ياخشى تېمىلارنى تىللالىق قىلىشقا قانداق قارايسىز؟

بايقاش

باشقۇرغۇچىلار يىغىنى‹1›

ياخشى تېمىلارنى تىللالىق قىلىشقا قانداق قارايسىز؟

يېقىندىن بۇيان باشقۇرغۇچى ۋە تۆھپىكار ئەزالارنىڭ كۆپ تەرەپلىمە ئىزدىنىشى ئارقىلىق مۇنبىرىمىزگە كۆپلىگەن نادىر ماتىرىياللار(دەرس تەييارلىق، دەرسلىك دېتال، تۈرلۈك پىلان ۋە باشقا ماتىرىياللار) يوللىنىپ رايۇنىمىزدىكى مائارىپچىلارنىڭ دىققىتىنى قوزغىدى ۋە ئۇلارنىڭ بىكىتىمىزگە ئەزا بولۇش نىسبىتى كۈندىن-كۈنگە ئېشىپ ماتېرىيال چۈشۈرىدىغانلارمۇ كۆپەيدى. بىز نادىر ماتىرىيالنىڭ پايدىلىنىش قىممىتى ۋە سىڭدۈرگەن قان-تەرىگە قاراپ تىللا ئارقىلىق چۈرۈشنى يولغا قويغان ئىدۇق.

تىللالىق قىلىشىمىزدىكى مەقسەت:
مۇنبەر تىللاسى- ھەرگىزمۇ بىز ئىشلىتىۋاتقان پۇل دىگەنلىك ئەمەس. پەتلا مۇنبەردىكى مەۋھۇم سودا ۋاستىسى خالاس.  تېما ئىگىسىنىڭ قان-تەرى سىڭگەن، پايدىلىنىش قىممىتى يۇقىرى بولغان تېمىلارنى باشقا تېمىلاردىن پەرىقلەندۈرۈش، باشقىلارنى مۇشۇ تىللا ۋاستىسى ئارقىلىق ماتېرىيال يوللاشىغا رىغبەتلەندۈرۈش، «ماتېرىيال يوللىسا تىللاغا ئېرىشكىلى بۇلىدىكەن، تىللا بولسا ياخشى ماتىرىياللارنى چۈشۈرگىلى بۇلىدىكەن» دېگەن ئىدىيىنى تورداشلارغا ئۇقتۇرۇش ئارقىلىق مۇنبەردىكى ماتېرىيال ئامبىرىنى تېخىمۇ مۇكەممەللەشتۈرۈشنى مەقسەت قىلغان.

لېكىن بايقاش چ چ توپى ۋە باشقۇرغۇچىلارغا كەلگەن ئۇچۇرلارغا قارىغاندا يېڭىدىن ئەزا بولغانلار، يېڭى ئۈگەنگۈچىلەر تىللالىق ماتىرىياللارنى چۈشۈرەلمەيۋېتىپتۇ. قانداق تەدبىر ئىشلەتسەك ئەڭ ياخشى بۇلىدۇ؟ مۇنبىرىمىزنىڭ كىيىنكى تەرەققىياتىنىڭ ياخشى بۇلىشى ئۈچۈن بۇ جەھەتتە ھەممەيلەن بېلەت تاشلاش ۋە ئۆز پىكرىمىزنى ئوتتۇرىغا قويۇش ئارقىلىق بۇ مەسىلىنى مۇۋاپىق ھەل قىلساق.

بايقاش مائارىپ تورى
2012-يىلى 8-ئاينىڭ 24-كۈنى

pari

بۇ  پىكىر ياخشى ئوتتۇرغا قويۇلۇپتۇ ، مەنچە بولغاندا «ماتېرىيال يوللىسا تىللاغا ئېرىشكىلى بۇلىدىكەن، تىللا بولسا ياخشى ماتىرىياللارنى چۈشۈرگىلى بۇلىدىكەن» دېگەن ئىدىيىنى تۇرغازسۇن . يېڭىدىن ئەزا بولغانلارغا تەشۋىقاتنى كۈچەيتەيلى شۇنداق بولمىغاندا نادىر تېمىلارنىڭ قىممىتىنى نەدىن پەرىقلەندۈرىمىز . تېخى تىللانى كۆپەڭتىش كېرەك دەپ قارايمەن .شۇندىلا نادىر تېمىلارنىڭ قەدرى بولىدۇ . ئىشلەتكۈچىلەرمۇ تېما يوللىغۇچىلارنىڭ ئەمگىگە ھۆرمەت قىلسۇن ۋە شۇ ئاساستا شۇنداق نادىر تېمىلارنى يوللاش ئىستىگى تۇرغۇزۇلسۇن. كوپلەپ يوللىسۇن . شۇندىلا مۇنبەر مۇكەممەللىشىدۇ دەپ قارايمەن

گۈلزار

بۇ پىكىر  ۋاقتىدا ئوتتۇرغا قويۇلۇپ ناھايتى ياخشى بولۇپتۇ . بۇ مەسىلىگە يولۇقىۋاتقانلار ناھايتى كۆپ بولۇپ قانداق قىلىشنى بىلەلمەي تېڭىرقاپ يۇرۇپ باشقا تور بەتلەرگە كىرىپ كېتىۋاتقانلارمۇ ئاز ئەمەس . ئۇلار بۇ ماتىريالغا تازا ئېھتىياجلىق بولغاندا چۇشۇرەي دىسە چۇشۇرەلمەيۋاتقان  . تېما يوللاپ تىللا ئالاي دىسە بىر قىسىملىرىدا تېما يوللىغۇدەك ئىقتىدار ھەم ماتىريال مەنبەسى يوق بولىۋاتقان ھەم ۋاقىت قىستاۋاتقان مۇشۇنداق  ئىشلىتىشكە زۆرۇر بولغان جىددى پەيتتە  چۇشۇرەلمىگەن ھەم ئەسقاتمىغان بۇ ماتىريالنى باشقا تور بەتلەردىن ئىزدەشكە مەجبۇر بولۇپ قېلىۋاتقان ئەزالارمۇ يوق ئەمەس، شۇڭا بۇ مائارىپ مۇنبىرى ھەم بۇ يەرەە تېما يوللاۋاتقانلار  مىللى مائارىپىمىزنىڭ كەلگۈسى ئۈچۈن خالىسى تۆھپە قوشىۋاتقان ئاۋنگارتلار بولۇش سۈپىتى  بىلەن بۇ تېمىلارنى تىللالاىق قىلىۋېلىشنىڭ زورۇريىتى يوققۇ دەيمەن .
  
