قۇربان ھېيتلىق مۇشائىرە

ئۇستاز

ئەسسالامۇ ئەلەيكۇم مۇنبەر ئەھلى!
بايقاش مۇنبىرىمىزدىكى چوڭ-كىچىك، قېرى-ياش، ئۇرۇق-سىمىز ھەممىڭلارنىڭ قۇربان ھېيتىغا مۇبارەكلەر بولسۇن. ھەممىڭلارنىڭ قۇربان ھېيتنى خۇشال-خۇرام خاتىرجەم ھالدا ئۆتكۈزىشىڭلارغا تىلەكداشمەن.
قۇربان ھېيت بولسا بىزنىڭ ئەنئەنىۋى بايرىمىمىز، ھەممىمىزنىڭ كىچىك ۋاقىتلىرى ئىسىدە بولىشى مۇمكىن ھېيت قاچان كىلەر دەپ كۈن ساناپ ئولتۇراتتۇق، ھېيت كۈنى ھەممىمىز چىرايلىق ھېيتلىق كىيىملىرىمىزنى كىيىشىپ، ھېيتلىق پۇللىرىمىزنى ئېلىشىپ تايچاق كەبى سەكرەپ ئوينىشاتتۇق.

مانا شۇ مۇبارەك ھېيت كىلىش ئالدىدا تۇرۇپتۇ. ھېيت كۈنى چوڭلارنى يوقلاشنى، كىچىكلەرگە ھېيتلىق بىرىشنى، ئۇرۇق-تۇققان، دوست-بۇرادەرلەرنىڭ ئۆيلىرىگە ھېيتلاپ بېرىشنى ئۇنتۇپ قالماڭلار. كىچىككىنە ئىشلار تۈپەيلىدىن ئازارلىشىپ قالغان يەرلەر بولسا ھېيت كۈنىدە يوقلاپ بېرىپ چىگىش تۈگۈننى يىشىۋېتىڭلار.
ئەمدى ھېيت كەلدى دەپ مۇنبەرنى ئۇنتۇپ قالماسلىقىڭلا ئۈچۈن مۇنبەردە «قۇربان ھېيتلىق مۇشائىرە» ئۇرۇنلاشتۇرۇشنى لايىق تاپتۇق، بارلىق مۇنبەر ئەھلىنىڭ كەڭ كۇشادە قاتنىشىشىنى سورايمىز.

ھەممە ئىشنىڭ قائىدە يۇسىنى بولغانغا ئوخشاش مۇشائىرىنىڭمۇ بەلگىلىك قائىدىسى بولىدۇ. تۈۋەندە بۇ قېتىملىق مۇشائىرىنىڭ قائىدىسىنى سۆزلەپ ئۈتەي.
1. مۇشائىرە 4 مىسرا بىر كوپىلىت قىلىپ يېزىلىدۇ.
2. داۋام قىلماقچى بولغان ئادەم ئالدىدا يېزىلغان مۇشائىرىنىڭ 4-مىسراسىنى ئېلىپ شۇنىڭغا 3 مىسرا قۇشۇپ بىر كوپىلىت قىلىپ مۇشائىرە قاتسا بولىدۇ.
3. چۇقۇم ئالدىدا يوللانغان مۇشائىرىنىڭ 4-مىسراسىنى ئۆزگرتمەي ئېلىش كىرەك. ئۆز ئالدىغا ئۆزگەرتىۋالغانلار بايقالسا مىللى ئۇسلۇپتا جازا بىرىلىدۇ.
4. بۇ مۇشائىرە بولغاچقا مۇشائىرىگە مۇناسىۋەتسىز بولغان ھەر تۈرۈرك ئىنكاسلار يوللانماسلىقى كىرەك، ئەگەر يوللىنىپ قالغان بولسا باشقۇرغۇچىلار تەرىپىدىن ئۈچۈرۈلۈپ تاشلىنىدۇ، شۇڭا ئەزالارنىڭ توغرا چۈشىنىشىنى سورايمىز.
5. ئەگەر  بىر مۇشائىرىگە ئىككى ياكى ئۇنىڭدىن كۆپ ئادەم بىرلا ۋاقىتتا مۇشائىرە يازغان بولسا، ئەڭ بۇرۇن يازغىنى ساقلاپ قېلىنىپ، كەينىدىكىلىرى ئۈچۈرۈلۈپ تاشلىنىدۇ. شۇڭا كەينىدە يېزىپ قويغانلار ئېغىر كۆرمەي تەھرىرلەپ يېڭىسىغا ماس ھالدا مۇشائىرە يازساڭلار بولىدۇ.
6.ئەگەر بىر مۇشائىرىگە ئىككى خىل مۇشائىرە يېزىلغان بولسا، سىز داۋام ئەتمەكچى بولسىڭىز چۇقۇم كىم ئاۋال يوللىغان بولسا شۇنىڭغا داۋاملاشتۇرۇڭ. بولمىسا سىزنىڭمۇ مۇشائىرىڭىز بىردەك ئۈچۈرىلىدۇ.
ھەر قانداق ئىشنىڭ خۇلاسىسى بولىدۇ، شۇڭا مۇشائىرە ئاياغلاشقاندا. بۇ تىمىغا چۈشكەن مۇشائىرىلەرنى رەتلەپ ئايرىم  تىما قىلىپ يېزىپ چىقىپ، ئاكتىپ ئاۋاز قوشقانلارغا ھېيتلىق تارقىتىپ تارتۇقلاش ئېلىپ بېرىلىدۇ.(بۇنى ئاخىرىدا مەن بىجىرىمەن)

