【مۇھاكىمە】 تەييارلىق سىناق سۇئاللىرىنى قانداق لاھىيەلەش كېرەك؟

ئامان

يېڭى دەرس ئالدىدىكى تەييارلىق سىناق سۇئاللىرىنى قانداق لاھىيەلەش كېرەك؟

يېڭى دەرس ئالدىدىكى تەييارلىق سىناق سۇئاللىرى بىر تەرەپتىن ئالدىنقى سائەتتە ئۆتۈلگەن دەرس مەزمۇنىنى مۇستەھكەملەش ئۈچۈن خىزمەت قىلسا، يەنە بىر تەرەپتىن ئۆتمەكچى بولغان يېڭى دەرس ئۈچۈن ئوقۇغۇچىلارنىڭ كەيپىياتى ۋە پىسخىكىسىنى تەڭشەش، ھىسسى تەييارلىق ھالىتىنى ساقلاش ۋە ئۈگىنىش قىزغىنلىقىنى ئاشۇرۇشتا ناھايىتى مۇھىم رول ئوينايدۇ.

1.دەرس ئالدىدىكى تەييارلىق سىناق سۇئاللىرى ھەم ئالدىنقى سائەتلىك دەرس مەزمۇنىنى مۇستەھكەملىيەلەيدىغان، ھەم ئۆتمەكچى بولغان يېڭى دەرسكە يول ئاچالايدىغان ھالدا لاھىيەلىنىشى كېرەك.

2.دەرس ئالدىدىكى تەييارلىق سىناق سۇئاللىرى شەكلى كۆپ خىل، ئاسان-قىيىنلىق دەرىجىسى تەكشى لاھىيەلىنىشى كېرەك. مەسىلەن: بوش ئورۇن تولدۇرۇش، توغرا-خاتاسىغا ھۆكۈم قىلىش، توغرا جاۋاپنى تاللاش، قىسقىچە ئىزاھلاش ۋە مۇھاكىمە قىلىش قاتارلىق كۆپ خىل شەكىلدىكى سۇئاللار ئارقىلىق، مۇرەككەپ مەزمۇنلارنى پارچىلاپ، ئاددىلاشتۇرۇپ، ئوقۇغۇچىلارنىڭ توغرا جاۋاپ بېرىشىنى قولغا كەلتۈرۈش. بۇ ئارقىلىق ئوقۇغۇچىلارنىڭ ئۆزىگە نىسپەتەن ئىشەنچىسىنى ئۆستۈرگىلى، دەرسكە نىسپەتەن قىزغىنلىقىنى ئاشۇرغىلى بۇلىدۇ.

3. دەرس ئالدىدىكى تەييارلىق سىناق سۇئاللىرى ئوقۇغۇچىلارنىڭ بىلىش، چۈشىنىش ئىختىدارى بىلەن ماسلاشقان، ئابىستىراكىت ئۇقۇملار كونكىرىتلاشتۇرۇلغان، ئۆتۈلگەن دەرس مەزمۇنى بىلەن ئوقۇغۇچىلارنىڭ تۇرمۇش ئەمىلىيىتى ئۆز ئارا بىرلەشتۈرۈلگەن ئاساستا لاھىيەلىنىشى كېرەك.

مەن مۇشۇنچىلىك ئوتتۇرىغا قويدۇم، قالغىنىنى تورداشلارنىڭ قىممەتلىك پىكىر-تەكلىپ بېرىشىگە سۇندۇم.

◤pari◥

يېڭى دەرس ئالدىدىكى تەييارلىق سىناق سۇئاللىرى ئاساسەن كونا بىلىم بىلەن يېڭى بىلىمنى ماسلاشتۇرۇش ئۈچۈن ئېلىپ بېرىلىدىغان پائاليەت بولۇپ ئۇ شۇ سائەتلىك دەرسىمىزنىڭ تۇنجى قەدىمى شۇڭا شۇ تۇنجى قەدەم ياخشى ئېلىنسا بىر سائەتلىك دەرىسنى غەلىبىلىك ئورۇنداپ چىققىلى بولىدۇ .شۇڭا بۇنىڭغا سەل قارالماسلىقى كېرەك .
يۇقۇرىدا ئامان ئەپەندىم ئېيتقاندىن باشقا يەنە يېڭى دەرس ئالدىدىكى تەييارلىق سىناق سۇئاللىرى يېڭى دەتسكە ماسلارتۇرغان ھالدا دەرىسكە باشلاپ كىرىش يوللىرىنى كېڭەيتىپ تۇرلۇك مەنزىرە رەسىملىرى ، داڭلىق شەخسلەرنىڭ سورەتلىرى .........قاتارلىق سورەتلەر شۇنداقلا ، ھىكايە ،چۆچەك ، شېئىر ، نەسىر ، ناخشا ئېيتىش .....قاتارلىقلارنى ئوقۇپ بېرىش ئارقىلىق يېڭى دەرسكە  باشلاپ كىرسەكمۇ ، ئوقۇغۇچىلارنىڭ دىققىتىنى يىغىپ يېڭى دەرىسكە يېڭىچە كىرىشىكە ئىمكانىيەت ياراتقىلى بولىدۇ

بايقاش

بۇ ياخشى باشلىنىش بوپتۇ. ھەمىمىز ئۆز كۆزقارشىمىزنى ئوتتۇرىغا قۇيۇپ، مائارىپ سېپىگە يېڭىدىن قۇشۇلغان ئوقۇتقۇچىلار ئۈچۈن ياخشى بولغان ئوقۇتۇش ئۇسۇلى ئۆگىنىش سورۇنى ھازىرلايلى!
ھەممەيلەن پىكىر قاتناشتۇرايلى.