  چۇنكى  تېما يوللاۋاتقان ئەزالار بۇ تېمىلارنى باشقىلارنىڭ توسالغۇسىز پايدىلنىشى ئۈچۈن بۇ مۇنبەرگە يوللىماقتا مۇشۇنداق ئىكەن بۇ تېمىلارنى تىللالىق قىلىپ پايدىلانغۇچىلار ئۈچۈن ئاۋارىچىلىق تۇغدۇرۇپ بېرىش مەنچە ئانچە مۇۋاپىق ئەمەس دەپ قارايمەن .  شۇڭا بۇ مۇنبەرگە ئەزا بولغان ھەم يوقلىمىدىن ئۆتكەن ھەر بىر ئەزانىڭ ھەر قانداق بىر تېمىنى كۆرۇش ھەم چۇشۇرۇش ھوقۇقى بولسا  ، ئەزالارنىڭ  بۇ مۇنبەرگە ئەزا بولۇپ كىرىش قىزغىنلىقىنى يوقۇرى كۆتۇرۇپلا قلماي بەلكى ئۇلاردىمۇ تېما يوللاش ھەم ئىنكاس يېزىش قىزغىنلىقىنى يوقۇرى كۆتۇرگىلى بولارمىكىن دەپ ئويلايمەن .
چۇنكى غۇرۇرى بار  ھەم مىللىتىنى ئويلىغان ھەر بىر ئادەم بىكارغا يەپ ئىچىشنى خالىمايدۇ .

ئەمدى تېما يوللىغۇچىلارنىڭ  قىزغىنلىقىن  يوقۇرى كۆتۇرۇشكە كەلسەك،   مۇنبەر ئۇلار يوللىغان  تېمىلارنىڭ  پايدىلنىش قىممىتىگە قارىتا مۇنبەر تىللاسى بېرىش ئۇسۇلىنى قوللىنىش  ھەم ياخشى ئىنكاسلار ئارقىلىق  ئۇلارنى رىغبەتلەندۇرۇش تېمىلارنى نادىرلاش ھەم   ئەزالارنىڭ تېمىلارنى كۆرۈش ،   بېرىلگەن ئىنكاس ھەم چۇشۇرۇش قېتىم سانى قاتارلىقلارغا ئاساسەن تىللا سانىنى كۆپەيتىپ بەرسا بولىدۇ دەپ قارايمەن .

