مودىر تەكلىپ قىلىش ئېلانى

ئەبگاھ

مودىر تەكلىپ

قىلىش ئېلانى
(فىليەت

ۇن)
ئەخلاقىي تەربىيە-مەكتەپ تەلىم-تەربىيىسىنىڭ يېتەكچىسىدۇر، مەكتىۋىمىز «ئىختىساسلىق»لارنىڭ كەمچىل بولىشى،ئەخلاقىي تەربىيە خىزمىتىگە بولغان تەلەپنىڭ كۈنسىرى كۈچىيىشى، شۇنداقلا مەكتەپ بىلەن ھەرقايسى ئاتا- ئانىلار ئوتتۇرىسىدىكى تۈگىمەس جىدەل- ماجرالارنىڭ كۆپىيىشى قاتارلىق سەۋەپلەر تۈپەيلىدىن، يۈكسەك دېموكراتىيىنى گەۋدىلەندۈرۈپ ،جەمىيەتتىن ئاشكارا بىر نەپەر ئەخلاقىي تەربىيە بۆلۈم مۇئاۋىن مودىرى تەكلىپ قىلماقچى، مۇناسىۋەتلىك ئىشلار تۆۋەندىكىچە :
1.        تەكلىپ قىلىش شەرتلىرى:
1)پارتىيىنى ھىمايە قىلىدىغان، پارتىيىنىڭ «تۈرلۈك سىياسەت»لىرىنى  چۈشىنىدىغان، پارتىيىۋىلىك مەيدانى مۇستەھكەم، ئۈچ يىلدىن يۇقىرى پارتىيە سىتاژىغا ئىگە،بەش يىلدىن يۇقىرى خىزمەت تارىخى بولغانلار؛
2) قانۇن- ئىنتىزام  كۆز قارىشى يۇقىرى،مەسئۇلىيەتچانلىقى كۈچلۈك، مۇشۇ كەسىپنى قىزغىن سۆيىدىغان، ئەخلاقلىق، «ئۈچ ئەخلاق»نى چۈشىنىدىغان،قانۇن-ئىنتىزامغا خىلاپ ئىش-ھەركەتلىرى بولمىغانلار؛
3) ئىجتىمائى مۇناسىۋەتكە ماھىر، «پىداگوگىكا –پىسخولوگىيە» سەۋىيىسى يۇقىرى ، 25 ياشتىن يۇقىرى،35 ياشتىن تۆۋەن،تولۇق كۇرس مەدىنىيەت سەۋىيىسىگە ئىگە بولغانلار؛
4) تۆۋەندىكىدەك قىلمىشلىرى بارلار  قوبۇل قىلىنمايدۇ:
(1) ئەدلىيە ئورگانلىرى تەرىپىدىن بىر تەرەپ قىلىنغانلار؛
(2) ج خ ئورگانلىرى تەرىپىدىن چارە كۆرۈلگەنلەر؛
(3) پىلاندىن سىرت پەرزەنت كۆرگەنلەر؛
(4) باشقا ئەخلاقسىزلىق قىلمىشى بولغانلار.
قوبۇل قىلىش دائىرىسى :
ۋىلايەت بويىچە ئاشكارا ئىمتىھان ئېلىنپ قوبۇل قىلىنىدۇ. ئەگەر نوپۇسى شەھەردە بولسا ئوقۇش تارىخى ئوتتۇرا تېخنىكوم ياكى شۇنىڭدىن يۇقىرى بولسا؛ نوپۇسى ناھىيە بازارلىرىدا بولسا ئالىي تېخنىكوم ياكى شۇنىڭدىن يۇقىرى بولىسا ؛ نوپۇسى مۇشۇ يېزىدا بولسا تولۇق كۇرس ياكى شۇنىڭدىن يۇقىرى  بولسا تىزىملاتسا بولىدۇ.
باشقا مۇناسىۋەتلىك ئىشلار:
1. ئىمتىھان يېزىقچە ۋە يۈزتۇرانە ئىمتىھان شەكلىدە بولىدۇ. ئىمتىھانغا تىزىملاتقۇچىلار سانى بەشكە يەتمىسە بۇقېتىمقى ئىمتىھان ئەمەلدىن قالدۇرىلىدۇ.
2. يېزىقچە ئىمتىھان ئۇيغۇرچە، يۈزتۇرانە ئىمتىھان خەنزۇچە ئېلىنىدۇ. ( مەكتىۋىمىز مىللىي مەكتەپ بولغاچقا خەنزۇ تىلىدا ئوقۇغان مىللىيلارغا ئالاھىدە ئېتىبار قىلىنىدۇ) يېزىقچە ئىمتىھاندا ئالدىنقى ئۈچىنجىلىككىچە ئېرىشكەنلەر يۈز تۇرانە ئىمتىھانغا قاتناشتۇرۇلۇپ، «ئىپادىسى ئالاھىدە» بولغانلار ۋەزىپىگە قويىلىدۇ.
تىزىملاش ۋاقتى : XX ئاينىڭ 4-كۈنى چۈشتىن كىيىن سائەت 6:30 دا باشلىنىدۇ.
تىزىملاش ئورنى : مەكتەپ مودىرى ئىشخانىسى ،
ئالاقىلاشقۇچى : « ئالىيجاناپ »
ئالاقىلىشىش تېلېفۇنى :xxxxxxx
ئەسكەرتىش : يۇقىرىنىڭ بەلگىلىمىسى بويىچە ، كۈندۈزى دەرۋازا تاقىلىدىغان بولغاچقا « ئارقا ئىشىك » بىلەن ماڭسىڭىز بولىدۇ.
XX ۋىلايىتى قاراڭغۇ بازار ناھىيىسى قۇمۇشلۇق يېزا «تولماس غار» ئوتتۇرا مەكتىپى
XXيىلى XXئاينىڭ XXكۈنى

زىبا.

نىمانچە   ئىسىل   چىققان   فىليەتۈن  بۇ  ،  جەمىيەتتە   ھازىر    بۇلۋاتقان   ئىشلار  ،ئادەمنى  ھەقىقەتەن    ئېچىندۇردۇ  .

ئاسۇق0997

بەك ياخشى يېزىلىپتۇ. ئوقۇپ سۈيۈندۇم.
تەكىۋىم مەنبەنى ئەسكەرتىۋەتكەن بولسىڭىز..........

ئەبگاھ

بۇئۆزۈم يازغان ئەسەر، كۆچۈرېۋېلىش مەسلىسى مەۋجۈت ئەمەس، ئەسكەرتكىنىڭىزگە رەھمەت.

ئەقىدە02

ئىنتايىن قىزىقارلىق چىقىپتۇ...

قۇم

بەك ياخشى يېزىلىپتۇ................

pari

بۇ شەرتلىرىڭىزگە مەن چۈشىدىغاندەك قىلىمەنغۇ ؟ ھى ھى ھى ..........ياخشى يېزىلىپتۇ ، رەھمەت .