى مەندىن دەپئى قىلمىساڭ، (ئىنسانچىلىقتا) ئۇلارغا مايىل بولۇپ قالىمەن، نادانلاردىن بولۇپ قالىمەن» دېدى [33].

ئەسلى بۇ ئايەتكە ئەساسەن، يۈسۈپ ئەلەيھسىسسالامنىڭ پەيغەمبەرلىك پىترىتى ۋە ئىنسانلىق ئاجىزلىقىنى بايان قىلماقچى ئىدىم. تەرجىمە كىتابغا بىر قاراپلا، يۈسۈپ ئىيتقان دەپ كىسىپ ئىيتىپتىمەن. ئىسىمدە قالغىنىدىمۇ شۇنداق ئىدى. ئەمما ناۋاي ئاغىنىمىزنىڭ يازغانلىرىغا قاراپ، مەن ناۋاي ئاغىنىمىزنىڭكىنى توغرا تاپتىم. يەنى "مەن ئۆزۈمنى ئاقلىمايمەن" دىگەن ئايەت تەپسىر كىتابلاردا زۇلەيخا دىگەن دىيىلگەنىكەن، مىنىڭ ئارتۇقچە جاھىللىق قىلىشىم گۇناھ!

taxbalik

ئەسسالامۇ ئەلەيكۇم
ناۋاي ئەپەندىمدىن سوراپ باقسام ئەمىسە يۈسۈف-زۈلەيھا ناملىق كىنونى كۆرۈش كىرەكمۇ يوق ؟ مۇشۇ توغورلۇق پىكىر يېزۋەتكەن بولسىڭىز ئاللا بىلىمىڭىزنى زىيادە قىلسۇن !!!

abduley

بۇ 75قەۋەتتىكىtaxbalik يوللىغان 2011-06-13 02:07 غا قارتىلغان :
ئەسسالامۇ ئەلەيكۇم
ناۋاي ئەپەندىمدىن سوراپ باقسام ئەمىسە يۈسۈف-زۈلەيھا ناملىق كىنونى كۆرۈش كىرەكمۇ يوق ؟ مۇشۇ توغورلۇق پىكىر يېزۋەتكەن بولسىڭىز ئاللا بىلىمىڭىزنى زىيادە قىلسۇن !!!

ۋە ئەلەيكۇم ئەسسالام،
بۇ سوئالنى ناۋايى ئەپەندىمدىن سوراپ ئۇنى تەڭلىكتە قويماي، ئۆزىڭىز بىر تەرەپ قىلىڭ.
سەئۇدىينىڭ پەتىۋاسى مانا:

بۇ 30قەۋەتتىكىuhibbu يوللىغان 2011-06-03 10:28 غا قارتىلغان :
63704-نومۇرلۇق سوئال
سوئال:
ھازىر جەمئىيىتىمىزدە يۈسۈپ ئەلەيھىسسالام ھاياتى تەسۋىرلەنگەن فىلىم كۆپ كۆرىلىۋاتىدۇ، بۇ توغرىدىكى شەرئى ھۆكۈمنى بايان قىلىپ بېرىشىڭلارنى سورايمىز؟
جاۋاب:بارلىق گۈزەل ماختاشلار ئالەملەرنىڭ پەرۋەردىگارى بولغان ئاللاھقا خاستۇر.
شىئەلەر (راپىزىلار) يۈسۈپ ئەلەيھىسسالام قىسسىسىنى ھېكايە قىلىپ، ئۇنىڭ ئۆسمۈرلىكىدىن ياشلىق ۋە ياشانغان دەۋرىگىچە بولغان ھاياتىنى تەسۋىرلەيدىغان فىلىم ئىشلىدى. ئۇلار ئۆزلىرىنىڭ دىنىنى ئۆزگەرتىپ يالغاننى ئارىلاشتۇرغاندىن سىرت بۇنى يۈسۈپ ئەلەيھىسسالامنىڭ ھاياتى ۋە ياشىغان زامانىنى مەۋھۇم تەسۋىرلەش ئارقىلىق ئاشكارا قىلدى. ئۇلار يۈسۈپ ئەلەيھىسسالامنىڭ ھاياتىنى پىرئەۋنلار زامانىدا قىلدى. (ئەسلىدە ئۇنداق ئەمەس). پىرئەۋنلارنى مۇۋەھھىدلاردىن (يەنى ئاللاھنى بىر دەپ ئىتىقاد قىلغۇچى) قىلدى. (ئەسلىدە ئۇنداق ئەمەس). قۇرئاننىڭ ئوچۇق تېكىستىنى ئۆزگەرتىپ يۈسۈپ ئەلەيھىسسالامنىڭ قېرىنداشلىرىنى يۈسۈپ ئەلەيھىسسالامنى ساتقان قىلدى. ئەسلىدە ئىش ئۇنداق ئەمەس. فىلىم ئارىسىدا ئۇلارنىڭ ھىيلە-نەيرەڭ ۋە پەسكەشلىكنى ئىپادىلەيدىغان نۇرغۇن ئىشلار بار.
پەيغەمبەر ياكى ساھابىنىڭ شەخسىيىتىگە ۋەكىللىك قىلىش دىندا (يەنى ئەھلى سۈننە ۋەلجامائە ئەقىدىسىدە) چەكلەنگەن ئىش بولۇپ، بۇنىڭدا نۇرغۇن بۇزۇقچىلىق ۋە دىنغا زىت كىلىدىغان ئىشلار بولىدۇ. بىز رولغا چىققان ئارتىسنىڭ شەخسىيىتىگە ئالاقىدارلىق زور بۇزۇقچىلىقنى كۆرىمىز. پەيغەمبەرنىڭ رولىغا چىققان ئارتىسنىڭ بەزى سۆز-ھەرىكەتلىرى ۋە كۆرگۈچىلەرنىڭ ئىمانىنىڭ ئاجىزلىقى سەۋەبىدىن ئۇنىڭ بىلەن پەيغەمبەرنى ياخشى كۆرۈشتىن ئىبارەت بولغان شەرئى مۇھەببەتنىڭ ئارىسى ئارىلىشىپ كېتىدۇ. ئاقىۋەتتە ئىنسان ئۆزىنى پىتنىگە تاشلايدىغان ئىشلارغا ئۆز پۇتى بىلەن بارىدۇ.