زەپەر

بۇ بەك ياخشى پىكىر بولۇپتۇ . مەن ئويلايمەن . چوقۇم ئەزا بولغۇچى  ۋە باشقۇرغۇچىلار ئالدى بىلەن تۈۋەندىكى بىر قانچە توختىلارغا ئالاھىيدە دىققەت قىلىشى كېرەك .
1-ئالدى بىلەن مەن بايقاش مۇنبىرىدىن ئۈنۈملۈك پايدىلىناي دەيدىكەن  چوقۇم ئۆز نامىدا ئەزا بولۇش كېرەك .خالاس ئەزا بولغان ئىكەن مۇنبەرگە كىرگەندىن كېيىن كۈنلىكى ئۆزىدە مۇئەييەن نىشان مەقسەت بولۇش زۈرۈل  مەسىلەن : قانداق تېمىلارنى يوللاش جەھەتتىكى تەلەپلەرنى ئەتراپلىق ئويلاش زۈرۈل  .
2-ئەزا بولغۇچى ئۆزى ئەجىر قىلىپ ياخشى بولغان   دەرس تەييارلىقى ، نەسر ئەسەرلەر ، دەرىسلىك دېتاللار،  شىئېرى تېپىشماق - كۈلدۈرگىلەر ،ناخشا - مۇزىكىلار دىگەندەك تېمىلارنى يوللىسا  ئۆزى يازالمىسىمۇ كىتابلاردىن مەنبەسىنى ئېنىق ئەسكەرتىش ئاساسىدا يوللىسا . تىللا دېگەن ئۆزلىگىدىن كېلىدۇ. تىللا ئاشسا ھەرقانداق ماتىرىيالنى چۈشۈرگىلى بولىدۇ دېگەن  ئىددىينى ئۆزىدە تۇرغۇزسۇن . ئەجىر قىلسۇن .
3-ئوقۇتقۇچى دېگەن تەييارغا -ھەييار بولماستىن  بەلكى ئۆزى ھەر قانداق بىر ئىشقا تولۇق ئىنتىلسۈن ، ئۆگەنسۇن . بايقاشتا يېشى 50 تىن ئاشقان مائارىپچىلارمۇ بارغۇ . ئۇلار ئۈگەنگەن يەردە . شۇ ياشلار نېمىشقا ئۈگۈنەلمەيدۇ.  مەن ئويلايمەن بۇ  بىلىمگە ئىنتىلمەسلىك ، قىزىقماسلىق ، داۋاملىق باشقىلارنىڭ چايناپ بەرگەن نېنىنى يەپ قۇرساق تويدۇرغانغا ئوخشاشلا گەپ . ئۇلار تىگىدىن ھۇرۇنلۇق قالپىقىنى كىرىۋالغانلار
4- بايقاشتىكى ئەزالار ئاساسەن مائارىپچىلار .ئۇلار ھەر قانداق ئىشنى قىلىشنى ئويلىسا چوقۇم قىلالايدۇ. چۈنكى ئۇلار نىڭ ھەممىسى ئالىي مەكتەپتە ئۇقۇپ بىلىم ئالغان ئوقۇتقۇچىلار .سەۋەب شۇ ئۆزى ھۇرۇن بولۇپ قېلىش مەسىلىسى . ئۇلار بۇخىل ئىللەتنى تۈزىتىشى . بىلىمگە ئۆزلۈكىدىن قىززىپ ئىنتىلىشى كېرەك .
5-بىز ياخشى ئەزالارنىڭ ئەجىرگە ھۆرمەت قىلماي . شۇلارنى ئويلاپ نادىر ياخشى تېمىلارنى ھەقسىز  ياكى تىللاسانىنى  ،ئاز قالدۇرۇپ قويساق نادىر تېمىلارنىڭ قىممىتىنى قانداق پەرقلەندۈرىمىز . ئۇنداق قىلساق ياخشى ئەزالارنىڭ تاتقان ئەسىرىگە سوغۇق سۇ سەپكەن بولىمىز. شۇڭا تىللانى ھەرگىز مۇ ئاز قالدۇرۇشقا . ياكى يوق قىلىۋېتىشكە قەتئى بولمايدۇ.دەپ ئويلايمەن .
6-ئەز- بۇ مۇنبەردىكى  تىللانى ئاز قالدۇرايلى . يوق قىلايلى دېگۈچىلەر ئىنتايىن ئاز ساندىكى  بىلىمگە ئىنتىلمەيدىغان . ھۇرۇن  تەييار- تاپ كىشىلەر . بىز مۇنبەرنى گۈللەندۈرىمىز دەيدىكەنمىز . چوقۇم باشقىلانىڭ يازغان نادىر تېمىللىرىغا  تىللا بىرىپ ئۇلارنىڭ روھى كەيپىياتىنى كۈتۈرمىسەك بولمايدۇ.
7-مەن ئويلايمەن ياشلار ،ئوقۇتقۇچىلار مەن چۈشۈنەلمىدىم .  مىنىڭ مۇنبەردە تىللايىم يوق ئىدى . پايدىلىق ماتىرىيالنى چۈشۈرەلمىدىم. دېگەن گەپلەرنىڭ ئاساسى پەقەت يوق دەپ ئويلايمەن .مەسىلە نەدە . شۇ بىز ئۇيغۇر مىللىتى ئىچىدە بىلىمگە ئۆزلۈكىمىزدىن قىزىقماسلىق ، ئىنتىلمەسلىك ،باشقىلارغا يۆلىنىۋېلىش ئىددىيسى كۈچلۈك ، تەييارغا-  ھەييار بۇلىدىغان ناچار ئىللەتلەر نى ئۆزىمىزنىڭ قەلبىگە سىڭدۈرۋالغانلىقتىن  ھازىرقى ھالەتكە چۈشۈپ قالدۇق .
8-شۇڭا بىزدە يىراقنى كۆزلەشتىن ئىبارەت مۇھىم نىشان بۇلىشى كىرەك . ( مەن بۇ دۇنياغا نېمە ئۈچۈن تۆرەلدىم . بۇ دۇنيادا پايلىق بولغان نېمە ئىشلانى قىلىشىم كىرە ك؟ دېگەن ئىددىينى تۇرغۇزىشى ) تۇلىمۇ  زۆرۈر.
9-كەتمەننى پات- پات كۈنلىكى چېپىپ ئىشلىتىپ تۇرسا يەرگە ئوبدان ماڭىدۇ. ئەگەردە كارى بولماي ئىشلەتمىسە ئۇ مەڭگۈ داتلىشىپ قېلىپ  يەرگە ماڭماس كىرەكسىز تاشلاندۇق تۆمۈر بولۇپ قالىدۇ.
شۇڭا بىز باشقۇرغۇچىلار ئۇنداق تەييار-تاپ  كىشىلەرنىڭ چېلىپ بەرگەن دېپىغا  ئۇسۇل ئۇينىماسلىقىمىز لازىم . ئۇلارنى بىرلىكتە تەربىيلەشنى كۈچەيتەيلى .
10- مەن ئويلاپ يەتتىمكى :بىزنىڭ باشقۇرغۇچىللىرىمىز ئىچىدە  باشقا مۇنبەرلەردىمۇ باشقۇرغۇچىلىق ۋەزىيپىسىنى ئۈتىۋاتقانلار ھېلى –ھەم بار .مىنىڭ ئۇنداق دىيشىمدە باشقۇرغۇچىلار ئىچىدە  مۇنبەرگە كۈنلىكى يىڭى يوللانغان تىمىلارغا ئىنكاس يېزىش ،تىما يوللاش. تېما تەستىقلاش ئىشلىرىنى ئورۇنلاش بىر قەدەر يېتەرسىز ھالەتتە بۇلىۋاتىدۇ. تېمىلارغا ئىنكاس يېزىش ، تېما تەستىقلاش پەقەتلا 4تىن 6گە قەدەر باشقۇرغۇچىلارنىڭ ئەجىرى ئارقىلىق ئېلىپ بېرلىۋاتىدۇ.چۈنكى شۇلارنىڭ ۋاقتى قىس بۇلىۋاتىدۇ. شۇنىڭ بىلن بايقاش بىلەن تولۇق كارى بولماي ۋاقىت چىقارمايۋاتىدۇ. بىر چالمىدا ئىككى پاختەكنى بىراقلا سوقىمىز دېگەن ئىدىيىدە . ياكى بولمايدۇ .ھەپتىدە بىر ئىككى قېتىملا كىرىپ قۇيۇپ پايدىلىق تىزىملارنى چۈشۈرۈپ كارى بولمايۋاتىدۇ. شۇڭا باشقۇرغۇچى يولداشلار بۇ مەسىلىنى ئوبدان ياخشى ئانالىز قىلىپ بېقىش ئىنتايىن زۆرۈر .
