2015/2016 -ئوقۇش يىلى 2-مەۋسۈملۇق ئوقۇش باشلاشتىن بۇرۇنقى تۈرلۈك تەييارل...

ئايرال

يېڭشەھەر ناھىيىسىدە 2015/2016 -ئوقۇش يىلى 2-مەۋسۈملۇق ئوقۇش باشلاشتىن بۇرۇنقى تۈرلۈك تەييارلىق خىزمەتلىرى باشلاندى

مۇنتىزىم مائارىپ تورى خەۋىرى: 2016-يىلى 2-ئاينىڭ 18-كۈنى چۈشتىن بۇرۇن، قەشقەر ۋىلايىتى يېڭشەھەر ناھىيىسىدە 2015/2016 -ئوقۇش يىلى 2-مەۋسۈملۇق ئوقۇش باشلاشتىن بۇرۇنقى تۈرلۈك تەييارلىق خىزمەتلىرىنى ئورۇنلاشتۇرۇش يىغىنى چاقىرىلدى. يىغىنغا يېڭشەھەر ناھىيىسىدىكى ھەر قايسى يەسلى، مەجبۇرىيەت مائارىپى باسقۇچىدىكى ئوتتۇرا-باشلانغۇچ مەكتەپ ۋە ناھىيىگە بىۋاستە قاراشلىق مەكتەپلەرنىڭ ئىلمىي مۇدىرلىرى، ھەر قايسى ئوقۇتۇش تەتقىقات ئىشخانىسىنىڭ مۇدىرلىرى، ئوقۇش تەۋەلىك باشقۇرغۇچى خادىملار قاتارلىقلار قاتناشتى. يىغىندا 2015/2016 -ئوقۇش يىلى 2-مەۋسۈملۇق ئوقۇش باشلاشتىن بۇرۇنقى تۈرلۈك تەييارلىق خىزمەتلىرى ئورۇنلاشتۇرۇلدى ۋە يېڭشەھەر ناھىيىسىنىڭ 2016-يىللىق خىزمەتلىرىنىڭ مۇھىم نوقتىسى ئوتتۇرىغا قويۇلۇپ، يىغىن ئىشتىراكچىلىرىنىڭ مۇزاكىرە قىلىشى ۋە كىيىنكى قەدەملىك خىزمەتلىرىنى پىلانلىشىغا پۇقتا ئاساس كۆرسىتىلىپ بىرىلدى.
يىغىندا ناھىيىلىك ئاساسى مائارىپ ئىشخانىسىدىن مۇناسىۋەتلىك خادىملار بۇ ماۋسۈملۈك مەكتەپ كالىندارى، ئوقۇ-ئوقۇتۇش ۋاقتى، ھەر دەرىجىلىك مەكتەپ ھەر قايسى باسقۇچلاردىكى ئوقۇتۇش سىنىپلىرىنىڭ دەرس تەسسىس قىلىش جەدىۋىلى، مەشغۇلىيەت جەدىۋىلى، «تەنتەربىيە، مۇزىكا 1+2 پائالىيىتى» نى يولغا قويۇش لاھىيىسى، مەجبۇرىيەت مائارىپى باسقۇچىدىكى مەكتەپ ئوقۇغۇچىلارنىڭ ئوقۇش تەۋەلىكىنى باشقۇرۇش خىزمىتى ۋە ئۆلچەملەشكەن مەكتەپ بەرپا قىلىش خىزمىتى بويىچە مۇناسىۋەتلىك خىزمەتلەرنى قانات يايدۇرۇش توغرىسىدا مەخسۇس تەربىيلەش ئېلىپ باردى ۋە مۇناسىۋەتلىك خىزمەتلەرنى ئۇقتۇردى.

يىغىندا كۆرسىتىلىشىچە، 9-فىرال بارلىق ئوقۇتقۇچى-ئوقۇغۇچىلار نورمال مەكتەپكە قايتىپ، ئەسلىدىكى پىلان بويىچە مۇناسىۋەتلىك پائالىيەتلەرنى ئېلىپ بارىدىكەن. ئالدىمىزدىكى ھەپتىنىڭ 1-كۈنىدىن باشلاپ ئوقۇتقۇچى، ئىشچى-خىزمەتچىلەر نورمال ئىشقا چۈشىدىكەن. 23-فىرالدىن 25-فىرالغىچە ئوقۇتقۇچىلار مەركەزلىك ئۈگىنىشكە تەشكىللىنىدىكەن. 26-فىرال ئوقۇتقۇچى-ئوقۇغۇچىلار نورمال مەكتەپكە قايتىپ، ئەسلىدىكى پىلان بويىچە مۇناسىۋەتلىك پائالىيەتلەرنى ئېلىپ بارىدىكەن.

29-فىرال 1-يىللىقتىن 3-يىللىقلارغىچە بولغان ئوقۇغۇچىلارغا رەسمىي دەرس باشلىنىدىكەن. 4-يىللىقلاردىن يۇقىرى يىللىقلارغا 29-فىرالدىن 3-مارىتقىچە 4 كۈن مەركەزلىك ئۈگىنىش پائالىيىتى ئېلىپ بېرىلىدىكەن. 4-مارىت رەسمىي ئوقۇش باشلىنىدىكەن.

مەنبە: مۇنتىزىم مائارىپ تورى   بۇ يەرنى بېسىپ ئەسلى مەنبەدىن زىيارەت قىلىڭ