تورداش دوستلارغا: چىن يۈرەكتىن چىن سۆزلەر

ئامان

چىن يۈرەكتىن چىن سۆزلەر

«ئادمىن» گە:

يېقىنلىدى «بايقاش»نىڭمۇ بىر يىللىق تويى،
يوقمۇ سىزدە مەرىكىنىڭ مەسلىھەت-ئويى.
ئۆتۈپ كەتسە بۇ ئىيۇلمۇ، كۈتەرمىز بىر يىل،
تاپا-تەنە غەشلىك ئىچرە، يۈرۈپ يىل بۇيى.

«شام» غا:

جارى بۇلۇپ ئۆتسۇن ئەبەت، «شام»لىق روھىڭىز،
«ئەلگە نەپ» دەپ يالقۇنجايدۇ، ئارزۇ-ئويىڭىز.
‹‹ساۋاقداشلار يىغىلىشى››دا دىدارلىشارمىز،...
يەتتىنچى ئايدا ئاۋاتلاشقاي، مۇزارت بويىڭىز.

«يانار تاغ» قا:

«يانار تاغ» دەپ نامىڭىز بار،شۇنچە ھەيۋەتلىك،
مۇنبەر ئارا تونۇشلۇق ۋە شۇنچە ھۆرمەتلىك.
يېڭىلارنى يېتەكلەشكە كۆڭۈل بەرسىڭىز،...
ھۆرمىتىڭىز ئاشار شۇنچە، بۇلۇپ كېرەملىك.

«مەرىپەت» كە:

«مەرىپەت» دەپ نامىڭىز بار، شۇنچىلىك تاتلىق،
تېمىڭىز ۋە يازمىڭىزمۇ شۇنچە سۇمباتلىق.
«ئىشەنمەيسەن» دىگەن بىرلا سۆزىڭىز بىلەن،
غەشلىك ئىچرە بۇلۇپ قالدۇق، بىز يامان ئاتلىق.

«مائارىپ» قا:

مائارىپنىڭ بوستانىدۇر-«بايقاش» مۇنبىرى،
بۇ بوستاننى ئارىلايدۇ، باغۋەن ھەر كۈنى.
سۇسىز قويماڭ گۈل-گىياھنى، ئەجرىڭىز بىلەن،
خۇش پۇراقلار گۈپۈلدىسۇن، ھەر كۈن-يىل بۇيى.

«ئالىم» غا:

ئالىمغا خاس تۇرقىڭىز بار «بايقاش» بېتىدە،
تېمىڭىزمۇ ئورۇن ئالغان تورداش قەلبىدە.
ئىچىپ تۇرۇڭ:«ئىخلاس»،«ئارمان»،ھەسەل،مۇراببا،
«قىزىل كالا»...ھېرىپ قالماڭ، ئاخىر-پەللىدە.

«نۇرى» گە:

قەھرىتاندا ئۇچراشقانتۇق «بايقاش» بېتىدە،
مۇشائىرە قىزىتىپ بىز،.... مۇنبەر يۈزىدە.
قايتىپ كەلگىن جېنىم دوستۇم، سېغىندۇق سېنى،
مۆكۈپ ياتتىڭ ئىلىخونىڭ قايسى يېرىدە؟

«ئۇستاز» غا:

«ئۇستاز» سۆزى شۇنچە ئۇلۇغ-بۈيۈك كەلىمە،
نەچچە ۋاقىت ئۇخلاپ ياتتىڭ، بېسىپ ۋەھىمە.
«نورۇزنامە» خۇلاسىسى چىقمىدى تېخى،...
شۇنچە كۈتۈپ ھېرىپ كەتتى سەندىن، كەمىنە.

«زەپەر» گە:

زەپەر قۇچۇپ ئۇچماقتا سىز «بايقاش» كۆكىدە،
باشقۇرغۇچى بۇلۇپ بۈگۈن مۇنبەر بېتىدە.
«شېئىر» بىلەن كىرىپ كەلگەن «بايقاش» قوينىغا،
«دەرسلىك»كە ئۆتۈڭ ئەمدى، يېڭى پەدىدە.