11-بىر دۇكاندىكى ماللارنىڭ  سانى ئىنتايىن كوپ  . بىراق سۈپىتى ئىنتايىن ناچار . باھاسى تۆۋەن بولسىمۇ  .كىشىلەر بۇنداق ماللاردىنبىيزار بولۇپ سېتىۋالمايدۇ. شۇنىڭ بىلەن بۇ ماللار كۈندىن –كۈنگە سۇغان يېقىمسىز مال بولۇپ دۇكان پالەچ ھالەتكە چۈشۈپ قالىدۇ. يۇقىلىدۇ.
12-ئەگەر دۇكاندىكى باللارنىڭ سۈپىتى ياخشى ، پايدىلىنىش قىممىتى ناھايىتى يۇقىرى جىڭ بولغان ماللارنىڭ باھاسىنىڭ قانچىلىك يۇقىرى بۇلىشىغا قارىماي  كىشىلەر تەرەپ –تەرەپتىن . يىراق -يىراق يوللارنى بېسىپ  ئىزدەپ سوراپ شۇ مالنى سېتىۋالىدۇ.
شۇڭا بايقاشتىكى تېمىلار نىڭ پايدىلىنىش قىممىتى يۇقىرى ئىشەنچىلىك  بولسا ئەزالار بۇنىڭ باھاسىنىڭ يۇقىرىلىقىغا قارىماي سېتىۋېلىپ  باشقىلارغا تەشۋىق قىلىدۇ.  شۇڭا بىز بايقاشنى گۈللەندۈرىمىز  دەيدىكەنمىز  چوقۇم باشقىلارنىڭ ئەجىرگە يارشا ،نادىر تىمىلارنى تىللالىق قىلايلى، تىللانى يوق قىلمايلى ،  .كۆپەيتسەك –كۆپەيتەيلى  ئاز قالدۇرمايلى دەيمەن .
13- تالانتلىق  ناخشىچى – ئۆمەرجان ئالىمنىڭ بىر ناخشىسى بار :
تۇغماس توخۇ ياتىدۇ ،ئۇۋۇلىقنى ئىگەللەپ ،
يۈرەر –سەرسان كۇچادا ، تۇخۇم تۇغقان ھەسسىلەپ .
تۇغماس توخۇ كاتەكتە ، تاللاپ ئېسىل دان يەيدۇ ،
تۇغمايدۇيا   كاتەكنى ،  تۇغقانلارغا بەرمەيدۇ .
دېمەك بىزنىڭ باشقۇرغۇچىللىرىمىز  بۇنى ئۇبدان ئانالىز قىلىپ بېقىشىمىز .يىڭى ئەزالارغا نىسبەتەن تىللانى يوق قىلايلى . ئاز قالدۇرايلى ، ئەزا بولۇپ پايدىلىق تېمىلارنى چۈشۈرەلمەپتۇ دىيىشىپ ئۇلارغا چاپان ياپماسلىقىمىزنى ئۈمىد قىلىمەن. بىزنىڭ ئۇلارغا چاپان يېپىشىمىز ،ماتىريالنى چۈشۈرۈشكە شارائىت ھازىرلاپ بېرىشىمىز ،ئۇلارغا نىسبەتەن ئالمىغا چۈشكەن قۇرۇتقا ئوخشاشلا زىيان سالغان بۇزىمىز. ئۇلار مەن تېما يوللىمىساممۇ  چۈشۈرەلەيدىكەنمەن دەپ بىلىمگە ئىنتىلمەيدۇ  . تىرىشمايدۇ.
14- شۇڭا باشقۇرغۇچىلار  بىرلىكتە :يىڭى ئەزالارنى بىرلىكتە تەربىيلەيلى . ئۇلارمۇ تېما يوللىسۇن .باشقىلارنىڭ تېمىسىغا ئىنكاس يازسۇن ، ھۇرۇن بولمىسۇن ، ئۆگەنسۇن ،
شۇنداق قىلغاندا تىللاسى كۈپىيدۇ.ئاشىدۇ  .ئۇندىن كېيىن تېمىلارنى ياخشى چۈشۈرۈپ پايدىلىنالايدۇ .
بولدىلا گىپىمنى مۇشۇ يەردىلا توختىتىۋالاي.
لارنىڭ تاتقان ئەجىرگە يارشا  ياخشى ،ئەلا، سۈپەتلىك  ، يىڭى دەرس ئىسلاھاتىنىڭ تەلىپى بويىچە    تەييارلانغان دەرس تەييارلىقىنى ، دەرىسلىك دېتاللارنى  ۋە پايدىلىنىش قىمىتى
يۇقىرى بولغان  تېمىلارنى  چوقۇم ھەقلىق تېما قىلىپ قويۇشىمىز كېرەك .  دەرس تەييارلىقى ئادەتتىكىچە بولغان دەرس تەييارلىقنى كۆرۈپ چىقىپ ھەقسىز تېما قاتارىدا مۇئامىلە قىلساق دەيمەن . شۇنداق قىلغاندا ياخشى بىلەن ناچارنى ئېنىق ئايرىپ  بايقاشنىڭ بۇندىن كىيىنكى تەرەققىياتىغا تولۇق كاپالەتلىك قىلغىلى بولىدۇ دەپ ئويلايمەن.
15-دەرس تەييارلىقى ۋە باشقا پايدىلىنىش  قىممىتى يۇقىرى بولغان تىزىلارنى يوللىغۇچىنىڭ ئەجىرگە  ئۇلارمۇ ھۆرمەت قىلسۇن . شۇڭا مەن ئويلايمەن  . تىللانى كۆپەيتىشكە بۇلىدىكى . ھەرگىز ئاز قالدۇرۇشقا ،  ھەم ھەقسىز قىلىشقا قەتئى بولمايدۇ.  
16-  مەسىلەن مەن ئۆزەمنى ئېلىپ ئېتسام  مەن بىر مۇنبەر باشلىقى .مىنىڭ ياخشى تەييارلانغان ئەلا دەرس تەييارلىقىمنى . ۋە دېتالىمنى مۇنبەرگە كۈچ چىقارمىغان ئەزالار ئىچىدە ھەقسىز چۈشۈرۈپ ئىشلەتسە ئەلۋەتتە مىنىڭمۇ روھى كەيپىياتىم سۇسلىشىپ كىتىشى مۇقەرەر . شۇڭا باشقىلارنىڭ ئەجىرىگە ھۆرمەت قىلىش يۈزسىدىن تىللانى يوق قىلمايلى . كۆپەيتسەك كۈپەيتەيلى . ئاز قالدۇرمايلى .
17-مەن ئويلايمەن ياشلار ،ئوقۇتقۇچىلار مەن چۈشۈنەلمىدىم .  مىنىڭ مۇنبەردە تىللايىم يوق ئىدى . پايدىلىق ماتىرىيالنى چۈشۈرەلمىدىم. دېگەن گەپلەرنىڭ ئاساسى پەقەت يوق دەپ ئويلايمەن .مەسىلە نەدە . شۇ بىز ئۇيغۇر مىللىتى ئىچىدە بىلىمگە ئۆزلۈكىمىزدىن قىزىقماسلىق ، ئىنتىلمەسلىك ،باشقىلارغا يۆلىنىۋېلىش ئىددىيسى كۈچلۈك ، تەييارغا-  ھەييار بۇلىدىغان ناچار ئىللەتلەر نى ئۆزىمىزنىڭ قەلبىگە سىڭدۈرۋالغانلىقتىن  ھازىرقى ھالەتكە چۈشۈپ قالدۇق .
شۇڭا بىز باشقۇرغۇچىلار ئۇنداق تەييار-تاپ  كىشىلەرنىڭ چېلىپ بەرگەن دېپىغا  ئۇسۇل ئۇينىماسلىقىمىز لازىم . ئۇلارنى بىرلىكتە تەربىيلەشنى كۈچەيتەيلى .

