مۇكاپاتلىق ئەسەر يوللاش پائالىيىتىگە قاتنىشىڭ!!!
ئەسسالامۇ ئەلەيكۈم ھۆرمەتلىك بايقاش مۇنبىرىنىڭ ئىشتىراكچىلىرى بايقاش تورىدىن سىلەرگە روزى ھېتلىق ئوتلۇق سالام !!! سىلەرنىڭ ھەر بىر كۈنىڭلارنى شادلىق ئىچىدە مەنىلىك ئۆتكۈزۈشىڭلارغا تىلەكداشمىز.
روزى ھېيت بىز مۇسۇلمانلارنىڭ ئەڭ كاتتا بايرىمىمىز بولۇش سۈپىتى بىلەن ئۇ ئاجىز-مەجرۇھلار، يىتىم-يېسىرلار، مۇھتاجمەنلەرگە خەيرى-ئېھسان قىلىنىدىغان، ئاتا-ئانا، ئۇرۇق تۇغقانلار بىر-بىرىگە ۋاپادارلىق، غەمخورلۇق قىلىشتەك ئېسىل خىسلەتلىرىنى نامايەن قىلىپ، خەلقىمىزگە ئىناقلىقنىڭ، خۇشاللىقنىڭ، بەخت ۋە ئامەتنىڭ گۈل-چىمەن باغلىرىغا باشلاپ، تورداشلارنىڭ ئايەم كۈنلىرىگە پۈتمەس-تۈگىمەس خۇشاللىق ئاتا قىلغۇسى!... مۇنبىرىمىزدە ئېلىپ بېرىلغان بۇ قېتىملىق پائالىيىتىمىز مۇنبىرىمىزدىكى شائىر-يازغۇچىلار ۋە ھەۋەسكار دوستلارنىڭ ئىجادىيەت قىزغىنلىقىغا ئىلھام ۋە مەدەت بېرىپ، تورداش دوستلارنىڭ مەنىۋى تۇرمۇشىنى بېيىتقۇسى!
مىللىتىمىز ئەزەلدىن روزى ھېيت بىلەن قۇربان ھېيتنى ئۇلۇغلاپ، كاتتا تەبرىكلەپ كەلمەكتە، ھەم بۇ بايرامدا ئادەمنى خوشال قىلىدىغان ساۋاپلىق ئىشلارمۇ ھەسسىلەپ ئەۋىج ئالماقتا. بىزمۇ ئەجداتلارنىڭ ئىزىغا ۋارىسلىق قىلىش ھەم ئەنئەنىۋى بايرىمىز روزى ھېيتنى ئەمىلى ھەركىتىمىز بىلەن قۇتلۇقلاش شۇنداقلا، مۇنبىرىمىزنىڭ تەرەققىياتى ئۈچۈن ھاردىم - تالدىم دىمەي ، ئۆزىنىڭ بىر كىشىلىك تۆھپىسىنى قوشۇپ كېلىۋاتقان مۇنبەرداشلاردىن ھال سوراش ، ئۇلارنىڭ ئۇيغۇر تورچىلىقىنى يۈكسەلدۈرۈپ تېخىمۇ رەڭدار، تېخىمۇ ئۆزگىچە، تېخىمۇ مول-مەزمونلۇق ئەسەرلەرنى روياپقا چىقىرىشىغا رىغبەتلەندۇرۇش ئۈچۈن ، مۇنبىرىمىز كەڭ تور دۇياسىدىكى ئىستىداتلىق ھەم يېتىلۋاتقان قەلەمكەشلەرنىڭ ئۆز قابىليىتىنى نامايەن قىلىىش ۋە يېزىقچىلىق ئىقتىدارىنى ئۆستۈرۈش، شۇ ئارقىلىق مۇنبىرىمىزدە كۆپلىگەن تالانت ئىگىلىرىنى يېتىشتۈرۈپ چىقىش ۋە تېخىمۇ ياخشى ئەسەرلەرنىڭ ۋۈجۈتقا كېلىشىگە سورۇن ھازىرلاش مەقسىتىدە مۇنبىرىمىزدە مۇكاپاتلىق ئەسەر يوللاش پائالىيىتى ئۇيۇشتۇرۇش قارار قىلىندى.
پائالىيەت تېمىسى: بايقاش مۇكاپاتلىق ئەسەر يوللاش پائالىيىتى
پائالىيەت مەخسىتى:مۇنبىرىمىزدىكى شائىر-يازغۇچىلارنىڭ تالانتىنى جارى قىلدۇرۇش.
ئۇيۇشتۇرغان ئورۇن: بايقاش مائارىپ مۇنبىرى.