«پەرى» گە:

پەرى سۈپەت قىز ئىكەنسىز، ئۆزگۈرۈشلەر كۆپ،
ھەر قارىسا رەسمىڭىزدا كۆرۈنۈشلەر كۆپ.
ئىنكاس يېزىپ ئۈلگۈرىسىز، ھەر بىر تېمىغا،
تۆھپىڭىزدە مۇنبەردىمۇ يۈكسىلىشلەر كۆپ.

«كۆك بۆرە» گە:

«كۆك بۆرە» دەپ ئات قويۇپسىز،شۇنچە جەلىپكار،
نامىڭىزغا لايىق تۆھپە قوشۇڭ، قەلەمكار،
مۇنبەرداشلار تۆھپىڭىزگە بولدۇق ئىنتىزار،
ئەجدادىمنىڭ تۇتىمىنى قىلماڭ زەئىپ، خار.

«تايلاق» قا:

ئېسىمنى بىلسەم،تۆگىنىڭ بالىسى تايلاق،
مەنزىلى ئۇزۇن،ئوتلاپ يۈرۈر يېرى يايلاق.
باشقا مۇنبەر تاللاپ يۈرمەي،قايتىپ كېلىپ،
ئىززەت بىلەن بۇ ئاۋۇلغا بۇلۇڭ بايراق.

«گۈلزار» غا:

«بايقاش» ئۆزى بىر گۈلزارلىق ئىدى ئەسلىدە،
سىز كېلىپلا گۈلزارلىققا گۈللەر قوشۇلدى.
گۈلزارلىقنىڭ پەرۋىشكارى، باغۋىنى بۇلۇڭ،...
رىقابەتكە سىز بىلەنمۇ يەڭلەر تۈرۈلدى.

باشقا تورداش دوستلارغىمۇ كۆڭۈل سۆزلىرىم بار ئىدى، بىراق ئادمىن ئەپەندى: ‹‹ بايقاشتا مۇشائىرە قىزىپ كەتتى، سىزلا قاتناشمىدىڭىز، تېز بۇلۇڭ... ›› دەپ ئالدىرىتىپ قويغاچقا، يېزىپ ئۈلگۈرەلمىدىم، باشقا تورداش دوستلار كۆڭلۈڭلارغا ئالمىغايسىلەر.

بايقاش

توغرا دەيسىز كىلىپ قالدى بايقاشنىڭ تويى؛
كىچە-كۈندۈز ئۇخلىماي بايقاشنىڭ كويى.
بۇ جەھەتتە مىنىڭمۇ ئويلىنىغىم بار؛
بىلەلمىدىم تورداشلارنىڭ قانداقتۇر ئويى.

pari

چىن سۆزۈڭىزدىن مەمنۇن بولدۇم مەن ،
بېزەكچىدەك بېزەپ بايقاش يۈزىنى،
گۈل دەستە ئىچىدە ھەر تېما ئىنكاسنى ،
قاماشتۇرۇپ بىزدەكلەرنىڭ كۆزىنى.

جەلىپكار ،دوختۇر سۈپەت ئامانجان،
بىلىم بېرىپ سىناق ئېلىپ ھارمايسىز،
چىن يۈرەكتىن تەشەككۇرىم بىلدۈرەي،
تىزىپ گۈل-دەستە ،قۇبۇل قىلىپ ئالارسىز.  

ئامان

پەرى خانقىز:
شۇنداق چىرايلىق گۈلكەن، سوۋغىتىڭىزغا كۆپ تەشەككۈر! رەخمەت سىزگە.

