يۈرۈگۈم يىغلايدۇ

ۋېنرا

يۈرۈگۈم يىغلايدۇ
يۈرۈگۈم يىغلايدۇ ،تۇيۇقسىزكەلگەن  كەلكۈندەك قەلبىمگە  بېسىپ كىرگەن  ھەسرەتتىن ،تۇنجۇققان بەختىمدىن ،ئازاپتا تولغۇنۇپ يۈرۈگۈم يىغلايدۇ .
يۈرۈگۈم يىغلايدۇ . غەمسىز ئۆتكەن، يوقنىڭ دەردىنى تارتقۇزماي  ،سوغوققا چېلىقتۇرماي ،ئىسسىقنى  سەزدۇرمەي ئىللىق مېھرى بىلەن قەلبىمنى ئىللىتىپ ،مەيىن شامال كەبى سالقىنلىق ئاتا قىلغۇچى ئاشۇ غايىۋى كۈچتىن ئايرىلغانغا  يۈرۈگۈم ئاچچىق ھەسرەتتە  يىغلايدۇ .
يۈرۈگۈم يىغلايدۇ .يۇپۇرلۇپ كەلگەن قايغۇ ھەسرەتنى  ،خاپىلىقلارنى  يۇمۇرىستىك خارەكتىرى بىلەن  خوشاللىققا ئايلاندۇرۋېتىدىغان  سېھرى كۈچتىن ئايرىلغانغا  يۈرۈگۈم تېپچەكلەپ يىغلايدۇ .
يۈرۈگۈم يىغلايدۇ .كىچىكلەرگە تاغدەك يۆلەك ،چوڭلارغا خاتىرجەم تېيەك ،تەڭتۇشلارغا ئىلھام بولغۇچى  تاغدەك زور جاسارەتتىن مەھرۇم قالغانغا يۈرۈگۈم ئۆكسۇپ يىغلايدۇ
يۈرۈگۈم يىغلايدۇ .تەڭسىزلىكتىن ،بەزىلەرنىڭ يوقنىڭ دەردىدە قان ياش يىغلىسا ،بەزىلەرنىڭ  بارنىڭ قەدرىگە يەتمەي  ئۆز سەنەمگە دەسسەپ يۈرگەنگە يۈرۈگۈم ئۆكسۈپ يىغلايدۇ .
يۈرۈگۈم يىغلايدۇ ......................