قۇتلان ماركىسىدىكى ‹‹ئانا تىلىمA100››يانفۇنى ئېلان قىلىندى

تۈرگۈن

ئەسسالامۇ-ئەلەيكۇم !
بۇ يانفۇننىڭ ئېلان قىلىنىشى مەن ئۈچۈن شۇنداقلا ‹ئۇيغۇرچە ئاندىروئىد سىستېمىلىرىغا قانداق تەلەپ بار › دېگەن تېمىغا ئىنكاس يېزىپ تەلەپ-پىكىر بەرگەن قېرىنداشلىرىمىز ئۈچۈن چوڭ ئەھمىيەتكە ئىگە .شەخسەن ئۆزۈم ئالىي مەكتەپتە ئوقۇۋاتقان ۋاقتىمدا ئاندىروئىد سىستېمىسىغا قىزىقىپ قىلىپ ئوقۇش پۈتتۈرسەم ئۇيغۇرلار ئۆزى قۇرغان يانفۇن شىركەتلىرىگە كىرىپ ئىشلەپ بىقىشنى ئارزۇ قىلغان ئېدىم ، بۇ شىركەتلەر ئىچىدىكى ئەڭ چوڭ تاللىشىم قۇتلان شىركىتى ئېدى ، كېيىن تەلىيىم ئوڭدىن كېلىپ ئوقۇش پۈتتۈرۈپلا قۇتلان شىركىتىگە كىرىپ ئىشلەپ قالدىم، قۇتلاننىڭ بۇ ئانا تىلىم تۈرىدىكى A100 تىپلىق يانفۇنى ئۆزۈم ئىشلەشكە قاتناشقان تۇنجى يانفۇن . يۇقارقى ‹ئۇيغۇرچە ئاندىروئىد سىستېمىلىرىغا قانداق تەلەپلەر بار ›دېگەن  تېمىغا ئىنكاس يازغان قېرىنداشلارنىڭ كۆپ قىسىم تەلەپلىرى موشۇ يانفۇندا تۇنجى قېتىم روياپقا چىقتى .نىمىلا دېمىگەن بىلەن ئۆزىمىزنىڭ پىكىر-تەلەپلىرىنى ئەستايىدىل ئويلىشىدىغىنى يەنىلا ئۆزىمىزنىڭ مىللىي كارخانىلىرىدە  .

ئانا تىلىم A100 يانفۇنى ھەققىدە :
يانفۇن ماركىسى :قۇتلان
تۈرى : ئانا تىلىم
تىپى :A100
بازارغا چىقىدىغان ۋاقىت :2014-3-15
تور ھالىتى :CDMA 3G ۋە GSM
كارتا : قوش كارتا قوش ھالەت
ئېكران چوڭلۇقى : 5.0 دىيوم
ئېكران ئېنىقلىقى :  720*1280
كامېرا : ئالدى 2 مىليون ،كەينى 5 مىليون
مەركىزى بىر تەرەپ قىلغۇچ : 4 يادرو 1.2G لىق شاۋلۇڭ S4 بىر تەرەپ قىلغۇچ
ئاندىرئىد سىستېما نەشىرى : 4.1.2
ئىجرا قىلىدىغان سىغىم ROM : 1G
ساقلاش سىغىمى RAM : 4G
باتارىيە : 2200mA
رەڭگى : ئاق رەڭ
تەھلىل :
بۇ يانفۇن كۆرۈنۈش جەھەتتىن ئۆزۈمنىڭ كۆزى بۇيىچە خېلى چىرايلىق يانفۇن دەپ قارايمەن ، نىپىزلىگىمۇ بولىدۇ .ئېكران، ساقلىغۇچ ، مەركىزى بىرتەرەپ قىلغۇچ ۋە باشقا سەپلىمە جەھەتتىمۇ باھاسىغا نىسبەتەن ھەقىقەتەن ئەرزىيدۇ .بولۇپمۇ ئېكرانى بەك سۈزۈك .قوش كارتا قوش ھالەت قوللايدۇ .باتارىيە 2200mA
سىستېما جەھەتتىن ئۆزىمىزنىڭ مىللىي تۇرمۇش ئادىتىگە ماسلاشتۇرۇلغان ، سىنبەلگە رەسىملەر پۈتۈنلەي مىللىيچە لايىھىلەنگەن ، ئۇسلۇب ئالماشتۇرۇش ئىقتىدارىغا ئىگە ،كېيىن ئۆزىمىز خالىغانچە مىللىيچە ئۇسلۇبلارنى ياساپ ئالماشتۇرۇپ ئىشلىتەلەيمىز.
يۇقارقى رەسىملەردە كۆرسىتىلمىگەن بىر ئىقتىدار recovery ئۇيغۇرچە ، كېيىن سىستېما نەشىرى يېڭىلايدىغان ۋاقىتتا باشقا تىلنى بىلمەيدىغانلار قىينالمايلا سىستېما يېڭىلىيالايدۇ .