پائالىيەت ۋاقتى: 2013-يىلى 8-ئاينىڭ 5-كۈنىدىن 8-ئاينىڭ 25-كۈنىگىچە 20 كۈن.
پائالىيەتتىن خۇلاسە چىقىرىش ۋە مۇكاپاتلاش ۋاقتى: 2013-يىلى 9-ئاينىڭ 5-كۈنى.
پائالىيەتكە قاتنىشىش ئوبىكىتلىرى: مۇنبىرىمىزدىكى قاتنىشىشنى خالايدىغان بارلىق تورداشلار.
پائالىيەت ئورنى: بايقاش مۇنبىرى.
باھالىغۇچىلار: مۇنبىرىمىزدىكى باشقۇرغۇچىلار ۋە ئىشەنچىلىك ئەزالار.
قوبۇل قىلىنىدىغان ئەسەرلەر: شېئىر، ھېكايە، نەسىر، ئەدەبىئى ئاخبارات، مەدەنىيەت-تارىخ، تەتقىقات خاراكتېرىدىكى ئەسەرلەر.
پائالىيەتكە قاتناشتۇرۇلغان ئەسەرلەرگە قويۇلدىغان تەلەپلەر:
1.بۇ قېتىمقى «بايقاش مائارىپ تورى مۇكاپاتلىق ئەسەرلەر پائالىيىتى» قاتناشتۇرۇلىدىغان ئەسەرلەر جەزمەن جەھەتتىن ئىجادىي ئەسەر بولۇشى، تاللانغان ژانىرنىڭ ئۆزىگە خاس ئالاھىدىلىكى تولۇق گەۋدىلەندۈرۈلگەن، ھېچقانداق مەتبۇئاتتا ئېلان قىلىنمىغان بولۇشى شۇنداقلا ئىشلىتىش ھوقۇقى بايقاش مائارىپ تورىدا بولۇشى كېرەك. (مەتبۇئاتلاردا ھەم مۇنبەرلەردە ئېلان قىلىنىپ بولغان ئەسەرلەر بىردەك قوبۇل قىلىنمايدۇ.)
2. يوللانغان ئەسەرلەرنىڭ ئىملاسىغا ئالاھىدە دىققەت قىلىشى، تەربىيىۋى ئەھمىيىتى يوقۇرى بولۇشى كېرەك. ( ئىملا خاتالىقى ئېغىر، تېما بىلەن مەزمونى ماس كەلمىگەن، مەزمونى سېرىق بولغان، دۆلەتنىڭ قانۇن-نىزاملىرىغا مۇخالىپ بولغان، چاۋالچاق ھەم مىللى ئۆرۈپ-ئادىتىمىزگە ماس كەلمىگەن ئەسەرلەر بىردەك قوبۇل قىلىنمايدۇ.)
3. پائالىيەتكە قاتناشتۇرۇلغان ئەسەرلەر ژانىرى، ھەجمى ۋە سانى چەكلىمىگە ئۇچرىمايدۇ. شۇنداقلا بۇ تېمىلارغا نىسبەتەن ئۆز كۆز قاراشلىرى ئوتتۇرغا قويۇلغان قايىل قىلارلىق ئىنكاسلار باھالاشتا مۇھىم ئاساس قىلىنىدۇ. ئەمما «مۇكاپاتلىنىشقا تىگىشلىك ئەسەر»، «ياخشى ئەسەر» دىگەندەك مۇئەيەنلەششتۈرۈلگەن قۇرۇق ئىنكاسلار بىردەك ئېتىبارغا ئېلىنمايدۇ.
4.پائالىيەتكە قاتناشتۇرۇلغان ئەسەرلەرگە، ئەسەر ئاپتورى بىردەك «مۇكاپاتلىق پائالىيەتكە قاتناشتۇرۇلغان ئەسەر » دەپ ئەسكەرتىپ قويۇشى كېرەك، ئەسكەرتمىگەنلىرى بۇ قېتىملىق پائالىيەتكە قاتناشتۇرۇلمايدۇ.
5.ئاپتور ئەسەرنى يوللىغان ۋاقتىدا ئۇيغۇرچە ئىسىم-فامىلىسى، تەخەللۈسى ۋە ئالاقىلشىش ئادرىسىنى ئېنىق ئەسكەرتىشى كېرەك. ( قىسقا ئۈچۈر ئارقىلىق مۇنبەر باشلىقلىرىغا يوللاپ بەرسىمۇ بولىدۇ.)
