| ئەرلىك بۇرۇچ
بۈگۈن تېيىپجان ھادىنىڭ ‹ پالۋان كەلدى› ناملىق ھىكايىسى ئوچۇق دەرس قىلىپ ئۆتۈلدى . بۇ ئىككىنچى دەرس سائىتى بۇلۇپ،ئوقۇتقۇچىنىڭ ئوقۇغۇچىلارنى دەرسكە باشلاپ كىرىشى، ئوقۇغۇچىلارنىڭ ماسلىشىشى، قىزغىنلىقىمۇ يۇقىرى ،دەرسخانا كەيپىياتىمۇ ناھايىتى ياخشى ئىدى. ئوقۇتقۇچى دەرسنىڭ مۇھىم مەزمۇنلىرىنى ئەتراپلىق يەتكۈزۈپ، دەرس خۇلاسىسىنى ئوقۇغۇچىلاردىن سۇئال سۇراپ،شۇلارنىڭ جاۋابى ئارقىلىق يەكۈنلىمەكچى بولدى.باشتا سۇرالغان ‹سادىر پالۋان ئايالى ۋە بالىلىرىنى يەنە قانداق ئۇسۇللار بىلەن قۇتقۇزۇپ چىقىشى مۇمكىن؟› دېگەن سۇئالغا ئوقۇغۇچىلار بەس-بەستە ئۆزلىرىنىڭ ئويلىغانلىرىنى ئوتتۇرىغا قويدى.كېيىنىكى ‹ سىز سادىر پالۋاننىڭ ئايالى ۋە بالىلىرىنى قۇتقۇزۇش ھەركىتىدىن نېمىنى ھىس قىلدىڭىز؟› دېگەن سۇئالغا ئوقۇغۇچىلار بەس-بەستە سادىر پالۋاننىڭ باتۇرلىقى،ئەقىل-پاراسىتىنى تەرىپلەپ پىكىر قاتناشتۇردى. ئوقۇتقۇچىنىڭ ئوقۇغۇچىلاردىن كۈتىدىغىنىمۇ شۇ بولسا كېرەك، ئوقۇغۇچىلارنىڭ بەرگەن جاۋاپلىرىغا ياخشى باھا بىرىپ چىقتى. لېكىن ئاخىرىدا پىكىر بايان قىلغان بىر قىز ئوقۇغۇچى بۇ سۇئالغا ‹ سادىر پالۋاننىڭ ئايالى ۋە بالىلىرىنى قۇتقۇزۇپ چىقىشى نۇرمال ھەرىكەت. ئۆزىنى ئەركەك ھىسابلايدىغانلار ئۈچۈن ئايالى ۋە بالىلىرىنى قۇتقۇزۇشى، ئۇلارنى قوغدىشى بۇ بىر مەسئولىيەت ، ئەرلىك بۇرۇچ. سادىر پالۋان شۇلارنى قىلالىدى.› دەپ جاۋاپ بەردى.
بۇ جاۋاپنى ئاڭلاپ ئوقۇتقۇچى تەمتىرەپ قالدى، ئەدەبىيات ئوقۇتۇش گۇرۇپپىسىنىڭ باشلىقى مەنىلىك كۈلۈمسىرەپ قويدى.
مەنبە: ئۆز قەلىمىم
|
|
شۆھرەت
تۆھپە
تىللا
قىزغىنلىق
ۋاقتى: 2015-11-11 12:04:50