شۇڭا باشقۇرغۇچىلار  بىرلىكتە :يىڭى ئەزالارنى بىرلىكتە تەربىيلەيلى . ئۇلارمۇ تىما يوللىسۇن .باشقىلارنىڭ تىمىسىغا ئىنكاس يازسۇن ، ھۇرۇن بولمىسۇن ، ئۈگەنسۇن ،
شۇنداق قىلغاندا تىللاسى كۈپىيدۇ.ئاشىدۇ  .ئۇندىن كىيىن تىمىلارنى ياخشى چۈشۈرۈپ پايدىلىنالايدۇ .
بولدىلا گىپىمنى مۇشۇ يەردىلا توختىتىۋالاي.

火山

ئەگەر ئەزا بولغانلارغا قارا قۇيۇق تېللابەرسەك پاخال ئەزا تەكرار ئەزا كۆپىيىپ قالىدۇ!
تىللا سانىنى تۆۋەنلىتەيلى!ئەگەر بۇمۇ ئېغىر كەلگەن ئادەم مۇنبەردىن چۈشۈرگەن ماتىريالدىن پايدىلىنالمايدىغان ئادەم !بۇنداق ئادەمنىڭمۇ مۇنبەرگە پايدىسى يوق!
كىمنىڭ دوككىنىدا ئېسىل مال بار دېسە پالانىنىڭ دۇككىنىدا دەپ باشقىلارمۇ دىسۇن!تىللالىق بولغاننىڭ زىيىنى يوق !
بىز پەقەت كىشىلەرگە تىللاغا ئېرىشىش پۇرسىتى يارتىپ بەرسەك يېڭى ئەزالار تېما يوللىسا رىغبەتلەندۇرسەك !
ياكى ھەرخىل پائالىيەتلەرنى ئۇيۇشتۇرۇپ قاتناشقانلارنى مۇكاپاتلاپ تۇرساق .
تەشتە ئېرشكەن نەرسىنىڭ قەدىرى بار!ھەم ئاسان ئۇنتۇپ قالمايدۇ!
تېما دىگەننى ئۈن نەچچەئادەم يوللاپ مۇنبەرنى مۇنبەر قىلىپ بۇلالمايمىز !ماتېريال لازىم بولسا تېما يوللىسۇن!ئۇمۇ تەس كەلگەن بولسا قولدا يېزىپ چىقسىۇن!
مېنىڭ كەلگۇسى پېلانىمدا بايقاش تىللاسىنى نەخ پۇلغا ئايلاندۇرۇپ ئەزالارغا رەھمىتىمىزنى بىلدۇرۇش ئارزۇيىممۇ بار! ياكى ھەقلىق دېتاللارنى بايقاش تىللاسىغا سېتىپ بېرىش دىگەندەك !

火山

گۇلزار يوللىغان ۋاقتى  2012-8-24 20:48
بۇ پىكىر  ۋاقتىدا ئوتتۇرغا قويۇلۇپ ناھايتى ياخشى بولۇپ ...

ئەگەر سىزگە لازىملىق نەرسە مەندىلا بولسا سىز باشقا يەرلەرگە بارغا بىلەن ئاخرىدا يەنىلا قايىتىپ كېلىسىز !شۇڭا تېما  سەرخىل بولسۇن !تىللالىق بولسۇن !ھەرخىل قىزىقارلىق پائالىيەت ئۇيۇشتۇرۇپ تۇرايلى!قاتناشسا پىكىر قاتناشتۇرسا مۇكاپات بېرەيلى!

ئەزىزى

مەن كۆپچىلىكنىڭ پىكىرىنى قوللايمەن. ماتىريال چۇشۇرگۇچىلەر چۇقۇم ئەزا بۇلۇشى،بايقاشقا بەلگىلىك تۆھپە قۇشۇپ ،تىللاغا ئىرىشىپ ئاندىن دەرس بايلىقىدىن بەھرىمان بۇلۇش كىرەك ۋە تىللاغا ئىرىشىىش ئۇسۇلى ھازىرقىدەك بۇلۇش كىرەك دەپ قارايمەن.

تايلاق

مىنىڭ پىكرىم بىراۋنىڭ ھەقلىق تىمىسىنى باشقۇرغۇچىلار، مۇنبەر مەسئۇللىرى، ئاتامانلارمۇ ھەق تۆلەپ ئىشلىتىدىغان قىلساق. بولمىسا ئەزالارغا نىسپەتەن ھەق- ناھاق بولۇپ قالغۇدەك.

زەپەر

مىنىڭ پىكرىم بىراۋنىڭ ھەقلىق تىمىسىنى باشقۇرغۇچىلار، مۇنبەر

بىز چۈشۈرۈپ ئىشلەتمەيمز دە . ئۇنداق قىلساق نىمە  پايدىسى . بىز شۇنى چۈشۈرۈپ كۈرۈپ تەسىقلىمىساق بولمايدۇ.  ئويلاپ  بېقىڭ كۆرمەي تۇرۇپلا  تەسىقلىغىلى  بۇلامدا  . سۇنى كۈرۈپ ئاندىن ئىشتان سېلىش كىرەكتۇ. سۇنى كۆرمەي ئىشتان سالسا بولمايدۇ. بۇنداق ئىشتىن چۇقۇم چوڭ چاتاق چىقىدۇ.  چاتاق چىقسا ئاخىرى كىم ئىگە بۇلىدۇ ھە  . تايلاق ئەپەندىم .

ئامان

بۇ قېتىمقى باشقۇرغۇچىلار يىغىنى دەل ۋاختىدا ئېچىلدى دەپ قارايمەن، گەرچە بىز 20 گە يېقىن ئاتامان ۋە باشقۇرغۇچىلار بىر يەرگە جەم بۇلۇپ، يۈزتۇرانە پىكىرلىشەلمىسەكمۇ، مۇنبەردىكى مۇشۇ يېپىق يىغىن ئورنىدا ئوتتۇرىغا قويۇلغان مەسىلىلەرگە قارىتا بايقاش مۇنبىرىگە، مۇنبەردىكى بارلىق كونا-يېڭى تورداشلارغا مەسئۇل بۇلۇش مەيدانىدا تۇرۇپ، ئۆزىمىزنىڭ كۆز قاراش ۋە پىكىر-تەكلىپلىرىمىزنى دادىل ئوتتۇرىغا قويۇپ، مۇنبىرىمىزنىڭ تەرەققىياتى ئۈچۈن ئورتاق ئىزدىنىپ كۆرەيلى.
بۇ قېتىمقى يىغىندا نادىر تېمىلارنى تىللالىق قىلىش-قىلماسلىق مەسىلىسى ناھايىتى ياخشى ئوتتۇرىغا قويۇلۇپتۇ، بۇ مەسىلىگە قارىتا يۇقۇرىدا ئاتامان ۋە باشقۇرغۇچى دوستلار ناھايىتى ياخشى، قىممەتلىك پىكىر-تەكلىپلەرنى بېرىپتۇ. مەن بۇ تېمىنى ئۆز ۋاختىدا كۆرگەن بولساممۇ، ئائىلىدىكى ئالدىراشلىق سەۋەپلىك ۋاختىدا پىكىر قاتناشتۇرالمىدىم. ھازىر بولسىمۇ بۇ مەسىلە ھەققىدىكى قاراشلىرىمنى ئوتتۇرىغا قويۇپ ئۆتەي:

يېقىندىن بېرى ئاتامانلارنىڭ ئىلمىي، توغرا يېتەكچىلىك قىلىشى، باشقۇرغۇچىلارنىڭ بىر نىيەت، بىر مەخسەتتە جاپالىق ئىزدىنىشى ۋە كونا-يېڭى تورداش دوستلارنىڭ قوللاپ قۇۋۋەتلىشى ۋە تىرىشچانلىق كۆرسىتىشى نەتىجىسىدە بايقاش مۇنبىرىمىزنىڭ تەرەققىياتى ناھايىتى ياخشى بۇلۇۋاتىدۇ. يوللىنىۋاتقان تېما-ئىنكاسلارنىڭ سەرخىللىقى، يېڭىدىن ئەزا بۇلۇۋاتقانلارنىڭ كۆپلىكى، كۈندىلىك يوللىنىۋاتقان يازمىلارنىڭ كۆپلىگى بىلەن بايقاش مۇنبىرىمىز قېرىنداش مۇنبەرلەر ئىچىدە كۆزگە كۆرۈنگەن مۇنبەرلەر قاتارىغا ئۆتتى. بىز بۇ نەتىجىلەر بىلەن مەغرۇرلىنىپ كەتمەي، تەجرىبە-ساۋاقلارنى يەكۈنلەپ، يېتەرسىزلىكلەرنى تۈزۈتۈپ، يېڭى پىكىر يوللىرى ئۈستىدە كۆپرەك ئىزدىنىپ، مۇنبەرنىڭ ئۆزىگە خاس خاسلىقىنى گەۋدىلەندۈرۈشكە ئەھمىيەت بېرىشىمىز كېرەك.
بىپايان سىرلىق بوشلۇقتىن ئورۇن ئالغان بايقاش مۇنبىرىمىز _ ئاتامانلىرى، باشقۇرغۇچىلىرى ۋە نۇرغۇن ئەزالىرىدىن تەشكىل تاپقان بىر تەشكىلى ئاپارات. شۇنداق بولغان ئىكەن، بۇ تەشكىلى ئاپاراتنىڭ ئۆزىگە خاس قائىدە-تۈزۈملىرى، ئۆلچەم-پىرىنسىپلىرى بار. شۇڭا بۇ توپقا ئەزا بارلىق كىشىلەر چوقۇم شۇ ئۆلچەم، تۈزۈم ۋە پىرىنسىپلار بۇيىچە ئۆزلىرىنىڭ ھوقۇق-مەجبۇرىيىتىنى تولۇق ئادا قىلىش مەسئۇلىيىتى بار دەپ قارايمەن.

1.يۇقۇرىدا دوستلار ئېيتىپ ئۆتكەندەك، بىز مۇنبەردە نادىر تېمىلار بىلەن ئادەتتىكى تېمىلارنى پەرىقلەندۈرۈشىمىز، نادىر تېمىلارنى چوقۇم تىللالىق قىلىشىمىز كېرەك. بۇنداق قىلغاندا: بىرىنچىدىن، نادىر تېما يوللىغان تورداشلارغا بولغان رەخمىتىمىزنى ئىپادىلەپ، ئۇلارغا ئىلھام ۋە مەدەت بېرەلەيمىز. ئىككىنچىدىن، باشقا تورداشلارنى نادىر تېما يوللاشقا قىزىقتۇرۇپ، ئۇلارنىڭ مۇستەقىللىق، ئىجاتچانلىق، يېڭىلىق يارىتىش روھىنى ئۇرغۇتالايمىز. ئۈچۈنچىدىن، مۇنبىرىمىزگە ئەزا بولمىغان سەيياھلارنىڭ نادىر تېمىلىرىمىزنى چۈشۈرۈپلا قېچىپ كېتىشىنىڭ ئالدىنى ئالالايمىز.

2.قانداق تېمىلار «نادىر تېما» بۇلىدۇ؟ نادىر تېمىلارنى نەچچە تىللالىق قىلىپ تەڭشەيمىز؟ قانداق تېمىلار يۇرۇتىلىدۇ؟ قانداق تېما، قانداق ئىنكاسلارنى باھالاپ مۇكاپاتلايمىز؟ مۇكاپاتلىساق نەچچە تىللا بىلەن مۇكاپاتلايمىز؟...... دىگەنگە ئوخشاش مەسىلىلەردە ئىگىز-پەسلىك ئەھۋاللىرى مەۋجۇت، بۇنىڭغا ھېچقايسىمىز كۆز يۇمالمايمىز.
مەسىلەن: مۇنبەردە بىرىمىز «ئادەتتىكىچە» دەپ قارىغان تېمىلارنى يەنە بىرىمىز «نادىر تېما» قىلىپ تەڭشەيدىغان، ھەتتا ئۆزىنىڭ ئادەتتىكى تېمىلىرىنى نادىرلاپ قويىدىغان ئەھۋاللار بار. يەنە نادىر تېمىلارنى تىللالىق قىلىپ تەڭشەشتىمۇ مەسىلە بار، يەنى نادىر تېمىلارنى بىرىمىز «5 تىللا»لىق قىلىپ تەڭشىسەك، بىرىمىز «8 تىللا»لىق، يەنە بىرىمىز «10 تىللا»لىق قىلىپ تەڭشەپ كېلىۋاتىمىز. توغرا، بەزىلىرىنىڭ 5 تىللالىق، يەنە بەزىلىرىنىڭ 10 تىللالىق قىممىتى بۇلۇشى مۈمكىن، ئەمما تىللالىق قىلىپ تەڭشەشتە بەلگىلىك ئۆلچەم بۇلىشى كېرەكتە؟!  گەرچە بىزنىڭ دەرسخانا ئوقۇتۇشىدا شۇغۇللىنىۋاتقان كەسپىمىز ئوخشاش بولمىسىمۇ، بىز دەرس ئۆتۈپ كېلىۋاتقان ئوقۇتقۇچى بولغاچقا دەرس تەييارلىقى ۋە دەرس دىتالى قانداق تەييارلىنىدۇ؟ قەدەم-باسقۇچلىرى تۇلۇقمۇ-يوق؟ لاھىيەلىنىشى، سۈپىتى قانداق؟ پايدىلىنىش قىممىتى قانچىلىك؟ دىگەنگە ئوخشاش نوختىلارنى چىقىش قىلىپ، دەرس تەييارلىقى ۋە دەرس دېتاللىتىغا باھا بېرەلەيمىز. ئۇنىڭدىن باشقا مۇنبەرگە يوللانغان كومپىيوتېر تېخنىكىسىغا مۇناسىۋەتلىك يۇمشاق دېتاللارنىڭ ئوقۇتۇش، ئۈگىنىش ۋە كۈندىلىك تۇرمۇشتا ئوينايدىغان رولى ۋە ئەھمىيىتىگە قاراپ باھا بېرەلەيمىز....  
ئۇنىڭدىن باشقا يەنە تېمىلارنى باھالاپ، مۇكاپاتلاشتىمۇ ئىگىز-پەسلىك بار. مەسىلەن: ئالى باشقۇرغۇچىلارنىڭ بىر تېمىنى مۇكاپاتلاش چېكى 5-15 تىللاغىچە، ئەمما بىرىمىز بىر تېمىنى 5 تىللا بىلەن مۇكاپاتلىساق، يەنە بىرىمىز 10 ياكى 15 تىللا بىلەن مۇكاپاتلىدۇق، يەنە بۇ يەردىمۇ بەلگىلىك ئۆلچەم يوق!  
يەنە قانداق تېمىلار يۇرۇتىلىدۇ؟ نىمە ئۈچۈن يۇرۇتىمىز؟ مېنىڭچە «نادىر» دەپ قارىغان تېمىلار يۇرۇتۇلىشى، تورداشلارنىڭ كۆزىگە ئىتتىك چېلىقىدىغان بۇلۇشى كېرەك دەپ قارايمەن. بىز باشقۇرغۇچىلار نادىر بۇلامدۇ، ئادەتتىكى بۇلامدۇ ئۆزىمىزنىڭ تېمىلىرىنى قىزىل، كۆك، يېشىل رەڭلەردە بەس-بەستە  يۇرۇتساق، باشقىلارنىڭ نادىر تېمىلىرى كۆزگە چېلىقماي، ئىنكاسسىز، مۇكاپاتسىز، نادىرسىز كۆمۈلۈپ قالسا-ھە!  يەنە بۇ يەردىمۇ ئۆلچەم يوق! ھەر قايسىمىز ئۆز بىلگىنىمىزچە نادىرلاش، تىللالىق تەڭشەش، مۇكاپارلاش، يۇرۇتۇش ئېلىپ بېرىۋاتساق......
بىزدەك ئاتامان ۋە باشقۇرغۇچىلاردا مۇنبەر باشقۇرۇش جەھەتتە يۇقارقىدەك نوختىلاردا بەلگىلىك بىرلىككە كەلگەن ئۆلچەم ياكى قېلىپ بولماسلىق، بولسىمۇ ئىگىز-پەسلىكتىن خالى بۇلالمايۋاتقانلىقتەك ئەھۋال ئاستىدا تورداشلارنىڭ يا ئۇنداق، يا مۇنداق نارازىلىق پىكىرلىرىنىڭ چىقىشى تەبىئى ئەھۋال. شۇڭا ھەممىمىز ئىككى ئاتاماننىڭ يېتەكچىلىكى ئاستىدا يۇقارقىدەك زىل، ئىنچىكە نوختىلارغا قارىتا  ھەممىمىزگە ئورتاق بولغان، شەخسىيەتسىز، ئەقىلغا مۇۋاپىق ئۆلچەم بېكىتىپ چىقىشىمىز كېرەك.