سەئۇدى ئەرەبىستان پەتىۋا كومىتېتى ئالىملىرىدىن: پەيغەمبەرلەر، ساھابىلار ۋە تابىئىنلارنىڭ شەكلىدە رولغا چىقىشنىڭ ۋە ئارتىسلارنىڭ بىر تەرەپتىن ئۇلارغا ۋەكىللىك قىلىپ رولغا چىقىپ يەنە بىر تەرەپتىن كافىرلارنىڭ رولىغا چىقىشىنىڭ ھۆكمى؟ توغرىسىدا سورالغاندا، ئۇلار تۆۋەندىكىدەك جاۋاپ بەرگەن:
1-سەھنىدە كۆرسىتىلىدىغىنى ئارتىسنىڭ تەبىئىتىدىكى ياسالما ئىش-ئىز، ساختا، ياغلىمىلىق، ئۆزگەرتىش ياكى سۆزنى زىيادە قىلىش ئارقىلىق كىشىلەرنىڭ دىققىتىنى تارتىپ، كۆرگۈچىلەرنى مايىل قىلىش ئارقىلىق ئۇلارنىڭ تۇيغۇلىرىنى كونترول قىلىدۇ. بۇ ئارتىسلارنىڭ مەزكۇر پەيغەمبەرلەرنىڭ ئوبرازىنى يارىتىشقا لايىق ئەمەسلىكى ھەممىگە مەلۇم. ئۇلار باشقىلارغا ياكى ھاياتىنى ئىسلامغا ياردەم بېرىش، جىھاد قىلىش ۋە باشقا ئىبادەتلەرنى ئادا قىلىش، سۆزلىرى دەۋەت-تەبلىغدىن ئىبارەت بولغان پەيغەمبەرلەر، ساھابىلەرنىڭ رولىغا چىقىپ ئۇلار نامىدىن سۆز قىلىشقا ئەسلا لايىق ئەمەس.
2-ئارتىسلار ئاساسەن راست سۆزلىمەيدۇ، ئېسىل-ئىسلام ئەخلاقى بىلەن سۈپەتلەنمەيدۇ، ئۇلار توقۇلما سۆزلەرنى كۆپ ئىشلىتىدۇ، ئەتراپىدىكى ئىشلارغا پەرۋاسىز قارايدۇ، ئۇلارنىڭ مەقسىتى كىشىلەرنى ئۆزىگە مايىل قىلىپ، مال-دۇنيا توپلاش ۋە تاماشىبىنلار ئارىسىدا ئۇتۇق قازانغانلىقىنى ئاشكارا قىلىشتىن ئىبارەت. ئۇلار ساھابىلار ۋە باشقا پەزىلەتلىك كىشىلەرنىڭ رولىغا چىقىپ ئۇلارنى مەسخىرە قىلىش، زاڭلىق قىلىش، يۈز ئابرۇيىنى چۈشۈرۈش ۋە ئورنىنى تۆۋەنلىتىشكە ئوخشىغان كۆرۈنۈشلەر مۇسۇلمانلار قەلبىدە ئۇلارغا بولغان ھۆرمەت-ئېھتىرامىنى يوقىتىشقا ئىلىپ بارىدۇ.
......................................................................................................
سەئۇدى ئەرەبىستان دائىمىي كومىتېتى پەتىۋاسى(3\\268-270).
مەنبە: http://www.islamhouse.com/p/334129