火山

ئىشنىڭ كۆپلىكىدىن مۇنبەرنى تاشلىدىم ،
ھازىرجاۋاپ  بۇلالماي باشنى تازا قاشلىدىم .
سىزگە بەكمۇ قايلىمەن ،دوستۇم ئامانجان،
تېما ،ئېنكاس ،يېتەكلەش ھەم بېزەشتە ،
بىزگە دائىم  ئۆلگە سەن دوستۇم ئامانجان.
سەن ئامان مۇنبەر ئامان!دوستۇم ئامانجان.

ئامان

دوستۇم:
مەن سىز ئېيتقاندەك ئۇنچىۋالا ئىختىدارلىقمۇ ئەمەس، بەك ئاشۇرۇۋېتىپسىز.  مۇنبەرنىڭ كەلگۈسى ۋە كېيىنكى تەرەققىياتى ئۈچۈن ئۆز ئارا ھەمكارلىشىپ، ئورتاق كۈچ چىقارساق دەيمەن شۇ. چۈشتىن بۇرۇن مۇنبەر بىر مەھەل تازا قىزىپ كەتتى، مەنمۇ ئازراق تەييارلىقمۇ قىلغان، ئەمما ئۇ ئىنكاس شەكلىدىكى يازمىلارنىڭ بەزىلىرى ماڭا پەقەت ياقمىدى،.... شۇڭا مەن بۇ يازمىنى ئايرىم تېما شەكلىدە يوللىغان.
رەخمەت سىزگە، پىكىر ئالماشتۇرۇپ تۇرايلى.

火山

ئۇنداق ئەمەس !سىز يوللىغان تېمىدا بىرەرمۇ يەردە ئېملا ىاتالىقى تاپقىلى بولمايدۇ !ئۇنىڭ ئۈستىگە ئېرنمەي باشقلارنى ئېلھاملاندۇرىدىغان شۇنداق ياخشى ئېنكاسلارنى يازىسىز !يوللىغان تېمىىڭىز ھەم ئېشلەتكەن بېزەكلىرىڭىز بەكمۇ ئېسىل بۇجەھەتتە ھەممە ئادەم سىزگە قايىل بولماي تۇرالمايدۇ !مېنىڭ سىزدىن ئۈگىنىدىغان  تەرەپلىرىم كۆپ !
شۇڭا كۆپرەك تەلىم بېرەسىز

گۈلزار

                 توغرا دەيسىز بايقاش ئۆزى گۇلزارلىق ئىكەن .
                 گۈلزارلىقتا خۇشپۇراق گۇللەر كۆپ ئىكەن .
                 گۇلزارلىقتا سىزدەك  بولغاچ پەرۋىشكارلار ،
                 ئېچىلاركەن تۇرلۇك تۇمەن  سەر خىل گۇللەر .

                 مەنمۇ كەلدىم بۇ گۇلزارلىققا ،  
                 بۇ گۇللەردىن ھوزۇر ئالاي دەپ .
                 قوشېۋىلىڭ  بىزنى قاتارغا ،
                 كېلىپ قالدۇق بۇ ماكانغا .

                سىناقلارنى ئېلىپ بولغانسىز ،
                بىزەكلەرنى تىزىپ بولغانسىز ،
                سىزگە بولغان قايىللىقىمنى .
                چىن يۇرەكتىن قوبۇل قىلغايسىز .


                 

XAM

روھىم مەڭگۈ يالقۇنلۇق مەشئەل روھىدۇر،
ئەل ئۈچۈن خىزمەت قىلىپ كۆيىمەن ئەبەد.
ئىيول ئېيىدا دىدارلىشىشقا تەقەززا بۇلۇپ،
پاياندازلار راسلىدىم كۈتىمەن پەقەت.

XAM

ۋەدە يالغان بولمىسۇن ئىشلىرىمنى تاشلىدىم،
دىدارلىشىش غەنىمەت كۈن ساناشنى باشلىدىم.
ھۆرمىتىم زور سىزلەر ئۈچۈن ئامان بۇلۇڭ،
ھاياجان ئىلكىدە كۆزلىرىمنى ياشلىدىم.