6.قوبۇل قىلىنغان ئەسەرلەر باھالىغۇچىلارنىڭ باھالىشىدىن ئۆتكەندىن كېيىن بايقاش مۇنبىرىدە ئوچۇق ئاشكارا ئېلان قىلىنىدۇ.
مۇكاپاتلىنىدىغان ئەسەرلەرنى تاللاش ئۇسۇلى:
پائالىيەت ئاخىرلاشقۇچە بولغان ئارىلىقتا پائالىيەتكە قاتناشتۇرۇش ئۈچۈن يوللانغان ئەسەرلەرگە يازما ئىنكاس ئارقىلىق باھا بېرىشكە بۇلىدۇ، ئەمما مۇنبەر جۇغلانمىلىرى بىلەن مۇكاپاتلاشقا بولمايدۇ. (پائالىيەت ئاخىرلىشىشتىن بۇرۇن بېرىلگەن مۇنبەر جۇغلانمىلىرى بىردەك بىكار قىلىنىدۇ). 9-ئاينىڭ 5-كۈنى پائالىيەتكە قاتناشتۇرۇلغان ئەسەرلەرنىڭ مۇندەرىجىسى مۇنبەردە ئېلان قىلىنىپ، باشقۇرغۇچى، ئىشەنچىلىك ئەزالار ۋە تورداشلارنىڭ سېلىشتۇرۇپ ئاۋاز بېرىشىگە سۇنۇلىدۇ. تاللاپ ئاۋاز بەرگۈچىلەر سانىنىڭ ئاز-كۆپلىكىگە ئاساسەن 1-، 2- ۋە 3-دەرىجىلىك مۇكاپاتقا ئېرىشىدىغان ئەسەرلەر تاللاپ چىقىلىدۇ. دەرىجىگە ئېرىشەلمىگەن ئەسەرلەرگە رىغبەتلەندۈرۈش مۇكاپاتى بېرىلىدۇ.
مۇكاپاتلاش تۈرلىرى:
مۇكاپاتلىق ئەسەر يوللاش پائالىيىتىگە قاتناشتۇرۇلغان ئەسەرلەر تۈۋەندىكى تۈرلەر بۇيىچە مۇكاپاتلىنىدۇ:
1-دەرىجىلىك مۇكاپات 3، مۇكاپات بۇيۇمى 50 مۇنبەر تىللاسى،
2-دەرىجىلىك مۇكاپات 3، مۇكاپات بۇيۇمى 40 مۇنبەر تىللاسى،
3-دەرىجىلىك مۇكاپات 3، مۇكاپات بۇيۇمى 30 مۇنبەر تىللاسى،
رىغبەتلەندۈرۈش مۇكاپات بۇيۇمى 10 مۇنبەر تىللاسى.
1-، 2- ۋە 3-دەرىجىلەرگە ئېرىشكەن ئەسەرلەر بىردەك جەۋھەرلىنىپ، «بايقاش تور ژورنىلى» دا ئېلان قىلىنىدۇ.
كەڭ تورداشلارنىڭ بۇ پائالىيىتىمىزنى يېقىندىن قوللاپ قىزغىن ئىشتىراك قىلىشىنى، تەڭ باشقۇرۇپ، تەڭ نازارەت قىلىشىنى قىزغىن قارشى ئالىمىز!
ئەسكەرتىش: ئەسەرلەرنى ئايرىش ۋە باھالاشقا قولايلىق بۇلۇش ئۈچۈن مۇكاپاتلىق ئەسەر يوللاش پائالىيىتىگە قاتناشتۇرىلىدىغان ئەسەرلەرنىڭ ئىچىگە(تېما ئىچىدىكى ماۋزۇ ئاستىغا) ‹‹مۇكاپاتلىق ئەسەر يوللاش پائالىيىتىگە قاتناشتۇرۇلىدىغان ئەسەر›› دەپ ئەسكەرتىپ قويۇشۇڭلارنى، ماۋزۇ سىتونىدىكى ماۋزۇنىڭ ئالدىغا (M) بەلگىسى قويۇشىڭلارنى ئۈمۈت قىلىمىز. قوللىغىنىڭلارغا رەھمەت!
بايقاش مائارىپ تورى
2013-يىلى 8-ئاينىڭ 3-كۈنى
| 
[ئۇلانما كۆچۈرۈش]
قىزغىنلىق
تىللا
تۆھپە
شۆھرەت
يوللىغان ۋاقتى 2013-8-4 00:57:01
يوللىغان ۋاقتى 2013-8-4 01:20:31
يوللىغان ۋاقتى 2013-8-4 04:42:15
يوللىغان ۋاقتى 2013-8-4 10:03:22