قوشۇمچە :
نۇرغۇن تەرەققىي قىلغان دۆلەت ۋە مىللەتلەرگە قارىساق كۆپىنچىسى ئۆزىنىڭ مەھسۇلاتلىرىنى ئىشلىتىۋاتقانلىقىنى كۆرىمىز ،مەسىلەن ياپۇنىيە ،كورىيە ، يەھۇدىي دېگەندەكلەر .ياپۇنىيە ۋە كورىيەدە كۆپىنچى خەلق ئۆز دۆلىتىنىڭ مەھسۇلاتلىرىنى ئىشلىتىدۇ ، يەھۇدىيلار ئۆزى نەدىلا بولسۇن ئۆزىگە كېرەكلىك نەرسىلەرنى كۆپىنچىسىنى يىراق دېمەي يەھۇدىيلار ساتقان ئورۇنلاردىن ئەكەلدۈرۈپ ئىشلىتىدۇ . بىزنىڭ كارخانىلىرىمىزمۇ كۆپ تىرىشىۋاتىدۇ ھەم داۋاملىق خەلقنىڭ قوللىشىغا ئېرىشىپ كىلىۋاتىدۇ ۋەم داۋاملىق خەلققە مەنپەئەت يەتكۈزۈپ كېلىۋاتىدۇ ، شۇنداق مىللىي كارخانىلىرىمىزنىڭ داۋاملىق روناق تېپىشىغا تىلەكداشمىز !

ئېتىبارلىق سېتىش پائالىيىتى

قۇتلان ئاناتىلىم ئەقلىيفونى بازارغا سېلىنغانلىقىنى تەبرىكلەش ۋە بىزنى قوللاۋاتقان كەڭ ئىستىمالچىلارغا رەھمەت ئېيتىش يۈزىسىدىن ئېتىبارلىق سېتىش پائالىيىتى ئېلىپ بارىدۇ !
پائالىيەت مەزمۇنى : ئەسلى باھاسى 1199 يۈەن بولغان ئاناتىلىم ئەقلىيفونى پائالىيەت مەزگىلىدە  999 يۈەندىن سېتىلىدۇ .
پائالىيەت ۋاقتىدىن بۇرۇن ئالدىن زاكاس قىلغۇچىلارغا يەنە باھادا %5 ئېتىبار قىلىنىدۇ ،يەنى 950 يۈەندىن بېرىلىدۇ .
بىرلا ۋاقىتتا ئىككى ياكى ئۇنىڭدىن ئارتۇق سېتىۋالغۇچىلارغا باھادا ئىزچىل %5 ئېتىبار قىلىنىدۇ .
پائالىيەت ۋاقتى :2014-يىل 3-ئاينىڭ 15-كۈنىدىن 2014 -يىل 4-ئاينىڭ 15-كۈنىگىچە .

يانفۇن سېتىۋېلىش نۇقتىلىرى :
قۇتلان خەلقئارا سودا چەكلىك شىركىتى .
ئادرېس : ئۈرۈمچى تەڭرىتاغ رايونى جۇڭسەن خەلقئارا خەۋەرلىشىش مەيدانى 9-قەۋەت 903- ئىشخانا .
ئالاقىلىشىش ،مال زاكاس قىلىش نومۇرى 0991-2830803
تور ئادرېسى : www.kutlan.net
ئەلتەر خەلقئارا سودا چەكلىك شىركىتى
ئادرېسى : ئۈرۈمچى تەڭرىتاغ رايونى ئاققۇۋۇق ( نەنمېن ) ياخوڭ B بىناسى 12-قەۋەت 1204 ئىشخانا .
ئالاقىلىشىش ،مال زاكاس قىلىش نومۇرى 13319884244
تور ئادرېسى :www.elter.cc

تۈرگۈن

ئۇيغۇرچە ماركىدىكى، تىگىدىن ئۇيغۇرچە تۇنۇيدىغان يانفۇن ئىكەن. ئۇيغۇر تىلىمىزنى، ئۇيغۇر كارخانىچىلىرىمىزنى قوللاش يۈزىسىدىن ئىھتىياجلىقلار پايدىلانسۇن دەپ باشقا تور بەتتىن ئەكىرىپ يوللاپ قويدۇم.

بايقاش

خۇش خەۋەركەن. يەنىلا ئۆزىمىزنىڭ تېلىدا ئىشلەنگەن تېلفۇنلارغا يەتمەيدۇ. مەنمۇ بۇ قېتىم  ئۆزىمىزنىڭ تېلفۇنلىرىنى سېتىۋېلىشنى ئويلاۋاتىمەن. ئۇلار بىزنىڭ قوللىشىمىزغا مۇھتاج!