زار بولدۇم

xahdiyar46

                     زار بولدۇم
              ئابدۇللا توختى شاھدىيارى

ھايۋان  بولۇپ  تۆرەلمەي    يا   ئادەمدەك   يۈرەلمەي،
ئېچىلىپمۇ  كۈلەلمەي     يۈرگىنىمدىن   زار  بولدۇم.

نىمە   قىلدىم   بىلەلمەي      ھوزۇرىنى   كۆرەلمەي،
بېشىم  قېتىپ  يۈرىمەن   يۈرگىنىمدىن  زار بولدۇم.

بىرنى  بىر دەپ  دىيەلمەي   يا   ئىككىنى كۆرەلمەي،
تېڭىرقاپلا  يۈرىمەن    يۈرگىنىمدىن   زار   بولدۇم.

نىمە دىسەڭ راس دەيمەن  مەن ئاڭلىماس گاس دەيمەن،
بىر نان تاپسام  داپ  چېلىپ   يۈرگىنىمدىن زار بولدۇم.

تورمۇش مۇشۇنداق دەيمەن   نان تاپسام ئۆزەم يەيمەن،
ساڭا  بىر نان بىرەلمەي     يۈرگىنىمدىن  زار  بولدۇم.

كۆزۈمنى  خىرە  دەيمەن     چاقىرساڭ   كىرە  دەيمەن،
ئەينەك تاقاپ  كۆنەلمەي     يۈرگىنىمدىن زار بولدۇم.

گۈلزار

ئېيتىپ كەلسەك بۇ دۇنيادا بىز زار بولىۋاتقان ئىشلارنى ئېيتىپمۇ تۈگەتكىلى بولمايدۇ . شۇ بىز ئەزەلدىنلا ئۆتكەن كۈنىمىزگە ۈكرى قىلىشنى ئۇدۇم قىلغاچقىمۇ ، كۆپىنچە ئىشلارغا قانائەت قىلىپ شۇكرى قىلىپ ئولتۇرۋاتىمىز . رەھمەت سىزگە

دولانلىق

ناھايتىمۇ ئەھمىيەتلىك تىما يوللاپسىز ،رەخمەت سىزگە.

بەختىيار(بايقاش

ئويناق شېئىرى تىللىرىڭىز بىلەن كىشلىك ھاياتتىكى تۇرمۇش كەچمىشلىرىنى ناھايىتى جانلىق ۋە ئوبرازلىق ئىپادىلەپ بېرىپسىز،شېئىرىڭىزدىن سۆيۈندۈم،رەھمەت سىزگە!

زەپەر

ئادەم دىگەن ئادەمدەك ياشىشى كىرەك  رەخمەت سىزگە  ئىجادىي تىمىللىرىڭىز ئۈزۈلمىگەي

دىلرۇس

راست دەيسىز، ئەتىراپىمىزغا قارايدىغان بولساق بىز زار بولىۋاتقان ئىشلار بەك كۆپ، بەك كۆپ... رەھمەت سىزگە.

pari

ئەھمىيەتلىك تېما يوللاپسىز رەھمەت .

ئەلنۇر

  ھەقىقەتەن بىرنى ئىككى دەپ، ھەق-ناھەقنى ئاستىن-ئۈستۈن قىلىۋاتقان،بىر نان تاپسا بىرىنى داپ چېلىپ ئۆتۈۋاتقان تەييارتاپلار ئارىمىزدا يوق ئەمەس.
   ئىللەتنى ئەمەس مىللەتنى ئويلايدىغانلار كۆپەيسە، بۇنداق ئىشلار ئوڭشىلىپ قېلىشى مۈمكىن.

xahdiyar46

قەلبىمنى  چۈشەنگىنىڭىزگە رەھمەت

تورغاي

بايقاشنىڭ شائىرلار قوشۇنىغا يەنە بىر تالانتلىق شائىر قوشۇلۇپتۇ! مەرھابا! «بۇ دۇنيا»،«زار بولدۇم» تېمىسىدىكى شېئىرلىڭىزنى تەپسىلىي ئوقۇدم. ياخشى يېزىلىپتۇ.شېئىرىي گۈزەللىك ، مەنە يۈكسەكلىكىنى قوش گېزەك قىلىپ تەڭ تۇغقان شېئىرلاركەن بۇ. ئاپىرىن!