ئاتا-ئانىلارغا مىننەتدارلىق بىلدۈرۇپ ئۇلارنىڭ ئۈمىدىنى ئاقلايلى

مۇڭلۇق

ئاتا-ئانىلارغا مىننەتدارلىق بىلدۈرۇپ ئۇلارنىڭ ئۈمىدىنى ئاقلايلى
ئەسسالامۇ ئەلەيكۇم ھۆرمەتلىك مىھرى ئىللىق ،قەلبى ئاتەش،كۆيۉمچان ئۇستازلار،سۆيۉملۉك ساۋاقداشلار ، ئەتىگەنلىكىڭلار حەيرىلىك بولسۇن،
مەن بۉگۉنكى بايراق چىقىرىش مۇراسىمى مۇناسىۋىتى بىلەن ھەرقايسىڭلار بىلەن ئورتاقلىشىش پۇرسىتىگە ئىرىشكىنىمدىن تولىمۇ حۇشالمەن.
مىنىڭ سىلەر بىلەن ئورتاقلاشماقچى بولعان تىمام « ئاتا-ئانىلارعا مىننەتدارلىق بىلدۉرۇپ ئۇلارنىڭ ئۉمىدىنى ئاقلايلى»
ھەممەيلەنگە مەلۇملۇق ،دۇنيادىكى ئەڭ ئۇلۇع ئىنسان ئانا ،ئۇنۇڭدىن قالسا دادا، دىمەك ئاتا-ئانىمىز بىزنىڭ مۇشۇ دۇنيادىكى ئەڭ يىقىن كىشىلىرىمىز ،بۇنىڭ سەۋەبىنى بىلمەيدىعان ساۋاقداشلارنى يوق دەپ ئويلايمەن. شۇنداق بولسىمۇ بۇ ھەقتە ئاز تولا چۉشەنچە بىرىشنى مۇۋاپىق كۆردۉم.
ساۋاقداشلار ئاتا-ئانىمىزنىڭ بىزنى تۇغۇلغاندىن تارتىپ مۇشۇ ياشقىچە بولغان ئارلىقتا بىزنى بېقىپ چوڭ قىلغۇچە قانچىلىك جاپالارنى تارتىدىغانلىقىنى بىلىمىز ،ھەم بىلمىسەك بولمايدۇ، بۇنى تەپسىلى سۆزلەپ ئولتۇرماي ،ئەڭ ئاددىيسى ئۇلار بىزنى ئۆزىگە ئوخشاش جاپا تارتىپ قالمىسۇن ،كىيىن ياخشى كۇنلەرنى كۆرسۇن دەپ ئۆينىڭ ئىشلىرىدىن كېچىپ ،خەجلەيدىغان پۇلۇڭلارنى كەم قىلماي ،بىز نىمىگە ئىھتىياجلىق بولساق شۇنى دەرھال ئورۇنلاپ كىلىۋاتىدۇ .بالام ياخشى ئوقۇپ ياراملىق ئادەم بولسىكەن دېگەننى ئويلاۋاتىدۇ. بۇ ھەرگىز بالام چوڭ بولۇپ موئاش ئالسا ماڭا ئازراق بىرەمدىكى دېگەن مەقسەت ئەمەس ساۋاقداشلار.
قىش كۈنلىرى مىھرىبان ئانىمىز تاڭ سەھەردە ئورنىدىن تۇرۇپ بىزنىڭ مەكتەپكە بېرىش-كېلىش جەريانىدا توڭلاپ كەتمەسلىكىمىز ئۆچۈن تاتلىق ئۇيقۇسىدىن كېچىپ پايپاق ئىشتانلىرىمىزنى ياماۋاتقان مەنزىرلەرنى كۆز ئالدىمىزغا كەلتۇردىغان بولساق ئۇلارنىڭ بىز ئۆچۈن نەقەدەر ئېغىر جاپالارنى چېكۋاتقانلىقىنى ھېس قىلالايمىز.         
ئاتا-ئانىمىزنىڭ بىزگە قىلغان غەمخورلىقىنى تەپسىلى  سۆزلىسەم نەچچە كۈندىمۇ سۆزلەپ تۈگىتەلمەيمەن ،بولدى ھەممە ئادەم بىلدىغان ئەقەللى پاكىتنى ھازىرچە مۇشۇنچىلىك سۆزلەي.
ساۋاقداشلار ئەمدى   ئاتا-ئانىمىز بىز ئۈچۈن شۇنداق ئەجىر قىلىپ بىزدىن شۇنداق زور ئۈمىدلەرنى كۈتۈۋاتقان شارائىتتا بىز زادى قانداق قىلىشىمىز كىرەك؟ بۇھەممە پەرزەنتلەرنىڭ چوڭقۇر ئويلاپ بېقىشىغا تېگىشلىك مۇھىم مەسىلە.بۇ مەسلىگە ئەتراپلىق پىكىر يۈرگۈزۈپ مۇلاھىزە قىلىپ ئالدى بىلەن  ئاتا-ئانىمىزنىڭ بىزدىن نىمىلەرنى ئۈمىد قىلدىغىننى چۈشىنىشىمىز كىرەك.ئەلۋەتتە  ئاتا-ئانىمىز بىزنىڭ تىرىشىپ ئۆگىنىپ قابىليەت ئىقتىدار يېتىلدۈرۈپ ياراملىق ئادەم بولىشىمىزنى ئۈمىد قىلىدۇ، ھەرگىزمۇ بالام چوڭ بولسا ماڭا 5 موچەن بىرەمىكى دەپ ئۈمىد قىلمايدۇ،
ئۇنداق بولسا بىز بۇ ئۈمىدنى ئاقلاش ئۆچۈن قانداق قىلىشىمىز كىرەك؟
بۇنىڭ ئۈچۈن بىز مەكتەپتە تىرىشىپ ئوقۇپ ئىلىم-پەن بىلىملىرىنى  ئىگەللەپ ھەم قوراللىنىپ كەلگۈسىدە ياراملىق ئادەم بولۇپ يىتىشىپ چىقىش ئۆچۈن ھازىردىن باشلاپ تىرىشچانلىق كۆرسىتىشىمىز كىرەك. ئۇلارنى ھورمەتلەپ ،ئاسراپ،كۆيۈنۈپ ئۇلارنىڭ بىزنى باققان ،بىزنى ياخشىئوقۇپ بىلىم ئېلىش شارائىتىنى يارىتىپ بەرگەن ئەجرىگە لايىق جاۋاپ قايتۇرۇش ئۆچۈن بىز يەنە ئاتا-ئانىلارنى ھورمەتلەيدىغان ئېسىل ئەخلاق-پەزىلەت يىتىلدۇرشىمىز كېرەك.
ساۋاقداشلار ھەممەيلەن بىردەك ھەركەتكە كېلىپ ئېسىل ئەخلاق-پەزىلىتىمىز بىلەن،ئۆگىنىشتىكى تىرىشچانلىقىمىز بىلەن ئاتا-ئانىلىرىمىزغا مىننەتدارلىقىمىزنى بىلدۈرۈپ ئۇلارنىڭ ئۈمىدىنى ئاقلاش ئۆچۈن تىرىشچانلىق كۆرسىتەيلى  !
كۆپچىلىككە رەھمەت
تىل-ئەدەبىيات ئوقۇتۇش گورۇپپىسىدىن :
تۇرسۇنجان تاش