3.يوقلىمىدىن ئۆتكەنلەرگە تىللا قوشۇپ بېرىشكە بولمايدۇ، ئەگەر يوقلىمىدىن ئۆتكەنلەرگە تىللا قوشۇپ بەرسەك بىزنىڭ بىر قىسىم ئەزالىرىمىز ۋە باشقا مۇنبەردىكىلەرمۇ مۇنبەرگە تىزىملىتىپ، مۇنبەردە ھەركۈنى يوقلىمىدىن ئۆتۈپ قويۇپ، ھېچقانداق تېما-ئىنكاس يوللىمايلا توردىن چۈشۈپ كېتىدىغان، ھەتتا نادىر تېمىلىرىمىزنى چۈشۈرۈپ قاچىدىغان بىر تۈركۈم «تىللا خۇمارلار» باش كۆتۈرۈپ چىقىدۇ، نەتىجىدە تىللا كۆپ، تېما-ئىنكاس ئاز بۇلۇشتەك ۋەزىيەت شەكىللىنىپ، تىللا پاخاللىقى كېلىپ چىقىدۇ.

4.مەن كۆپچىلىككە مۇنبىرىمىزدىكى ئالى باشقۇرغۇچى ۋە باشقۇرغۇچىلارنى تەربىيەلەش ۋە تەرتىپكە سېلىش تەكلىۋىنى بېرىمەن. چۈنكى مۇنبىرىمىزدە «باشقۇرغۇچى» دەپ نامى بار، ئەمما مۇنبەرگە بىرەر تېما ئىنكاس يوللاپ باقمىغان، ياكى سەۋەپسىز ھەپتىلەپ، ئايلاپ مۇنبەرگە كىرىپ باقمايدىغان، ياكى يوقلىمىدىن ئۆتۈپ قويۇپ، ۋە ياكى ئادەتتىكى بىر-ئىككى تېما يوللاپ قويۇپ، باشقا مۇنبەرلەرنىڭ ھەلەكچىلىگى بىلەن بۇلۇپ كېتىدىغان، مۇنبەردىكى تېمىلارغا ئىنكاس يازمايدىغان، يازسىمۇ بىر-ئىككى تېمىغا «رەخمەت»، «ياخشىكەن»، «يەنىمۇ تىرىشىڭ»..... دىگەندەك قۇرۇق ئىنكاسلارنى يېزىپ قويۇپ، چۈشۈپ كېتىدىغان باشقۇرغۇچىلىرىمىز بار.
ئۇنداقتا باشقۇرغۇچى دىگەن نىمە؟! ئۇنىڭ مۇنبەردىكى رولى نىمە؟! (ھەممىمىز ئويلاپ بېقىشىمىزغا تېگىشلىك)
توغرا، ھازىرچە مۇنبەردىن باشقۇرغۇچىلارغا ھېچقانداق ئىختىزادى كىرىم كىرمەيدۇ، شۇڭا بىز ئويلايمىز: باشقۇرغۇچى بۇلۇش-بولماسلىقىمىز كۈندىلىك تۇرمۇشىمىزغا ھېچقانداق تەسىر كۆرسەتمەيدۇ، باشقۇرغۇچى بولساق نىمىتتى، بولمىساق نىمىتتى!.....  
ئەمما «باشقۇرغۇچى» دىگەن نام  مۇنبەرگە، مۇنبەردىكى تورداشلارغا نىسپەتەن ھەممە ئادەم ئىنتىلىدىغان، زوقلىنىدىغان ئىمتىياز ۋە مەرتىۋە. بىز مۇشۇ ئىمتىياز ۋە مەرتىۋىمىزگە تايىنىپ، باشقىلارنىڭ تېمىسىنى نادىرلىيالايمىز، تىللالىق قىلالايمىز، تەھرىرلىيەلەيمىز، تەنبىھ بېرەلەيمىز، ھەتتا ئۆچۈرەلەيمىز. بۇلار بىزدىكى ھوقۇق ئەمەسمۇ؟!.....  ھوقۇق بار يەردە چوقۇم مەجبۇرىيەت بۇلىدۇ، بىز مۇنبەردە شۇنداق ئىمتىياز، مەرتىۋە ۋە ھوقۇققا چۈشلۇق مەجبۇرىيىتىمىزنى قانچىلىك ئادا قىلدۇق؟!!  رولىمىزنى قانچىلىك جارى قىلدۇردۇق؟!!!  مۇنبەردىكى بىر تېمىغا نىسپەتەن ئادەتتىكى 5 ئەزانىڭ ئىنكاسى بىلەن، بىر باشقۇرغۇچىنىڭ ئىنكاسىنىڭ شۇ تېما ئىگىسىگە كۆرسىتىدىغان تەسىرىنى دەڭسەپ كۆرەيلى، قايسىسىنىڭ تەسىرى چوڭقۇر؟ قايسىسىنىڭ رىغبەتلەندۇرۈش، ئىلھاملاندۇرۇش رولى چوڭ؟!......
ھازىر ئەزالارنىڭ كۆپىيىشىگە ئەگىشىپ، يوللىنىۋاتقان كۈندىلىك تېما سانىمۇ كۆپەيمەكتە، ھەممە تېمىغا ئىنكاس يېزىپ بۇلالمىغاندىمۇ، ھېچ بولمىغاندا ھەربىر تېمىغا كەم دىگەندە بىر-ئىككى باشقۇرغۇچىنىڭ ئىنكاسى يېزىلسا، ئىنكاسىلىرىمىزدا تېما ئەھۋالىغا قاراپ، يول كۆرسىتىش، يېتەكلەش، مەسلىھەت بېرىش، ماختاپ، رىغبەتلەندۈرۈش، مۇكاپاتلاش قاتارلىق مەزمۇنلار ئىپادىلەنسە، ئەزالىرىمىز تېخىمۇ ياخشى تېمىلارنى يوللاشقا ئىلھاملاندۇرۇلسا، يېڭى، ئىجادى تېمىلار يوللانسا..... مۇنبىرىمىز سىجىل، ساغلام تەرەققى قىلالايدۇ.
ئەگەر باشقۇرغۇچىلىرىمىز(مەنمۇ بۇنىڭ ئىچىدە) كېسەل، ئۆلۈم-يىتىم، توي-تۆكۈن قاتارلىق ئالاھىدە ئەھۋاللاردىن باشقا ۋاقىتلاردا كۈنلىگى  مۇنبىرىمىز ئۈچۈن ئاز دىگەندە 1-2 سائەت ۋاختىمىزنى چىقىرالمىساق باشقۇرغۇچىلىق ئورنىمىزنى بىكار قىلايلى......  بۇمۇ بايقاش مۇنبىرىنىڭ كېيىنكى تەرەققىياتى ئۈچۈن!

