خىيانەتچىگە بېرىلگەن مۇكاپات

tursun123

    بۇرۇن بىر ھاكىم ئوۋغا چىقىپ ھەمراھلىرى بىلەن بىر يەرگە چۈشۈپتۇ. ھاكىم ئۆزىنىڭ ئات باقارىنى يېنىغا چاقىرىپ :
      _مەن ئۇزۇندىن بۇيان سەن بىلەن ئات چاپتۇرۇشنى ئارزۇ قىلىپ كېلىۋاتاتتىم. قايسىمىزنىڭ ئېتىنىڭ يۈگۈرۈك ئىكەنلىگىنى بىر سىناپ باقمامدۇق، -دەپتۇ.
     ئات باقار ماقۇل بوپتۇ. ئىككىسى ئاتلىرىنى چاپتۇرغىنىچە ئۆزلىرى چۈشكەن جايدىن خېلىلا يىراقلاپ كېتىپتۇ. بىر چاغدا ھاكىم ئېتىنى توختۇتۇپتۇ ۋە ئات باقارنىمۇ توختۇتۇپ ، ئۇنىڭغا :
   -مەن ساڭا بىر گەپنى ئېيتماقچى بولۇپ بۇ يەرگە ئېلىپ كەلدىم. ساڭا ئىشەنگەنلىگىم ئۈچۈن بۇ سىرىمنى ساڭىلا ئېيتىمەن، بۇنى سەندىن باشقا ھېچكىم بىلمىسۇن،-دەپتۇ.
   ئات باقار تازىم قىلىپ :
     سىز ماڭا ئىشىنىپ سىرىڭىزنى ئېيتقانىكەنسىز، ئەلۋەتتە ئۇنى ھىچقاچان ھىچكىمگە دىمەيمەن، - دەپ ھاكىمغا ۋەدە بېرىپتۇ. ھاكىم ئات باقارغا ئىشىنىپ كۆڭلىدىكى گېپىنى دەپتۇ :
     _ئىنىمنىڭ مۇشۇ كۈنلەردە قىلىپ يۈرگەن ئىشلىرىدىن گۇمانلىنىپ قالدىم. ئۇ مېنى ئۆلتۈرمەكچى بولسا كېرەك. شۇڭا، ئۇنى كۆزدىن يوقاتماقچىمەن. بۇنىڭدىن كېيىن يىنىمدىن يىراقلاشماي مېنى قوغداپ تۇر.
   ئات باقار ھاكىمنىڭ سېرىنى ساقلاش ۋە ۇنى قوغداشقا ۋەدە بېرىپ  قەسەم ئىچىپتۇ. ھاكىم ئوۋدىن قايتىپ ئوردىسىغا كىرىشى بىلەنلا ، ئات باقار ۋاپاسىزلىق قىلىپ خىيانەت كوچىسىغا قەدەم قويۇپتۇ. ھاكىمنىڭ ئىنىسى بۇ خەۋەردىن خۇش بولۇپ ، كەلگۈسىدە ئۇنىڭغا كۆپ ئىنئام بەرمەكچى بوپتۇ.

   ھاكىمنىڭ ئىنىسى ئۆزىنى ھەر تەرەپلىمە ياخشى تەدبىرلەر بىلەن قوغداشقا باشلاپتۇ. كۆپ ئۆتمەي ھاكىم ۋاپات بوپتۇ. ھاكىمنىڭ ئىنىسى ئاكىسىنىڭ ئورنىغا ھاكىم بولۇپلا ھېلىقى چېقىمچى ئات باقارنى دارغا ئېسىشقا ھۆكۈم قىلىپتۇ. ئات باقار ھاكىمغا ئۆزىنىڭ قىلغان خىزمىتىنى سۆزلەپ نالە-زار قىلسىمۇ يېڭى ھاكىم ئۇنىڭغا پىسەنتمۇ قىلماپتۇ ۋە :

    -سىرنى پاش قىلىشتىن، چېقىمچىلىقتىن يامانراق گۇناھ يوقتۇر. ئاكام ساڭا ئىشىنىپ سىرىنى ئېيتقان ، ئەمما سەن ئۇنىڭغا خىيانەت قىلىپ ئۇنىڭ سىرىنى پاش قىلدىڭ، ئۇنى ماڭا چاقتىڭ. ئاكامغا ۋاپا قىلمىغان ئادەم ماڭا ۋاپا قىلارسەنمۇ ؟ مانا ئەمدى چېقىمچىلىقنىڭ جازاسىنى تارت ! _دەپ ئۇنى دارغا ئاستۇرۇپتۇ.

نونى

بەك ياخشى چۆچەككەن ، ئوقۇپ بىر ھېكمەتنى بىلىۋالدىم ، رەھمەت . يوقاپ كەتمەي يەنە يوللاپ تۇرارسىز!

زەپەر

تۇرسۇن ئەپەندىم مەنبەسىنى ئەسكەتمەپسىز . ئۈزىڭىز يازغان بولسىڭىز مەنبەسىنى مەن دەڭ بولمىسا بۇنداق تىمىلار سەل ئادەمنى گاڭگىرتىپلا قۇيدىكەن

asrar

راس دەيسىز ۋاپاغا جاپا قىلىدىغان ،ئامانەتكە خىيانەت قىلىدىغان ،باشقىلارنىڭ سىرلىرىنى خالىغانچە ئاشكارلايدىغان ،ئىشەنچىسىز ئادەملەرنىڭ تەقدىرى ئات باقارنىڭ تەقدىرىدەك بۇلىدۇ.

ئامان

تەربىيەۋى ئەھمىيىتى يۇقۇرى، ئىبرەتلىك، ناھايىتى ياخشى چۆچەككەن، رەخمەت سىزگە.

ياشنار

تۇرسۇن ئەپەندى يېقىندىن بىرى يوقاپلا كەتتىڭىزغۇ خىزمەت ئالدىراشمۇ قانداق، ناھايىتىمۇ ياخشى تەربىيۋىي ئەھمىيتى بار تېما يوللاپسىز رەھمەت سىزگە.