| بۇ يازمىنى ئاخىرىدا ئالىم تەھرىرلىگەن. ۋاقتى 2014-12-3 23:24
توي كۆپىنچە كىشى ئۆمرىدە بىر قېتىم بولىدۇ .شۇنىڭ ئۈچۈن بۇ مۇراسىم شاد-خوراملىققا چۆمگەن بولىدۇ،ھازىر جەمىيىتىزنىڭ ئۇچقاندەك تەرەققىي قىلىشىغا ئەگىشىپ ھەر قايسى جايلاردىكى قائىدە-يوسۇنلىرىمىزمۇ بۇرۇنقى ئەنئەنىلىرىنى بارا-بارا يۇقىتىپ ،ھەر خىل شەكىلدە ئۆزگەرتىلىپ ئۆتكۈزۈلمەكتە ،ھېلىمۇ ئېسىمدە ،ئالىي مەكتەپتە ئوقۇۋاتقان ۋاقتىمدا،دوسلۇرۇمغا ئاچىلىرىمىنىڭ ۋەيۇرتتىكى باشقا تۇققانلارنىڭ توي پىلاستىنكىسىنى كۆرسىتىپ قويسام ھەيران قېلىشقان ئىدى ،بەك ھەيران قالغۇدەكمۇ ئەمەس ، بەلكىم ئۆزيۇرتىنىڭ تويلىرىغا ئوخشاش بولمىغاچقا قىزىقارلىق ھېس قىلغان بولۇشى مومكىن ، تۆۋەندە مەن بىزنىڭ يۇرتتىكى توي مۇراسىمنىڭ ئۆتكۈزۈلۈش قائىدە-يوسۇنلىرىنى بىلگىنىمچە تورداشلارغا ئازراق سۆزلەپ بېرەي .
يۇرتۇم توقسۇندا، ئېسىمنى بىلسەم كىچىك ۋاقىتلىرىمدا توي بولۇشتىن ئۈچ ھەپتىلەر بۇرۇن يىگىت تەرەپنىڭ چوڭلىرى ‹تازىم› غا كەلدۇق دەپ قىز سوراپ كېلىدىغان ، قىزتەرەپ ماقۇل بولغاندىن كېيىن ، يەنە بىرقانچە كۈندىن كېيىن ‹ئىشىك ئېچىش › دەپ ،قىز تەرەپنىڭ ئۆيىگە تويلۇق ( پۇل-پىچەك ، قىز تەرەپنىڭ دىگىنى بويىچە ) ئېلىپ كېلەتتى ، لېكىن ھازىر ئۇ قائىدىلىرىمىز بارا-بارا يوقىلىپ پەقەت ‹ ئىشىك ئېچىش ›لا قاپتۇ ، شۇنچىلىك يىغىنچاق .
ئەمدى توي كۈنىگە كەلسەك ،توي كۈنى ئەتتىگەندە يىگىت تەرەپ جامائەتلىرى قىز تەرەپنىڭ ئۆيىگە بېرىپ ، قىز تەرەپنىڭ جامائەتلىرى بىلەنبىر ئۆيگە كىرىپ كېلىنچەك ۋە ئۇنىڭ قولدىشىنى چاقىرىپ نىكاھ ئوقۇيدۇ ( بىلىشىمچەبىزنىڭ يۇرتتىلا شۇنداق قىز-يىگىتنى بىريەرگە ئولتۇرغۇزۇپ نىكاھ ئوقۇيدىغۇ دەيمەن، يەنە كېلىپ ئۇ جەرياننى سۈرەتكە ئالغىلى قويىدۇ ) . نىكاھ ئوقۇپ بولغاندىن كېيىن ، يىگىت تەرەپنىڭ قىز تەرەپ تەييارلاپ قويغان تويلۇقلارنى ئېلىپ كېتىدۇ ، چۈشلەردە يىگىت تەرەپنىڭ ئاتا-ئانىسى،ئۇرۇق-تۇققان ، دوستلىرى قىزنى كۆچۈرگىلى كېلىدۇ ، ئۇيەردە تاماقلىنىپ بولغاندىن كېيىن ،ئاياللار بىيىت توقۇشۇپ بىر-بىرىگە تەييارلىغان سوۋغاتلىقلارنى تۇتىدۇ (بۇمۇ توينىڭ ئەڭ قىزىيدىغان قىسمى بولۇپ ھېسابلىنىدۇ.) بىيىت ئۇقۇپ بولغاندىنكېيىن قىزنىڭ يۈزىنى يېپىپ ئانىسى بىلەن كۆرۈشتۈرگىلى ئېلىپ كېرىدۇ ( بۇ دوستلىرىمئەڭ ھەيران قالغان كۆرۈنۈش ،چۈنكى قىز ئانىسىنىڭ يېنىغا يىغلاپ كىرىدۇ ،دوستلىرىم كۆرۈپ ،ئۆلۈم بولغاندەكلا يىغلايدىكەنغۇ، دەپ ھەيران قالغان ، شۇ دىمىسىمۇ ، ھەقىقەتەن بەك يىغلاپ كېتىدۇ ،بۇنى مەن بۇيەردە پەقەت يۇرتتىكى قائىدىلەرنىڭ بىر قىسمى دەپ چۈشەندۈرىمەن .)