5.بىز يېڭى ئەزالارنى تەستىقلاش جەھەتتە ھېچقانداق مەنىسى يوق، ئىنگىلىزچە، روسچە ھەرىپلەر تىزمىسى، سان-سىپىر ۋە شەرتلىك بەلگىلەر بىلەن تىزىملىتىپ كىرگەن ئەزالارنى قەتئى تەستىقلىماسلىق، ئۇيغۇرچە ياكى مەنىلىك نام بىلەن تىزىملىتىشنى ئەسكەرتىش توغرىسىدا بىرلىككە كەلگەن، ئەمما بۇ خىل ئەھۋال ھازىرمۇ داۋاملىشىپ كەلمەكتە، ئۇنداق ئەزالارنى بىرسىمىز تەستىقلىمىساق، يەنە بىرسىمىز تەستىقلاۋاتىمىز. بۇمۇ بىز باشقۇرغۇچىلار تۈزەتمىسەك بولمايدىغان يەنە بىر مەسىلە بۇلۇپ قېلىۋاتىدۇ.

6.بىز ھەممىمىز «ئانا تىلىمىزنى قەدىرلەيمىز، ئانا تىلىمىزنىڭ ساپلىقىنى قوغدايمىز» دەپ جار سالىمىز، تېمىلارغا «ئىملاغا دىققەت قىلىڭ» دەپ ئىنكاس يازىمىز، ئەمما ئۆزىمىز ئىملا خاتالىقىغا يول قويۇۋاتىمىز، بۇ ئەھۋال بىزدە بەك ئېغىر. خەلق ئارىسىدىكى «موللامنىڭ دىگىنىنى قىل، قىلغىنىنى قىلما» دىگەن ماقال بىزگە قارىتىلغانمۇ-يا؟ ھېچ بىلمىدىم. بىز ئالدى بىلەن ئۆزىمىزدىكى مۇشۇ ئىللەتنى تۈزەتسەك.

دىمەك، ئاتامان ۋە باشقۇرغۇچىلار بىر مۇنبەرگە نىسپەتەن بايراق. بايراق قايسى يۆنىلىشكە قاراپ قادالسا، قوشۇن شۇ يۆنىلىلىشكە قاراپ ئىلگىرلەيدۇ، قوشۇننىڭ غەلبىسى ۋە مەغلۇبىيىتى بايراققا بىۋاستە مۇناسىۋەتلىك. بىز ئاتامان ۋە باشقۇرغۇچىلار مۇنبەردىكى بايراقلىق رولىمىزنى ھەقىقى جارى قىلدۇرۇشتىن ئاۋال، ئۆزىمىزدىكى يېتەرسىزلىكلىرىمىزنى تونۇشقا، تۈزۈتۈشكە كاپالەتلىك قىلىشىمىز كېرەك. شۇندىلا يېتەلچىلىك، بايراقلىق رولىمىزنى جارى قىلدۇرالايمىز!
ئاخىرىدا دوستلارنىڭ يۇقارقى پىكىر-تەكلىپلىرىمنى ياخشىراق ئويلاپ، مۇلاھىزە قىلىپ  بېقىشىنى تەۋسىيە قىلىمەن، بۇلارنىڭ ھەممىسى بايقاش ئۈچۈن، مۇنبىرىمىزگە ناھايىتى زور ئۈمۈت-ئىشەنچ بىلەن كىرگەن 3000 غا يېقىن توردىشىمىز ئۈچۈن، مىللى مائارىپىمىزنىڭ تەرەققىياتىغا قولىمىزدىن كېلىشىچە ھەسسە قوشۇش ئۈچۈن!

مەن ئاتامان ۋە باشقۇرغۇچىلارنى ئايدا ياكى پەسىلدە بىر قېتىم مۇشۇنداق يىغىنغا تەشكىللەپ، ساقلانغان مەسىلىلەرنى ئۆز ئارا يەكۈنلەپ ۋە تۈزۈتۈپ، كېيىنكى تەرەققىياتىمىز ئۈچۈن يېڭى پىكىر يوللىرى ئۈستىدە مۇھاكىمە ۋە تەتقىقات ئېلىپ بېرىشىمىز لازىملىقىنى ئۈمۈت قىلىمەن.