سەئۇدى ئەرەبىستان دۇنيادىكى بىردىنبىر كىنوخانا بولمىغان دۆلەت. بۇ دۆلەتتە كىنو فىلىم سىتودىيەلىرى يوق دەپ ئاڭلاۋاتىمىز. سىتودىيە بولمىغان ئىكەن ئەلۋەتتە بۇنداق فىلىملەرنىمۇ ئىشلىيەلمەيدۇ. چۈنكى يۇقارىقىدەك پەتىۋالار بىلەن فىلىم ئىشلىمەيدۇ.
يۇقارىقى پەتىۋادىكى گەپلەر ئىدىيىڭىزدىن ئۆتسە فىلىمنى كۆرمەڭ. ئىرانلىق مۇسۇلمانلارمۇ قولىدىن كېلىشىچە قۇرئان-كەرىمدىكى يۈسۈف سۈرىسىنى جانلىق شەكلىدە ئىپادىلەپ بېرىشكە تىرىشىپتۇ. ئۇنىڭدىن باشقىنى ھېچكىمدىن كۈتەلمەيمىز. چۈنكى، پەيغەمبەرلەر ياشىغان دەۋردە ھازىرقىدەك سىنئالغۇ كامېرالار بولغان بولسا، سۈرەتكە ئېلىپ قويغان بولسا، بۇنداق فىلىم ئىشلەشنىڭمۇ، يالغانچى ئەرتىسلەرنىڭ رولغا چىقىشىنىڭمۇ ھاجىتى يوق ئىدى. پەيغەمبەرلەر ئاللاھتىن ۋەھيى ئالىدىغان ئىنسانلار. ئارتىسلار ۋەھيى ئالىدىغان پەيغەمبەرلەر ئەمەس، لېكىن قولىدىن كېلشىچە پەيغەمبەرنىڭ ئىنسانلىق تەرىپىنى گەۋدىلەندۈرۈپ چىقىشقا تىرىشىپتۇ. سىزنىڭچە، ئۇلار سەئۇدىينىڭ پەتىۋاسىدا دېيىلگىنىدەك " توقۇلما سۆزلەرنى كۆپ ئىشلىتىدۇ، ئەتراپىدىكى ئىشلارغا پەرۋاسىز قارايدۇ، ئۇلارنىڭ مەقسىتى كىشىلەرنى ئۆزىگە مايىل قىلىپ، مال-دۇنيا توپلاش ۋە تاماشىبىنلار ئارىسىدا ئۇتۇق قازانغانلىقىنى ئاشكارا قىلىشتىن ئىبارەت. ئۇلار ساھابىلار ۋە باشقا پەزىلەتلىك كىشىلەرنىڭ رولىغا چىقىپ ئۇلارنى مەسخىرە قىلىش، زاڭلىق قىلىش، يۈز ئابرۇيىنى چۈشۈرۈش ۋە ئورنىنى تۆۋەنلىتىشكە ئوخشىغان كۆرۈنۈشلەر مۇسۇلمانلار قەلبىدە ئۇلارغا بولغان ھۆرمەت-ئېھتىرامىنى يوقىتىشقا ئىلىپ بارىدىغان" بولسا، بۇ فىلىمنى قەتئىي كۆرمەڭ. قۇرئان ئوقۇش بىلەنلا كۇپايىلىنىڭ. ئىنسانلىق تەپەككۈرىڭىز بىلەن ھېچنىمىنى ئارتۇقچە خىيال، تەسەۋۋۇر قىلماڭ، چۈشەندۈرۈپ ئىزاھلىماڭ.
لېكىن، ئەتراپىڭىزدا كىتاب ئوقۇشنى خالىمايدىغان، ۋاقتى بولسىلا كىنۇخانىغا بېرىپ ياكى ئۆيدە تېلېۋىزورغا قاراپ چەتنىڭ فىلىملىرىنى كۆرىدىغان كىشىلەر، "غەرپكە ساياھەت"نى كۆرىدىغان ياش-ئۆسمۈرلەر بۇ فىلىمنى كۆرىمىز دېسە قەتئى توسماڭ. چۈنكى، ئۇلار يۈسۈف ئەلەيھىسسالام فىلىمنى كۆرمىسە، ئېنىقكى، بۇنىڭ ئورنىغا "غەرپكە ساياھەت" ياكى باشقا كۆرىيە فىلىملىرىنى كۆرىدۇ. ئۇلار دۆلىتىمىزنىڭ كۆپ قىسىملىق تېلېۋىزىيە تىياتىرلىرىنى، غەرپنىڭ شەھۋانىي نەرسىلىرىنى كۆرۈشكە ئادەتلىنىپ كەتكەن. ئۇلارغا قۇرئان ئوقۇش ياكى سەئۇدىينىڭ پەتىۋالىرىغا قولاق سېلىش خوشياقمايدۇ. دۆلىتىمىزدە سەئۇدىيدىكىدەك كىنو فىلىم قىس ئەمەس.
"يۈسۈف ئەلەيھىسسالام" فىلمىنى ھۆكۈمەت چەكلەيدۇ. نېمىشقا؟ چۈنكى بۇ فىلىمنى كۆرگەندىن كېيىن ئىسلامغا قايتقان نۇرغۇن كىشى بار. بۇ فىلىم دىنىي تەبلىغ، تەشۋىقتەك بىلىنگەچكە چەكلەيدۇ. سەئۇدىي ئۆزى فىلىم ئىشلەشكە قارشى دۆلەت. شۇڭا......

قالغىنىنى سىزدىمۇ مۇستەقىل كاللا، ئەقىل بولغاندىكىن ئۆزىڭىز ئويلاپ بىر ئىش قىلارسىز. مۇنبەردە ھەممە گەپنى دەپ بولغىلى بولمايدۇ.

is0607

قايسى ئالى مەكتەپتە مۇشۇنداق ئىسلامى بىلىملەرگە باھا بەرگۈدەك ئۇستازلار باردۇ؟<<ئىسلام شۆيەن >> دىن باشقا ..

miskinyurak

مەن كىنوسىنى كۆرگەن .ۋەقەلىكىنىمۇئوقىغان.ئەمما يەنىلا قىسسەسۇل ئەنبىيادىكىسى ياخشىكەن دەپ قارايمەن .

taxbalik

سىزنىڭ دىڭىزڭىزنىڭ تىگىگە يەتتىم ئاللاھ رەھمەت قىلسۇن قىرىندىشىم  . سىزدەك ئادەملەر بىلەن دائىم ھەمسۆھبەتتە بولالىسام دەيمەن . ئۈستنكى قەۋەتتىكى ئابدۇللى غا قارتىلغان