قىزنى ئانىسى بىلەن كۆرۈشتۈرۈپ بولغاندىن كېيىن ، كۆچۈرۈپ ئېلىپ كېتىدۇ ( يىگىتنىڭ ئۆيىگە ) ، بارغاندىن كېيىن يىگىتنىڭ ئانىسى كېلىپ قىزنىڭ يۈزىنى ئاچىدۇ ، قىزتەرەپ تۆش ( قوي گۆشى ) پۇشۇرۇپ ئەكىلىدۇ ، يىگىتنىڭ دوستلىرى قىزلارنىڭ يېنىغاكېرىپ يەنە بىيتلەرنى ئېيتىشىپ تۆشنى سوراپ ئېلىپ ، سىرتقا ئېلىپ چىقىپ تالىشىپ يەيدۇ ، بۇمۇ توينى ناھايىتى قىزىتىدىغان قائىدەيوسۇنلارنىڭ بىرى(چوڭلاردىن ئاڭلىشىمچە گۆشنى كىم تالىشىپ يەۋالسا ، كېيىنكى قېتىم شۇنىڭ تويى بولارمىش ) ، قىزلارتاماق يەپ بولغاندىن كېيىن ،رېستۇرانغا بېرىش ئۈچۈن تەييارلىق قىلىش ئۈچۈن مېڭىپ كېتىدۇ .كەچتە ھەممەيلەن تەييارلىقلىرىنى قىلىشىپ رېستۇرانغا يىغىلىپ شۇيەردەئۆتكۈرىدۇ .
توي ھەقىقەتەنمۇ بارچە ئالەمنى شاتلاندۇرىدىغان ياخشى ئىش ، ئىككى ياشنىڭ نىكاھ ئوقۇلغاندانۇرغۇن گۇۋاھچىلارنىڭ ئالدىدا ‹ دۇنيا ۋە ئاخىرەتتە بىللە ئۆتۈش ،بىر-بىرىنىڭ ماددىي ۋە مەنىۋىي جەھەتتىكى ھەقلىرىگە خىيانەت قىلماسلىق ، مەسئولىيەتنى ئادا-قىلىش ،پەرزەنتلىرىنى سالىھ تەربىيلەش › توغرىسىدا بىر-بىرىنى قوبۇل قىلىش ۋە ۋەدە بېرىشتۇر. مۇشۇ ئويلار بىلەن ئىسراپچىلىق چىگرىسىدىن چىقماي ئۆتكۈزۈلسە ھېچ بىر زىيىنى يوق.ئادەتتىن تاشقىرى چوڭچىلىق قىلىش ياكى ئۆرۈپ –ئادەت ، قائىدە-يۇسۇندىن چىقىپ كېتىپ كېرەكسىز ھالدا مال-دۇنيا سەرپ قىلىش مۇۋاپىق ئەمەس.ئەلۋەتتە بۇ توغۇرلۇق نۇرغۇن –نۇرغۇن ياخشى ئەسەرلەر بار ، مەن بۇيەردە جىق سۆزلەپ ئولتۇرماي .
بۇنى كۆرۈپ ئۆزىڭىزنىڭ يۇرتىدىكى توي قائىدىلىرىنى سۆزلەپ بەرگۈڭىز كەلدىغۇ دەيمەن ،قېنى ئەمسە توردىشىم ، ھەممىمىز بىرلىكتە ئاڭلاپ باقايلى !!~ |
|
شۆھرەت
تۆھپە
تىللا
قىزغىنلىق
ۋاقتى: 2014-12-3 22:47:49
ۋاقتى: 2014-12-3 23:21:31