ئەمىسە قۇربان ھېيتلىق مۇشائىرە مۇشۇ يەردە باشلاندى

كەلدى ئايەم، كۈلدى ئالەم، ئەل كۆڭلى شادلىقتا ،
كىيىپ دوپپا، قىسىپ گۈل، قىزلار كەلدى بەس - بەستە.
بەلنى باغلاپ، تۈرۈپ يەڭ، بولدى تەييار يىگىتلەر،
سېلىپ   ساما، ياڭرىتىپ ساز  ، كۈلەيلى بايقاشتا.

Qol~Ogli

  سېلىپ ساما،ياڭرىتىپ ساز، كۈلەيلى بايقاشتا
تاڭ زىباسى جىلۋە قىلسۇن چېھىرلەردە .
قۇت تىلەيلى، ھېيتلىشايلى ، ئىزلىشەيلى ،  
دوستلۇق گۈلى زەپ ئېچىلسۇن مېھىرلەردە .

گۈلزار

دوستلۇق گۈلى زەپ ئېچىلسۇن مېھىرلەردە،
ئايام شادلىقى جىلۋىلەنسۇن چېھىرلەردە .
ئاداۋەتنى چۆرۈپ تاشلاپ كۆڭلىمىزدە ،
ئۆملۈك رىشتى يىلتىز تارتسۇن يۈرەكلەردە .

دىلرۇس

ئۆملۈك گۈلى يىلتىز تارتسۇن يۈرەكلەردە،
ئاسايىش ھەم بەخت تىلەيلى تىلەكلەردە.
گۈلگۈن ھايات، پاك تەبىئەت دەۋران سۈرگەن،
جەننەت كەبى يۇرت قۇرايلى بىلەكلەردە!

بەختىيار(بايقاش

جەننەت كەبى يۇرت قۇرايلى بىلەكلەردە!
ئايەم شادلىقى ئەۋج ئالسۇن پەلەكلەردە.
جۆر بولسۇن جىمى بارچە شادىيانە دەۋرانغا،
دوستلۇق كۈيى ياڭرىسۇن ھەربىر پاك قەلىبلەردە.

pari

بەختىيار(بايقاش يوللىغان ۋاقتى  2013-10-14 09:56
جەننەت كەبى يۇرت قۇرايلى بىلەكلەردە!
ئايەم شادلىقى ئە ...

دوستلۇق كۈيى ياڭرىسۇن ھەربىر پاك قەلىبلەردە،
خۇسال  كۈلۈپ يايراپ ئارزۇ -ئارمان تىلەكلەردە،
جېمى ئەزا جۆر بولۇپ ئىللىق ماكان بايقىشىمدا ،
كۈي ياڭراتسۇن، كۆككە يەتسۇن ،ئاسمان پەلەكلەردە

Qol~Ogli

ياڭراتسۇن كۈي ، ناۋا ئەيلەپ،مېھرىبانلار،
قۇت تىلەشسۇن، خۇلۇم-خوشنا قەدىردانلار .
ئۆم ئىناقلىق ،ئىتتىپاقلىق  بىزگە مىراس،
ئەخلاق مىزان ، ئەجدات روھى دۇردانىلار.

karghay

كۈي ياڭراتسۇن، كۆككە يەتسۇن ،ئاسمان پەلەكلەردە،
دىيارىغا چىن ئىشتىياق باغلاپ يۈرەكلەردە.
ئوغلانلىرى زەپەر قۇچقان ھەر بىرچىلىشلاردا،
نە ئارمان بارئەۋلاتلىرىم يەڭسە كۆرەكلەردە.

بەختىيار(بايقاش

نە ئارمان بار ئەۋلاتلىرىم يەڭسە كۆرەكلەردە،
شادلانمامتى مەخمۇد بۇۋام روھى خۇش بولۇپ.
جاھان ئەھلى نىچۇن قالسىۇن شۇندا ھەيران.
مىليۇن ساندىن چىقسا بىر ياش تۇغ بولۇپ.

karghay

مىليۇن ساندىن چىقسا بىر ياش تۇغ بولۇپ،
يانار ئەۋلاد يۈرەكلىرى چوغ بولۇپ.
ئەجدادىمنىڭ خىسلىتىدىن چەتنىسەڭ،
تومۇرۇڭدا ئاقماس قېنىڭ دۇغ بولۇپ.